Morgunblaðið - 12.03.1996, Blaðsíða 20

20 ÞRIÐJUDAGUR 12. MARZ 1996
MORGUNBLAÐIÐ
'
ERLENT
_ A
Skotárás Vítisengla á Kastrup í Kaupmannahöfn o g á Fornebu í Osló
Uppgjör milli
stríðandi
glæpafylkinga
Grunur um skipulagða fyrirsát
Reuter
LÖGREGLA breiðir yfir lík félaga í Bandidos sem féll í
skotárás á Kastrup-flugvelli á sunnudag.
Kaupmannahöfn. Morgunblaðið.
FÉLAGAR í mótórhjólaklúbbnum
Bandidos efndu til samkomu í
Helsinki í Finnlandi um helgina
til að halda upp á að félagsskapur
þeirra í Finnlandi hafði verið
viðurkenndur sem fullgildur aðili
að alþjóðasamtökum Bandidos og
vígslu nýs húsnæðis klúbbsins. A
sama tíma voru Vítisenglarnir
með húðflúrssýningu í borginni
en þeir eru húflúraðir í bak og
fyrir. Einhveijar róstur urðu í
borginni en að sögn danskra blaða
var finnska lögreglan með mikinn
viðbúnað. Einnig er sagt að and-
rúmsloftið í flugvélunum, þar sem
meðlimir beggja klúbba voru, hafi
verið heldur óþægilegt.
Það var hins vegar enginn við-
búnaður á Kastrup, þegar með-
limir klúbbanna tóku að streyma
þangað á sunnudag heim frá
Helsinki. Margir áttu leið þar um,
bæði danskir meðlimir og sænskir
frá Skáni, þar sem mikið er af
þessu liði. En þó lögreglan hafi
ekki verið í viðbragðsstöðu, voru
klúbbmeðlimimir það, því flestir
þeirra bám skotheld vesti. Ekki
fundust vopn á þeim við brottför-
ina frá Helsinki.
Á bílastæðinu fyrir utan biðu
þrír bílar með fjórum klúbbmeð-
limum. í stað þess að bíða þess
að foringjarnir kæmu út, komu
þrír bílar keyrapdi að kl. 16.30,
út úr þeim stigu vopnaðir menn
og skutu umsvifalaust á þá fjóra,
sem voru í bílunum. Einn mann-
anna dó á staðnum, hinir þrír
særðust. Einn þeirra keyrði af
stað í áttina að flugvallarbygg-
ingunni, steig út úr bílnum og
reikaði inn í bygginguna með
blóðslóð á eftir sér. Sá látni lá á
gangstéttinni og var myndaður í
bak og fyrir, þar sem hann lá
þarna í meira en þrjár klukku-
stundir.
Þar sem ekki fundust vopn á
neinum þeirra, sem voru nýkomn-
ir, leikur grunur á að um skipu-
lagða fyrirsát hafi verið að ræða.
Vitnum ber saman um að í fyrstu
hafi þeir haldið að einhver væri
með flugelda. Ýmsir óbreyttir
borgarar voru skammt frá en
enginn var í hættu. Árásarmenn-
irnir keyrðu umsvifalaust í burtu
en bílnúmerin náðust og um er
að ræða bíla, sem tengjast Vítis-
engla-klúbbum. Tveir bílanna
fundust fljótt mannlausir en í
þeim þriðja fannst maður, sem
var óvopnaður er hann náðist.
Glæpaveldi, sem virðir
engin landamæri
Nokkurn veginn samtímis því
að skotárásin var gerð við Kas-
trup átti sams konar atburður sér
stað við Fornebu-flugvöll í Osló.
Þar var að sögn ekki skotið á
meðlim Bandidos, en á mann
tengdan klúbbnum. Árásin í Nor-
egi ýtir undir hald manna að um
sé að ræða uppgjör stríðandi
klúbba, sem starfa þvert yfir
landamæri. í Noregi hafa mótor-
hjólaklúbbarnir og starfsemi
þeirra vakið áhyggjur undanfarið
um að veldi þeirra færi vaxandi.
Danska Ekstra-Bladet hefur und-
anfarna viku verið með greina-
flokk í gangi um starfsemi mótor-
hjólaklúbbanna og leitt að því lík-
um að aðeins væri spurning um
tíma hvenær upp úr syði milli
stríðandi fylkinga um völd, eink-
um yfir eiturlyfjamarkaðnum nor-
ræna. í Svíþjóð hefur verið mikil
umræða í vetur um umsvif klúbb-
anna vegna fjölmargra dóms-
mála, sem þeir eiga aðild að.
íslendingur kom
fyrstur að
Sjokkið
kom dag-
inn eftír
„ÉG var eiginlega það dofinn í
fyrstu að það lagði ekki að mér
óhug. Það var ekki fyrr en í dag,
sólarhring síðar, að ég áttaði mig
raunverulega á því hve óhugnanleg
aðkoman var. Og þá var það sem
sjokkið kom, þegar ég hugsaði til
baka,“ sagði Ágúst Erlingsson
gröfustjóri í Kaupmannahöfn í
samtali við Morgunblaðið í gær.
Hann var meðal þeirra fyrstu sem
komu á vettvang eftir skotbardaga
glæpahópa á Kastrup-flugvelli í
fyrradag.
„Sem betur fer varð ég ekki
vitni að skotbardaganum og get
þakkað það að hafa ekki fundið
strax strætisvagnaskýli sem ég
ætlaði í. Atburðurinn átti nefnilega
sér stað beint fyrir framan skýlið.
Ég heyrði skothvellina þegar ég
var á gangi að skýlinu. í fyrstu
hélt ég að þar væru að verki menn
sem fæla fugla af flugbrautunum
á Kastrup. En þegar ég nálgaðist
skýlið sá ég lögreglumenn á hlaup-
um á móti mér og grunaði að eitt-
hvað væri að.
Um það leyti kom ég að fyrri
bílnum af tveimur sem skotnir
höfðu verið í tætlur. Inni í honum
voru tveir menn stumrandi yfir
þeim þriðja, alblóðugum og illa
særðum.
Ég kíkti síðan á næsta bíl og í
sömu andrá komu þar að tveir lög-
reglumenn. Þar lá ungur maður í
valnum. Lögreglumennirnir
reyndu lífgunartilraunir í allt að
hálfa klukkustund og stóð ég þar
hjá á meðan. Það var þó ljóst, að
hann maðurinn var helsærður því
blóðið fossaði úr honum,“ sagði
Ágúst.
Yfirhagfræðingur þýska seðlabankans
EMU gæti ógn-
að tilvist ESB
London, Bonn. The Daily Telegraph.
SÁMEIGINLEGUR gjaldmiðill gæti
að lokum tortímt Evrópusamband-
inu, segir yfírhagfræðingur þýska
seðlabankans, Otto Issing prófessor,
í ritgerð sem gefín er út af Institute
of Economic Affairs. Issing segir að
ef EMU verði að veruleika verði rík-
ari Evrópuríki stöðugt að greiða
hærri fjárhæðir tii ríkja í suðurhluta
álfunnar er yrðu stöðugt fátækari.
„Eins og stendur er markmið milli-
færslna að viðhalda því kerfí sem
er við lýði og renna að mestu til land-
búnaðar. í myntbandalagi yrðu milli-
færslur að taka mið af utanaðkom-
andi áföllum og þær yrði að auka
til muna ... Umfangsmiklar greiðslur
milli ríkja myndu óhjákvæmilega
leiða til spennu og gætu að iokum
jafnvel stefnt tilvist sambandsins í
hættu,“ segir Issing.
Bönd á Belga
Hann færir rök fyrir því að sameig-
inlegur gjaldmiðill sé ekki raunhæfur
ef ekki verði myndað sameiginlegt
evrópskt ríki. „Það er ekkert dæmi í
sögunni um varanlegt myntsamband
er ekki tengdist ríkiseiningu."
Issing segir að Maastricht-sáttmál-
inn komi ekki í veg fyrir að ríkisstjóm-
ir hlaði upp fjárlagahalla og grafi þar
með undan gjaidmiðlinum í heild.
Eina leiðin til að setja bönd á ríki á
borð við Belgíu og Ítalíu sé bindandi
samkomulag um mörk skattheimtu
og opinberra útgjalda. Þar með væri
búið að koma á sameiginlegri efna-
hagsstjómun. Hann ræðst einnig á
hinn félagslega kafla Maastricht og
segir EMU kalla á sveigjanlegri
vinnumarkað en ekki stífari.
Náinn Tietmayer
Lengi hefur legið ljóst fyrir að
Issing, sem talin er vera óopinber
aðstoðarmaður Hans Tietmeyer
seðlabankastjóra,' hefur miklar efa-
semdir um EMU. Er hann ásamt
Tietmeyer sagður sá eini er getur
gefíð yfirlýsingar „í nafni“ seðla-
bankans.
Viðvaranir seðlabankans hafa tii
þessa verið hógværar en þær hafa
upp á síðkastið orðið mun tíðari. I
síðasta mánuði gaf Tietmeyer í fyrsta
skipti í skyn að heppilegt gæti verið
að fresta EMU-áformunum.
Þróun efnahagsmála í Þýskalandi
hefur jafnframt kynt undir ÉMU-efa-
semdir. í síðustu viku voru kynntar
tölur um metatvinnuieysi jafnframt
því sem greint var frá því að verg
landsframleiðsla hefði dregist saman
um 0,5% í fyrsta skipti í þijú ár.
Reuter
íran, Sýrland og Líbýa
hvött til að styðja
ekki hryðjuverk
GLATT var á hjalla þjá utanrík-
isráðherrum Evrópusambandsins
er þeir stilltu sér upp til mynda-
töku eftir óformleg fundahöld í
Palermo á Sikiley um helgina.
Fundarefnið var þó grafalvarlegt;
ráðherrarnir ræddu einkum um
ástandið í Mið-Austurlöndum og
baráttuna gegn hryðjuverkum,
semstefnt er gegn friðarsamning-
um Israels við araba.
Ráðherrarnir samþykktu álykt-
un, þar sem hryðjuverkamenn og
stuðningsmenn þeirra eru harð-
lega fordæmdir. Jafnframt var
samþykkt að senda sérstaka sendi-
nefnd, skipaða fulltrúum þríeykis-
ins svokailaða, þ.e. núverandi,
fyrrverandi og verðandi forsætis-
ríkis ESB, til Sýrlands, íran og
Líbýu. Ríkin hafa öll neitað að
fordæma hryðjuverkin i Israel og
eru talin styðja við bakið á Hamas-
skæruliðum. Sendinefndin mun
gera stjórnvöldum í ríkjunum
grein fyrir því að ESB kunni að
skera á ýmis viðskipta- og sljórn-
málatengsl, taki þau ekki þátt í
fordæmingu hryðjuverka og hætti
stuðningi við skæruliða.
Á myndinni eru, í fremri röð
f.v., Jacques Santer, forseti fram-
kvæmdastjórnar ESB, Susanna
Agnelli, utanríkisráðherra Ítalíu,
og írskur starfsbróðir hennar
Dick Spring. í aftari röð má sjá
grilla í framkvæmdasljórnar-
manninn Hans van den Broek að
baki Santers, Nils Helveg-Peters-
en, utanríkisráðherra Danmerkur
og Theodore Pangalos, utanríkis-
ráðherra Grikklands.
ESB-aðlög-
un Letta
gengur illa
• AÐLÖGUN laga og reglna í
Lettlandi að kröfum Evrópu-
sambandsins gengur illa og hef-
ur Evrópusambandið gagnrýnt
mjög vinnubrögð við undirbún-
ing Letta fyrir ESB-aðild. Frá
þessu greinir lettneska blaðið
Diena. Blaðið segir að ESB hafi
gagnrýnt breytingar á löggjöf
um tollamál, fjármagnsmarkað
og samkeppnismál. Jafnframt
haf i verið sett út á það að emb-
ættismenn, sera sjá um samn-
ingu lagafrumvarpa, séu sjálfir
látnir dæma um það hvort þau
standist kröfur ESB. Sambandið
gagnrýnir að ráðgjafar frá ríkj-
um utan Evrópu, sem lítið þekki
til löggjafar ESB, séu notaðir
við undirbúningsvinnuna.
• UTANRÍKISRÁÐHERRAR
ESB-ríkjanna samþykktu á
fundi sínum í Palermo að bjóða
starfsbræðrum sínum frá níu
Austur-Evrópurílgum, sem sótt
hafa um aðild að ESB, auk ráð-
herra frá Möltu og Kýpur, að
koma til leiðtogafundar ESB í
Tórínó síðar í mánuðinum. Leið-
togafundurinn markar upphaf
ríkjaráðstefnu ESB. Utanríkis-
ráðherrum frá hinum væntan-
legu aðildarríkjum verður boðið
til kvöldverðarfundar með ráð-
herrum frá ESB-ríkjum og mun
Susanna Agnelli, utanríkisráð-
herra Ítalíu, upplýsa þá um gang
mála á leiðtogafundinum.