Morgunblaðið - 13.02.1996, Blaðsíða 19

MORGUNBLAÐIÐ
Mikilvæg-
ar kosning-
ar í Iowa
REPÚBLIKANAR í Iowa
efndu til kjörfunda víða um
ríkið í gærkvöld til að velja sér
frambjóðanda gegn Bill Clint-
on forseta í forsetakosningun-
um í haust. Eru frambjóðend-
urnir níu en samkvæmt skoð-
anakönnunum naut Bob Dole
mests fylgis eða 28%. Líklegt
þótti, að Steve Forbes og Pat
Buchanan skipuðu næstu sæti
en margir telja, að aðeins þrír
efstu mennimir í Iowa geti
gert sér einhveijar vonir um
framhaldið.
Iranir segja
Rushdie
óhultan
HÁTTSETTUR, íranskur
embættismaður lýsti því yfir
í viðtali við The Sunday Tele-
graph, að Rushdie-málinu
væri lokið af hálfu írans-
stjórnar og gæti hann treyst
því, að hún sendi engan til
höfuðs honum. Sjö ár eru síð-
an íranska stjórnin tilkynnti,
að Rushdie væri dauðasekur
vegna guðlasts og níðs um
spámanninn og því réttdræpur
hvar sem væri. Breska stjórn-
in telur þessa yfirlýsingu emb-
ættismannsins hvergi nægj-
anlega og krefst þess, að Ir-
ansstjórn sjálf taki af skarið.
Aftökur í
Kína
SEXTÁN manns voru teknir
af lífi í borginni Shenzhen í
Suður-Kína í gær og þar af
einn, sem gerst hafði sekur
um skattsvik. Hinir höfðu ver-
ið dæmdir til dauða fyrir morð,
nauðgun, rán, vopnasölu og
fleira. í Kína eru aftökur jafn-
an margar rétt áður en nýtt
tunglár gengur í garð en það
er 19. febrúar að þessu sinni.
Með hand-
sprengju 1
veislu
TVÖ ungmenni létu lífið og
þijú slösuðust mikið þegar
handsprengja sprakk í íbúð í
Kvinesdal á sunnudag. Þau,
sem létust, voru Vibeke Bauge
Lund, 16 ára gömul, og Erik
Egeland, 17 ára gamall. Voru
þau að skemmta sér í íbúð-
inni, sem er í kjallara, en
sprengingin var svo öflug, að
sprengjubrotin komu upp um
gólfið í íbúðinni fyrir ofan.
Osprungin sprengja fannst í
íbúðinni og er lögreglan að
kanna hvernig unga fólkið
komst yfir sprengjurnar.
Sögur frá síð-
ustu öld
ELSTA manneskja í heimi,
franska konan Jeanne Cal-
ment, er að gefa út geisladisk
með sögubrotum af sjálfri sér.
Heitir hann „Glíman við Elli
kerlingu“ og kemur út 21.
febrúar þegar hún verður 121
árs. Ágóði af útgáfunni fer til
að kaupa langferðabifreið til
að sambýlisfólk Calment á elli-
heimilinu geti fengið að njóta
náttúrufegurðarinnar í Pro-
vence.
ÞRIÐJUDAGUR 13. FEBRÚAR 1996 19
ERLENT
Staðan jöfn í einvígi Kasparovs og ofurtölvunnar „Deep Blue“
Reuter
KASPAROV i þungum þönkum í annarri skákinni á sunnudag.
Fyrir hönd tölvunnar lék tölvufræðingurinn Feng-Hsiung Hsu
en hann er jafnframt helsti höfundur „Deep Blue“.
Ekki hægt
að taka
tölvuna á
taugum
ÞAÐ voru frumleikinn og sköp-
unargleðin, sem báru sigur úr
býtum á sunnudag þegar Garríj
Kasparov vann aðra skákina
við IBM-ofurtölvuna „Deep
Blue“. Standa nú leikar jafnir
í einvíginu, sem fer fram í
Fíladelfíu í Bandaríkjunum, því
að tölvan vann þá fyrstu en
alls verða skákirnar sex. Er um
eiginlega keppni að ræða og
verðlaunféð er 33 milljónir
ísl. kr.
Kasparov var greinilega
brugðið eftir að hafa tapað
fyrir þeirri „Dimmbláu“ á laug-
ardag en það var jafnframt í
fyrsta sinn, sem heimsmeistari
tapar fyrir tölvu í raunveru-
legri keppni. Á sunnudag stýrði
hann hvítu mönnunum og sigr-
aði 173 leikjum eftir langt
endatafl.
„Maður verður að taka á öllu
sínu til að sigra þessa vél,“
sagði Kasparov en fyrir keppn-
ina kvaðst hann vera merkis-
beri mannanna í orrustunni við
tölvurnar. „Þetta verður erfitt,
tölvunni verða ekki á nein mi-
stök.“
í skákinni á sunnudag tók
Kasparov frumkvæðið í sínar
hendur með katalónskri byrjun
og í miðtaflinu og endataflinu
réð hann ganginum með
drottningu og biskup. „Kasp-
arov vildi sjá hvernig tölvan
hagaði sér í sókn og vörn og
hefur nú fengið að kynnast
því,“ sagði bandaríski stór-
meistarinn Yasser Seirawan.
„Hann er búinn að afla sér
mikilvægrar vitneskju um and-
stæðinginn."
50 milljarðar leikja á þremur
mínútum
Keppendurnir, Kasparov og
tölvan, verða að leika fyrstu 40
leikina á tveimur tímum en töl-
van getur reiknað út 50 millj-
arða leikja á þremur mínútum.
Hún fer yfir alla hugsanlega
leiki og gefur þeim ákveðið
tölugildi með tilliti til aragrúa
stöðumynda, sem hún hefur
verið mötuð á.
Kasparov segir, að til að sigra
tölvuna verði að forðast stöður
þar sem styrkleiki hennar njóti
sín best og reyna ekki leikflétt-
ur, sem byggist á sálfræðilegum
þáttum.
„Ég get nefnt dæmi,“ segir
hann. „Þegar menn eigast við
og annar þjarmar að kóngi hins,
sækir til dæmis að honum úr
tveimur áttum, þá fylgir
leikjunum sálfræðilegt álag.
Það gerist aldrei með tölvuna.
Hún lítur bara sínum köldu
sjónum á stöðuna og bregst við
með þeirri skynsemi, sem henni
hefur verið gefin.“
Fylgst með á alnetinu
Keppnin fer fram í mikilli
ráðstefnumiðstöð í Fíladelfíu og
þar situr Kasparov á palli gegnt
tölvufræðingi, sem'tekur við
boðum tölvunnar á skjá og leik-
ur fyrir hana. Sjálf er hún í
Yorktown Heights í New York
en boðin frá henni fara um al-
netið. Talsmenn IBM telja, að
milljónir manna um allan heim
fylgist með skákunum á alnet-
inu en netfangið er
http://www.chess.ibm.park.org.
Það eru bandarísku tölvunar-
samtökin, 50 ára gamalt félag
tölvusérfræðinga, sem standa
fyrir keppninni og er verð-
launaféð 33 millj. kr. eins og
fyrr segir og þar af mun sigur-
vegarinn fá rúmlega 26 millj.
kr. í sinn hlut.
(Heimildir: Reuter, New York Times)
NYZm
fiHX
ÁNFO
Enn ein nýjung í
sjálfvirkum ofnhitastillum.
smir/
Allar aögeröir
eru fljótvirkari,
tenging nemans
við lokann
er enn traustari
og nýting á
heita vatninu
nákvæmari.
Einnig er hægt
aö læsa
nemanum á
einfaldan hátt.
NYR FULLKOMNARI
OFNHITASTILLIR
Á ÓBREYTTU VERÐI.

HIISASMIÐJAN
Skútuvogi 16, Reykjavík
Helluhrauni 16, Hafnarfirði
INNROMMUN
13.-20.
FEBRÚAR