Morgunblaðið - 04.06.1996, Blaðsíða 44

44 ÞRIÐJUDAGUR 4. JÚNÍ 1996
MORGUNBLAÐIÐ
BREF
TBL BLAÐSINS
Tommi og Jenni
Ferdinand
EVERYBOPY IN THE
IVORLDHA5A 006!
WHV CAN'T I HAVE
A
Af hverju get ég
ekki átt hund?
YOU UJOULONT KNOIaJ
HOUJ TO TAKE CARE OF
A D06..V0U WOULDN'T
EVEN KNOUJHOWTOFEEDIT
-----uc
D065 UKE
COLD
CEREAL!
Allir í heiminum eiga Pú myndir ekki vita hvern-
hund! Af hverju get ég ig á að annast hund. Þú
ekki átt hund?! myndir ekki einu sinni vita
hvernig ætti að gefa hon-
um að éta.
Hundum finnst
gott morgun-
korn með kaldri
mjólk!
Kringlan 1103 Reykjavík • Sími 5691100 • Símbréf 569 1329
• Netfang: lauga@mbl.is
Allir undir
sömu sök seldir
Athugasemdir við Reykjavíkurbréf
Frá Svanfríði Jónasdóttur:
í REYKJAVÍKURBRÉFI Morgun-
blaðsins 2. júni sl. er undir millifyr-
irsögnunum „Tímamót“ og „Ný
verðmæti" fjallað nokkuð um rétt-
mæti þess að
útgerðarmenn
greiði eiganda
auðlindarinnar
fyrir afnot af
henni. Sérstak-
lega er vikið að
þeim auknu
þorskveiðiheim-
ildum sem
væntanlega
verður úthlutað
fyrir næsta fiskveiðiár. í greininni
kemur fram að höfundur hennar
trúir því vart „að Alþingi íslend-
inga ljúki störfum án þess að ræða
með hvaða hætti sjálfsögð greiðsla
komi í almannasjóði fyrir þessar
auknu þorskveiðiheimildir.“ Þá er
þess getið að samningar við erlend
ríki um veiðiheimildir okkar flota
til handa séu einnig verðmæti, ný
verðmæti.
Af þessu tilefni fínnst mér rétt
að fram komi, að eftir að Samtök
iðnaðarins höfðu á ráðstefnu um
framtíð iðnaðar í síðasta mánuði
óskað eftir því að stjórnvöld hefðu
viðbúnað varðandi sveiflujöfnun í
atvinnulífinu vegna aukinna veiði-
heimilda og bent á upptöku veiði-
leyfagjalds sem leið til þess og
jafnframt bent á sérstaka aðferð,
ekki ósvipaða þeirri sem Morgun-
blaðið bendir á, þá hafði ég frum-
kvæði að utandagskrárumræðu á
Alþingi um þetta efni. Fjöldi al-
þingismanna tók þátt í umræðunni
sem varpaði að mínu mati nokkru
ljósi á viðhorf alþingismanna varð-
andi upptöku veiðileyfagjalds
vegna aukinna þorskveiðiheimilda
í haust. Ég varð þess ekki vör að
Morgunblaðið sinnti á þeim tíma
þessari umræðu um úthlutun við-
bótarveiðiheimilda og viðbrögð
stjórnvalda.
Nú er til meðferðar á Alþingi
frumvarp um stjórn fiskveiða þar
sem lagt er til að leggja niður
svokallaða línutvöföldun og verður
þeim „potti“ úthlutað að 60% til
þeirra sem hafa nýtt'sér slíkar
heimildir á undanförnum þremur
árum. 40% verður síðan úthlutað
til þeirra sem þegar hafa veiði-
heimildir í efnahagslögsögunni.
Um er að ræða um 17.000 tn af
ýsu og þó aðallega þorski og ljóst
að um er að ræða verðmæti uppá
nokkra milljarða. Á þetta benti ég
í umræðu um frumvarpið sl. föstu-
dag sem og ábyrgð alþingismanna
við breytingar á lögum um stjórn
fiskveiða þar sem nánast í hvert
skipti ér verið að færa til eða af-
henda verðmæti uppá milljarða.
Ég hef ekki séð þess stað í Morg-
unblaðinu að menn kipptu sér
mikið upp við þessa verðmætaút-
hlutun úr áður sameiginlegum
potti sem ráðstafað var með skil-
yrðum en er nú „gefinn" án skil-
yrða sem hlutdeild í heildarþor-
skaflanum og því framseljanlegur
frá þeim degi sem lögin taka gildi.
Þá er einnig til umfjöllunar á
Alþingi frumvarp til laga um út-
hafsveiðar. Þar er lagt til að
sjávarútvegsráðherra megi skerða
veiðiheimildir þeirra sem hafa afl-
að veiðireynslu á úthafinu, hvort
sem um strandríkisrétt er að ræða
s.s. á Reykjaneshrygg og í síldinni
eða algert frumkvæði íslenskra
útgerðarmanna einsog í Smugu
og á Flæmingjagrunni. Hægt er
að líta á þessa skerðingar sem
e.k. veiðileyfagjald. En það gjald
á ekki að renna til greiðslu þess
kostnaðar sem Morgunblaðið tí-
undar að orðinn sé vegna aðgerða
íslenskra stjórnvalda á undanförn-
um árum. Nei, þær veiðiheimildir
sem úthafsveiðiútgerðirnar verða
látnar borga fyrir að fara á úthaf-
ið verða látnar renna til þeirra
útgerða sem nú þegar hafa heim-
ildirnar innan lögsögunnar. Þeim
sem leggja í mestan kostnað og
hafa mesta áhættu við veiðar verð-
ur, ef frumvarpið verður að lögum,
gert að afhenda þeim forréttind-
aútgerðum sem þegar hafa hlut-
deild í auðlindinni frekari veiði-
heimildir sem þeir geta síðan selt
næsta dag ef þeim sýnist. Á þessa
þversögn, að úthafsútgerðirnar
skuli með þessum hætti greiða
útgerðunum innan lögsögunnar
veiðileyfagjald, hef ég einnig reynt
að benda í umfjöllun málsins á
Alþingi. Ég hef hinsvegar saknað
þess að Morgunblaðið léti þetta
ranglæti til sín taka.
Nú get ég ekki amast við því
þótt Morgunblaðið láti hjá líða að
geta þess að ég geri réttlætismál
eða stórmál að umtalsefni á Al-
þingi ef blaðinu hentar að horfa
framhjá mínum málflutningi. Hitt
á ég verr með að líða að ég og
fleiri mínir líkar, skuli í umkvört-
unum blaðsins vera samsamaðir
þeim meirihluta á Alþingi sem
hvorki hefur frumkvæði í umræðu
um þessi mál né ljær þeim sinn
stuðning eins og gert er í því
Reykjavíkurbréfi sem ég geri hér
að umræðuefni. Eitt er að hundsa
umræðuna ef henni er ekki haldið
uppi af réttum aðilum, annað að
fella alla undir þá sök að sinna
ekki slíkum stórmálum og þeim
sem hér eru tekin á dagskrá. Ég
hef sinnt þessari umræðu, bæði
áður og eins með frumkvæði í
málatilbúnaði á allra síðustu vik-
um og þykist því eiga annað skilið.
SVANFRÍÐUR JÓNASDÓTTIR,
alþingismaður og fulltrúi i
sjávarútvegsnefnd Alþingis.
Svanfríður
Jónasdóttir
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að iútandi.