Morgunblaðið - 03.02.1996, Blaðsíða 44
44 LAUGARDAGUR 3. FEBRÚAR 1996
MORGUNBLAÐIÐ
Dýraglens
TOM&JERRY By Hanna-Baibera
Ferdinand
Ritgerðin mín? Já, kenn- Afsakaðu, kennari... Þegar maður eldist fara
ari... ég er tilbúin... ég er ekki eins fljót og hnén að láta undan...
ég var vön að vera.
BREF
TLL BLAÐSINS
Kringlan 1103 Reykjavík • Sími 5691100 • Símbréf 5691329
• Netfang:lauga@mbl.is
Hægl að spara 347 millj-
ónir í leikskólarekstri
hjá Reykjavíkurborg
Frá Sigurjóni Haraldssyni:
MEÐ því að bjóða út rekstur leik-
skóla Reykjavíkurborgar eða taka
upp samningsstjórnun væri hægt
að spara 347 milljónir króna á ári.
Samkvæmt árbók sveitarfélaga fyr-
ir rekstrarárið 1994 er heildar
rekstrarkostnaður vegna hvers
heilsdagspláss hjá Reykjavíkurborg
að meðaltali 252 þúsund krónur
sem er 17.000 krónur hærra en
landsmeðaltal. Af 60 leikskólum
Reykjavíkurborgar eru 32 illa rekn-
ir miðað við landsmeðaltal.
Hver er ástæða slæms rekstrar
Stærsti útgjaldaliður leikskóla
eru laun og getur hann numið 60
til 70% af heildarkostnaði. Því er
mikil nauðsyn að ná sem bestri
nýtingu á hvern starfsmann. Sam-
kvæmt sveitarsjóðareikningum
1994 er nýting starfsmanna á leik-
skólum Reykjavíkurborgar að með-
altali 4 böm á starfsmann en 4,3
böm að meðaltali hjá sveitarfélög-
um yfir allt landið. Þetta getur ver-
ið hluti af skýringunni á slæmum
rekstri hjá Reykjavíkurborg. Til
hliðsjónar má benda á leikskólann
Garðavelli í Hafnarfirði þar sem
fjöldi heilsdagsplássa er 125 og
nýting starfsmanna er 6,2 börn,
sem er mjög góð útkoma miðað við
stærð leikskólans.
Hvernig er hægt að ná fram
42,5% sparnaði
Með því að bjóða út rekstur þeirra
leikskóla sem Reykjavíkurborg
greiðir með meira en 144 þúsund
á ári og greiða með þeim 12.000
króna fast gjald fyrir hvert heils-
dagspláss á mánuði (eins og
Reykjavíkurborgar gerir í dag með
einkareknum leikskólum), væri
hægt að spara sem nemur 347 millj-
ónum á ári sem er 42,5% af því fé
sem Reykjavíkurborg greiddi með
leikskólum borgarinnar árið 1994,
en það voru rúmlega 1.257 milljón-
ir króna. Einnig væri hægt að ná
þessum sparnaði með samnings-
stjómun og gera hvern leikskóla
ábyrgan fýrir rekstri með 12.000
króna framlagi auk framlags for-
eldra. Þetta gefur leikskólum aukið
sjálfræði varðandi nýtingu fjár-
muna, rýmra svigrúm leikskóla-
stjóra til ákvarðana og eykur mögu-
leika á betri starfsárangri.
Hvað vinnst með þessum
sparnaði?
Með þessum sparnaði og óbreyttu
framlagi Reykjavíkurborgar væri
hægt að lækka leikskólagjöld til
foreldra sem næmi 9.800 krónum
á hvert heilsdagspláss á mánuði eða
lækka útsvarsprósentuna úr 8,40%
í 8,04% (sbr. 1994).
Með þvi að nota þá fjármuni sem
sparast í uppbyggingu nýrra leik-
skóla væri hægt að skapa 85 ný
störf á ári og 550 heilsdagspláss.
Þó svo að helmingur leikskóla
Reykjavíkurborgar sé þokkalega vel
rekinn miðað við landsmeðaltal má
alltaf gera betur. Með ákveðnum
aðgerðum og nýjum hugmyndum
má spara ótrúlega fjármuni án þess
að skerða þjónustu eða lækka laun
þeirra sem vinna við þessa þjónustu.
SIGURJÓN HARALDSSON
framkvæmdastjóri Leikráðs ehf.,
Móasíðu 1, Akureyri.
Starfsmannafélag
Reykjavíkurborgar
Frá Bimi Finnssyni:
Hátt ég tróni og heyri ei neitt,
heiti Sjöfn og er í vanda.
Ómaklega að mér sneitt.
Er eitthvað til í þessum fjanda?
Það er einkar fróðlegt að heyra
Sjöfn Ingólfsdóttur segja frá því í
fjölmiðlum að hún hafi ekki heyrt
um neina óánægju í Starfsmannafé-
lagi Reykjavíkurborgar. Ef ekki er
hlustað eða heyrnarvegir á einhvem
hátt tepptir eða lokaðir fær maður
ekki heyrt. Svo virðist vera með
Sjöfn. Næsta fáir félagsmenn era í
tengslum við hana og hlýtur sá hóp-
ur, sem það er, að vera jafn einangr-
aður og formaðurinn. Þetta sést
best á niðurstöðu uppstillingar-
nefndar og kemur fáum er til þekkja
á óvart. Kjör félagsmanna era líka
mikill vitnisburður um starf for-
manns. Samið hefur verið um 33
launaflokka, hvem í 8 þrepum, sem
era 264 möguleikar. Lægst era laun-
in 48.561 kr. en hæst 137.512 kr.
Stærsti hluti félagsmanna hefur
laun á bilinu 56-70.000 kr. og á
ansi langt í að ná meðaltalslaunum,
sem mest tíðkast að ræða. Það má
vera að formaður S.T.R.V. sé stolt
af þessu. Varla getum við launþeg-
ar verið það. Fundir eru ekki haldn-
ir nema í algjörum undantekninga-
tilvikum utan aðalfunda og jóla-
glöggs með ljóða- og söguupplestri.
Oll kjara- og réttindaumræða fer
fram þar sem hinn almenni félags-
maður veit ekki af henni, í skúma-
skotum undir styrkri stjóm for-
manns. Það er allavega langt síðan
Sjöfn hefur sést á fundi á Sjúkra-
húsi Reykjavíkur (áður Borgarspít-
ala). Verkalýðsfélag verður að hafa
styrka og meðvitaða forystu, sem
skilur fólkið sem vinnur verkin og
þarf að lifa af laununum.
BJÖRN FINNSSON,
birgðavörður á Sjúkrahúsi
Reykjavíkur.
Allt efni sem birtist ( Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.