Morgunblaðið - 24.04.1996, Blaðsíða 52
HYUNDAI
Hátækni til framfara
W Tæksiival
Skelfunnl 17 • Slml 568-1865
MORGUNBLAÐIÐ, KRINGLAN 1, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: HAFNARSTRÆTI 85
MIÐVIKUDAGUR 24. APRÍL 1996
VERÐ í LAUSASÖLU 125 KR. MEÐ VSK
Hagnaður Fiskveiðasjóðs 487 milljónir á síðasta ári
71 milljón færð af
afskriftareikningi
HAGNAÐUR Fiskveiðasjóðs ís-
lands jókst um 48% á milli áranna
1994 og 1995 og nam 487 milljón-
um króna á síðasta ári. Þessi hagn-
aðaraukning skýrist að verulegu
leyti af því að sjóðurinn bakfærði
á síðasta ári 71 milljón króna af
afskriftarreikningi sínum, en árið
1994 nam framlag á reikninginn
hins vegar 121 milljón króna.
Hreinar vaxtatekjur Fiskveiða-
sjóðs drógust saman á síðasta ári
og aðrar rekstrartekjur einnig.
Samtals lækkuðu þessir liðir um
114 milljónir króna á sama tíma
og rekstargjöld sjóðsins jukust lítil-
lega. í árslok námu útistandandi
lán hjá sjóðnum 23 milljörðum
króna, en það er lækkun um tæpa
2 milljarða á milli ára.
Eigið fé 5,2 milljarðar
Afskriftareikningur Fiskveiða-
sjóðs stóð í tæpum 633 milljónum
króna í árslok 1995 og námu
endanlega töpuð útlán ársins rúm-
um 44 milljónum króna. Eigið fé
sjóðsins var 5,2 milljarðar í árslok.
Stjórn Fiskveiðasjóðs ákvað á
fundi sínum nýlega að taka upp
kjörvaxtakerfi og verða fyrirtæki
m.a. flokkuð eftir eiginfjárhlutfalli,
stærð og veltufjárhlutfalli. Það vek-
ur at'nygli að til þess að hljóta bestu
lánskjör verða fyrirtæki að vera
skráð á Verðbréfaþingi. Lánveiting-
ar samkvæmt hinu nýja kerfi eru
þegar hafnar en gert er ráð fyrir
að það komi að fullu í stað eldra
fyrirkomulags þann 1. júlí.
■ Hagnaður jókst/14
Morgunblaðið/Gunnar
Feðgar í eldlínunni
ÞEIR Amór og Eiður Smári
Guðjohnsen eru í landsliðshópi ís-
lands sem leikur gegn Eistlending-
um ytra í kvöld. Mun þetta vera
í fyrsta skipti sem feðgar eru vald-
ir í landslið í knattspymu. Amór
leikur í Svíþjóð, en Eiður Smári í
Hollandi og er myndin tekin er
þeir hittust í Kaupmannahöfn i
fyrradag á leið til Tallinn.
■ Feðgar/Dl
Marín eins
árs og hress
MARÍN litla Hafsteinsdóttir
var komin á fætur og í fínan
„ skokk í gærmorgun, aðeins
degi eftir hjartaþræðingu á
Landspítalanum. Anna Oðins-
dóttir, móðir Marínar, sagði að
ætlunin væri að halda upp á
eins árs afmæli hennar seinna
um daginn enda var hún
fastandi fyrsta afmælisdaginn
og aðgerðardaginn á mánudag.
Hún sagði að Marín væri mjög
hress eftir aðgerðina.
Marín var hins vegar um og
ó þegar hjartasérfræðingurinn
Stanton Perry frá Children’s
Hospital í Boston tók hana upp
enda vildi hún miklu heldur
reyna fótstyrkinn á gólfinu.
Með þeim Stanton og Marín á
-myndinni er Hróðmar Helgason
sérfræðingur í hjartasjúkdóm-
um barna á Landspítalanum.
Hann aðstoðaði Stanton við að-
gerðina.
■ Vongóður um árangur/4
Morgunblaðið/Ámi Sæberg
STANTON Perry med Marín í fanginu. Hróðmar fylgist með.
Efnahagsstarfsemi í örum vexti, segir forstjóri Þjóðhagsstofnunar
Aukning í bíla-
sölu og ferðum
til annarra landa
ÞÓRÐUR Friðjónsson, forstjóri
Þjóðhagsstofnunar, segir að vís-
bendingar séu um að mjög góður
gangur sé í efnahagslífinu um þess-
ar mundir. Vöxturinn sé meiri en
ráð hafi verið fyrir gert og það sé
ástæða til að vera á varðbergi vegna
hugsanlegrar þenslu, þó ekki þurfi
að svo komnu að grípa til sérstakra
aðgerða vegna þessa.
I nýjum hagvísum Þjóðhags-
stofnunar kemur fram að bifreiða-
innflutningur fyrstu þtjá mánuði
þessa árs var 44% meiri en þijá
fyrstu mánuði ársins í fyrra, en
nýskráning bifreiða í fyrra jókst um
. 25% frá árinu áður.
Þá kemur einnig fram að utan-
landsferðir fyrstu þijá mánuði
þessa árs voru 20% fleiri en sömu
mánuði í fyrra, en á árinu 1995
fjölgaði utanlandsferðum um 14%
frá árinu á undan. F'ram kemur að
þetta skýrist af auknum tekjum,
en ráðstöfunartekjur hafi aukist um
6% í fyrra og gert sé ráð fyrir svip-
aðri aukningu á þessu ári.
Efnahagsstarfsemin í vexti
„Þetta er vitnisburður um það
að efnahagsstarfsemin er í örum
vexti og þess vegna er nauðsynlegt
að fylgjast með á næstu vikum og
mánuðum. Sérstaklega á það við
um þætti eins og verðlagsþróun,
atvinnuþróun og innflútning,“ sagði
Nýskráning bifreiða
jan. til mars 1994-96
Þórður í samtali við Morgunblaðið.
Hann sagði að atvinnuleysið
hefði til dæmis minnkað töluvert
meira en ráð hefði verið gert fyrir
þó enn væri það nokkuð mikið.
Verðlagsþróun hefði verið talsvert
hagstæð það sem af væri árinu, en
innflutningur hefði hins vegar verið
mikill og það væri ekki síst á því
sviði sem hafa þyrfti góðar gætur
á þróuninni á næstu mánuðum. „Að
öllu samanlögðu er ekki hægt að
draga aðrar ályktanir af þessum
vísbendingum heldur en að allt sé
með tiltölulega kyrrum kjörum, þó
menn þurfi að sjálfsögðu að hafa
andvara á sér,“ sagði Þórður Frið-
jónsson ennfremur.
Meirihlutinn
klofinn á
Egilsstöðum
Egilsstöðum. Morgunblaðið.
Á FUNDI í bæjarstjórn Egilsstaða
í gær var tekin ákvörðun um val á
brúarstæði yfir Eyvindará. Meiri-
hluti bæjarstjórnar Egilsstaða er
myndaður af fulltrúum Alþýðu-
bandalags og Sjálfstæðisflokks og
klofnaði hann í afstöðu sinni um
brúarstæðið.
Á fundinum voru bornar upp
tvær tillögur um málið. Tllaga D-
lista um að ný brú verði reist við
Eyvindarárgil, eða samkvæmt nú-
gildandi aðalskipulagi, var sam-
þykkt með fimm atkvæðum gegn
tveimur. Tillaga G-listans um að
ný brú yrði byggð við Melshorn var
felld með fimm atkvæðum á móti
tveimur atkvæðum G-lista.
-----» ♦ ♦----
Ferjubryggj-
ur við Djúp
HALLDÓR Blöndal samgönguráð-
herra segir að framkvæmdir við
feijubryggjur á Arngerðareyri og
ísafirði verði boðnar út þegar Vega-
gerðin hefur lokið samningum við
stjórn Hf. Djúpbátsins um þjónustu
við eyjar á Isafjarðardjúpi, eignar-
hald Fagranessins og fleiri hluti.
Djúpbáturinn mun þá geta hafið
reglulegar feijusiglingar með eðli-
legum hætti en það ætlar hann að
gera án styrkja ríkisins.
■ Sjóvegur eða landleið?/10
-----♦ ♦ ♦-----
Flóttamenn frá Bosníu
Beðið um hæli
fyrir 40 manns
FLÓTTAMANNAHJÁLP Samein-
uðu þjóðanna hefur sent utanríkis-
ráðuneytinu lista með 40 nöfnum
flóttamanna frá Bosníu sem óskað
er eftir að ísland taki við.
Af þessum 40 þurfa 19 sérstakr-
ar aðstoðar við.
Halldór Ásgrímsson utanríkis-
ráðherra segir að reynt verði að
verða við þessari beiðni, en Island
hafði boðist til að taka á móti 25
flóttamönnum frá Bosníu.