Morgunblaðið - 24.04.1996, Blaðsíða 39

MORGUNBLAÐIÐ
MIÐVIKUDAGUR 24. APRÍL 1996 39
FRÉTTIR
SKÁTAMESSA verður í Hall-
grímskirkju á sumardaginn fyrsta
og hefst hún kl. 11 f.h. Sr. Karl
Sigurbjörnsson mun þjóna til alt-
aris og predikari verður Ingibjörg
Sólrún Gísladóttir borgarstjóri.
Organisti verður Hörður Áskels-
son.
Að aflokinni messu verður selt
kaffi í sal Skátasambands Reykja-
víkur á 3. hæð Skátahússins við
Snorrabraut 60.
Skátar fara að venju í skrúð-
göngu frá Skátahúsinu eftir
Snorrabraut niður Laugaveg og
síðan upp Skólavörðustíg sem leið
liggur að Hallgrímskirkju. Skrúð-
gangan hefst kl. 10.
Kaffisala
Kópa og Urta
SKÁTAFÉLAGIÐ Kópar og
kvennadeildin Urtur halda sína
árlegu kaffisölu í Félagsheimilinu
í Kópavogi frá kl. 15-18. Kaffi-
salan er til styrktar starfsemi
skátafélagsins.
Kaffisala
Vatnaskógar
SKÓGARMENN KFUM standa
fyrir kaffisölu á sumardaginn
fyrsta til styrktar sumarbúðunum
í Vatnaskógi. Kaffisalan verður í
félagshúsi KFUM og KFUK við
Holtavegi 28 og er frá kl. 14-18.
Nýlega hófust framkvæmdir
við nýjan svefnskála í Vatnaskógi
Sumardagurinn fyrsti
Skatamessa í Hallgrímskirkju
og mun allur ágóði af kaffisölunni
ranna til þeirra framkvæmda. Á
kaffisölunni verður einnig tekið
við skráningu í dvalarflokka sum-
arsins. Um kvöldið verður síðan
kvöldvaka í umsjá Skógarmanna
og hefst hún kl. 20.30.
Hátíðarhöld
í Garðabæ
HÁTÍÐARHÖLD verða í Garðabæ
í tilefni sumardagsins fyrsta og
verður ýmislegt um að vera.
Kl. 11 verður fánaathöfn við
Garðakirkju og strax að henni
lokinni verður skátamessa í
Garðakirkju. Ræðumaður dagsins
verður Hilmar Ingólfsson skóla-
stjóri. Kl. 14 leggur skrúðganga
af stað frá Vídalínskirkju og mun
Blásarasveit Tónlistarskóla
Garðabæjar sjá um undirspil.
Gengið verður að Hofsstaðaskóla
þar sem við tekur fjölbreytt dag-
skrá, s.s. þrautabraut, tónlist og
skemmtiatriði.
Vorsýning myndlistarskóla
Garðabæjar verður í Stjörnuheim-
ilinu frá kl. 16-19. Nemendur
myndlistarskólans verða með
brúðuleikhús kl. 17 og 17.30 og
á sama tíma stendur yfir sýning
hjá fullorðinsdeild myndlistarskóla
Garðabæjar á Garðatorgi.
Félags-
miðstöðvar
aldraðra
FÉLAGSMIÐSTÖÐVAR aldraðra
í Reykjavík standa fyrir skemmtun
á Hótel Sögu á sumardaginn
fyrsta. Skemmtunin hefst kl. 14
en húsið verður opnað fyrir gestum
kl. 13.30.
Boðið verður upp á ýmis
skemmtiatriði m.a. kórsöng, upp-
lestur og danssýningu. Að loknum
skemmtiatriðum verður boðið upp
á kaffi og síðan stiginn dans við
undirleik Hljómsveitar Hjördísar
Geirs. Sigvaldi Þorgilsson dans-
kennari verður á staðnum dönsur-
um til halds og trausts.
Sumri fagnað
í Seljahverfi
HALDIN verður hverfishátíð í
Seljahverfi á sumardaginn fyrsta
á vegum ÍTR, Félagsmiðstöðvar-
innar Hólmasels, ÍR, Skátafélags-
ins Seguls og Seljakirkju.
Dagskráin hefst kl. 11 með ÍR-
Visa-hlaupi fyrir 6-12 ára börn.
Lagt af stað frá Seljaskóla. Kl.
13.30 verður svo farin skrúðganga
sem leggur upp frá Kjöt og fisk
undir stjóm skáta frá Skátafélag-
inu Segli í Seljahverfí. Kl. 14 verð-
ur svo haldin fjölskylduguðsþjón-
usta í Seljakirkju og kl. 14.30
hefst skemmtidagskrá við Hólmas-
el.
Sumarkaffi í
Hafnarfirði
SYSTRAFÉLAG Víðistaðakirkju
heldur sitt árlega sumarkaffí á
sumardaginn fyrsta kl. 15 en þetta
er í 15. sinn sem systrafélagskon-
ur hafa kaffi þennan dag og bjóða
upp á vöfflur og ijóma með kaff-
inu.
í kirkjunni er svo blómamessa
kl. 14.
Dagskrá í Nor-
ræna húsinu
BARNABÓKARÁÐIÐ, íslands-
deild IBBY, fagnar sumri með
börnum og fullorðnum í Norræna
húsinu kl. 14, fímmtudaginn 25.
apríl.
Meðal skemmtiatriða mun Kór
Snælandsskóla syngja undir stjórn
Heiðrúnar Hákonardóttur, Barna-
bókaráðið veitir viðurkenningar
fyrir framlag til barnamenningar,
6 og 8 ára börn úr ísaksskóla flytja
leikþætti í tilefni 70 ára afmæli
skólans. Stjórnendur eru Herdís
Egilsdóttir og Edda Huld Sigurð-
ardóttir. Leikhópurinn Perlan sýn-
ir stutt atriði undir stjórn Sigríðar
Eyþórsdóttur og nemendur úr Fós-
truskóla íslands sýna brúðuleik-
hús. Aðgangur er ókeyps og allir
velkomnir.
Opið í Húsdýra-
garðinum
OPIÐ verður í Fjölskyldu- og hús-
dýragarðinum á sumardaginn
fyrsta frá kl. 10-18.
Furðufjölskyldan kemur í heim-
sókn kl. 14 og skemmtir gestum
til kl. 14.40 og Pétur Póker, töfra-
maður leikur listir sínar kl. 14.
Nokkur tæki í Fjölskyldugarðinum
verða sett úr þennan dag í prufu-
keyrslu fyrir sumarið. Ungviðum
dýranna fer óðum fjölgandi og eru
í garðinum núna fjórir kiðlingar
og átta lömb ásamt hænuungum..
Kaffíhús Fjölskyldu- og hús-
dýragarðsins er opið á sama tíma
og garðurinn. Aðgangseyrir: 0-5
ára ókeypis, 6-16 ára 100 kr. og
200 kr. fyrir fullorðna.
Fræðsla um
vímuefna-
varnir unglinga
ALLA miðvikudaga eru haldnir fyr-
irlestrar og umræður um vímuefna-
vanda unglinga hjá dagdeild Tinda,
Hverfisgötu 4a, 3. hæð.
Fyrirlestrarnir og umræðurnar
standa yfir frá klukkan 17.30-19
og þeim stjórnar Ragnheiður Óla-
dóttir fjölskylduráðgjafí.
Allir eru velkomnir og foreldrar,,
sem grunar að börn þeirra eigi við
vímuefnavanda að etja, eru sérstak-
lega velkomnir. „Reynslan hefur
kennt okkur á Tindum að þegar
foreldra grunar að unglingurinn
þeirra sé byijaður í drykkju eða
annari vímnuefnaneyslu er það yfír-
leitt rétt,“ segir í frétt hjá dagdeild-
inni.
HAMRAHLÍÐARKÓRINN mun syngja á þekktri æskukórahátið í Japan í sumar.
j w - mi'
2r,; SEr Y| 10 1 ■ 1 yyre
Ana-
naust
lattaríð
Grófin
Skóla-
vörbu
holtí
Gamla Járnbrautar-
leiðin gengin
HAFNARGÖNGUHÓPURINN
stendur fyrir gönguferð miðviku-
dagskvöldið 24. apríl eftir leið þar
sem gamla járnbrautarsporið lá frá
Örfiriseyjargranda yfír Skildinga-
nesmela að Öskjuhlíð, Skóiavörðu-
holti og með ströndinni niður á Batt-
eríið.
Fráárinu 1913 ogframundir 1928
voru tvær eimreiðar notaðar við
hafnargerð í Reykjavík til flutninga
á gijóti og möl. Bækistöð þeirra var
svonefnd Hafnarsmiðja en hún stóð
þar sem Miklatorg var seinna.
Mæting í ferðina er kl. 20 við
Hafnarhúsið. Við upphaf ferðar
verður ýmislegt gert til að rifja upp
sögu þessarar einu járnbrautarstarf-
semi á Islandi, m.a. farið niður á
Miðbakka að annarri eimreiðinni.
Ýmislegt verður gert til skemmtunar
og fróðleiks í Hafnarhúsportinu.
Boðið verður upp á sýrudrykk og
kaffísopa og kandís. Allir velkomnir.
Orfirisey
Jarn- ^ s
brautar-
leibin sk"din£
1913-1928
Kórarnir við Hamrahlíð
syngja inn sólina og vorið
SUMARDAGINN fyrsta,
fimmtudaginn 25. apríl, halda
kórarnir við Hamrahlíð undir
sfgórn Þorgerðar Ingólfsdóttur
upp á sumarkomu með
skemmtun í hátíðarsal Mennta-
skólans við Hamrahlíð undir
heitinu Vorvítamín. Ekkert
kostar inn.
Kórfélagarnir, sem eru 120
talsins, halda tvenna tónleika.
Þeir fyrri hefjast kl. 14:30, hús-
ið opnar kl. 14, en hinir seinni
hefjast um kl. 16. Á milli tón-
leikanna og eftir þá verður
boðið upp á veitingar, söng-
leiki og sagnastundir fyrir
börn, happdrætti og spákona
verður á staðnum ásamt ýmsu
öðru. Opið hús verður allan
eftirmiðdaginn.
Á tónleikunum verða m.a.
flutt nokkur sumar- og æt-
tjarðarlög, sem allir ættu að
geta sungið með í. Einnig flylja
kórarnir fjölda tónverka, sem
hafa verið á efnisskrá þeirra
í vetur. Ljóðin við mörg þess-
ara laga eru um sumar, sól og
vorkomu. Á fyrri tónleikunum
verða eingöngu flutt íslensk
tónverk. Á seinni tónleikunum
verða flutt bæði íslensk og er-
lend sönglög.
Kór Menntaskólans við
Iiamrahlíð er nýkominn úr
söngferð um Norðvesturland.
Kórinn hélt 9 tónleika, dagana
12. til 14. apríl, á Sauðár-
króki, Hólum, Hofsósi og
Blönduósi. Sungið var í spí-
tölum, skólum, kirkjum og
samkomuhúsum og vakti tær
og fagur söngurinn hrifningu.
Japansför undirbúin
Hamrahlíðarkórinn hélt tón-
leika í Listasafni Islands 9.
apríl þar sem hann flutti ein-
göngu íslensk tónverk. Mörg
þeirra höfðu verið samin sér-
staklega fyrir Þorgerði Ing-
ólfsdóttur og kóra hennar.
Nokkur lög voru frumflutt á
þessum tónleikum þar á meðal
Afmorsvísa eftir Snorra Sigfús
Birgisson við texta Páls Vídal-
íns og 3 lög eftir Jón Nordal
við ljóð Snorra Hjartarsonar:
Haust, Þögn og Vor, og verða
þau flutt aftur nú.
Hamrahlíðarkórinn undir-
býr nú söngferð í sumar til
Japans á virta æskukórahátíð.
Boney M
til Islands
ÞÝSKI söngflokkurinn Boney M
hélt tónleika hér á landi fyrr á árinu
og er nú kominn aftur til tónleika-
halds. Flokkurinn verður á Hótel
íslandi síðasta vetrardag og á Akur-
eyri sumardaginn fyrsta, en einnig
stendur til að taka upp sjónvarps-
þátt með flokknum.
I fréttatilkynningu segir m.a.:
„Vegna fjölda áskorana halda
Boney M og tíu manna hljómsveit
tónleika aftur á Hótel íslandi 24.
apríl og daginn eftir verða fjöl-
skyldutónleikar í KA íþróttahöllinni
á Akureyri. Einnig er möguleiki á
að þriðju tónleikunum verði bætt við
á Hótel íslandi kl. 22 það kvöld.“
I tengslum við tónleikana verður
gerður sjónvarpsþáttur sem byggður
verður upp á upptökum frá tónleik-
unum og viðtölum við hljómsveitar-
meðlimi í íslenskri náttúru.
Kynnir á tónleikunum verður Þor-
geir Ástvaldsson, en hljómsveitin
Sixties leikur fyrir dansi að þeim
loknum.
Trú og
nútímalist
í KVÖLD kl. 20:30 flytur dr. Gunn-
ar Kristjánsson erindi í Ingólfs-
stræti 8 um trú og nútímalist og
sýninguna sem þar stendur yfir,
„Blóð Krists". Steingrímur Eyfjörð,
Sara Bjömsdóttir, Börkur Arnarson
og Svanur Kristbergsson eiga verk
á sýningunni, sem hefur að sögn
forráðamanna Ingólfsstærtis 8 ver-
ið afar vel sótt. Sýningunni lýkur
þann 28. apríl. Allir eru boðnir vel-
komnir á fyrirlestur dr. Gunnars.
------»■■♦"♦----
■ SKAGFIRÐINGAFÉLAGIÐ í
Reykjavík heldur sumarfagnað í
félagsheimilinu Drangey, Stakka-
hlíð 17 síðasta vetrardag, 24. apríl.
Húsið verður opnað kl. 21. Þar verð-
ur sungið og dansað fram eftir
nóttu og miðaverð er 500 kr.
■ ÁRSHÁTÍÐ árgangs 1957 úr
Hagaskóla verður haldinn í Fé-
lagsheimili Seltjarnamess föstu-
daginn 26. apríl. Ræðumaður
kvöldsins verður Haraldur Finn-
son.