Morgunblaðið - 12.03.1996, Blaðsíða 1

Morgunblaðið - 12.03.1996, Blaðsíða 1
88 SIÐUR B/C ®rMtil>Mi§> STOFNAÐ 1913 60. TBL. 84. ARG. ÞRIÐJUDAGUR 12. MARZ 1996 PRENTSMIÐJA MORGUNBLAÐSINS Skotárás á Kastrup Einn ákærður vegna árásar Kaupmannahöfn. Morgunblaðið. DANSKA lögreglan sagði í gær að gefín hefði verið út ákæra á hendur manni í tengslum við skotárás á Kastrup-flugvelli á sunnudag Skotið var á fjóra meðlimi mótor- hjólaklúbb'sins Bandidos, sem voru að koma frá veislu klúbbbræðra í Hels- inki. Einn lést strax af sárum, einn er enn í lífshættu en tveir særðust lítillega. Hinir slösuðu voru keyrðir í sjúkrabílum í fylgd lögreglubíla á sjúkrahús þar sem óttast var að hugs- anlega yrði skotið á bílana. Talið er að árásarmennirnir, sem voru tveir, tilheyri öðru mótorhjólagengi, Hells Angels, Vítisenglunum. Á blaðamannafundi í gær sagði Knud Jensen lögregluforingi að einn maður hefði verið ákærður vegna brots á vopnalögum. Af þeim fjöru- tíu sem hafa verið teknir fastir vegna málsins er hann sá eini sem var með vopn. Lögregluforinginn sagði að lögreglan hefði vel vitað af umferð klúbbfélaga um flugvöllinn en ekki væri við lögregluna að sakast. í viðtali við danska útvarpið sagði Björn Westh dómsmálaráðherra að ekki væri hægt að takmarka starf- semi klúbbanna með löggjöf. ¦ Uppgjör milli/20 ROH Tae-Woo og Chun Doo-Hwan mæta til réttarhaldanna klæddir fangabúningum og í fylgd lögreglu. Reuter. Forsetar fyrirrétt Snoul. Reuter. TVEIR fyrrverandi forsetar Suður- Kóreu voru leiddir fyrir dómstól í Seoul í gær en þeir hafa meðal annars verið kærðir fyrir valdarán og fjármálamisferli. Chun Doo-Hwan er sakaður um að hafa staðið á bak við valdarán- ið árið 1979. Roh Tae-Woo er sak- aður um að hafa aðstoðað Chun við valdaránið. Þeir Chun og Roh fóru síðan með völd í Suður-Kóreu frá 1980- 1993. Báðir eru þeir að auki sakaðir um að bera ábyrgð á fjöldamorði hersins á mótmælendum í bænum Kwangju árið 1980. Þessu til við- bótar hafa þeir verið kærðir fyrir að þiggja mútur og að hafa auðg- ast óheyrilega á meðan þeir gegndu embætti forseta. Verði þeir Chun og Roh sakfelld- ir eiga þeir dauðadóm yfír höfði sér. Bandarískt fjármagn til Bosníuhers Brussel. Reuter. BANDARÍKJAMENN hyggjast veita Bosníuher 100 milljónir Banda- ríkjadollara (um 6,6 milljarða króna) til kaupa á hergögnum og til þjálfun- ar múslimskra og króatískra her- manna, að sögn James Pardews, séríegs fulltrúa Bandaríkjamanna um að koma á hernaðarjafnvægi á Balkanskaga. „Við viljum fækka vopnum í Bos- níu," sagði Pardew við blaðamenn í Brussel í gær en bætti við að önnur leið til að auka öryggi væri að bæta her Bosníustjórnar. Ýmis Evrópuríki hafa látið í ljósi áhyggjur vegna þessarar fyrirætl- anar Bandaríkjamanna. Pardew sagði að þetta myndi hins vegar ekki gera að engu tilraunir til að fá deiluaðilja í Bosníu til að afvopnast. Fjárframlag Bandaríkjamanna gæti í raun stuðlað að afvopnun. ¦ Gæsluliðinu/19 ? ? ? Harma . tilræði Gaza, Teheran. Reuter. AKBAR Hashemi Rafsanjani, forseti írans, harmaði í gær sprengjutilræði Hamas-samtakanna í ísrael. Hann fordæmdi hins vegar.ekki vopnaðar sveitir samtakanna sem staðið hafa fyrir tilræðunum. írönum hefur ekki verið boðið að taka þátt í ráðstefnu um frið í Mið- austurlöndum og baráttu gegn hryðjuverkum sem haldin verður í Egyptalandi á morgun. Palestínska lögreglan á Gaza- svæðinu handtók á sunnudag hátt- settan Hamas-leiðtoga, Sayed Abu Musameh. Þrír leiðtogar vopnaðra sveita samtakanna voru handsam- aðir um helgina í herferð stjórnar Yassers Arafats gegn samtökunum. ¦ Deiltumfriðarráðstefnu/21 Sungið við dómshúsið RÉTTARHÖLD í máli Magnus Malan, fyrrum varnarmálaráð- herra, nokkurra háttsettra yfir- manna í öryggissveitum lands- ins, sex svartra lðgreglumanna og eins leiðtoga Inkatha-hreyf- ingar Zulumanna hófust í Dur- ban í gær. Þeir eru sakaðir um að hafa beitt dauðasveitum gegn svörtum andstæðingum aðskiln- aðarstefnunnar og segir Tim McNally saksóknari þá bera ábyrgð á morðum á þrettán mönnum sem framin voru er árás var gerð á heimili stuðn- ingsmanna Afríska þjóðarráðs- ins árið 1987. Malan og félagar neituðu öllum sakargiftum i gær. Um hundrað stuðnings- menn Inkatha komu saman fyrir utan dómshúsið í Durban og sungu hástöfum er réttarhöldin hófust. Varð lögregla að lokum að beita vatnssprautum á hópinn þar sem söngurinn truflaði rétt- arhöldin. Tvær bandarískar flotadeildir til Tævans vegna ögrana Kínverja Tævanstjórn segist vilja frið en vera við öllu búin Taipei, Peking, Jacksonville. Reuter. STJÓRNVÖLD á Tævan fögnuðu í gær þeirri ákvörðun Bandaríkjastjórnar að senda flotadeildir til eyjarinnar og lýstu því jafnframt yfir, að þau vildu forðast hernaðarátök við Kínverja en væru viðbúin því versta. Stjórnin í Peking hefur gefið í skyn, að draga megi úr spennunni gefí Tævan- stjórn upp á bátinn alla drauma um sjálfstæði eins og hún orðaði það. Bob Dole, líklegur forsetafram- þjóðandi bandarískra repúblikana, sagði í fyrra- dag, að reyndu Kínverjar að ráðast á Tævana ætti að einangra þá á alþjóðavettvangi. Bandaríkjastjórn hefur skipað tveimur flota- deildum, flugmóðurskipinu Independent og her- skipum, sem fylgja því, og flugmóðurskipinu Nim- itz ásamt fimm eða sex fylgdarskipum, að sigla til Tævans og er búist við, að síðarnefnda flota- deildin verði komin þangað eftir um viku. Jason Hu, talsmaður tævönsku stjórnarinnar, sagði í gær, að hún fagnaði komu bandarísku herskipanna og vonaði, að kínverskir kommúnistar hættu við fyrirhugaðar heræfingar. Þess sáust þó engin merki og tævanski herinn hefur þegar orðið var við herflutninga í Kína vegna fyrirhugaðra eldflaugaæfinga á Tævansundi. „Til hjálpar ef nauðsyn krefur" Warren Christopher, utanríkisráðherra Banda- ríkjanna, sagði í gær, að Bandaríkjastjórn vonaði, að flotadeildirnar gætu „komið til hjálpar ef nauð- syn krefur" en vildi ekki svara því beint hvort skorist yrði í leikinn ef Kínverjar réðust á Tævan. Lee Teng-hui, forseti Tævans, hvatti landa sína til þess í gær að halda ró sinni en fyrstu beinu forsetakosningarnar verða á Tævan 23. þ.m. og er Lee líklegur til að ná kjöri. Kínverjar vonast hins vegar til að geta hrætt kjósendur frá stuðn- ingi við hann og hafa hótað innrás reyni Tævan- stjórn að lýsa yfir sjálfstæði eyjarinnar. Lee stefnir þó ekki að því, heldur aðeins að styrkja stöðu Tævans á alþjóðavettvangi í samræmi við efnahagslegt mikilvægi landsins. Kröfu Kínverja vísað á bug Pekingstjórnin gaf - í skyn í gær, að draga mætti úr spennunni ef Tævanstjórn hætti við fyrirætlanir um að sækja um aðild að Sameinuðu þjóðunum, og ítrekaði fyrra markmið um samein- ingu Tævans og Kína. Talsmaður tævanska utan- ríkisráðuneytisins sagði hins vegar, að ef gefist yrði upp fyrir kínverskum kommúnistum á þessu sviði, myndu þeir bara herða á kröfunum.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.