Morgunblaðið - 29.06.1996, Blaðsíða 12

Morgunblaðið - 29.06.1996, Blaðsíða 12
12 LAUGARDAGUR 29. JÚNÍ 1996 MORGUNBLAÐIÐ FRÉTTIR Skipulagssljóri um úrskurð umhverfisráðherra Byggist á ann- arri lagatúlkun SKIPULAGSSTJORI ríkisins, Stefán Thors, segir að úrskurður umhverfisráðherra um mat á um- hverfisáhrifum álvers á Grundart- anga, byggist á annarri lagatúlkun en úrskurður skipulagsstjóra hafi gert. Umhverfisráðherra úrskurð- aði að lög leyfi ekki að tengja saman mat á umhverfisáhrifum af byggingu álvers við mat á umhverfisáhrifum vegna bygging- ar virkjana og háspennulína eins og skipulagsstjóri gerði í úrskurði sínum. „Við fórum yfir allar hliðar þessa máls og niðurstaða okkar var sú að við vildum tengja virkj- unarframkvæmdir við byggingar- framkvæmdir álversins á Grund- artanga og skoða það sem eina heild,“ segir Stefán. „Ráðherra taldi að við hefðum ekki lagaheimild til þess, heldur að líta skuli á hvert mál út af fyr- ir sig. Þetta er önnur lagatúlkun. Við töldum okkur hafa heimild fyrir okkar niðurstöðu, en munum að sjálfsögðu haga okkur sam- kvæmt úrskurði ráðherra," sagði Stefán. Þarf að skoða í heild „Við töldum að skoða þyrfti þetta mál í heild áður en endan- lega yrði gengið frá þessari fram- kvæmd. Heimiluð verður bygging álverksmiðjunnar og hafa um- hverfisáhrif hennar verið metin. Samkvæmt úrskurði ráðherra verða tengdar framkvæmdir metn- ar sér, þegar þar að kemur, í stað þess að bíða og meta heildaráhrif- in. Þetta breytir engu um sjálf umhverfisáhrifin sem verða þau sömu. Umhverfisráðherra er æðsta yfirvald í þessum málum og við munum taka tillit til þessa úr- skurðar í framtíðinni í vinnu okk- ar,“ segir Stefán Thors. Rababaravín- gerð athuguð FRAMLEIÐSLA á rababaravíni er í athugun hjá fyrirtækinu Engjaási ehf. í Borgarnesi. Framleiðsla víns- ins er á umræðu- og tilraunastigi segir Indriði Albertsson fram- kvæmdastjóri Engjaáss ehf. Um er að ræða léttvín sem freyðir og á við flestan mat. Auglýst hefur verið eftir rababara sem fer í tilraunina og grauta sem fyrirtækið framleiðir. „Viðbrögð við auglýsingunni eru mjög góð. Við höfum fengið nokkur tonn af raba- bara, enda vex rababari nánast i hveijum garði hér á landi. íslenskur rababari fæst aðeins á þessum árs- tíma svo að við söfnum honum nú, en tilraunir í gerð rababaravínsins munu fara fram í haust og í vetur. Hugmyndin var sú að framleiða vist- vænt séríslenskt vín og er rababar- inn hentugur til þess. En spurningin er nú sú, hvort framleiðslan sé hag- kvæm,“ sagði Indriði. Afleggjari frá annarri vínframleiðslu Engjaás ehf. framleiðir öll brennd vín sem leyfilegt er að fram- leiða á íslandi, en auk þess fram- leiðir fyrirtækið ávaxtagrauta og pitsur. „Rabaravínið yrði eins konar afleggjari frá annarri vínfram- leiðslu hér, en hún er aftur á móti mun flóknari en framleiðsla brenndu vínanna. Framleiðsla sam- bærilegra léttvína í Evrópu byggist á margra áratuga reynslu sem við þurfum að vinna upp í tilraunum okkar,“ segir Indriði. _ Morgunblaðið/Jón Svavarsson VÉSTEINN Sæmundsson, 7 ára, sem leikur Palla sem var einn í heiminum, keyrir hér strætisvagn. Palli sem var einn í heiminum kvikmynd- aður KVIKMYNDAFYRIRTÆKIÐ Litla gula hænan er nú að Ijúka tökum á barnakvikmynd sem gerð er eftir sögunni um Palla sem var einn í heiminum. Hún verður sýnd í norska sjónvarp- inu, Rikissjónvarpinu og í kvik- myndahúsum í Þýskalandi og víðar. Litla gula hænan er fyrir- tæki Ásthildar Kjartansdóttur og er hún jafnframt leikstjóri myndarinnar. Myndin er byggð á handriti Jens Sigsgárd og sér Sigurður1 Sverrir Pálsson um kvikmynda- töku. Vésteinn Sæmundsson, 7 ára, fer með hlutverk Palla sem keyrir strætó og brunabíl, flýg- ur flugvél og klessir á tunglið. Ásta Hrönn Stefánsdóttir, EFTIR að hafa klesst strætisvagninn gengur Palli burt. framkvæmdastjóri Litlu gulu hænunnar, segir að um 20 manns vinni að tökum myndar- innar og er hún m.a. fjármögn- uð af Kvikmyndasjóði íslands, Norræna kvikmyndasjóðnum, Nord Hrein Westfalen og Media Investment Club. Þar sem Palli er einn í heim- inum er mikilvægt að bak- grunnur og götur séu mann- og bíllausar. Til þess að svo geti orðið hefur kvikmyndun mest farið fram á kvöldin og nóttinni þegar rólegra er. Ing- var E. Sigurðsson fer með hlut- verk pabba Palla og mömmuna leikur Vigdís Gunnarsdóttir og Karl Guðmundsson fer með hlutverk karlsins í tunglinu. Áætlað er að frumsýna mynd- ina að ári. Fimm sjóslys urðu á íslenskum skipum á sextán dögum í góðu veðri í júnímánuði Tilviljun að svo mörg sjóslys verði á svo skömmum tíma Á SEXTÁN daga tímabili í júnímán- uði urðu fimm sjóslys. Eins manns er saknað úr þessum sjóslysum. Gott veður var er öll þessi slys urðu. • Sunnudaginn 9. júní lagðist FIosi ÍS á hliðina og komst sjór í lestar hans þegar verið var að dæla síld í skipið. Mannbjörg varð. • Sæborg GK 457 frá Grindavík fórst 15. júní, fyrir austan land á leið heim af síld. Mannbjörg varð. •Maður féll útbyrðis af Gylli BA frá Tálknafírði 19. júní og er enn ófundinn. • Fagranesið strandaði við Æðey 22. júní. Um 240 farþegum og áhöfn var bjargað. • Mýrarfellið frá Þing- eyri hvolfdi í mynni Arn- arfjarðar 25. júní. Mann- björg varð. Óvenjulegt er að slíkur fjöldi slysa verði á þessum árstíma. Páll Hjartarson aðstoðarsiglingarmála- stjóri og Ragnhildur Hjaltadóttir, formaður Rannsóknarnefndar sjó- slysa, voru spurð álits á þessum tíðu slysum. Páll Hjartarson segir að það hafi sýnt sig að óhöpp verði sem ekki tengjast veðri né tíðarfari, heldur geti margt annað valdið óhappi, eins og röð af litlum sam- verkandi yfirsjónum áhafnarinnar, eða að eitt- hvað gefí sig í búnaði skipsins. Það sé einskær tilviljun að svo mörg slys gerist á svo skömmum tíma. „Fræðslumál sjómanna þurfa að vera í sífelldri endurskoðun. Skipið er hættulegur vinnustaður og brýnt er að menn geri sér grein fyrir að það er aldrei of varlega farið þó að veðrið sé gott. Á hinn bóginn er aldur íslenska fiskiskipaflotans almennt of hár. Ég get þó ekki fullyrt neitt um það að aldur skip- anna hafi eitthvað að segja í þessum tilvikum,“ segir Páll. „Það er mikið áhyggjuefni að svo mörg sjóslys verða á þessum árs- tíma,“ segir Ragnhildur Hjaltadótt- ir, formaður Rannsóknarnefndar sjóslysa. „Það má alltaf búast við slysum í skammdeginu þegar veður eru válynd, en ekki eins á þessum árstíma. Þetta eru líka alvarleg óhöpp, .þar sem skip hafa sokkið og strandað. Maður fór fyrir borð á Gylli BA, og það má teljast guðs mildi að ekki hafi orðið manntjón í hinum slysunum fjórum,“ segir Ragnhildur. „Enn hef ég ekki nógu miklar upplýsingar í höndunum til þess að koma með neina skýr- ingu á þessum tíðu slys- um. Einu sjóprófin sem liggja nú fyrir eru vegna Sæborgarinnar. Þar kemur engin augljós ástæða fram, hvers vegna skipið sökk né hvort menn hafi hegðað sér öðruvísi en þeir áttu að gera. Ekki er ólíklegt að menn sýni meiri varkárni þegar aðstæður eru verri og séu kærulausari í góðu veðri, líkt og sjá má í bílaumferð- inni, en ég er ekki þar með að segja að rekja megi þessi slys til mann- legra mistaka. Það hlýtur að vera tilviljun að svo mörg slys verði á svo skömmum tíma. Rannsóknarnefnd sjóslysa vinnur úr sjóprófum og frumrannsóknum, m.a. úr lögregluskýrslum sem tekn- ar eru af skipbrotsmönnum. Skoð- aðar eru teikningar af skipum og vettvangskannarnir eru gerðar á þeim skipum sem komið er með til hafnar. Mér sýnist að þessi óhöpp sem gerst hafa að undanförnu krefjist mikillar yfirlegu. Unnið hefur verið mikið starf á undanfömum árum varðandi örygg- ismál sjómanna, en betur má ef duga skal. Skipið er mjög sérstakur vinnustaður, sem er háður veðri og vindum. Einnig er mikilvægt að áhöfnin vinni sem ein heild og að samband innan hennar sé gott. En sem stendur get ég ekki dregið ályktun af þessum tíðu slysum síðustu daga fyrr en rannsóknum er lokið, enda á Rann- sóknamefnd sjóslysa eftir að íjalla um þessi mál,“ segir Ragnhildur. Skipiö er hættulegur vinnustaður Óhöppin und- anfarið krefj- ast skoðunar
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.