Morgunblaðið - 24.04.1996, Blaðsíða 2

2 MIÐVIKUDAGUR 24. APRÍL 1996
MORGÚNBLAÐIÐ
FRÉTTIR
Pósturinn hækkar og
síminn lækkar á móti
HALLDÓR Blöndal samgönguráðherra hefur sam-
þykkt breytingar á gjaldskrá Pósts og síma. Gjaid-
skrá fyrir póstþjónustu hækkar um 15% að meðal-
tali. A móti eru gerðar breytingar á gjaldskrá
fyrir símþjónustu, sem hafa í för með sér verulega
Iækkun á sumum liðum. Að sögn Halldórs verða
heildaráhrifin af þessum breytingum þau að tekjur
Pósts og síma verða óbreyttar. Verðbreytingarnar
taka gildi 1. júní nk.
Halldór sagði að óhjákvæmilegt hefði verið að
hækka póstburðargjöld. Um 300 millj. kr. tap
væri á póstþjónustunni og væri þá ekki reiknað
með útgjöldum Pósts og síma vegna lífeyris-
greiðslna starfsmanna sinna, en þær næmu um
100 millj. Halldór sagði að þessar verðbreytingar
á póst- og símagjöldum miðuðu að því að færa
verðið á þjónustunni nær því sem þjónustan kostaði.
Breytingarnar á verði símþjónustu leiða til þess
að það verður ódýrara að hringja milli landshiuta
og til útlanda. Taxti fyrir lengri langlínusímtöl
(gjaldflokkur 3) verður felldur niður, svo og kvöjd-
taxti. Dagtaxti mun gilda til kl. 19:00 virka daga
í stað kl. 18:00 áður, en næturtaxti hefst kl. 19:00
í stað 23:00 og gildir fram til kl. 8:00 virka daga
og um helgar. Þetta þýðir að þriggja mínútna sím-
tal milli Reykjavíkur og Egilsstaða að kvöldlagi
lækkar um 39% eða úr 15,77 kr. í 9,55 kr. Að
degi til lækkar það um 28% og um helgar um 25%.
Simtöl til útlanda lækka
Símtal á styttri langlínu eins og milli Selfoss
og Reykjavíkur lækkar einungis á kvöldin virka
daga og fer þriggja mínútna símtal þá úr 11,62
kr. í 9.55 kr. Gjaldtaka fyrir staðarsímtöl breytist
ekki nema hvað símtal á tímabilinu kl. 18:00 til
kl. 19:00 virka daga hækkar. Þriggja mínútna
símtal á þeim tíma hækkar úr 4,57 kr í 5,81 kr.
Gjaldskrá fyrir símtöl til útlanda lækkar að
meðaltali um 10% en þó er lækkunin mismpnandi
eftir löndum. Mínútugjald til Belgíu og írlands
lækkar um 29%, um 25% til Bretlands og Japans,
um 17% til Kanada, og um 12% til Norðurland-
anna annarra en Finnlands þar sem lækkunin
nemur 5%. Símtöl til Frakklands og Spánar lækka
um 10% og um 6% til Austurríkis og Bandaríkj-
anna.
Gjaldskrá fyrir póstþjónustu hefur verið óbreytt
í grundvallaratriðum frá 1992. Vegna haliarekst-
urs á póstþjónustunni er nú óhjákvæmilegt að
hækka póstgjaldskrána að meðaltali um 15%, en
það hefur í för með sér að gjald fyrir 20 gramma
almennt bréf innanlands hækkar úr 30 kr. í 35
kr. Burðargjald fyrir A-póst til útlanda hækkar
um 15%, en B-póstur til útlanda hækkar um 2096.
Morgunblaðið/Ámi Sæberg
PEYSUFATADAGUR var hjá 4. bekk Verzlunarskóla íslands í gær og voru prúðbúnir nemamir áberandi í borginni í blíðviðrinu.
Framundan em strangar prófannir hjá þeim eins og öðru skólafólki.
Dregið
hjá DAS
í hverri
viku
„VIÐ höfum ákveðið að gjör-
breyta flokkahappdrættinu hjá
okkur, því í stað þess að draga
einu sinni í mánuði ætlum við
að draga vikulega, á hveijum
fímmtudegi," sagði Sigurður
Ágúst Sigurðsson, forstjóri
Happdrættis DAS. Þann 9.
maí verður í fyrsta skipti dreg-
ið í vikulegu happdrætti DAS.
Hæsti vinningur á einfaldan
miða verður 2 milljónir króna,
eða 4 milljónir á tvöfaldan
miða. Heildarvinningar í viku
hverri eru rúmar 10 milljónir.
Sigurður Ágúst sagði að
með nýju fyrirkomulagi yrði
dregið í happdrættinu 48 sinn-
um á ári. „Möguleikar fólks á
vinningi fjórfaldast, því í raun
verður þetta sama flokkahapp-
drættið, en tíðni útdrátta fjór-
földuð. Dregið verður á hveij-
um fimmtudegi kl. 18 og vinn-
ingsnúmer auglýst í dagblöð-
um næsta dag. Eftir sem áður
er nóg að endurnýja miða einu
sinni í mánuði. Sú endumýjun
gildir þá næstu fjóra drætti."
Tíu bílar í maí
Sigurður Ágúst sagði að
Happdrætti DAS hefði ákveðið
þessar breytingar, þar sem
samkeppni hefði aukist með
vikulegu Lottói, Víkingalottói,
Happi í hendi og fleiru.
„Olíkt þessum happdrætt-
um, erum við með takmarkað-
an fjölda miða. Við höfum fellt
út lægstu vinningana, 3 þús-
und krónur, og hér eftir verða
lægstu vinningar 10 þúsund
krónur. Hæsti vinningur verð-
ur 2 milljónir, eða 4 milljónir
á tvöfaldan miða. Heildarverð-
mæti vinninga í hverri viku
er rúmar 10 milljónir, en í
aðalvinning í lok maí verða tíu
bílar. Þá viku verður verðmæti
vinninga rúmar 20 milljónir.
Við erum ekkert byijaðir að
auglýsa þessa nýjung, en samt
sem áður er mikií ásókn í miða
hjá okkur, svo mikil að ég man
vart annað eins.“
Yfir 4.000 nemend-
ur í samræmd próf
NEMENDUR10. bekkjar grunn-
skóla um allt land þreyta fyrsta
samræmda prófið í dag. Fyrst
verður prófað í íslensku en síðan
verður kunnátta nemenda í ensku
prófuð á föstudag, stærðfræði á
mánudag og dönsku á þriðjudag.
Þeir einstaklingar sem búið hafa
í Noregi eða Svíþjóð taka sam-
ræmd próf í norsku eða sænsku
í stað dönsku.
Guðni Olgeirsson, námsstjóri
hjá menntamálaráðuneytinu, seg-
ir að skráðir nemendur í 10. bekk
grunnskóla séu 4.422 talsins.
Hann segir prófin í föstum skorð-
um að mestu, þau standi yfir tvo
og hálfan til þijá klukkutíma í
senn og í hveiju prófi séu margir
þættir, svo sem hlustun, skilning-
ur og ritgerð í dönsku og ensku.
Á milli ára megi greina áherslu-
breytingar en þær séu ekki stór-
vægilegar.
Ekki voru haldin samræmd
próf í ensku og dönsku frá 1990
til 1993 en þau voru hins vegar
tekin upp á nýjan leik 1994. Hann
segir að stærsta breytingin sem
orðið hafi á samræmdum prófum
seinustu ár að öðru leyti, sé sú
að Rannsóknastofnun uppeldis-
og menntamála semji þau og ann-
ist framkvæmd mála fyrir ráðu-
neytið. Áður fyrr var þessi vinna
innt af hendi innan ráðuneytisins.
Umgjörðin er hins vegar
óbreytt að hans sögn, ráðuneytið
ræður trúnaðarmenn með hveiju
prófi til að fylgjast með því að
allt fari fram með réttum hætti
og nemendur fá úrslit prófa
þremur vikum eftir prófin, eða í
kringum 20. mai næstkomandi.
Stofnunin ræður kennara til að
yfirfara prófin og eru um 10
kennarar í hverri grein sem skoða
þau og meta eftir nákvæmum
reglum til að niðurstaðan sé eins
óvilhöll og hægt er.
Mega ekki Iengur semja próf
Kennarar í 10. bekk mega ekki
lengur semja samræmdu prófin,
eftir að umboðsmaður barna úr-
skurðaði í fyrra að óeðlilegtværi
að þeir önnuðust það starf. Úr-
skurðurinn féll m.a. á þeim for-
sendum að hugsanlegt væri að
kennarar settu verkefni í prófin
sem kæmu sínum nemendum bet-
ur en öðrum. Slikt hafði þó aldrei
komið í ljós að sögn Guðna, en
menn hafi viljað vera á varðbergi
og hafi engar deilur risið um þess-
ar breytingar.
Bogga var með staðsetningartæki við seinustu skoðun
Sighngamálastofnun
óskar skýringa
VIÐ skoðun á trefjaplastbátnum
Boggu HF sem lenti í vandræðum
á Mýrum í fyrrinótt, bæði þegar
báturinn var skráður og fyrir tæpu
ári, voru fullkomin staðsetningar-
tæki um borð í honum.
Komið hefur fram að engin stað-
setningartæki voru um borð í
Boggu þegar hún steytti á skeri og
þurfti þyrla Landhelgisgæslunnar
að staðsetja hana til að hægt væri
að veita bátsveijum aðstoð.
Páll Guðmundsson, deildarstjóri
hjá Siglingarmálastofnun, segir að
auk kompáss, sem er skyldubúnað-
ur um borð í íslenskum skipum,
hafí Bogga verið búin fullkomnu
lóran-c staðsetningartæki við sein-
ustu skoðanir.
„Fregnir um að þessi tæki hefðu
ekki verið um borð komu mér á
óvart því báturinn var búinn stað-
setningartækjum fram yfír það sem
er lágmarkskrafa. Ég hef óskað
eftir því að þegar lögregluskýrsla
verður tekin af mönnunum komi
fram hvort þessi tæki voru um borð
og ef ekki, hvers vegna þau tæki
voru ekki þar þegar báturinn
strandaði," segir Páll. „Miðað við
þann búnað áttu mennirnir að geta
staðsett sig með talsverðri ná-
kvæmni."
Skylda er að hafa áttavita um
borð í íslenskum skipum, radardýpt-
armæli og talstöð, en auk þess bún-
aðar eru nær undantekningalaust
komin önnur staðsetningartæki í
íslensk fley að sögn Páls, þar á
meðal lórantæki og gps-staðsetn-
ingartæki.
Hálfdán Guðmundsson hjá Auð-
bergi ehf., sem var að taka við út-
gerð bátsins, kveðst ekki geta tjáð
sig um þetta mál að svo stöddu,
enda eigi eftir að halda sjópróf.
Hann hafí ekki haldbærar skýringar
handa fjölmiðlum á því að bátsveij-
ar hafí ekki getað staðsett sig þeg-
ar þeir óskuðu aðstoðar.
„Þetta voru reyndir menn á mín-
um vegum með réttindi til að sigla
skipum sem voru að sækja bátinn
vestur á Patreksfjörð," segir hann.
MORGUNBLAÐINU í dag
fylgir fjögurra síðna auglýs-
ingablað frá BYKO.