Morgunblaðið - 24.04.1996, Page 11
MORGUNBLAÐIÐ
MIÐVIKUDAGUR 24. APRÍL 1996 11
FRÉTTIR
sig inn á siglingar feijunnar. Þetta
fólk er líka mjög háð vöruflutning-
um á landi.
Armann Leifsson, vöruflutninga-
bílstjóri í Bolungarvík, hefur lengi
talað á móti „vitleysunni“ eins og
hann nefnir ferjuáformin. Telur
hann bílfeiju við hliðina á Djúpveg-
inum tímaskekkju, hún hefði getað
átt við fyrir 25 árum en ekki í dag.
Bendir hann á að flutningabílstjórar
muni ekki nota feijubátinn. Hann
muni aðeins geta tekið tvo venju-
lega flutningabíla og einn aftaní-
vagn að auki og fari auk þess að-
eins þijá daga vikunnar. Flutning-
arnir séu miklu meiri og bílarnir
verði að'laga sig að þörfum kaup-
enda þjónustunnar og séu því á
ferðinni á öllum timum sólarhrings
en geti ekki stillt sig inn á feijuna.
Halldór Jónsson segir að vegur-
inn í Isafjarðardjúpi sé svo slæmur
að margir geti ekki hugsað sér að
keyra hann. Sjálfur segist hann
vera í þeim hópi og það megi vera
brýnt erindi til þess að hann geri
það. Hann leggur áherslu á að fólk-
ið sjálft verði að fá að dæma þetta
framtak.
Minna til vegarins
Er þá komið á tengslum hug-
myndarinnar um bílfeiju á ísafjarð-
ardjúp og vegabóta í Djúpinu. Þeir
sem beijast á móti bílfeijufram-
kvæmdunum óttast áhrif þess á
fjárveitingar til Djúpvegar þegar
öðrum „þjóðvegi" verður komið upp
við hliðina á hinum. „Sjálfur hef
ég alltaf óttast að bílfeijurekstur
muni síðar bitna á fjárveitingum til
vegarins," segir Gísli Eiríksson.
Vegurinn frá ísafirði og að vega-
mótunum upp á Steingrímsfjarðar-
heiði er um 177 km að lengd. Bund-
ið slitlag er frá ísafirði og töluvert
inn fyrir Súðavík. 45-50 km til við-
bótar er allgóður malarvegur en
60-70 km verri. Bundið slitlag er
síðan frá Arngerðareyri og upp á
miðja Steingrímsfjarðarheiði.
Einna vérsti vegurinn í Djúpinu
er 30 km kafli úr Skötufirði, um
Ögur og Laugardal og inn í Mjóa-
fjörð. Á síðasta ári var tekinn fyrir
fyrsti hluti þess vegar, 12 km, og
er fyrirhugað að leggja slitlag á
hann í sumar. Vegagerðarmenn
vonuðust eftir því að fá það fé sem
annars færi í feijubryggjur og
rekstur, að þeirra mati um 70 millj-
ónir kr., til að flýta vegabótum og
hugðust bjóða næsta kafla vegarins
út í haust. Ef feijubryggjan verður
byggð, eins og allt útlit er fyrir,
frestast það til næsta árs og Gísli
Eiríksson segir að lúkning þessa
forgangsvegar frestist um eitt ár
vegna þessa, vegurinn verði líklega
búinn 1999, miðað við núverandi
fjárveitingar, í stað 1998.
Hver á að borga tapið?
„Ég tel að við eigum að halda
okkur við þá niðurstöðu sem fékkst
í fyrra og leggja á hilluna öll áform
um bílfeijusiglingar en taka af al-
vöru á vegabótum í Djúpinu. Tilboð
ráðherrans við síðustu fjárlagagerð
var gott og ég vil halda mig við
það,“ segir Kristinn H. Gunnarsson,
þingmaður Alþýðubandalagsins á
Vestfjörðum.
Skiptar skoðanir hafa verið í
þingmannahópnum um málið en nú
virðist Kristinn sitja einn eftir í
andstöðu við feijuáformin. Það þýð-
ir að varla er grundvöllur fyrir Iaga-
breytingu, um að færa þá peninga
sem ætlaðir hafa verið til feiju-
mannvirkja til vegamála í Djúpinu.
Kristinn óttast að erfiðara verði
að réttlæta íjátveitingar í Djúpveg
og leita eftir stuðningi annarra
þingmanna við þá framkvæmd þeg-
ar komin verður bílfeija í sam-
keppni við veginn. Hann fullyrðir
að feijuævintýrið muni kosta 300
milljónir kr. á næstu tíu árum og
telur að þeir peningar myndu nýt-
ast vel í Djúpveginum ef þeir rynnu
þangað. Rökstyður hann þessa fjár-
hæð með því að benda á framlög
til Djúpbátsins nú og fyrirhugaðra
brygguframkvæmda og segir
óraunhæft að ætla að hægt verði
að reka bílaflutningana fyrir minni
styrki en nú er gert. „Hver á að
borga tapið? Verður ekki komið
eftir á til ríkisins?" segir Kristinn.
Bendir hann á að nú þegar séu
átta ónotaðar bryggjur við Djúp og
óþarfi að bæta einni við.
Aðspurður segist samgönguráð-
herra telja að ekki komi til greina
að auka ríkisstyrk til Fagranessins
þótt reksturinn gangi ekki upp.
„Stjórn Djúpbátsins hefur lagt mál-
ið fyrir með þessum hætti og lagt
áherslu á að þetta væri nægilégt,"
segir hann. Einar Kristinn Guð-
finnsson leggur á það áherslu að
eigendur Djúpbátsins, sem eru aðal-
lega sveitarfélögin á svæðinu, muni
bera rekstrarlega ábyrgð á starf-
seminni. Hinn nýi ísafjarðarkaup-
staður mun eiga meginhluta hluta-
bréfanna eftir sameiningu.
Að mati Kristins er enginn ávinn-
ingur af bílfeiju því Djúpvegurinn
sé yfirleitt fær. Þá bendir hann á
að aðeins verði siglt þijá daga í
viku og fólk verði þá að aka veginn
hina fjóra dagana. Þá sé ekki ákveð-
in áætlun yfir sumarið, þegar veg-
urinn sé leiðinlegastur. „Nei, ráðið
er að bæta veginn,“ segir hann.
Gunnlaugur Sigmundsson, þing-
maður Framsóknarflokksins, segist
hafa verið þeirrar skoðunar að frek-
ar ætti að leggja áherslu á upp-
byggingu Djúpvegar en taka upp
feijusiglingar. Það væru sér hins
vegar mikil vonbrigði
hvað lítið fé fengist í
veginn og þegar lögð
væri á það áhersla af
fulltrúum sveitarfélag-
anna sem væru að sam-
einast um að feijan feng-
ist, þótt það þýddi seinkun á vegin-
um, teldi hann sig verða að beygja
sig undir það. Gunnlaugur er þarna
að vitna til fundar sem Halldór
Jónsson, bæjarfulltrúi á ísafirði og
formaður hafnarstjórnar, og Krist-
ján Jóhannesson, sveitarstjóri á
Flateyri og stjórnarmaður í Hf.
Djúpbátnum, áttu með þingmönn-
um um málið.
Halldór Jónsson telur að valið
standi ekki um feiju eða veg. Bend-
ir hann á að uppbygging Djúpvegar
kosti nokkuð á annan milljarð króna
og hún taki langan tíma. Ef bílfeiju-
hugmyndirnar yrðu lagðar á hilluna
þyrfti eftir sem áður að gera breyt-
ingar á bryggjum í Djúpinu og eft-
ir yrði hugsanlega 30 milljónir kr.
sparnaður til að leggja í veginn.
Sú íjárhæð skipti engum sköpum
fyrir uppbyggingu Djúpvegar.
Hann segir mikilvægt að hafa feiju
þangað til vegurinn verður boðleg-
ur. „Menn myndu sætta sig við að
vera án feijunnar ef það sæi fyrir
endann á framkvæmdum við veg-
inn. Nú er útlit fyrir að það taki
að minnsta kosti 10 til 15 ár og
við erum ekki tilbúnir til að leggja
það af sem við höfum við þær að-
stæður,“ segir Halldór Jónsson.
Halldór Blöndal segir að pening-
arnir sem fara í feijuframkvæmdir
verði auðvitað ekki notaðir tvisvar
en hann telur þó að rekstur bílfeiju
ráði engum úrslitum um uppbygg-
ingu vegarins. „Ég beitti mér fyrir
því að Djúpvegur kæmist á stór-
verkefnaskrá. Það er eðlilegt í beinu
framhaldi af Vestfjarðagöngum að
tengja ísafjörð við hringveginnn,"
segir samgönguráðherra.
Skiptar skoðanir í héraði
Fram kemur hjá samgönguráð-
herra og þingmönnum að það sem
þeir telja eindregna afstöðu heima-
manna hafi ráðið miklu um að út
í feijuframkvæmdir verður farið. í
þessu sambandi segir Kristinn Jón
Jónsson, forseti bæjarstjórnar ísa-
fjarðar, að málið hafi ekki komið
til kasta bæjarstjórnar. Metur hann
það svo að bæjarstjórnarmenn
skiptist í tvo hópa í afstöðu sinni.
Hugsanlega sé meirihluti fyrir feij-
unni en ekki muni miklu. Sjálfur
segist hann telja það stórt skref
aftur á bak að koma upp bílfeiju á
Djúpið á kostnað vegarins. Umferð-
in sé svo lítil að þessar leiðir hljóti
að bitna hvor á annarri.
fjinni sveitarfélögin sem eru að
sameinast Isafjarðarkaupstað eiga
ásamt ísfirðingum flesta stjórnar-
mennina í Djúpbátnum og hafa
hreppsnefndirnar almennt verið
taldar frekar fylgjandi bílfeijunni.
Hins vegar eru miklar efasemdir í
Bolungarvík og hreppsnefndin í
Súðavík hefur sent samgönguráð-
herra hörð mótmæli vegna fyrir-
hugaðrar uppbyggingar á feiju-
bryggjum.
Olafur Kristjánsson, bæjarstjóri
í Bolungarvík, segir að ekki hafí
verið ályktað um málið á vettvangi
bæjarstjórnar og menn vilji bíða
umræðna á Fjórðungsþingi Vest-
firðinga næstu daga. Spurður um
eigin afstöðu segist Olafur telja að
Vestfirðingar hafi ekki efni á tvö-
földu samgöngukerfi í Djúpinu og
hann myndi frekar kjósa veginn ef
feijuframkvæmdin kæmi niður á
honum.
Ágúst Kr. Björnsson, sveitar-
stjóri í Súðavík, segir að fyrirheit
stjórnvalda um öfluga uppbyggingu
Djúpvegar og að veitt yrði til þess
300 milljónum kr., hafi verið megin-
forsendan fyrir sameiningu þriggja
hreppa þar í nýjan Súðavíkurhrepp
í ársbyijun 1995 enda séu góðar
samgöngur innan hreppsins einn
af hornsteinum þess að byggðin
hafi möguleika til að dafna. Með
feijubryggjum væri umferðinni
beint framhjá hreppnum, frá ísa-
íjarðarkaupstað og beint í Hólma-
víkurhrepp, og áherslan myndi fær-
ast frá uppbyggingu vegarins.
Ekki af baki dottnir
Leikurinn virðist tap-
aður fyrir andstæðinga
bílfeijunnar með yfirlýs-
ingu samgönguráðherra
um að framkvæmdir við
feijubryggju á Arngerðareyri og
ísafirði verði boðnar út á næst-
unni. Þeir eru þó ekki af baki dottn-
ir enda hafa þeir á síðustu fimm
árum, allt frá því ferjan kom til
landsins, oft náð að snúa stöðunni
sér í hag á síðustu stundu.
Næsti átakapunktur er á Ijórð-
ungsþingi Vestfirðinga sem haldið
verður á ísafirði á morgun og föstu-
dag.
Tímaskekkja
að hafa tvö-
falt sam-
göngukerfi
OPNA úr kvæðabók sr. Ólafs Jónssonar á Söndum, sem verður
meðal annars fjallað um á málþinginu í Skálholti.
Málþing um tónlist o g
skáldskap 17. aldar
MÁLÞING um tónlist og skáldskap
17. aldar verður haldið í Skálholti í
dag og á morgun, sumardaginn
fyrsta. Málþingið verður sett kl. 17
í dag en meginefni þess er veraldleg-
ur og trúarlegur skáldskapur 17.
aldar og tónlist sem tengist honum.
Verk þriggja skálda aldarinnar verða
skoðuð, sr. Hallgríms Péturssonar,
sr. Ólafs Jónssonar á Söndum og sr.
Stefáns Ólafssonar í Vallanesi.
Að sögn Helgu Ingólfsdóttur,
skipuleggjanda Málþingsins, verður
fjallað um Passíusálma Hallgríms og
lagboðana sem hann tilgreindi við
hvern þeirra. „Það hefur vafist fyrir
mönnum hvaða lagagerðir Hallgrím-
ur átti við þegar hann tilgreindi lög-
in með sálmunum. Margrét Eggerts-
dóttir og Smári Ólason ætla að kynna
hugmyndir sínar hvað þessu viðvíkur
í erindum á málþinginu og Smári
stjórnar söng sálmanna í Skálhoíts-
kirkju á miðvikudagskvöldið."
Helga segir að þótt það sé ef til
vill ekki mjög mikið vitað um söngl-
ist íslendinga á 17. öld þá sé það
vitað að margir frábærir og gagn-
menntaðir söngmenn voru uppi á
þessari öld. „Einn af þeim var sr.
Ólafur Jónsson á Söndum, skáld.
Eftir hann liggur mikil kvæðabók
sem einnig inniheldur nokkur söng-
lög. Bókin er varðveitt í uppskrift
Hjalta Þorsteinssonar og er álitin ein
af gersemum Landsbókasafnsins. Á
málþinginu mun verða fjallað um
þessa bók en hún hefur mikið til leg-
ið órannsökuð til þessa. Munum við
Margrét Bóasdóttir einnig flytja
nókkra lítt kunna sálma úr kvæða-
bókinni í Skálholtskirkju í lok Mál-
þingsins á sumardaginn fyrsta."
Kári Bjarnason, handritavörður,
og Margrét Eggertsdóttir, bók-
menntafræðingur, halda tvö erindi
hvort á málþinginu og sögðu í sam-
tali við Morgunblaðið að megintil-
gangur þess væri að leiða saman
fólk af ólíkum fræðasviðum til að
ræða um menningararf 17. aldarinn-
ar. „Það er margt merkilegt frá þess-
ari öld sem hefur orpist sandi gleyms-
kunnar en það er eitt af markmiðum
þessa málþings að vekja athygli á
því.“
AÐALFUNDUR 1996
Aöalfundur Granda hf. verður haldinn miövikudaginn 24. apríl 1996, kl. 17:00 í matsal fyrirtækisins að Noröurgaröi, Reykjavík.
DAGSKRÁ
í. Venjuleg aöalfundarstörf. o o
2. Tillaga um breytingu á 3. gr. samþykkta félagsins um heimild til stjórnartil að hækka hlutafé meö sölu nýrra hluta.
3. Önnur mál, löglega upp borin.
Dagskrá, endanlegar tillögur, svo og ársreikningur félagsins munu liggja frammi á skrifstofu félagsins, hluthöfum til sýnis, viku fyrir aðalfund.
Atkvæöaseölar og fundargögn veröa afhent
á fundarstaö.
Óski hluthafar eftir að ákveöin mál veröi
tekin til meðferðar á aðalfundinum, þarf
skrifleg beiöni um þaö aö hafa borist
félagsstjórn meö nægilegum fyrirvara,
þannig aö unnt sé að taka málið á dagskrá
fundarins.
Hluthafar, sem ekki geta mætt á fundinn,
en hyggjast gefa umboð, þurfa að gera
þaö skriflega.
STJÓRN GRANDA HF.
GRANDI HF. NORÐURGARÐI, 101 REYKJAVÍK