Morgunblaðið - 29.06.1996, Blaðsíða 10

10 LAUGARDAGUR 29. JÚNÍ 1996
MORGUNBLAÐIÐ
FRÉTTIR
Ársfundi Alþjóðahvalveiðiráðsins lokið
Engar vísbendingar um
að banni verði aflétt
EKKERT kom fram á ársfundi Al-
þjóðahvalveiðiráðsins, sem lauk í
Aberdeen í Skotlandi í gær, sem
bendir til þess að horfið verði frá
hvalveiðibanni, að sögn Arnórs
Halldórssonar, lögfræðings í sjávar-
útvegsráðuneytinu, sem sat fundinn
sem áheyrnarfulltrúi fyrir hönd Is-
lendinga.
Arnór segir að fundurinn hafi
verið árangurslaus, a.m.k. fyrir þau
ríki sem vilji hefja hvalveiðar undir
merkjum þess. Til marks um það
inn á hvaða brautir umræðan innan
ráðsins sé komin, hafi í gær verið
einróma samþykkt ályktun um að
settar verði reglur um hvernig
standa skuli að hvalaskoðunum. Þá
hafi þau ríki, sem hvað andsnúnust
eru hvalveiðum í atvinnuskyni, t.d.
Ástralía og Bretland, lýst því yfir
að þau muni ekki undir neinum
kringumstæðum fallast á þær. Arn-
ór segir þetta benda til þess að
mjög litlar líkur séu til þess að regl-
um ráðsins um að ekki megi hefja
hvalveiðar í ábataskyni verði breytt,
enda þurfí til þess samþykki þriggja
af hverjum fjórum aðildarríkjum.
Hann segir einnig ekkert hafa þok-
ast í vinnu við endurskoðað stjóm-
unarkerfí, þ.m.t. reglur um eftirlit,
sem unnið hefur verið að undanfar-
ið og er að hálfu margra rikja for-
senda þess að endurskoða megi
hvalveiðibannið. Menn séu því engu
nær því að hefja hvalveiðar með
samþykki ráðsins en áður.
Þungt í Rússum
Rússar drógu í gær til baka
umsókn um veiðar fimm Græn-
landssléttbaka fyrir frumbyggja í
sjálfstjórnarhéraði í Norðaustur-
Rússlandi. Mexíkómenn og Ástralar
mótmæltu umsókninni og neituðu
að breyta afstöðu sinni þrátt fyrir
mikinn þrýsting frá Rússum. Rúss-
ar sáu fram á að til atkvæða-
greiðslu þyrfti að koma og að henni
myndu þeir væntanlega tapa. Þeir
drógu þá umsóknina til baka með
þeim orðum að þeir álitu afstöðu
þessara tveggja ríkja óvinveitta og
létu í það skína að þeir myndu grípa
til sinna ráða.
Ályktað gegn hrefnuveiðum
Norðmanna
Ályktun gegn hrefnuveiðum
Norðmanna var samþykkt í gær
með yfirgnæfandi mun þrátt fyrir
þann varnarsigur Norðmanna sem
vannst þegar vísindanefnd hval-
veiðiráðsins viðurkenndi mat þeirra
á stærð hrefnustofns. Hrefnuveiði-
kvóti Norðmanna, sem þeir ákveða
á þeirri forsendu að þeir hafí gert
fyrirvara við bann Alþjóðahvalveiði-
ráðsins á sínum tíma, er þannig
algjörlega i trássi við vilja meiri-
hluta ráðsins. Norðmenn gengu af
fundi í gær þegar ályktunin var
samþykkt til að sýna vanþóknun
sína og fengu fyrir vikið nokkra
athygli fjölmiðla.
Morgunblaðið/Sverrir
HREFNA skorin.
Orðalag tillögu sem gagnrýndi
Kanadamenn mikið mildað
Tillaga um bann við notkun raf-
magns til aflífunar á dýrum var
felld og var það að sögn Arnórs
nokkur varnarsigur fyrir Japani.
Japanir óskuðu eftir auknum kvóta
fyrir tiltekin strandhéruð sem háð
eru hvalveiðum en sú umsókn náði
ekki fram að ganga. Þá ályktaði
ráðið gegn vísindaveiðum Japana í
Suður-íshafi, m.a. með vísan til
þess að þar væri griðasvæði hvala.
Nokkrar umræður urðu í gær
vegna ályktunartillögu Frakka,
Hollendinga, Breta og Bandaríkja-
manna þar sem Kanadamenn voru
gagnrýndir, skorað á þá að taka
aftur hvalveiðikvóta sem þeir hafa
úthlutað til indíána um að þeir
megi fella einn Grænlandssléttbak
og skorað á þá að ganga aftur í
Alþjóðahvalveiðiráðið. Það sjónar-
mið kom fram í umræðum um tillög-
una í gær, m.a. hjá Rússum, að
ráðið gæti ekki ályktað um veiðar
Jyjóðar sem ekki væri aðili að því.
Áheyrnarfulltrúa Kanada gafst
tækifæri til að tjá sig um málið og
sagði hann tillöguna neikvæða og
óviðeigandi. Þegar fulltrúar margra
ríkja höfðu Iýst þeirri skoðun að
tillagan væri vart til þess fallin að
auka líkur á inngöngu Kanada-
manna í ráðið og að þau gætu ekki
fallist á orðalag hennar var lögð
fram endurskoðuð og milduð tillaga
og náði hún þannig fram að ganga.
Tillaga Frakka kaffærð
Tillaga Frakka um að hvalveiði-
ráðið hæfí sérstakt átak í rannsókn-
um í Norðurhöfum var harðlega
barin niður af Rússum með stuðn-
ingi Norðmanna, Finna og Dana.
Arnór telur að leiða megi líkur að
því að með tillögunni hafi Frakkar
ætlað að undirbúa stofnun hvala-
þjóðgarðs líkt og gert var í Suðurís-
hafi en fyrir því beittu Frakkar sér
mjög.
Séra Halldór
Gunnarsson
Trúi vitnis-
burði
Sigrúnar
Pálínu
SÉRA Halldór Gunnarsson frá
Holti sagði á Prestastefnu í
fyrradag, samkvæmt heimild-
um Morgunblaðsins, að honum
hefði fyrir mörgum árum verið
greint frá samskiptum tiltek-
innar konu og herra Ólafs
Skúlasonar biskups íslands,
sem eru rótin að svonefndu
biskupsmáli, allt frá árinu
1980. Séra Halldór kveðst trúa
vitnisburði Sigrúnar Pálínu.
Séra Halldór sagði að móðir
hans og Sigrún Pálína hefðu
þekkst. Sigrún Pálína hefði
fyrir mörgum árum sagt móður
hans frá meintri nauðgunartil-
raun sem átti að hafa gerst
þegar Ólafur var sóknarprest-
ur í Bústaðakirkju.
Séra Halldór sagði aðspurð-
ur um þetta mál við Morgun-
blaðið í gær: „Fyrir um 10
dögum stóð ég frammi fyrir
atburðarás með löngum að-
draganda sem hafði þá leitt til
þess að ég gat sagt: „Ég trúi
vitnisburði Sigrúnar Pálínu
Ingvarsdóttur _ í svonefndu
biskupsmáli.“ Ég mun skrifa
Þorsteini Pálssyni, dóms- og
kirkjumálaráðherra, með afriti
til annarra í yfirstjóm þjóð-
kirkju íslands, um þessa af-
stöðu mína með nánari rök-
stuðningi," sagði séra Halldór
Gunnarsson.

Morgunblaðið/Árni Sæberg
Hverfisgötu breytt
FRAMKVÆMDIR eru hafnar
við Hverfisgötu framan við
safnahúsið og Þjóðleikhúsið
en þar er gert ráð fyrir hellu-
lögðum gangbrautum og mið-
eyju. Á gatnamótum, þar sem
ekki eru umferðarljós, verður
komið fyrir tijágróðri. Gert
er ráð fyrir að framkvæmdum
verði lokið í ágúst.
Ríkisstjórnin ákveður að taka á móti 31 flóttamanni
Fjölgun um sex manna
bændafj ölskyIdu
RÍKISSTJÓRNIN hefur ákveðið að
tekið verði á móti 31 flóttamanni
vegna stríðsátakanna í fyrrverandi
Júgóslavíu. Páll Pétursson, félags-
málaráðherra, segir að upphaflega
hafí verið gert ráð fyrir að taka á
móti 25 flóttamönnum. Hins vegar
hafí í framhaldi af ósk fjögurra manna
íslenskrar sendinefndar í Belgrad ver-
ið ákveðið að fjölga í hópnum um sex
manna fjölskyldu. Sú ákvörðun er
talin hafa í för með sér þriggja til
þriggja og hálfrar milljóna króna
kostnaðarauka miðað við fyrri áætl-
un. Kostnaður vegna komu flótta-
mannanna hingað er talin nema á
bilinu 10 til 20 milljónum króna.
Páll sagði að tillaga hans um að
bjóða hingað 25 flóttamönnum frá
Bosníu hefði verið samþykkt í vetur.
Ekkert hefði hins vegar orðið úr
framkvæmdum fyrr því Alþjóða
flóttamannastofnunin hefði með til-
liti til breyttra aðstæðna í fyrrver-
andi Júgóslavíu viljað sjá til hvort
flóttamenn sæju sér fært að setja
sig aftur niður á heimaslóðum. Eftir
að ástandið hefði orðið skýrara hefði
svo borist listi yfír 42 flóttamenn í
nauðum. Af þeim hafi 19 verið á
svokölluðum forgangslista.
Sex til viðbótar
Fjögurra manna sendinefnd, skip-
uð tveimur fulltrúum frá Rauða
krossi íslands, lækni frá ísafírði og
túlki, hélt utan til að tala við flótta-
mennina fyrir skömmu. Eftir að hafa
valið 25 manna hóp óskaði áendi-
nefndin eftir því að sex manna fjöl-
skylda til viðbótar fengi tækifæri til
að koma til landsins. Ríkisstjórnin
samþykkti einróma tillögu Páls að
taka við fjölskyldunni á fundi í gær-
morgun.
Um er að ræða bændafjölskyldu
frá Krajina-héraði, hjón með fjórar
dætur, 15 ára tvíbura, eina 9 ára
stúlku og aðra 8 ára stúlku. Foreldrr
arnir eru atvinnulausir og býr fjöl’-
skyldan í einu litlu húsgagnalausu
herbergi.
Alþjóða flóttamannastofnunin
lagði til að hingað kæmi fólk í blönd-
uðum hjónaböndum enda gæti það
ekki farið til sinna og var orðið við
því. Foreldrarnir eru því af serbnesku
og króatísku bergi brotnir.
Flóttamennirnir koma hingað til
lands eftir 2 til 4 vikur og fara til
ísafjarðar. Páll sagðist í framhaldi
af ósk sendinefndarinnar hafa spurst
fyrir um hvort ísfirðingar gætu fall-
ist á að taka á móti svo mörgum
flóttamönnum þangað og fengið þau
svör að fólkið væri allt velkomið.
Hann sagðist hafa fengið upplýs-
ingar um að allt væri til reiðu fyrir
komu hópsins, þ.m.t. gott húsnæði,
vinna þegar fólkinu hentaði, leik-
skóla- og grunnskólapláss, og heilsu-
gæsla svo eitthvað væri nefnt.
Sýknaðir af ákærum fyrir snertilendingu á vatnsfleti
HÉRAÐSDÓMUR Reykjavíkur
sýknaði í gær Örn Johnsen og Magn-
ús Víking Grímsson af ákærum um
brot gegn flugreglum og loftferða-
lögum með því að raska öryggi flug-
vélar og farþega við snertilendingar
á vatni. Mennirnir voru einnig sýkn-
aðir af kröfu ákæruvaldsins um
sviptingu flugleyfis.
Ákæruvaldið taldi að mennirnir
hefðu raskað öryggi flugvéla sinna
og stofnað þeim í hættu, auk þess
sem Erni var gert að sök að hafa
stofnað lífí farþega síns í hættu,
þegar þeir létu lendingarhjól flug-
véla sinna ítrekað snerta vatnsflöt.
Ihuga
málshöfðun
Ákærðu héldu því hins vegar fram
að þeir hefðu verið að fljúga listflug
og æfa nauðlendingu á vatni.
Héraðsdómur taldi að ekki hefði
verið um svo verulega hættu að
ræða að ákvæði hegningarlaga ættu
við. Dómurinn taldi hins vegar að
mennirnir hefðu gerst brotlegir við
loftferðalög með því að fljúga sjón-
flug leyfislaust í minni hæð en 500
fetum. Örn var dæmdur til að greiða
25 þúsund króna sekt og Magnúsi
var gert að greiða 35 þúsund króna
sekt, auk sakarkostnaðar.
Sektirnar eru undir þeim mörkum
sem kveðið er á um að séu áfrýjan-
legar til Hæstaréttar án áfrýjunar-
leyfis. Magnús og Örn telja sig hafa
unnið sigur í málinu, og íhuga að
höfða dómsmál á hendur Flugmála-
stjórn íslands fyrir ólögmæta leyfis-
sviptingu, og á hendur starfsmönn-
um Loftferðaeftirlitsins fyrir um-
mæli um tvímenningana í fjölmiðl-
um.