Morgunblaðið - 13.02.1996, Blaðsíða 40

40 ÞRIÐJUDAGUR 13. FEBRÚAR 1996
MORGUNBLAÐIÐ
Dýraglens
BREF
TIL BLAÐSINS
Kringlan 1 103 Reykjavík • Sími 5691100 • Símbréf 569 1329
• Netfang:lauga@mbl.is
Tillaga
til alþingismanna
Tommi og Jenni
Ég hata það að spila krokket í rigningu. Og hvaða litur er á boltan-
um mínum, og hvenær á ég að gera, og hverjum er ekki sama?!
Frá Margréti Sölvadóttur:
NOKKUÐ hefur borið á því upp á
síðkastið að íslenskar konur hafi
kært nauðgun um borð í skipum
sem legið hafa í höfn.
Það sem er eftirtektarvert við
þessi mál er þó það, að Ríkissjóður
hefur á endanum borið kostnað
af málaferlum og jafnveþ skaða-
bótakröfum sakborninga. Ég vona
að ég særi engan þó ég minnist á
þessi mál og ekki er ég á neinn
hátt að dæma þær ólánssömu kon-
ur sem fyrir þessu hafa orðið,
heldur eiga þær alla samúð mína.
En mig langar að vekja til um-
hugsunar tillögu um forvarnir
gegn því að meiri peningar fari
út úr ríkissjóði af þessum sökum
og get ég hugsað mér að þeir
gangi heldur til t.d. heilbrigðis-
mála.
Síðasta málið sem upp kom er
orðið að undarlegum reyfara þar
sem smokkur er í aðalhlutverki á
sífelldum ferðalögum á milli
landa. Nokkuð fannst manni und-
arleg sú tillitsemi árásarmanns
að hafa hugsun á notkun slíks
forvarnartækis en engum er alls
varnað. Almenningur dæmir hart
þær veslings konur sem verða
fyrir slíku óláni, en fólk ætti að
milda dóma sína. Ég er viss um
að þær dæma sjálfa sig enn harð-
ar. Ég er sannfærð um að Bakkus
eða aðrir vímukóngar ráða slíkum
hugdettum hjá konum sem ganga
í gin ljónsins og vissuleg er það
satt og rétt að nei þýðir nei hvar
og hvenær sem er og enginn hef-
ur rétt á að beita annan mann
ofbeldi og koma þannig fram vilja
sínum. Svo sannarlega skal slík-
um mönnum refsað, en þá erum
við komin að kjarna málsins. Það
hefur ekki tekist sem skyldi að
sanna sekt þeirra og þar með sit-
ur ríkið eftir með útgjöld — pen-
inga sem betur væru komnir til
þess að halda einni deild opinni,
ef til vill í nokkra mánuði, á hinum
stóru sjúkrahúsum landsins eða
til annarra mála í okkar fjársvelta
heilbrigðiskerfi.
Ég er ekki með þessum orðum
að segja að konurnar ættu ekki
að kæra nauðgun þó illa hafi
gengið með sannanir í síðustu
inálum, heldur vil ég að sett verði
ný lög sem gera útgerðir skipanna
eða eigendur þeirra skaðabóta-
skyld ef manneskja óviðkomandi
skipinu verður fyrir líkamlegu eða
andlegu ofbeldi í skipinu meðan
það er í höfn. Verði slíkar reglur
settar og gerðar að lögum held
ég að skipaútgerðin setji betri og
skipulagðari vaktir um borð og
þar með verði því betur framfylgt
að utanaðkomandi fólki sé vísað
frá og ekki hleypt um borð í skip-
in er þau Iiggja í höfn. Auðvitað
er ekki þar með komið í veg fyrir
að konum verði nauðgað, því mið-
ur, en það gerist þá a.m.k. ekki
í skipum og kannski ekki eins oft.
Ég vona að þessi tillaga mín
nái augum einhvers alþingis-
manns, sem virkilegan áhuga hef-
ur á því að fara betur með pen-
inga í ríkissjóði og ekki veitir af,
þar munar um hveija milljónina,
það sýnir sig best þegar aðeins 5
milljónir nægja til að halda barna-
geðdeild Landspítalans opinni í
sumar. Ég skora á alþingismenn
að hugsa um hveija krónu sem
fer úr ríkissjóði og finna aðrar
leiðir til þess að spara, en alltaf
að ráðast á heilbrigðiskerfið og
að veiku fólki og öldruðu. Íslend-
ingar vilja eiga gott heilbrigði-
skerfi og vera 'stoltir af því. Á
Alþingi eru menn ekki að fram-
fylgja vilja þjóðarinnar með að-
gerðum sínum, mér sýnist þar
saman komnir ófijóir hugar
manna sem sjá ekki lengur skóg-
inn fyrir tijám.
MARGRÉT SÖLVADÓTTIR,
rithöfundur.
Jón Stefánsson
ekki í verkfalli
Svar til Sigrúnar Einarsdóttur
Frá Guðmundi E. Pálssyni:
UNDIRRITAÐUR vill taka fram
ettirfarandi:
Jón Stefánsson hefur hvorki
gengið úr vinnu né er í verkfalli.
Hann fékk leyfi frá störfum frá 24.
desember til 15. janúar. Síðan þá
hefur hann sinnt öllum sínum störf-
um í þágu kirkjunnar. Sóknarprest-
urinn hefur neitað að notfæra sér
þjónustu hans í helgihaldinu og far-
ið fram á að hann verði rekinn.
Sóknamefnd varð ekki við þeirri
kröfu og greiðir ekki fyrir annan
organista í messum þar sem Jón
er ráðinn til þess og tilbúinn að spila.
F.h. sóknamefndar Langholts-
kirkju,
GUÐMUNDUR E. PÁLSSON,
formaður.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.