Morgunblaðið - 24.04.1996, Blaðsíða 14
14 MIÐVIKUDAGUR 24. APRÍL 1996
VIÐSKIPTI
MORGUNBLAÐIÐ
AT&T
með 14%
hagnað
New York. Reuter.
AT&T fjarskiptafyrirtækið
hefur birt yfirlit um afkomu
sína í fyrsta sinn síðan það
var endurskipulagt og sam-
kvæmt því hagnaðist það um
1.4 milljarða dollara á fyrsta
ársfjórðungi, sem er 14 aukn-
ing miðað við sama tíma í
fyrra.
í reikningunum eru ekki
taldar með deildir, sem AT&T
ætlar að selja eða breyta.
Arður á hlut er 90 sent.
Fyrir ári nam hagnaður
sambærilegra deilda AT&T
1.3 milljörðum dollara og arð-
ur á hlut 80 sentum.
Ekki er reiknað með fjar-
skiptabúnaðar og tæknideild-
inni Lucent Technologies,
sem AT&T breytti í almenn-
ingshlutafélag fyrr í þessum
mánuði, NCR Corp. og AT&T
Capital Corp.
Að hinum deildunum með-
töldum nam hagnaður AT&T
1.362 milljörðum dollara og
arður á hlut 85 sentum, sam-
anborið við 1.198 milljörðum
dollara og 76 sent á hlut.
í Wall Street hafði verið
búizt við 86 senta hlut.
Mettap hjá
Olivetti
í fyrra
Mílanó. Reuter.
OLIVETTI upplýsinga- og
tæknirisinn á Italíu hefur
skýrt frá mettapi í fyrra og
mun tapið auka mikinn kostn-
að af endurskipulagningu,
sem er þegar orðinn hár, en
vonir eru bundnar við bætta
stöðu tölvufyrirtækisins.
Hreint tap nam einum
milljarði dollara eða 1.589
billjónum líra 1995 saman-
borið við 679 milljarða líra
tap 1994, en einkatölvufyrir-
tæki Olivetti kom slétt út í
febrúar og marz. Vonir
standa til að batinn haldi
áfram út árið.
Sala einkatölvufyrirtækis
Olivetti í heiminum jókst um
28% á fyrsta ársfjórðungi
1996. Í Evrópu jókst salan
um og markaðshlutdeild hef-
ur aukizt.
Intel með
óbreyttan
hagnað
Santa Clara, Kalifomíu. Reuter.
INTEL-fyrirtækið, mesti
tölvukubbaframleiðandi
heims, hefur skýrt frá því að
hagnaður þess hafi verið
óbreyttur á fyrsta ársfjórð-
ungi, en segir að eftirspurn
eftir hálfleiðurum virðist í
föstum skorðum.
Intel segir að nettótekjur á
fyrsta ársfjórðungi hafi num-
ið 894 milljónum dollara,
samanborið við 889 milljónir
fyrir ári. Tekjur á hlutabréf
voru óbreyttar: 1,02 dollarar.
Tekjur Intel á fjórða árs-
fjórðungi 1995 voru minni en
búizt hafði verið við í Wall
Street. Þá var bent á að dreg-
ið gæti úr tekjum af sölu eink-
atölva og að hagnaður yrði
óbreyttur.
Góð afkoma hjá Fiskveiðasjóði á síðasta ári
Hagnaðurnam um 487milljónum
HAGNAÐUR Fiskveiðasjóðs á síð-
asta ári nam 487 milljónum króna
og er það umtalsvert betri afkoma
en árið 1994 er hagnaður sjóðsins
nam tæpum 329 milljónum króna.
Aukningin milli ára nemur þvi 48%.
Á sama tíma drógust hreinar vaxta-
tekjur sjóðsins og aðrar rekstrar-
tekjur saman um 114 milljónir
króna samtals. Rekstrargjöld
hækkuðu einnig lítillega.
Aukinn hagnaður Fiskveiðasjóðs
á síðasta ári skýrist fyrst og fremst
af því að sjóðurinn bakfærði af af-
skriftareikningi sínum 71 milljón
króna. Árið 1994 hafði sjóðurinn
hins vegar lagt 121 milljónar króna
framlag á afskriftareikning sinn og
munar hér því rúmum 190 milljón-
um króna á milli ára.
Afskriftareikningur Fiskveiða-
sjóðs stóð í tæpum 633 milljónum
króna í árslok 1995 og námu endan-
lega töpuð útlán ársins rúmum 44
milljónum króna. Eigið fé sjóðsins
var 5,2 milljarðar í árslok.
Kjörvaxtakerfi
tekið upp
Stjórn Fiskveiðasjóðs hefur af-
ráðið að taka upp kjörvaxtakerfi í
útlánum sínum og býður sjóðurinn
nú þegar upp á lán af þessum toga,
en kjörvaxtakerfinu er alfarið ætlað
að taka við af eldra fyrirkomulagi
þann 1. júlí á þessu ári, að því er
fram kemur í fréttatilkynningu.
Alls eru 4 flokkar í kjörvaxta-
kerfi sjóðsins, auk grunnvaxta.
Vaxtamunur milli þessara fjögurra
flokka er allt að 2%, mestur milli
neðstu tveggja flokkanna eða 1%.
Lántakendur geta valið milli lána í
myntkörfu sjóðsins eða lána í ein-
stökum myntum. Vextir af mynt-
körfunni eru í dag 5,75% en vextir
í erlendum myntum miðast við líbor
aul< álags á bilinu 1-3,4%.
í A-flokki lenda stór fyrirtæki
með eigið fé umfram 300 milljónir,
eiginfjárhlutfall umfram 30%,
veltufjárhlutfall umfram 1,2 og eru
skráð á Verðbréfaþingi. í B-flokki
lenda síðan fýrirtæki með eiginfjár-
hlutfall yfir 20%, eigið fé yfir 50
milljónum og veltufjárhlutfall yfír
0,9.
í C-flokki þarf eiginfjárhlutfall
að vera jákvætt, eigið fé yfir 5
milljónum og veltufjárhlutfall að
vera yfir 0,5. í D-flokki lenda síðan
fyrirtæki sem ekki uppfylla ofan-
greind skilyrði, en auk þeirra er
m.a. litið til reynslu af viðskiptum,
ýmissa kennitalna og rekstraráætl-
ana, svo eitthvað sé nefnt.
Fiskveiðasjóður íslands
Úr reikningum ársins 1995
Rekstrarreikningur mnónn kmna 1995 1994 Breyt.
Vaxtatekjur 1.931,8 2.117,5 -8,8%
Vaxtagjöld 1.320,7 1.448,5 -8,8%
Hreinar vaxtatekjur 611,1 668,9 -8,6%
Aðrar rekstrartekjur 108,2 164,0 -34,0%
Hreinar rekstrartekjur 719,3 832,9 -13,6%
Önnur rekstrargjöld 145,9 133,1 +9,6%
Framlag af/(á) afskriftareikn. útlána 72,5 (129,2) +156.2%
Hagnaður fyrir skatta 645,9 570,7 +13,2%
Hagnaður af reglul. starfs. e. skatta 407,6 343,8 +18,5%
Hagnaður ársins 486,9 328,8 +48,1%
Efnahagsreikningur 31. desember
I Eianir: t Milliónir króna
Útlán 23.038,9 24.935,4 -7,6%
Aðrir eignaliðir 3.243,6 3.769,1 -13,9%
Eignir samtals 26.282,5 28.704,5 -8,4%
I Skuldir og eigið fé: I
Skuldir 21.077,3 24.067,9 -12,4%
Eigið fé 5.205,2 4.636,6 +12,3%
Skuldir og eigið fé samtals 26.282,5 28.704,5 -8,4%
Ekkert lát
á vaxta-
lækkunum
Landsbankinn segir rekstrarafkomu betrí en gert var ráð fyrír 1993
Rekstrarhagnaður langt
umfram áætlanir
BRYNJÓLFUR Helgason, aðstoð-
arbankastjóri Landsbankans, segir
að afkoma bankans sé mun betri
en skilja hafi mátt af frétt
Morgunblaðsins í gær. Þar var
vitnað til ummæla Finns Ingólfs-
sonar, viðskiptaráðherra, á alþingi
á þriðjudag um að afkoma bank-
ans undanfarin þijú ár væri um
1.500 milljónum króna lakari en
áætlanir frá árinu 1993 gerðu ráð
fyrir.
Brynjólfur segir að samkvæmt
þeim áætlunum sem gerðar hafi
verið í tengslum við lánveitingar
ríkisins og eiginfjárframlag til
bankans árið 1993, hafí hagnaður
áranna 1993-1995 verið áætlaður
samtals um 1.330 milljónir króna.
Jafnframt hafi verið gert ráð fyrir
því að framlag á afskriftareikning
myndi nema um 3 milljörðum
króna á þessum þremur árum.
„Niðurstaðan varð sú að saman-
lagður hagnaður þessara þriggja
ára nam 242 milljónum eða um
tæpum 1.100 milljónum minni en
áætlanir gerðu ráð fyrir.
Hins vegar nam framlag á af-
skriftareikning samtals rúmum
5,5 milljörðum eða 2,5 milljörðum
umfram áætlanir. Þar af er eitt
mál sem veldur bankanum um
7-800 milljóna króna tapi á þess-
um tíma. „Rekstrarhagnaður er
því í raun verulega meiri en áætl-
anirnar gerðu ráð fyrir,“ sagði
hann.
Stuðst við skýrslu
bankaeftirlits
Finnur Ingólfsson segir að mál
þetta megi rekja til þess að Banka-
eftirlit Seðlabankans hafí sent
honum og fjármálaráðherra
skýrslu um framkvæmd samnings-
ins um aðgerðir til að bæta eigin-
fjárstöðu Landsbankans.
„í samningnum var gert ráð
fyrir því að hagnaður Landsbank-
ans fyrir skatta og óreglulega liði
yrði 929 milljónir að meðaltali á
hveiju ári fyrir sig, miðað við verð-
lag ársins 1995. Þegar rekstrar-
reikningur bankans er borinn sam-
an við þessa áætlun kemur í ljós
að hagnaður fyrir skatta er ekki
nema 454 milljónir. Mismunurinn
þarna er 475 milljónir króna á
ári, eða nálægt 1.500 milljónum á
þremur árum.“
Finnur segir að áætlanir um
tekjur bankans, launakostnað,
annan rekstrarkostnað og afskrift-
ir hafi staðist í öllum megindrátt-
um. Munurinn liggi því í mun
meira framlagi í afskriftarreikn-
inga vegna tapaðra útlána en
áætlað hafí verið.
VEXTIR fóru áfram lækkandi í við-
skiptum á Verðbréfaþingi í gær.
Ávöxtunarkrafa á 20 ára spariskír-
teinum lækkaði úr 5,40% í 5,35% og
ávöxtunarkrafa annarra flokka
spariskírteina fór einnig lækkandi.
Þá lækkaði Seðlabankinn ávöxtunar-
kröfu á 3ja mánaða ríkisvíxlum um
0,1% og kemur sú lækkun til viðbót-
ar við 0,75% lækkun nýverið.
Viðmælendur Morgunblaðsins á
verðbréfamarkaði sögðu í gær að það
vekti athygli að vaxtamunur hús-
bréfa og 20 ára spariskírteina hefði
verið að aukast. í upphafí hefði þessi
munur verið um það bil 8-10 punkt-
ar en væri nú orðinn nærri 20 punkt-
um. Er þetta talið endurspegla eðli-
legan vaxtamun á bréfunum.
Ávöxtunarkrafa húsbréfa hefur
einnig farið lækkandi og stendur hún
nú í um 5,54% hjá verðbréfafyrir-
tækjunum, en var 5,57% á mánudag.
Talið er að mikil ásókn í langtíma-
verðbréf endurspegli þá trú fjárfesta
að vextir eigi eftir að lækka enn frek-
ar. Viðmælendur blaðsins töldu
greinilegt að svigrúm væri fyrir frek-
ari lækkanir á næstunni.
Sparisjóður Hafnarfjarðar
með 101 milljónar hagnað
Sparisjóður
Mýrasýslu
40 milljóna
hagnaður
HAGNAÐUR Sparisjóðs Mýrasýslu,
Borgarnesi, nam 40,4 milljónum
króna á síðasta ári. Heildarinnlán
Sparisjóðsins jukust um 16,7% í 2,2
milljarða króna og er sú aukning
meiri en nemur meðaltalsaukningu
hjá sparisjóðunum, sem var 13,7% á
síðasta ári, skv. frétt frá SM.
Útlán jukust um 5,3% frá fyrra
ári og námu í árslok 1995 25 millj-
örðum króna. Afskriftareikningur
útlána stóð í árslok í 211,2 millón-
um, eða um 7,4% af útlánum og
veittum ábyrgðum.
Eigið fé SM í árslok var rúmar
480 milljónir og jókst um 9,2% um-
fram verðlagsbreytingar. Eiginfjár-
hlutfall samkvæmt lögum um við-
skiptabanka og sparisjóði var 18,3%
í árslok.
SPARISJÓÐUR Hafnarfjarðar skil-
aði alls tæplega 101 milljónar króna
hagnaði á síðasta ári samanborið
við 59,6 milljóna hagnað árið 1994.
Þessi bætta afkoma skýrist fyrst
og fremst af aíiknum umsvifum sem
leiddu til aukinna tekna. Rekstrar-
gjöld hækkuðu mun minna en nam
hækkun tekna og framlag í afskrift-
arreikning útlána lækkaði milli ára.
Eigið fé var 1.076 milljónir í árs-
lok 1995 og arðsemi eigin §ár
10,3%, samanborið við 6,4% árið
áður. Eiginfjárhlutfall sparisjóðsins
samkvæmt Bis-reglum var 19,3% í
árslok 1995, en þarf að vera 8%
að lágmarki. Heildarinnlán, spari-
sjóðsvíxlar og sparisjóðsbréf voru
alls 5.565 milljónir í árslok 1995
samanborið við 5.132 milljónir árið
áður og jukust um 8,4%. Útlán
námu alls um 5,9 milljörðum og
jukust um 799 miiljónir eða 15,7%.
Framlag í afskriftarreikning nam
alls 49 milljónum og stóð afskriftar-
reikningurinn í 196 milljónum í árs-
lok 1995. Lækkaði afskriftarfram-
lagið um 14 milljónir milli ára.
Vaxandi samkeppni
um útlán og innlán
Matthías Á. Mathiesen, stjórnar-
formaður Sparisjóðs Hafnarfjarðar,
segir í ávarpi sínu í ársskýrslu að
þótt sparisjóðnum hafi vegnað vel
á árinu sé ástæða til að staldra við
og meta áhrif aukinnar samkeppni
á fjármagnsmarkaðnum.
„Vaxandi samkeppni á árinu frá
tryggingafélögum, lífeyrissjóðum
og kaupleigufyrirtækjum um lán-
takendur hefur leitt til lækkunar
útlánsvaxta. Samkeppnin um spari-
fé landsmanna hefur jafnframt auk-
ist á liðnum árum. Má í því sam-
bandi nefna stóraukinn áhuga al-
mennings á hlutabréfum sem fjár-
festingarvalkosti, verðbréfaútgáfu
ríkisins og opinberra aðila, verð-
bréfasjóði og nú síðast aukinn fjölda
líftryggingarfyrirtækja á íslenskum
sparifjármarkaði. Búast má við að
hin aukna samkeppni eigi eftir að
hafa áhrif til lækkunar á vaxtamun
sparisjóða og banka á næstu árum.
Afar brýnt er að fylgjast náið með
þessari þróun og grípa til nauðsyn-
legra aðgerða til þess að tryggja
áframhaldandi vöxt og góða af-
komu sparisjóðsins."
Matthías var endurkjörinn í
stjórnina ásamt þeim Stefáni Jóns-
syni og Eggert ísakssyni. Auk þess
verða tveir stjórnarmenn til viðbót-
ar tilnefndir af bæjarstjórn Hafnar-
fjarðar.