Morgunblaðið - 12.03.1996, Síða 18

18 ÞRIÐJUDAGUR 12. MARZ 1996
MORGUNBLAÐIÐ
____________VIÐSKIPTI____________
Áfrýjunarnefnd hafnar kröfu Össurar hf.
vegna útboðs Tryggingastofnunar
Ekki grund-
völlur fyrir
íhlutun
ÁFRÝJUNARNEFND samkeppnis-
mála hefur hafnað kröfu Össurar
hf. um að ákvörðun Samkeppnisráðs
frá 20. desember síðastliðnum vegna
útboðs Tryggingastofnunar til
kaupa á spelkum, gervilimum og
bæklunarskóm verði ógilt og að grip-
ið verði til íhlutunar gegn útboðinu
á grundvelli 2. mgr. 17. gr. sam-
keppnislaga. Nefndin tók enga af-
stöðu til þeirrar kröfu samkeppn-
isráðs að ákvörðun þess frá 20. des-
ember sl. yrði staðfest og segist
Kristján Guðjónsson, lögfræðingur
Tryggingastofnunar, því líta á þessa
niðurstöðu sem ákveðna uppreisn
æru fyrir stofnunina og staðfestingu
á því að hún geti notast við óbreytt
útboðsfyrirkomulag áfram.
Össur hf. kærði á sinum tíma
umrætt útboð til Samkeppnisráðs.
Ráðið taldi útboð Tryggingastofn-
unar ekki vera í anda góðra sam-
keppnishátta og beindi þeim tilmæl-
um til stofnunarinnar að hún tæki
í framtíðinni tillit til þeirra áhrifa
sem útboðin kynnu að hafa á mark-
aðinn. Ráðið taldi hins vegar ekki
ástæðu til þess að grípa til sérstakra
aðgerða vegna útboðsins. Össur
hf. kærði þann hluta ákvörðunarinn-
ar til áfrýjunarnefndar samkeppnis-
mála og krafðist þess sem fyrr seg-
ir að hún yrði ógilt og gripið yrði
til íhlutana gegn útboði Trygginga-
stofnunar sem fælu í sér bann eða
fyrirmæli til Tryggingastofnunar um
að „viðhafa ekki útboð aftur á þeim
hjáipartækjabúnaði sem mál þetta
fjallar um“. Samkeppnisráð krafðist
þess hins vegar að ákvörðun þess
yrðj staðfest.
Áfrýjunarnefnd samkeppnismála
kemst hins vegar að þeirri niðurstöðu
að „útboðsfyrirkomulag við kaup á
vörum og þjónustu á vegum opin-
berra aðila ... sé í anda samkeppni-
slaga og efli að jafnaði virka sam-
keppni". Jafnframt segir í úrskurði
nefndarinnar: „Skilja verður útboðs-
meðferð Tryggingastofnunar ríkisins
svo, að greiðsluþátttaka (styrkir)
stofnunarinnar á samningstímanum
skuli miðast við kaup sjúklinga á
hjálpartækjum frá þeim aðilum sem
buðu lægst verð í hvem vöruflokk.
Fallast má á það með samkeppnis-
ráði að í því felist ákveðið forræði
um það hvert viðkomandi sjúklingur
beini viðskiptum sínum. Þó verður
útboðsmeðferð, eins og hér háttar
til, ekki bönnuð af þeim ástæðum."
Tryggingastofnun reynt að
takmarka skaðleg áhrif
Áfrýjunamefnd telur í úrskurði
sínum að ljóst sé að vegna markaðs-
aðstæðna hér á landi geti útboð af
þessu tagi haft skaðleg áhrif á sam-
keppni, sé ekki rétt að þeim staðið.
Hins vegar hafí Tryggingastofnun
áskilið sér rétt til þess að skipta kaup-
unum milli bjóðenda auk þess sem
upplýst þyki að stofnunin hafi að
öðru leyti haft að markmiði að lág-
marka skaðleg áhrif samkeppni.
Áfrýjunarnefnd segist því ekki
geta fallist á það með áfrýjanda að
lagaleg skilyrði séu fyrir hendi til að
samkeppnisyfirvöld geti almennt með
íhlutunaraðgerðum bannað útboð
.Tryggingastofnunar ríkisins við val
á þeim aðilum sem stofnunin beini
viðskiptum sínum til. „Að öllu þessu
virtu og með vísan til forsendna sam-
keppnisráðs að örðu leyti er ekki
unna að fallast á kröfugerð áfrýjanda
í máli þessu.“
Ciba og Sandoz sameinast
Næststærsta lyfja-
fyrirtæki heims
Basel. Reuter.
SVISSNESKU lyfjafyrirtækin Ciba-
Geigy og Sandoz í Basel hafa skýrt
frá mesta fyrirtækjasamruna í heim-
inum til þessa og þegar þau samein-
ast verður hið nýja fyrirtæki þeirra
hið næstærsta í heiminum á sínu
sviði.
Nýja lyfjafyrirtækið fær nafnið
Novartis og kemur næst Glaxo
Wellcome í Bretlandi með 4,4% hlut-
deild á heimsmarkaði, en enginn
keppinautur þess mun selja eins mik-
ið af lífrænum efnum.
Sérfræðingar fagna sameining-
unni, sem þeir telja að muni leiða
til meiri hagkvæmni í rekstri, auka
samvirkni og draga úr rekstrar-
kostnaði. Fjárfestingar og rann-
sóknir verði markvissari og dreifing
og markaðssetning muni eflast.
Fyrirtækin áætla að 1.8 milljarðar
svissneskra franka muni sparast á
næstu þremur árum vegna samein-
ingarinnar. Þrátt fyrir nokkurn
stofnkostnað er gert fyrir stóraukn-
um hagnaði fyrsta starfsárið. Sumir
sérfræðingar telja þó að stofnkostn-
aður geti orðið meiri en ætlað er.
Ciba segir að við samrunann verði
starfsmönnum fækkað um 10% eða
13.000. Sameiningin sé rökrétt í ljósi
þess að starfssvið fyrirtækjanna séu
svipuð og þróun í lyfjaiðnaði hafi
stefnt í átt til samruna.
Hlutabréf í Ciba hækkuðu um 235
í 1365 svissneska franka við fréttina
og bréf í Sandoz hækkuðu um 150
í 1300 franka.
Eimskip býður út 400
milljóna skuldabréf
EIMSKIP hefur ákveðið að ráðast í
útboð á skuldabréfum innanlands að
íjárhæð 400 milljónir króna og hafa
náðst samningar við Verðbréfamark-
að íslandsbanka um að annast útboð-
ið. Bréfin verða gefín út í íslenskum
krónum til tíu ára og bera fasta vexti
auk verðtryggingar. Þessi kjör eru
u.þ.b. 0,2% yfír húsbréfavöxtum í dag.
Samhliða þessu verður gerður
myntskiptasamningur við íslands-
banka og munu endanleg kjör lánsins
því miðast við erlenda gjaldmiðla.
Þannig mun félagið njóta mjög hag-
kvæmra vaxtakjara sem bjóðast á
erlendum fjármálamörkuðurti, að því
er segir í frétt. Félagið gerði sambæri-
legan samning við bankann á sl. ári
og greiðir af því láni 0,5% vaxtaálag
á erlenda millibankavexti. Hins vegar
eru vaxtakjör þessa samnings veru-
lega hagstæðari.
URVERINU
Morgunblaðið/Kristján
Súlan með fullfermi
SÚLAN EA kom með fullfermi
af loðnu í Krossanes sl. sunnu-
dag, alls um 760 tonn. Með þess-
um afla hófst hrognataka í
Krossanesverksmiðjunni. Krist-
inn Snæbjörnsson, stýrimaður á
Súlunni segir að loðnuvertíðin
hafi gengið mjög vel, bæði hef-
ur tíðarfar verið gott og mo-
kveiði á miðunum. Afli Súlunn-
ar frá áramótum er um 13.000
tonn, sem er um 1000 tonnum
meiri afli en skipið fékk á allri
vertíðinni eftir áramót í fyrra.
Kristinn sagðist ekki sagt
geta til um það hvort vertíðinni
væri að Ijúka að þessu sinni en
skipveijarnir á Súlunni ætla að
reyna fyrir sér eitthvað lengur.
Túrarnir hafa verið mislangir á
vertíðinni og farið allt niður í
nokkra klukkutíma. „Þegar við
lönduðum í Þorlákshöfn kom
það tvívegis fyrir að við fórum
út kl. 7 að morgni og vorum
komnir aftur að bryggju um
hádegi með 300-500 tonn. Á
þeim tíma vorum við Iíka farnir
að taka með farþega í skoðunar-
ferð,“ sagði Kristinn.
Myndin var tekin er Súlan
kom til löndunar í Krossanesi
sl. sunnudag.
Vilja ábyrgari veiðisljóm
GREENPEACE-samtökin hafa sent
frá sér drög eða yfirlýsingu um
það, sem þau kalla „ábyrga fisk-
veiðistjórn", og vonast eftir ábend-
ingum og athugasemdum frá hags-
munasamtökum í sjávarútvegi áður
en endanleg afstaða þeirra í þessum
málum verður mótuð.
I yfirlýsingunni segir, að fjöl-
breytni lífsins í sjónum hafi orðið
fyrir miklum skakkaföllum af völd-
um rányrkju og hrygningarstöðvar
margra tegunda verið eyðilagðar.
Við þessu verði að bregðast með
betri umgengni og með því að
breyta að sumu leyti núverandi
neysluvenjum.
Grænfriðungar segja, að ávallt
sé nauðsynlegt að fara varlega,
jafnvel þótt stofnar séu taldir
standa vel, og hvatt er til, að niður-
greiðslum í sjávarútvegi, sem einatt
stuðli að ofveiði, verði alveg hætt.
Af öðrum tillögum má nefna, að
lagt er til, að veiðar verði aldrei
leyfðar nema að undangenginni vís-
indalegri úttekt á viðkomandi stofn-
um og samtökin vilja banna þá só-
un, sem felst í því að veiða fisk
eingöngu vegna hrognanna. Þá er
einnig lagt til, að veiðarfæri, sem
valda tjóni á umhverfinu, verði
bönnuð.
Morgunblaðið/Halldór Sveinbjömsson.
JÓNATAN Ásgeirsson, sem verið hefur skipsljóri á Haffara, verður skipstjóri á Andey. Hann er
hér ásamt framkvæmdastjóra Frosta hf. Ingimari Halldórssyni.
Jónatan tekur við Andey
ísafirði. Morgunblaðið.
NÝTT skip bættist í flota Súð-
víkinga í lok siðustu viku, er
frystitogarinn Andey SF 222
Iagðist að bryggju í fyrsta sinn
í Súðavík. Það er Frosti hf. i
Súðavík, sem hefur keytp skipið
af Garðey hf. á Höfn í Horna-
firði og mun það koma í stað
Haffara ÍS, sem auglýstur hefur
verið til sölu. Andey SF, sem
er 211 tonna frystiskip, verður
undur skipsljórn Jónatans Ás-
geirssonar, sem um árabil hefur
verið skipstjóri á Haffara. Ráð-
gert er að skipið verði tekið upp
í slipp á næstu dögum og í fram-
haldi af því mun skipið halda í
sína fyrstu veiðiferð fyrir nýja
eigendur, en skipið verður gert
út á rækjuveiðar. Nafni skipsins
verður ekki breytt að svo
stöddu. Við skipstjórn á Haffara
tekur Jón Steingrímsson.
I
I

>
í
>

I
í
I
I
í
I
£
i
I