Morgunblaðið - 12.03.1996, Side 8

8 ÞRIÐJUDAGUR 12. MARZ 1996
MORGUNBLAÐIÐ
FRÉTTIR
Þorsteinn Pálsson sj&varútvegsráðherra
Lýsir yfir stuðningi við
Guðrúnu Pétursdóttur
5TGMu/^0
Sveitarfélög berj-
ist gegn fíkni-
efnavandanum
FULLTRÚARÁÐ Sambands ís-
lenskra sveitarfélaga samþykkti
ályktun á fundi sínum í Borgar-
nesi um síðustu helgi að skora á
sveitarfélögin að leggja sitt af
mörkum í baráttunni við fíkniefna-
vandamálið.
Sveitarfélögin eru hvött til þess
að bjóða upp á raunhæfa aðstoð
og umönnun við þá sem ánetjast
hafa fíkniefnum, og að styrkja
forvarnir með auknum stuðningi
við íþrótta- og æskulýðsfélög.
Einnig er skorað á forsvarsmenn
íþrótta- og æskulýðsfélaga að sjá
til þess að vímuefnum sé haldið
frá félagsstarfi. Fulltrúaráðið ósk-
ar jafnframt eftir því að ríkis-
stjórnin móti og leggi fram sem
allra fyrst raunhæfa stefnu í víniu-
varnarmálum og afbrotavörnum.
Heildarstefnu vanti átakanlega,
eins og segir í ályktuninni.
Ennfremur er skorað á stjórn-
völd að beita sér fyrir raunhæfri
endurskoðun og endurbótum á
stöðu fíkniefnarannsókna og fíkni-
efnalöggæslu. Nauðsynlegt sé að
auka sjálfstæði fíkniefnalögregl-
unnar og stytta boðleiðir svo hægt
sé að bregðast við skjótt, hvar og
hvenær sem er. Loks felur fulltrú-
aráðið stjórn sambandsins að beita
sér fyrir því að sjálfræðisaldur
verði hækkaður úr 16 árum í 18
á yfirstandandi þingi.
Kaþólskir
biskupar
funda
FUNDI kaþólskra biskupa á Norð-
urlöndum sem staðið hefur yfir í
Reykjavík lýkur í dag. Aðalum-
ræðuefni fundarins var staða
kvenna og vandamál flóttamanna
á Norðurlöndum. A sunnudag
sungu biskuparnir hátíðarmessu í
St. Jósefskirkju í Hafnarfirði.
Fund biskupanna sitja Hans
Martensen, fráfarandi biskup
Kaupmannahafnar, Paul Verschur-
en, biskup í Helsinki og formaður
biskuparáðs, Gerhard Schwenzer,
biskup í Ósló, Georg Mtiller, prel-
áti Þrándheimsbiskupsdæmis, Jó-
hannes Gjjsen, biskup og stjórnandi
Reykjavíkurbiskupsdæmis, William
Kenney, aðstoðarbiskup í Stokk-
hólmi, Hubertus Brandenburg,
biskup í Stokkhólmi og varafor-
maður biskuparáðs, Czeslaw Koz-
on, biskup í Kaupmannahöfn, séra
Georg, systir Angela Corsten, aðai-
ritari biskuparáðs, og Gerhard
Goebel, biskup í Tromsö.
Morgunblaðið/Þorkell
Félag áhugamanna um tréskurð stofnað
Margir ná gríð-
arlegri leikni
Evert Kr. Evertsson
Evert segir að það hafí
um allnokkurt skeið
blundað í nokkrum
áhugamönnum um tréút-
skurð að stofna einhvers
konar hóp. í fyrstu var hug-
myndin að leigja sameigin-
legan sal eða vinnuaðstöðu.
Þegar málin voru rædd
fram og til baka kom hins
vegar í ljós að sameiginleg
hugðarefni og hagsmuna-
mál voru svo mörg að niður-
staðan hlaut að verða sú
að stofna sérstakt félag og
gekk það eftir um síðustu
mánaðamót. Félag áhuga-
manna um tréskurð varð
þá að veruleika. Hver voru
markmiðin? Evert svarar
því.
„Við viljum efla og kynna
tréskurðarlistina, standa
fyrir sýningum og útgáfu
fréttabréfs, koma á tengslum
milli tréskurðarfélaga og klúbba
erlendis, útvega kennara og
standa fyrir námskeiðahaldi,
standa fyrir fræðslu- og kynnis-
ferðum innanlands sem utan og
síðast en ekki síst stuðla að því
að myndskurðarmenn fái meiri
umbun fyrir vinnu sína en hingað
til. Fleira mætti nefna.“
Eruð þið ánægðir með undirtekt-
irnar?
„ Undirtektirnar hafa farið
fram úr okkar björtustu vonum.
Alls mætti 91 maður á stofnfund-
inn ognú aðeins nokkrum dögum
seinna eru félagar orðnir milli
130 og 140. Hannes Flosason
hefur um áratuga skeið rekið
myndskurðarskóla og það hafa
um 1.000 manns lært hjá honum.
Þetta segir nokkuð um áhugann.
Það eru ótrúlega margir sem
annaðhvort hafa verjð á kafi í
tréskurði eða eru það í dag.
Hvað eru menn helst að skera
út og er á allra færi að vasast í
þessu?
„Það er nú ýmislegt sem menn
skera út og menn verða auðvitað
misjafnir í þessu eins og öðru.
Alveg eins og það liggur ekki
fyrir öllum að verða snjallir í
handbolta eða fótbolta. En mjög
margir ná gríðarlegri leikni og
flestir ná að minnsta kosti tökum
á einföldum útskurði. Svo þegar
menn eru komnir af stað í þessu
þá gleymist gersamlega stund
og staður.
Það er allt mögu-
legt skorið út. Margir
eru í svokölluðum lág-
myndum, byrja með
fjöl sem getur verið
einfaldur glasabakki,
eða stórt verk á vegg.
Aðrir eru í styttugerð, skera þá
gjarnan út fugla, físka og margt
fleira. Þá má nefna hóp sem er
mest í nytjalist, en þeir sem eru
í honum skera gjarnan út kaffi-
pokagrind, bréfaklemmur, nálar-
hús, gestabækur og margt fleira.
Það er í raun fátt sem ekki er
hægt að skera út. Þá eru þeir
snjallari talsvert beðnir um að
skera út skrautmuni eft.ir pöntun,
t.d. nöfn á hús og sumarbústaði,
eða skrautverk svipað því sem
menn geta séð í Eden í Hvera-
gerði.“
Er mikið mál að setja sig inn í
myndskurð og hvaða aðstaða
þarf að vera fyrir hendi?
„Það er ekki mikið mál að
nema tréskurð, hann er víða
kenndur, m.a. hjá Hannesi Flosa-
syni eins og ég gat um áðan og
►Evert Kr. Evertsson er
fæddur í Reykjavík 26. desem-
ber 1945. Hann er líka uppal-
inn þar í borg. Hann er lærður
bakarameistari og rekur
heildverslunina Efnagerð
Laugarness, sem flytur inn
m.a. efni til brauð- og köku-
gerðar. Síðan árið 1983 hefur
hann auk þess verið mikill
áhugamaður um tréútskurð
og hefur flutt inn frá Evrópu
bæði bækur þar um svo og
tæki og tól til útskurðar. Eig-
inkona Everts er Sigríður
Guðrún Héðinsdóttir, hjúkr-
unarfræðingur og Ijósmóðir.
Dóttir þeirra hjóna er Sjöfn
Evertsdóttir leiklistarnemi.
Evert var nýverið kjörinn
fyrsti formaður Félags áhuga-
manna um tréskurð.
einnig í kvöldskóla í Kópavogi, í
Tómstundaskólanum og jafnvel
víðar. Það er hægt að fara af
stað með litla fjármuni, en menn
geta verið mjög vel settir tækjum
og tólum með fjárfestingu upp á
25.000 til 30.000 krónur. Einn
af kostunum við tréskurð er að
það er hægt að stunda hann
skammlaust nánast hvar sem er,
jafnt við sófaborðið í stofunni
heima eða á sérstökum verk-
stæðum. Þá er hægt að taka
tólin með sér, t.d. í sumarbústað
og dunda þar við skurðinn.
Miðað við reynsluna
þá sýnist mér að þótt
hver sem er geti reynt
fyrir sér í tréskurði, og
við séum með félags-
menn á öllum aldri, þá
virðist þetta henta sér-
staklega eldra fólki. Ég hef ekki
kannað það, en ég gæti trúað
því að meðalaldurinn í félaginu
sé vel yfir sextugt."
Er þetta ekki hættulegt, fækkar
ekki fingrum landsmanna við
fjölgun tréskurðarmanna?
„Járnin bíta, það er ekki
spurning. Hitt er svo annað mál
að mönnum er kennt að beita
tólunum og það eru handtök sem
lærast fljótt og vel. Hættan eykst
þó þegar unnið er við flóknari
verk, t.d. ef menn geta ekki fest
efniviðinn í þvingu og þurfa að
halda við með hendi. Það þarf
auðvitað að gæta að sér, en ef
slys verða, þá er þó bót í máli,
að það geta verið djúpir skurðir,
en hreinir. Sár sem gróa auðveld-
lega, annað en þegar menn slasa
sig á fræsurum eða sögum.“
Útskurð
má stunda
skammlaust
hvar sem er