Morgunblaðið - 26.06.1996, Síða 48

48 MIÐVIKUDAGUR 26. JÚNÍ 1996
MORGUNBLAÐIÐ
Dýraglens
r/ þEGAR KÖTTUR KE/MST
5ETUR HAMN CPP KRVPPtJ OG HVj
í UPPíÍAm\
oeM&J
Tommi og Jenni
IF ANYONE MENTI0N5
SUMMER CAMP TO ME
THIS VEARJ'M 60NNA
FREAK OUT..
5UMMER
CAMP
Ef einhver nefnir sumarbúðir við mig í
ár sleppi ég mér... Sumarbúðir
BREF
TTL BLAÐSINS
Kringlan 1 103 Reykjavík • Sími 5691100 • Símbréf 569 1329
• Netfang: lauga@mbl.is
Hvað höfum við
gert til þess að
bæta heiminn?
Frá Sigurði Jökli Ólafssyni:
HVAÐ HÖFUM við lagt af mörk-
um? Fyrir jörðina, mannkynið,
dýrin, plönturnar, samfélagið og
systkini okkar úti í heimi sem biðja
um hjálp. Systkini sem misst hafa
trúna á lífið, menn og Guð.
Ég á að gæta bróður míns,
stendur á góðum stað. Gerum við
það? Nei, er því miður svarið!! Eig-
ingirnin og óttinn við að missa
sneið af kökunni gerir það að verk-
um, að við áköllum ekki rétt okkar
á að gera heiminn að paradís fyr-
ir allt mannkyn. Þar sem við erum
hluti af mannkyninu fylgjum við
með sjálfkrafa.
Við vöknum á morgnana og
segjum að samfélagið geri ekkert
fyrir mig, aðrir gera ekkert fyrir
mig, ég verð að strita sjálfur, það
hjálpar mér enginn. (Ef þetta er
endanleg og óhagganleg niður-
staða, sem verður aldrei breytt þá
getum við hætt hér.) Ef við hins
vegar vöknum á morgnana og
segjum: Hvað getum við gert í dag
til þess að bæta heiminn, mann-
kynið, samfélagið og um leið okk-
ur sjálf? Við höfum allan rétt til
þess að öðlast þennan fullkom-
leika. Ekki nóg með það heldur
munum við fá alla þá hjálp sem
við þörfnumst til þess að hjálpa.
Munum einnig að við bætum að-
eins illt með góðu og að við höfum
hæfileikann til að greina á milli,
við köllum það samvisku. (Sam-
eiginlegu visku okkar allra).
Einn maður getur áorkað heil-
miklu, ekki þýðir að segja „ég er
aðeins peð“. Við erum ekki peð
heldur erum við öll skaparar, við
sköpum eitthvað allan daginn, alla
daga, allt árið, aldrei sköpum við
ekki neitt. Þótt við gerðum ekkert
annað en að anda, værum við að
skapa koltvísýru fyrir plönturnar
svo þær gætu skapað súefni. Af
hverju þá ekki leggja eitthvað af
mörkum og meira til, svo við gæt-
um skapað okkur sem allra best
líf? Getum við tekið eitthvað betra
ævistarf með okkur í gröfina?
Sumir myndu segja að við séum
mismunandi. Satt er það en þó
vitum við öll hvað gott, betra og
fullkomið er!!
í eðli okkar leitum við eftir full-
komnun. Hvern langar í ófullkom-
inn bíl, ófullkomið hús, ófullkomna
menntun, ófullkomið samfélag eða
ófullkomna fjölskyldu? Hvers
vegna ættum við þá að sætta okk-
ur við ófullkominn heim, ófullkom-
ið mannkyn, eða þá ófullkomið líf?
Við getum gert eitthvað, við
viljum skipta sköpum, við ætlum
að leggja okkar af mörkum og við
höfum viljastyrkinn!!
Góða nótt, á morgun er stór
dagur framundan!
SIGURÐUR JÖKULL ÓLAFSSON,
Hlíðarhjalla 67, Kópavogi.
Svar til Guðmundar
Bergssonar
Frá Ingibjörgu Sólrúnu Gísladótt-
ur:
FYRIÍt skömmu ritaði Guðmundur
Bergsson, Sogavegi 178, Reykja-
vík mér bréf fyrir milligöngu
Morgunblaðsins þar sem hann
greinir frá því að hann fái send
heim til sín tvö bréf með rukkun
fyrir fasteignagjöld, annað af hús-
inu og hitt af bílskúrnum. Hann
bendir réttilega á að ef þúsundir
Reykvíkinga fái tvöfalda sendingu
af þessu tagj sex sinnum á ári
ætti að vera hægt að spara borgar-
sjóði háar upphæðir sé þetta
tvennt sameinað. Margt smátt
gerir eitt stórt, segir gamalt mál-
tæki og undir það getum við bæði
tekið.
Ég er sammála Guðmundi um
það að hagsýni og ráðdeildar þurfti
að gæta í borgarrekstrinum og
leitaði umsvifalaust skýringa á
þessu fyrirkomulagi. í ljós kom að
í umræddu tilfelli er bflskúrinn
byggður rúmum fjörutíu árum síð-
ar en íbúðarhús og til þess má
rekja að um tvö skráningarnúmer
er að ræða. Þessu hefur nú verið
breytt að ósk bréfritara. Þá má
geta þess að unnið er að breyting-
um á skrásetningarkerfi fasteigna
sem munu leiða til þess að tekin
verður upp eins konar kennitala
eignar sem felur í sér eina skrán-
ingu en ekki tvær eins og í framan-
greindu dæmi.
Ég þakka Guðmundi tilskrifin,
það er vel að borgarbúar skuli
vera vakandi yfir því sem betur
mætti fara í þjónustu og sparnaði
og komi hugmyndum sínum á
framfæri. Aðra sem svipað kann
að vera ástatt um hvet ég til þess
að hafa samband við Eyþór Fann-
berg hjá skráningardeild fasteigna
hjá Reykjavíkurborg.
INGIBJÖRG SÓLRÚN
GÍSLADÓTTIR,
borgarstjóri.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.