Morgunblaðið - 29.06.1996, Blaðsíða 34

Morgunblaðið - 29.06.1996, Blaðsíða 34
34 LAUGARDAGUR 29. JÚNÍ1996 MORGUNBLAÐIÐ MORGUNBLAÐIÐ LAUGARDAGUR 29. JÚNÍ1996 35 JMta$nnfrl*frií STOFNAÐ 1913 ÚTGEFANDI: Árvakur hf., Reykjavík. FRAMKVÆMDASTJÓRI: Hallgrímur B. Geirsson. RITSTJÓRAR: Matthías Johannessen, Styrmir Gunnarsson. VELDUR HVER A HELDUR ÞJÓÐIN gengur til kosninga í dag, 29. júní, til að velja fimmta forseta lýðveldisins; sama mánaðar- dag og fyrir sextán árum, er fráfarandi forseti, frú Vigdís Finnbogadóttir, var fyrst kjörin árið 1980. For- seti gegnir veigamiklu hlutverki í stjórnskipan okkar, þótt völd hans séu takmörkuð. En fyrst og síðast þarf hann að vera sameiningartákn þjóðarinnar; „sómi ís- lands, sverð þess og skjöldur", eins og sagt var um leiðtoga landsmanna í sjálfstæðisbaráttunni fyrr á tíð, Jón Sigurðsson, forseta. Réttur fólks til að velja sér forseta, löggafarþing og sveitarstjórnir, eftir leikreglum lýðræðis, er dýrmæt eign og vandmeðfarin, en engan veginn sjálfgefinn. Milljónir manna í umheiminum njóta ekki þessa réttar. Það skiptir samtíð okkar og framtíð miklu máli, hvern- ig sá réttur er nýttur, sem við förum með í dag, er við göngum að kjörborðinu. í þessu sambandi er rétt að staldra við orð Ásgeirs Ásgeirssonar, annars í röð forseta lýðveldisins, er hann viðhafði við athöfn í Alþingishúsinu, að lokinni guðsþjón- ustu í Dómkirkjunni, eftir að hann sór embættiseið sem forseti 1. ágúst 1952: „Með auðmýkt og bæn um vit og styrk tek ég við þessu háa embætti.“ Síðar í ræðu sinni sagði hann orðrétt: „Trúin á þjóðina, traust á almenningi, er grundvöllur stjórnskipulags vors; trú og traust á fólkið, sem áður safnaðist í Almannagjá, en nú í kosningum um land allt, að undangengnum frjálsum umræðum. Þetta er eina stjórnskipulagið, sem leysir þjóðirnar undan oki ofbeldisins. Kosningar eru aldrei hættulegar í lýðfrjálsu landi, það væri áfellisdómur um lýðræðið sjálft. Þær eiga að líkjast sverðinu Sköfnungi, sem græddi hvert sár, sem veitt var með því. Baráttan er óhjákvæmileg og átök nauðsynleg. Það eru leikreglurnar, sem ein- kenna lýðræðið, og friðsamleg úrslit. Lýðræðið er jafn- an í hættu, og ein hættan er nútíma áróðurstækni, sem mótuð er í einræðisanda. Frjálsar umræður, vakandi áhugi almennings og þjóðarþroski er sterkasta vörnin. Þá láta staðreyndirnar ekki að sér hæða, - og sannleik- urinn mun gera yður frjálsa.“ Barátta er óhjákvæmileg og átök nauðsynleg, sagði Ásgeir heitinn Ásgeirsson. En kosningar í siðuðu samfé- lagi eiga að vera sem sverðið Sköfnungur, að hans dómi, það er að græða hvert sár, sem veitt er með því. Þessi orð eiga viðvarandi erindi við okkur. Frú Vigdís Finnbogadóttir, fráfarandi forseti lýðveld- isins, sagði í síðasta nýjársávarpi sínu til þjóðarinnar: „Ég hef við ótal tækifæri fundið til þess, að íslending- ar láta sér annt um embætti forseta íslands. Það er um leiðjjóst, að það er ekki sjálfgefið, hvernig for- setaembætti skuli sinnt og verður ekki. Þar veldur hver á heldur, eins og sjálfsagt er.“ Forsetinn sagði ennfremur: „Nú þegar við höfum öðlast reynslu áranna er hægt að gera þá kröfu til okkar að við sýnum í verki sjálfs- virðingu, sem er forsenda þess að við berum réttmæta virðingu fyrir öðrum mönnum og sköpum þar með for- dæmi þeim yngri, svo að þeir skilji, að ekki er sá sterk- astur sem reiðir vanstilltan hnefa til höggs, heldur hinn, sem kemur fram við aðra með þeim sóma sem hann vill að honum sjálfum sé sýndur. - Þessu viðfangsefni fylgja mörg svið: hvarvetna er gerð sú krafa að við sýnum yfirvegun og einbeitni og veljum um kosti en látum ekki skeika að sköpuðu.“ Við eigum að sýna sjálfum okkur þá sjáifsvirðingu að láta ekki skeika að sköpuðu þegar við nýtum kosn- ingaréttinn: þegar við veljum þjóðinni sameiningartákn og lýðveldinu þjóðhöfðingja. Við eigum ekki að „reiða vanstilltan hnefa til höggs,“ heldur nýta þennan dýr- mæta rétt af yfirvegun og í samráði við eigin skynsemi og eigin samvizku. Veldur hver á heldur, sagði frú Vigdís forseti í síð- asta nýjarsávarpi sínu til þjóðarinnar. Um það er kosið. Fylgi Guðrúnar Agnarsdóttur hefur tvöfaldast Röð forsetaframbjóðenda hefur ekki breyst í skoðanakönminum > _ Olafur Ragnar ávallt verið með forystu en forskot hans á Pétur hefur þó minnkað Ólafur Ragnar Grímsson hefur mælst með mest fylgi í öllum skoðana- könnunum sem gerðar hafa verið síðan framboðsfrestur rann út. Forskot hans á Pétur Kr. Hafstein hefur þó minnkað. Kannanimar sýna þá meginbreytingu að fylgi Guðrúnar Agnarsdóttur hefur stór- aukist. Egill Olafsson hefur borið saman niðurstöður þeirra skoðana- kannana sem gerðar hafa verið á fylgi forsetaframbjóðenda. Miklar og heitar umræður um Langholtskirkjudeiluna á aðalfundi Prestafélags Islands SPÁÐ í spilin á aðalfundi Prestafélags íslands í gær. Morgunblaðið/Golli Stuðningsyfirlýsing við sr. Flóka samþykkt með 26 atkv. gegn 6 SKOÐANAKANNANIR sem gerðar hafa verið síðastlið- inn mánuð um fylgi við forsetaframbjóðendur gefa til kynna að forskot Olafs Ragnars Grímssonar hafi verið að minnka. Kannanir sýna að fylgi við Guðrúnu Agnarsdóttur hefur vaxið stöðugt. Stuðningur við Pétur Kr. Hafstein hefur einnig aukist en mun minna. Fylgi við framboð Ástþórs Magnús- sonar hefur ekki breyst mikið. Síðan framboðsfrestur tii emb- ættis forseta íslands rann út hafa verið gerðar 13 skoðanakannanir á fylgi frambjóðenda. Félagsvísinda- stofnun hefur gert fimm kannanir, Gallup fimm og DV og Stöð 2 þrjár. í öllum könnununum er röð fram- bjóðenda sú sama. Ólafur Ragnar Grímsson fær mest fylgi, Pétur Kr. Hafstein kemur næstur, Guðrún Agnarsdóttir er í þriðja sæti og Ástþór Magnússon er fjórði. Mest breyting á fylgi Guðrúnar í fyrstu könnununum Félagsvís- indastofnunar og Gallups, sem gerðar voru um síðustu mánaða- mót, mældist fylgi Ólafs Ragnars 44-47%, en í könnunum sem gerðar voru í fyrradag mældist fylgi hans um 39-40%. Um síðustu mánaða- mót mældist stuðningur við Pétur 25-28%, en í fyrradag mældist fylgi við hann 29-31%. Stuðningur við Guðrúnu mældist 11-14% í upphafi þessa mánaðar, en í fyrradag mældist fylgi hennar 25-27%. Ást- þór mældist með 3-4% fylgi í upp- hafi mánaðarins og í fyrradag mælist hann með svipað fylgi. Þessar tölur sýna að mestar breytingar hafa orðið á stuðningi við Guðrúnu Agnarsdóttur. Hún hefur náð að tvöfalda fylgi sitt frá því að framboðsfrestur rann út. Leiða má líkur að því að mjög stór hluti af fylgi Guðrúnar Pétursdótt- ur hafi farið til nöfnu hennar, en hún mældist með 8-11% fylgi þegar hún ákvað að draga framboð sitt til baka. Stuðningur sjálfstæðis- manna við Ólaf minnkar Félagsvísindastofnun hefur spurt svarendahóp sinn hvaða flokk hann kaus í síðustu kosningum. Svörin gefa til kynna að pólitískar skoðanir kjósenda ráði talsverðu um afstöðu þeirra í forsetakosning- unum. Kannanirnar sýna að um 40% þeirra sem kusu Álþýðuflokk- inn í síðustu kosningum ætla að kjósa Ólaf Ragnar. Hann nýtur stuðnings um 60% framsóknar- manna. Um 20% kjósenda Sjálf- stæðisflokksins lýsa yfir stuðningi við Ólaf Ragnar. Stuðn- ingur við hann meðal al- þýðubandalagsmanna er yfir 70%. Innan við 20% fylgismanna Kvennalist- ans ætla að kjósa Ólaf og stuðningur við hann meðal kjósenda Þjóðvaka er um 40%. Svo virðist sem stuðningur við Ólaf Ragnar meðal kjósenda Sjálf- stæðisflokksins hafi heldur farið minnkandi. I fyrstu skoðanakönn- un Félagsvísindastofunar sögðust 25,3% sjálfstæðismanna ætla að kjósa Ólaf. Þetta hlutfall lækkaði um u.þ.b. 2 prósentustig milli kannana og var komið niður í 18,4% í könnun sem gerð var 25.-26. júní. í könnuninni sem birt- ist í Morgunblaðinu í gær lýsa 20% sjálfstæðismanna yfir stuðningi við hann. Það má því leiða llkur að því að fylgistap hans meðal sjálfstæðismanna hafi stöðvast. í þessu sambandi er rétt að leggja áherslu á að Sjálf- stæðisflokkurinn er stærsti flokkur landsins og þess vegna vigta stuðningsmenn hans þungt í fylgi allra fram- bjóðenda. Þegar ein- göngu er horft á stuðningsmanna- lið Ölafs Ragnars kemur í ljós að þar er að fínna álíka marga sjálf- stæðismenn og alþýðubandalags- menn. Pétur að tapa stuðningi framsóknarmanna? Um 25% þeirra sem kusu Alþýðu- flokkinn í síðustu kosningum ætla að kjósa Pétur. Stuðningur við hann meðal framsóknarmanna er um 15%. Um 60% kjósenda Sjálfstæðis- flokksins ætla að kjósa Pétur. Innan við 5% alþýðubandalagsmanna ætla að kjósa hann. Stuðningur við hann meðal kjósenda Kvennalistans og Þjóðvaka hefur verið nokkuð breyti- legur sem skýrist af því að fylgi við flokkana er lítið. í fyrstu könnun Félagsvísinda- stofnunar lýstu 49,8% sjálfstæðis- manna yfir stuðningi við Pétur. Það hækkaði upp í 56,3% í næstu könnun og fór í 60,5% í könnun sem gerð var 22.-23. júní. Þetta hlutfall er óbreytt í tveimur síð- ustu könnunum stofnunarinnar. í þeim þremur könnunum sem gerð- ar hafa verið í þessari viku hefur stuðningur við Pétur meðal fram- sóknarmanna heldur dvínað. Það var 19,2% í könnun sem gerð var 22.-23. júní, 15,4% í könnun sem gerð var 25.-26. júní og 11,5% í síðustu könnun sem gerð var 26.-27. júní. Fylgi Guðrúnar hefur aukist meðal kjósenda allra flokka. Aukn- ingin virðist þó vera meiri meðal kjósenda Alþýðuflokks, Framsókn- arflokks og Alþýðubandalags en meðal kjósenda Sjálfstæðisflokks. I síðustu könnun lýsa 34,5% alþýðu- flokksmanna yfir stuðningi við hana, 23,6% framsókn- armanna, 14,4% sjálf- stæðismanna, 24,3% al- þýðubandalagsmanna, 60,9% kjósenda Kvenna- listans og 31,8% þjóð- vakamanna. Aukinn stuðningur kvenna við Guðrúnu Skoðanakannanirnar leiða í ljós að mun fleiri karlar en konur ætla að kjósa Ólaf Ragnar. Guðrún nýtur hins vegnar mun meiri stuðnings meðal kvenna en karla. Óverulegur munur er á stuðningi karla og kvenna við Pétur. Kann- anirnar sýna að stuðningur karla við Ólaf hefur ekki breyst mikið. 49,8% karla lýstu yfir stuðningi við hann í fyrstu könnun Félagsvís- indastofnunar, en 47,3% í þeirri síðustu. Stuðningur við hann með- al kvenna hefur hins vegar minnk- að úr 38,1% í 33,4%. í fyrstu könnun Félagsvísinda- stofnunar kváðust 10% karla ætla að kjósa Guðrúnu, en 16,1% í þeirri síðustu. Stuðningur við Guðrúnu meðal kvenna hefur hins vegar far- ið úr 18,1% í 33,7%. Óverulegar breytingar hafa orðið á fylgi Péturs milíi kynja. Kannanir hafa sýnt að staða Ólafs Ragnars er mun sterkari á landsbyggðinni en á höfuðborgar- svæðinu. Fylgi hans hefur örlítið dalað á landsbyggðinni í síðustu könnunum. Fylgi Ólafs á Reykja- nesi hefur hins vegar minnkað umtalsvert. Það mældist 50,4% í fyrstu könnun Félagsvísindastofn- unar en 36,8% í síðustu könnun. Fylgi Ólafs í Reykjavík hefur lítið breyst milli kannana og mælist raunar meira í síðustu könnun en í tveimur fyrstu könnununum. Fylgi Péturs á landsbyggðinni hefur breyst lítið síðasta mánuðinn og mælist nú 27,2%. Fylgi hans í Reykjavík og á Reykjanesi hefur hins vegar aukist og er núna um 33%. Fylgi Guðrúnar hefur aukist í öllum landshlutum. Hún nýtur núna rúmlega 26% fylgis í Reykjavík og á Reykjanesi, en 23% fylgis á lands- byggðinni. Unga fólkið að fara frá Pétri til Ólafs? í fyrstu könnununum naut Ólaf- ur Ragnar mun meira fylgis meðal eldri kjósenda en þeirra yngri. Þessi munur hefur jafnast nokkuð. Stuðningur við hann meðal yngri kjósenda virðist hafa aukist. Fyrstu kannanirnar sýndu Pétur með meira fylgi meðal yngri kjósenda en þeirra eldri. Þetta virðist hafa breyst því að síðustu tvær kannan- ir endurspegla meiri stuðning við hann meðal eldri kjósenda en með- al þeirra sem yngri eru. Svo er að sjá sem kjósendur á aldrinum 18-24 ára hafi í einhveij- um mæli fært sig frá Pétri yfir til Ólafs. í fyrstu könnun Félagsvís- indastofnunar lýstu 31,5% kjósenda á þessum aldri stuðningi við Ólaf, en þetta hlutfall var 38,9% í síð- ustu könnuninni. Stuðningur við Pétur í þessum aldurshópi var 32,4% í fyrstu könnuninni, en 25,3% í þeirri síðustu, sem er að- eins meira en í könnuninni þar á undan. Kannanir virðast sýna nokkuð greinilega að fylgisaukn- ing Guðrúnar er mun meiri meðal yngra fólks en þeirra sem eldri eru. Síðustu tvær kannanir sýna um 30% fylgi við hana í yngstu aldurshóp- unum, en stuðningur við hana með- al þeirra sem eru 60-75 ára mælist 15-18%. Erfitt er að greina fýlgi Ástþórs Magnússonar mikið niður vegna þess að það er mun minna en ann- arra frambjóðenda. Kannanir benda til þess að stærstur hluti fylgis hans komi frá ungum kjós- endum. Hann fær einnig meira fylgi frá körlum en konum. NDIR lok aðalfundar Prestafélagsins í gær báru níu prestar fram tillögu um stuðning við séra Flóka Kristinsson, sóknarprest í Langholtskirkjusókn. í yfirlýsingunni segir einnig að aðalfundurinn vænti þess að allir málsaðilar virði úrskurð herra Bolla Gústafssonar vígslubisk- ups og friður komist á í Langholts- prestakalli. Miklar umræður og á köflum til- finningaþrungnar urðu um tillöguna áður en hún var borin upp undir at- kvæði. Margir aðalfundarfulltrúar voru þó horfnir af fundi þegar um- ræðan hófst síðdegis í gær. Voru mjög skiptar skoðanir um hvort stuðningsyfirlýsing fundarins við sr. Flóka yrði túlkuð sem afstaða presta með öðrum málsaðila Langholts- kirkjudeilunnar og gegn öðrum. Bað vígslubiskup um fyrirgefningu „Sr. Egill Hallgrímsson var flutn- ingsmaður tillögunnar og sagði hann að sr. Flóki hefði ekki gerst sekur um neitt sem varðaði embættismissi en ýmis merki væru á lofti um að aðrir ætluðu ekki að hlíta úrskurði herra Bolla Gústafssonar. „Ég vona að fundurinn sýni kollega okkar bróðurþel,“ sagði hann. í sama streng tóku fleiri fundar- menn og höfðu sumir á orði að aðilar innan sóknamefndar reyndu að spilla fyrir tilraunum til að koma á friði í sókninni. Sr. Þórir Jökull Þorsteins- son sagði ringulreið innan kirkjunnar vegna málsins og málefnið varðaði alla. Sr. Gunnar Björnsson og sr. Geir Waage lýstu yfir eindregnum stuðningi sínum við tillöguna. Geir sagðist hafa gagnrýnt úrskurð Bolla á sínum tíma og látið þung orð falla við Bolla í geðshræringu. Kvaðst hann síðar hafa gert þessi mál upp við Bolla og beðið hann fyrirgefning- ar. Geir Waage sagðist aldrei hafa hvatt til að úrskurður Bolla yrði ekki haldinn. Sr. Gunnar Matthíasson sagðist ekki geta samþykkt tillöguna því þótt hann vildi styðja Flóka þá væri ekki rétt að afgreiða þessa tillögu á aðalfundinum. Sr. Gunnar Sigurjóns- son sagðist ekki skilja hvað vekti fyrir mönnum að bera þessa tillögu fram, af hverju þyrfti að fá fram Aðalfundur Prestafélags íslands samþykkti í gær stuðningsyfirlýsingu við séra Flóka Kristinsson, prest í Langholtssókn, með 26 atkvæðum gegn * 6. Omar Friðriksson fylgdist með miklum og tilfinningaþrungnum umræðum um Lang- holtskirkjudeiluna á að- alfundinum. atkvæðagreiðslu í Prestafélaginu til að kveða upp úr um samstöðu með félaga. Sr. Kristján Valur Ingólfsson, sagði að guðsþjónustur sr. Flóka væru til fyrirmyndar. Hann sagðist hins vegar einnig vera æskuvinur Jóns Stefánssonar organista og sagð- ist ekki vera reiðubúinn að styðja allar gjörðir Flóka í nútíð og fram- tíð. Lýsti hann miklum efasemdum sínum um tillöguna. Sr. Pétur Þórar- insson varaði fundarmenn við að samþykkja yfirlýsingu sem gæti skemmt fyrir tilraunum til sátta í deilunni. Þrátt fyrir að prestar stæðu með Flóka mætti ekki gera hinn deiluaðilann tortryggilegan. „Bið ykkur að halda utan um mig sem félaga“ Séra Flóki kvaddi sér hljóðs og sagði að þessi mál hefðu verið sér og fíölskyldu sinni mjög erfið og bað starfsfélaga sína um stuðning. „Ég er ekki hommi, ég er ekki hórdóms- maður, ég er ekki þjófur, ég er ekki fyllibytta. Mér hefur ekki orðið á í störfum mínum svo varðaði embætt- ismissi. Ég er prestur sem hef reynt að rækja störf mín af þeim heiðar- leika sem guð hefur gefíð mér. Ég fer fram á að þið sýnið mér þá virð- ingu að ég sé einn úr ykkar hópi, og þið getið lýst því yfir að þið styðj- ið mig sem prest og félaga ykkar,“ sagði sr. Flóki. „Ég er að biðja ykk- ur um það að þið haldið utan úrií mig sem félaga ykkar, sem er að vinna að sama málefni og þið. Ég ætla ekki að nýta mér þessa ályktun, ef hún verður samþykkt, til þess að veifa sem vopni framan í einn eða neinn,“ sagði hann. „Nauðsynlegt að endurvígja Langholtskirkju" Mikill ágreiningur var meðal fund- armanna um afgreiðslu málsins eftir ræðu sr. Flóka. Sr. Svavar A. Jóns- son og sr. Jón Helgi Þórarinsson kváðust ekki geta stutt tillöguna. Sr. Ólöf Ólafsdóttir, sem er varamaður í sóknarnefnd Langholtskirkju, lýsti yfir eindregnum stuðningi við Flóka og sagði hann hafa sætt slíkunf ágangi og ákúrum af hálfu sókn- arnefndar að hún hefði aldrei kynnst öðru eins. Sagði hún það skoðun margra að nauðsynlegt væri orðið að endurvígja Langholtskirkju. Sagð- ist hún ekki trúa því að fundarmenn stæðu ekki með starfsfélaga sínum þegar í harðbakka slær. Tillagan stríðsyfirlýsing gegn söfnuðinum Bára Friðriksdóttir guðfræðingur hefur starfað í Langholtskirkju með sr. Flóka frá í nóvember. Sagðist hún vera full sorgar vegna þessarar deilu og sagðist vilja styðja sr. Flóka sem manneskju en hún sagðist þó ekki. geta stutt tillöguna því með henni væri verið að lýsa stríði á hendur söfnuðinum, og raunar gegn kirkju- söfnuðum um allt land. Bára sagðist vera í nokkurri geðshræringu þegar hún flutti mál sitt en hún sagðist aldrei hafa upplifað önnur eins mann- leg samskipti og hún hefði mátt reyna í samskiptum sínum við Flóka á undanförnum mánuðum. Greindi hún frá ýmsum atvikum í kirkjustarf- inu og sagði að Flóki liti á sig sem fjandmann sinn. Tillagan var þessu næst borin und- ir atkvæði í tvennu lagi. Fyrri hlúti hennar, þar sem lýst var stuðningi við sr. Flóka, var samþykkt með 26 atkvæðum gegn 6 en nokkrir sátu hjá. Síðari hluti tillögunnar um að málsaðilar virði úrskurð Bolla Gústafssonar var samþykkt mótat- kvæðalaust en hluti fundarmanna sat einnig hjá við þá afgreiðslu. Yngra fólk kýs Guðrúnu frekar en það eldra Sjálfstæðis- mönnumsem styðja Ólaf fækkar
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.