Morgunblaðið - 03.02.1996, Blaðsíða 15
MORGUNBLAÐIÐ
LAUGARDAGUR 3. FEBRÚAR 1996 15
ÞEIR Einar S. Einarsson, forstjóri Visa íslands, og Ólafur Ragn-
arsson, forstjóri Vöku-Helgafells hf., undirrituðu samninginn
um Fríðindakort fjölskyldunnar nýverið.
Gull- og farkorthafar fá
aðild að Fríðindaklúbbnum
VISA ísland - Greiðslumiðlun
hf. hefur samið við Fríðinda-
klúbbinn um að allir handhafar
Gull- og Farkorta Visa fái Fríð-
indakort fjölskyldunnar til af-
nota en það veitir afslátt og
önnur fríðindi hjá um 340 versl-
unum og þjónustufyrirtækjum
um allt land.
Fríðindaklúbburinn hefur
verið rekinn á vegum bókaút-
gáfunnar Vöku-Helgafells und-
anfarin ár. Fram kemur í frétt
að Fríðindakortið sé eina af-
sláttarkortið hér á landi sem
allir meðlimir fjölskyldunnar
geti nýtt sér en sé ekki bundið
við ákveðið nafn eins og önnur
slík kort. Dæmi séu um að kort-
hafar eigi kost á allt að 25%
afslætti og sparnaður geti skipt
tugum þúsunda króna á hveiju
ári fyrir hvert heimili.
Korthafar fá sérstaka Fríð-
indabók senda tvisvar á ári með
skrá yfir samstarfsaðila Fríð-
indaklúbbsins og upplýsingum
um fríðindi hjá hverjum og ein-
um. Eru upplýsingarnar
flokkaðar eftir svæðum og
landshlutum annarsvegar og
þjónustugreinum hins vegar.
Samstarf VISA íslands og
Fríðindaklúbbsins verður
kynnt á Ferðakynningu Flug-
leiða í Kringlunni á morgun,
sunnudaginn 4. febrúar.
Gert er ráð fyrir að Fríðinda-
kortið og Fríðindabókin verði
send handhöfum umræddra
VISA-korta í byijun aprílmán-
aðar.
*
Utgerðarfélag Akureyringa hf.
Kaupir 8% hlutí
Skagstrendingi
ÚTGERÐARFÉLAG Akureyringa
hf. keypti í gær um 8% hlutafjár
í Skagstrendingi hf. á Skagaströnd
eða sem nemur um 14,3 milljónum
króna að nafnvirði. Þar með er
ÚA orðið næststærsti hluthafinn í
Skagstrendingi með um 20% hlut
á eftir Hólahreppi sem á 25% bréf-
anna. Þriðji stærsti hluthafinn er
síðan Burðarás hf., fjárfestingar-
fyrirtæki Eimskips, með tæplega
12% hlut.
Samkvæmt upplýsingum Morg-
unblaðsins keypti ÚA bréfin af
verðbréfasjóðum í vörslu Verð-
bréfamarkaðs Islandsbanka. Eru
þetta að hluta til sömu bréfin og
áður voru í eigu Þormóðs ramma
hf. á Siglufirði.
Söluandvirði 71,5 milljónir
Bréfin voru seld á genginu 5,0
sem er langt yfir gengi þeirra í
viðskiptum á síðasta ári. Nam sölu-
andvirðið í þessum viðskiptum því
alls um 71,5 milljónum króna. Eft-
ir aðalfund félagsins í maí á síð-
asta ári urðu viðskipti með bréfin
á genginu 2,15 og hafa þau því
hækkað um 132% á níu mánaða
tímabili.
Miklar hækkanir á
hlutabréfum Marel
Gengi hlutabréfa í Marel hækk-
aði verulega í viðskiptum á Verð-
bréfaþingi íslands í gær. Við lokun
nam söluvirði viðskipta dagsins
rúmlega 9,6 milljónum króna 'og
hafði gengi bréfanna stigið í 7,05,
en það samsvarar um 8,5% hækk-
un frá því á fimmtudag. Hlutabréf-
in hafa stigið jafnt og þétt í verði
að undanförnu og hafa þau nú
hækkað um rúmlega 53% frá því
um miðjan desember, er félagið
kynnti nýjan vélþræl sem það hef-
ur unnið að þróun á í samvinnu
við nokkur evrópsk fyrirtæki.
Samkvæmt heimildum Morgun-
blaðsins er ástæðan fyrir þessum
hækkunum nú fyrst og fremst
getgátur um stóraukinn hagnað
fyrirtækisins á síðasta ári og er
velta fyrirtækisins sögð hafa farið
yfir 1 milljarð króna. Hagnaður
Marels árið 1994 nam tæpum 15
milljónum króna eftir skatta.
Aukinn hagnaður Alusuisse
Ztirich. Morgunblaðið.
HREINAR tekjur svissneska ál-,
efna- og umbúðafyrirtækisins
Alusuisse-Lonza jukust um yfir 80%
á síðasta ári. Búist er við að þær
verði meira en 380 milljónir sviss-
neskra franka, eða um 21 milljarð-
ur íslenskra króna. Hreinn hagnað-
ur fyrirtækisins árið 1995 var 115
milljónir svissneskra franka, eða
um 6,4 milljarðar íslenskra króna.
Hagnaður Alusuisse árið 1994
var 92 milljónir svissneskra franka.
Stjórn fyrirtækisins ákvað á stjórn-
arfundi í gær, föstudag, að leggja
til á aðalfundi fyrirtækisins í lok
mars að arður hluthafanna verði
hækkaður um 25%, úr 12% í 15%,
í ljósi velgengni fyrirtækisins.
VIÐSKIPTI
Lánastarfsemi ört vaxandi hjá Kreditkortum hf.
Hagnaður um 64 milljónir
króna á liðnu ári
KREDITKORT hf., útgefandi
Eurocard greiðslukorta, skilaði alls
um 105 milljóna króna hagnaði
fyrir skatta á síðasta ári, en 64
milljóna hagnaði eftir skatta.
Rekstrartekjur félagsins námu alls
um 409 milljónum og jukust um
18% frá árinu áður. Eurocard tókst
að auka sína markaðshlutdeild á
liðnu ári úr 25,6% í 26%, en hún
hefur farið smátt og smátt vax-
andi frá árinu 1992.
Tryggvi Pálsson, stjórnar-
formaður Kreditkorta, sagði í ræðu
sinni á aðalfundinum að haldið
hefði verið lengra á þeirri braut
að auka lánveitingar „í lok árs
1994 kynnti Eurocard raðgreiðslur
til allt að 36 mánaða. Tókst mark-
aðssetning þeirra vel og hefur mik-
il aukning orðið í notkun rað-
greiðslna. Kaupa nú korthafar dýr-
ari hluti með kortunum svo sem
innréttingar, heimilistæki, bygg-
ingarvörur og jafnvel bíla.“ Þá
sagði Tryggvi að greiðsludreifing
til allt að sex mánaða hefði fallið
í góðan jarðveg og 71% aukning
orðið á liðnu ári í þessari þjónustu.
Sömuleiðis hefðu korthafar tekið
vel þeirri nýjung að hægt sé að
taka út reiðufé í bönkum með kred-
itkortum, en alls tóku þeir út 312
milljónir á árinu.“
I ársreikningi kemur fram að
vaxtatekjur námu alls 96 milljón-
um í fyrra og jukust um 29% frá
árinu á undan. Vaxtagjöld námu
um 43 milljónum króna.
Óeðlilega staðið að
RÁS-þjónustu
Tryggvi lýsti hins vegar yfir
þungum áhyggjum vegna svo-
nefndrar RÁS-þjónustu sem ann-
ast m.a. uppsetningu og viðhald
útstöðva eins og posa, en hún er
í höndum VISA Islands. „Það að
fela samkeppnisaðila okkar,
Greiðslumiðlun hf., að annast
þessa þjónustu er óeðlilegt og er
aðkallandi að gera þjónustuna
sjálfstæða. Sem dæmi má nefna
að yfirmaður RÁS-þjónustunnar
er einnig forstöðumaður markaðs-
þjónustu VISA. Þessi aðstaða ger-
ir okkur erfitt fyrir með allar
tæknilegar nýjungar þar sem aðal-
keppninauturinn heldur um stjórn-
völinn og getur þróað og komið
með nýjungar tengdar RAS-þjón-
ustunni án vitneskju Kreditkorts,
banka eða sparisjóða sem einnig
eru notendur RÁS-þjónustunnar.“
Nefndi hann sem dæmi svonefnd
myntkort sem framkvæmdastjóri
VISA hefur boðað að verði innleidd
á þessu ári. „Hvorki eigendurnir
sem eru bankar og sparisjóðir, né
Kreditkort, fá upplýsingar um
hvað er í bígerð.“
Heildarvelta með Eurocard
greiðslukort var alls 15,6 milljarð-
ar á árinu 1995 og jókst um 12,4%
á árinu. Korthöfum fjölgaði um
5,3% og voru 35 þúsund talsins í
árslok. Mikil kortanotkun var er-
lendis og jókst hún t.d. um 21% í
október og nóvember. Ennfremur
jókst notkun erlendra ferðamanna
hérlendis um 29% á árinu.
Samþykkt var að greiða 10%
arð. í stjórn voru kjörnir þeir
Tryggvi Pálsson, formaður, Björg-
vin Vilmundarson, Jón Adolf Guð-
jónsson, Hallgrímur Jónsson og
Ragnar Önundarson.
Opel kallar inn
Frontera bíla
Gull á hæsta
verðiísexár
London. Reuter.
VERÐ á gulli hefur ekki verið
hærra í sex ár og fjárfestar hug-
leiða þann möguleika að verðið
haldi áfram að hækka. „Meiriháttar
hækkanir á verði gulls kunna að
vera í uppsiglingu," sagði sérfræð-
ingur.
Gull var skráð á 416,25 dollara
únsan, hæsta verði síðan 22. febr-
úar 1990, en það ár komst verðið
hæst í 424,50 dollara.
Við lokun hafði verðið lækkað í
415,15 dollara, en var þó 5 dollurum
hærra en á fimmtudag.
„Verðið getur farið í 425 dollara,"
sagði sérfræðingur, „og þá getur
allt gerzt.“
Þegar gullverðið hækkaði í
409,10 dollara á fimmtudag var það
orðið hærra en eftir innrásina i
Kúveit í ágúst 1990 þegar mikið
uppnám varð í kauphöllum.
Gullverð yar á bilinu 370-390
dollarar mestállt ár í fyrra, en hef-
ur hækkað frá áramótum. Sérfræð-
ingar segja ástæðuna óvissu á
mörkuðum um stöðu dollars, marks
og jens.
Russelsheim. Reuter.
ÞÝZKI bílaframleiðandinn Adam
Opel AG og brezka systurfyrirtækið
Vauxhall hafa ákveðið að kalla inn
48.220 Frontera fjórdrifa bíla vegna
hugsanlegra tæknigalla.
Um er að ræða bíla framleidda
fyrir febrúar 1995, þar á meðal
32.000 selda i Bretlandi. Sameignar-
fyrirtæki Isuzu í Japan og Bedford
deildar Vauxhall í Luton norður af
London framleiðir alla Frontera bíla.
Opel segir að enginn eigandi gall-
aðra Frontera bíla þurfi að bera
kostnað af viðgerðum. Sagt er að
ekkert slys hafí hlotizt af göllunum
og umræddir bílar séu innkallaðir i
varúðarskyni.
Sértilboð til Kanarí
21. febrúar
kr. 69.960
Við höfum nú fengið viðbótargistingu á Kanaríeyjum
þann 21. febrúar, þar sem þú getur notið sólarinnar í
yndislegu veðri á þessum árstíma. Góðar íbúðir á ensku
ströndinni, Tinache, allar með einu svefnherbergi, baði,
stofu, eldhúsi og svölum. Móttaka og garður.
Bókaðu strax, síðustu sætin.
á ensk«
stv6»<U»»'
Verð kr.
69.960
m.v. 3 í íbúð, Tinache, 21. febrúar.
Venezuela
21. febrúar- 3 vikur
6 viðbótarsæti
Verð kr. 99.700
m.v. 2 i herbergi.
íslenskur fararstjóri
74.960
Verð kr.
m.v. 2 í íbúð, Tinache, 21. febrúar.
Innifalið í verði: Flug, gisling, ferðir til og frá flugvelli
erlendis, íslensk fararstjóm, skattar.
Austurstræti 17,2. hæð. Sími 562 4600.