Morgunblaðið - 10.05.1996, Blaðsíða 10

10 FÖSTUDAGUR 10. MAÍ 1996
MORGUNBLAÐIÐ
FRETTIR
íslenskur byssusmiður, útlærður í Belgíu, hefur sett á stofn byssusmiðju í Reykjavík
Smíðar eftir
ýtrustu kröfum
FYRIR skömmu tók til starfa ís-
lensk byssusmiðja sem er sú eina
sem er starfandi um þessar
mundir í Reykjavik, en hún ber
nafn eiganda síns, Jóhanns Vil-
hjálmssonar. Jóhann lærði byssu-
smíði í Liege í Belgíu um þriggja
ára skeið. Onnur byssusmiðja er
starfandi í Kópavogi.
Hann ólst upp í Breiðafjarðar-
eyjum og segir áhuga á byssum
hafa verið rikulegan á æskuslóð-
unum. Hann hafi þvi alltaf haft
áhugaá faginu en ekki látið eft-
ir «ér nám á því sviði fyrr en
hann hætti til sjós.
Lærði í Mekka byssusmíði
„Ég lagði drög að þessu námi
1992 þegar ég datt niður á yfir
aldar gamlan skóla i Belgíu, en
aðeins tveir slíkir eru til í heimin-
um. Liege er nokkurs konar
Mekka byssusmiði í heiminum,
en þarna voru 200 byssusmiðir
um aldamótin, eða ekki ósvipað
og fiskiðnaður hérlendis,“ segir
Jóhann.
Hann lærði sérstaklega skepti-
smíði og málmgröft ytra, en sið-
an hann tók til starfa hefur ver-
ið mest að gera við lagfæringar
á vopnum. Fyrsta verkefnið var
þó af öðrum toga, eða verðlauna-
gripur fyrir fjármálaráðuneytið
í líki áttavita.
Jóhann segir að rifflamenn-
ingin sé á undanhaldi en hagla-
byssueign sæki í sig veðrið. Hann
hefur auk þess smíðað hnífa og
gert upp gamla ættargripi.
Boðið að smíða fyrir
þjóðhöfðingja
Ytra fékkst hann meðal annars
við smiði á nyög dýrum byssum
og var gefinn kostur á að vinna
fyrir belgískt fyrirtæki sem sér-
hæfir sig í smíði vopna fyrir þjóð-
höfðinga, en slíkar gersemar
geta kostað allt upp í tvær millj-
ónir króna. Jóhann kveðst hins
vegar hafa langað heim eftir ríf-
lega þriggja ára dvöl erlendis,
þótt hann hafi verið á báðum
áttum, enda boðið gott.
Borgarráð
Húsnæðisskrifstofa
stofnuð
BORGARRÁÐ hefur samþykkt
tillögu um að stofnuð verði Hús-
næðisskrifstofa er sinni málefn-
um húsnæðislausra Reykvíkinga.
Að sögn Guðrúnar Ágústsdóttur,
forseta borgarstjómar, er hér um
verulega hagræðingu að ræða
þegar búið er að sameina á einn
stað öll úrræði sem fyrir hendi
eru fyrir þá sem eru í húsnæðis-
vandræðum.
„Núna þarf fólk að leita á
marga staði,“ sagði Guðrún. „Það
er leitað til húsnæðisskrifstofu
félagsmálastofnunar, Húsnæðis-
nefndar Reykjavíkurborgar á
Suðurlandsbraut vegna félags-
legra eignaríbúða, kaupleigu-
íbúða og verkamannabústaða.
Svo eru það leigjendasamtökin
og Húseigendafélagið en nú hef-
ur verið tekin ákvörðun um að
stofna eina sameiginlega skrif-
stofu, sem fólk leiti til. Hún verð-
ur staðsett á Suðurlandsbraut hjá
Húsnæðisnefnd Reykjavíkur-
borgar. Það fólk sem er láglaun-
að og er í húsnæðisvanda leitar
þá á einn stað, þar sem mat er
lagt á hvort það ræður við að
að kaupa samkvæmt félagslega
húsnæðiskerfmu eða hvort leigu-
húsnæði á vegum borgarinna
leysi vandann."
Andlát
BIRGIR
STEINDÓRSSON
BIRGIR Steindórsson,
kaupmaður í Siglufirði,
lézt í fyrrinótt 45 ára
að aldri.
Birgir var fæddur 8.
júlí 1950 í Siglufirði.
Hann var sonur Stein-
dórs Hannessonar, bak-
arameistara á Siglu-
firði, og konu hans,
Sigríðar Jónsdóttur.
Hann fór ungur til
Kaupmannahafnar og
var þar við nám og störf
í tengslum við verslun,
lærði m.a. útstillingar.
Að því loknu stundaði
hann verslunarstörf í Reykajvík um
nokkurra ára skeið. I september
1978 keypti Birgir Aðalbúðina á
Siglufirði og sameinaði hana Bóka-
verslun Hannesar Jónassonar og hóf
sjálfstæðan atvinnurekstur.
Birgir sinnti margvíslegum fé-
lagsstörfum. Hann var
stjórnarmaður og síðast
formaður Björgun-
arsveitarinnar Stráka á
Siglufirði. Hann var
mikill áhugamaður um
ferðamál og einn af
aðalhvatamönnum að
uppbyggingu Síldar-
minjasafnsins. Hann
sat í bæjarstjórn Siglu-
fjarðar 1982-1986 og
gegndi ýmsum trúnað-
arstörfum fyrir Siglu-
fjarðarkaupstað. Birgir
var formaður fulltrúar-
áðs sjálfstæðisfélag-
anna á Siglufirði og gegndi margvís-
legum störfum fyrir Sjálfstæðis-
flokkinn í kjördæminu svo og á
landsvísu.
Eftirlifandi eiginkona Birgis er
Ásta Margrét Gunnarsdóttir og
eignuðust þau fjóra drengi.
Hafnarfjörður
Vil taka á leigu gott húsnæði með sérinngangi frá og
með 1. júlí nk. Lágmarksstærð 3ja herb.
Kristín, sími 555-0386.
JÓHANN Vilhjálmsson einbeittur við fyrsta smíðaverkefni sitt
hérlendis, verðlaunagrip fyrir fjármálaráðuneytið, sem var tals-
vert á skjön við sérmenntun hans á sviði vopnasmíði.
Hann segir að handsmíðuð
byssa sé aðlöguð ýtrustu kröfum
kaupandans, hvað varðar hlaup-
lengd, skepti o.s.frv. og henti
slíkt aðallega vönum byssumönn-
um sem þekki vopn, eigin óskir
i því sambandi og eigi handsmíð-
aða byssu jafnvel til æviloka.
„Þessu má líkja við muninn á
jeppa sem búið er að breyta til
að fullnægja kröfuhörðum kaup-
endum og venjulegum jeppa með
staðalbúnaði. Það er hægur leik-
ur að smíða kostagrip fyrir um
500 þúsund krónur en ég hika
heldur ekki við að bjóða upp á
byssur sem eru samkeppnishæf-
ar í verði við þær sem fást í
búðum hér og annars staðar,“
segir Jóhann.
Reykjanesbraut-
Fífuhvammsvegur
JVJbauð 70
millj. undir
áætlun
VERKTAKAFYRIRTÆKIÐ
JVJ hf. í Hafnarfirði átti lang-
lægsta tilboð í gerð mislægra
gatnamóta á Reykjanesbraut
við Fífuhvammsveg í Kópa-
vogi. Býðst fyrirtækið til að
vinna verkið fyrir tæpar 96
milljónir kr., tæplega 70 m.
kr. undir kostnaðaráætlun
Vegagerðarinnar sem hljóðaði
upp á 165 m.kr. tæpar.
Lægsta tilboð er 58% af kostn-
aðaráætlun.
Umrædd framkvæmd er á
vegum Vegagerðarinnar og
Kópavogabæjar. Á henni að
verða lokið 1. október nk.
Byggð verður 28 m löng brú
yfir Fífuhvammsveg. Meðan á
framkvæmdum stendur verð-
ur umferð leidd hjá vinnu-
svæðinu um bráðabirgðaveg
vestan við gatnamótin.
Alls bárust sjö tilboð í verk-
ið, það hæsta rétt undir áætl-
Læknaráð Heilsuverndarstöðvar Reykjavíkur
mótmælir tillögum sljórnar stöðvarinnar
Sammála þörf á
endurskipulagningn
LÆKNARÁÐ Heilsuverndarstöðv-
ar Reykjavíkur mótmælir harðlega
tillögum stjórnar Heilsuvemdar-
stöðvarinnar um að leggja stöðina
niður í núverandi mynd. Að sögn
Helga Guðbergssonar, formanns
Læknaráðsins, er Læknaráðið hins
vegar sammála því að þörf sé á
því að endurskipuleggja starfsemi
Heilsuverndarstöðvarinnar enda
heyri starfsemin aðeins að hluta til
undir núgildandi heilbrigðisþjón-
ustulög og að hluta til undir gömul
heilsuverndarlög.
Læknaráðið sendi frá sér ein-
róma samþykkt í framhaldi af til-
lögum stjórnar Heilsuverndar-
stöðvarinnar. í henni er átalið að
ekki skuli hafa verið haft samráð
við lækna stöðvarinnar og tekið er
fram að í veigamiklum atriðum
hafi faglegra sjónarmiða ekki verið
gætt. Læknaráðinu sé ekki kunn-
ugt um að ráðgast hafi verið við
aðra fagaðila á stöðinni.
Að lokum gerir læknaráðið at-
hugasemd við að stjórnin skuli
leggja til við ráðherra að Heilsu-
vemdarstöðin verði lögð niður í
núverandi mynd án samráðs við
samstarfsráð Heilsugæslunnar í
Reykjavík og héraðslækninn í
Reykjavík.
Bakhjarl fyrir heilsuvernd
Helgi sagði að læknaráðið teldi
ákaflega illa fara á því að starfs-
menn sjúkraþjónustunnar sinntu
heilsuverndinni enda ætti heilsu-
verndin mjög erfítt uppdráttar í því
samhengi og ekki síst á sparnaðar-
tímum en tillaga stjórnarinnar felur
í sér að starfsemi Heilsuverndar-
stöðvarinnar verði að hluta flutt inn
á sjúkrahúsin. Helgi sagði að ekki
mætti heldur gleyma því að nauð-
synlegt væri að heilsuverndarstarf-
ið hefði ákveðinn bakhjarl og hefði
Heilsuverndarstöðin gegnt veigam-
iklu hlutverki í því sambandi.
Um einstaka liði í tillögum
stjórnarinnar nefndi Helgi að lagt
væri til að ungbarnaeftirlit væri
sameinað svipaðri starfsemi á
göngudeild Bamaspítala Hringsins.
Læknaráðið vissi hins vegar ekki
til að sérstakt heilsuverndarstarf
vegna annarra en veikra bama og
innflytjendabarna færi þar fram.
Hann sagði að læknunum þætti
hafa sýnt sig að þegar berklavörn-
um hefði í öðrum löndum verið
dreift til heimilislækna og heilsu-
gæslu hefðu berklavarnir farið úr
böndunum. „Við teljum því fulla
þörf á því að reka sérstaka berkla-
varnarstöð til að halda utan um
berklavarnir og tryggja að ekki séu
skildir eftir lausir endar,“ sagði
hann og tók fram að í tengslum
við vaxandi fjölda innflytjenda
hefði orðið vart við aukningu í já-
kvæðum berklaprófum hér á landi.
Að ónæmir berklar væru enn að
stinga sér niður út um allan heim
yki enn á áhyggjurnar.
Góður árangur í
tannlækningum
Helgi sagði að eðlilegt væri talið
að Heilsuverndarstöðin sæi um
meðferð og veitti heilsugæslustöðv-
um leiðbeiningar og stuðning varð-
Morgunblaðið/Sverrir
andi meðferð fyrir reykingafólk.
„Við teljum heldur ekki auðvelt að
koma fyrir atvinnusjúkdómavörn-
urri á öllum heilsugæslustöðvum.
Hagkvæmara væri að veita þá
þjónustu á sérstakri atvinnusjúk-
dómadeild á Heilsuvemdarstöðinni.
Af og frá er að heilbrigðisþjónusta
á þessu sviði falli undir Vinnueftir-
litið sem heyrir undir félagsmála-
ráðuneytið enda er slík þjónusta í
öllum löndum í kringum okkur á
vegum heilbrigðisþjónustunnar."
Helgi sagði ekki rétt að íslending-
ar væru skemmra á veg komnir en
nágrannaþjóðimar í skólatannlækn-
ingum og forvömum gegn tann-
skemmdum. „Sú staðhæfing er alls
ekki rétt. Við vorum svolítið á eftir
en emm búin að ná hinum. Að eitt-
hvað af börnum hefur dottið út úr
tannlæknaþjónustunni upp á síðk-
astið stendur fyrst og fremst í sam-
bandi við að ákveðið var af heil-
brigðisyfirvöldum að fara að láta
foreldra greiða fyrir hluta af tann-
læknaþjónustunni," sagði hann og
tók fram að núverandi kerfi hefði
ekki afsannað sig, heldur þvert á
móti stuðlað að því að íslendingar
hefðu náð fyrmefndum árangri.