Morgunblaðið - 13.08.1996, Blaðsíða 10
10 ÞRIÐJUDAGUR 13. ÁGÚST 1996
MORGUNBLAÐIÐ
FRÉTTIR
Menntamálaráðherra um fjárskort Háskóla íslands
Skólinn verður að sníða
sér stakk eftir vexti
BJÖRN Bjarnason, menntamála-
ráðherra, telur að ekki hafi verið
gengið harðar fram í sparnaðarað-
gerðum gagnvart Háskóla íslands
en öðrum ríkisstofnunum. Hann
telur að ráðstafanir til að sporna
við fyrirsjáanlegum rekstrarhalla
geti ekki riðið baggamuninn fyrir
gæði kennslunnar.
Sveinbjörn Björnsson, háskóla-
rektor, hefur sagt að horfur séu
á 50 til 60 milljóna króna halla á
rekstri Háskóla íslands á árinu.
Halli vegna rekstrar kennsludeilda
og húseigna gæti orðið 25 milljón-
ir hvor liður.
Björn tók fram að í HÍ væri enn
verið að fjalia um hvernig hægt
væri að mæta rekstrarhallanum.
„Eins og aðrar ríkisstofnanir verð-
ur háskólinn að sníða sér stakk
eftir vexti og halda rekstrinum
innan ramma fjárlaga. Nefnt hefði
verið að fækka þurfti námskeiðum
og hugsanlega kennslustundum í
einhveijum námskeiðum. Ef Há-
skólanum finnst sú leið vænlegust
hlýtur hann að reyna hana til
þrautar,“ sagði Björn og tók fram
að af hálfu háskólans hefði verið
óskað eftir viðræðum við sig eftir
að farið hefði verið yfir stöðuna
innan skólans. Hann sagði að
framlög til HI tækju að verulegum
hluta mið af nemendafjölda.
„Greiðslurnar hafa aukist en auð-
vitað ekki nóg fremur en til ann-
arra ríkisstofnana. Ég veit ekki
til að nein ríkisstofnun telji sig
hafa nægilegt fé,“ sagði hann og
tók fram að auðvitað tæki í á
ýmsum stöðum þegar jafn mikið
átak þyrfti að gera til að ná niður
útgjöldum ríkisins, en stefnt væri
að því að ríkissjóður yrði hallalaus
á næsta ári. Gæti það þýtt allt að
4 milljarða króna minnkun út-
gjalda.
Til sölu
Á frábærum stað við Laugaveg er til sölu glæsileg tískufata-
verslun með eigin innflutning á notuðum og nýjum fötum frá
París, London, og New York, einnig er um eigin framleiðslu að
ræða. Þarna er á ferðinni vel rekið fyrirtæki með góða framlegð.
Frábær sölutimi framundan.
Allar nánari upplýsingar
gefnar á skrifstofu.
Hóll - Fyrirtækjasala,
Skipholti 50b,
S. 551 9400.
Morgunblaðið/Ásdís
Kátir krakk-
ar á leikja-
námskeiði
ÞRIÐJA leikjanámskeiðinu, sem
haldið hefur verið á vegum Nes-
kirkju í Reykjavík í sumar, lauk
í gær. Fullbókað hefur verið á
öllum námskeiðunum. Á mynd-
inni sést glaðlegur hópur barna
á kirkjutröppunum með umsjón-
armönnum sinum.
Vorum að fá í einkasölu, snyrtilegan, vel tækjum búinn og öflugan
veitingastaö á höfuðborgarsvæðinu. Um er að ræða daglegan
rekstur kaffiteríu ásamt mjög góðri aöstöðu til veisluþjónustu.
Staðurinn gefur mikla möguleika og státar af frábærri staðsetningu
viö sjóinn.
Fyrirtæki til sölu !
Svnishorn úr söluskrá.
Söluturn, Breióh. m/Lottó
Videoleiga, söluturn, austurb.
Pizzastaður, heimsend., vinsæll
Pöbb, kaffihús í miðbænum.
Dagsöluturn, m/eigin framl.
Matvöruverslun í vesturbæ.
Sólbaðstofa, ein mjög góð.
Prentsmiðja, lítil í rekstri.
Bóka- og ritfangaverslun, Kóp.
Blómabúð, mjög þekkt.
Veitingastaður, iðnaðarhverfi.
Vöruflutningar á góðri leið.
Sjoppa, videoleiga, v/skóla.
Grill á Laugaveginum.
r
Fyrirtækjasala Islands
Ármúla 36, sími 588 5160
— Morgunblaðið/Ásdís
GESTIRNIR sem heimsóttu Skógræktarfélag Garðabæjar, dilluðu
sér í takt við harmonikkuspilið á meðan þeir gæddu sér á veitingum.
Góð þátttaka í
skógræktardegi
ÞRJÁTÍU skógræktarfélög efndu
til skógræktardags á laugardag-
inn sl. og er áætlað að yfir 2.000
manns hafi heimsótt skógræktar-
reiti félaganna víða um land.
Brynjólfur Jónsson, fram-
kvæmdastjóri hjá Skógræktarfé-
lagi Islands, segir að skógrækt-
ardagurinn hafi heppnast Ijóm-
andi vel hjá félögunum og veður
hafi verið gott á öllu landinu,
þrátt fyrir að grátt væri yfir að
líta. í Hafnarfjörðinn hafi komið
um 5-600 manns og á Hánefs-
staði í Eyjafirði hafi komið yfir
200 manns.
Dagskrár félaganna voru fjöl-
breyttar og uppákomur með
ýmsu móti. Boðið var upp á
gönguferðir með leiðsögn viðast
hvar, og þáðu gestir veitingar á
eftir. I Garðabæ, þar sem þessar
myndir voru teknar, komu um
100 manns, sem þáðu veitingar
og hlustuðu á fjörugan harmon-
ikkuleik í grænni náttúrunni.
ERU ÞEIR AÐ FÁ’ANN?
Mokað úr
Laxá í Dölum
Sveiflur eru í veiði í ám vestanog
suðvestanlands, enda hafa komið
miklar úrkomugusur og árnar orðið
erfiðar til veiða er vatnsmagnið
hefur orðið hvað mest. Síðan hefur
glæðst er vatn hefur sjatnað. Eigi
að síður er landsins gæðum mis-
skipt í ánum og auk þess sem ár á
umræddu landssvæði eru misgóðar,
þá hefur lítið ræst úr nyrðra. Skárri
tölur að undanförnu skýrast að ein-
hverju leyti á því að maðki hefur
verið beitt á ný eftir fluguveiðitíma-
bil.
Hægist um í Norðurá
Heldur hefur hægst um í Norð-
urá eftir mikla veiði í sumar. Há-
marki var náð fyrir rúmri viku, er
fyrsta holl eftir fluguveiðitímann
veiddi 150 stykki á þremur dögum,
mest á maðk. Næsta holl veiddi 60
laxa og hópurinn sem síðan tók við
hafði veitt 15 laxa á hádegi í gær,
eftir eins dags veiði. Nú fer í hönd
rólegasti tími vertíðarinnar í Norð-
urá, en þó gera menn sér vonir um
að enn reytist vel upp þar sem tals-
vert er af laxi í ánni og vatn gott.
Veitt er til 10. september og eru
þvi allir möguleikar fyrir hendi að
yfir 2000 laxar komi á land. í gær-
dag voru komnir fast að 1700 fisk-
ar úr ánni.
Næstu ár
Næstu ár í röðinni eru Langá og
Þverá, sú fyrri með rétt yfír 1100
laxa og sú síðari með um 1100
fiska. Jón Olafsson, einn leigutaka
Þverár og Kjarrár sagði í gærdag
að góð veiði hefði verið um helgina
og lúsugir fiskar veiðst bæði á efri
og neðri svæðum. Þá hefðu veiðst
nokkrir stórir og legnir, allt að 17
punda í Kjarrá.
Mokveiði í Laxá í Dölum
Enn er mokveiði í Laxá í Dölum,
en þar hrökk allt í gang við rigning-
ar á dögunum. Veiddust þá á þrem-
ur dögum 155 laxar á sex stangir
og næsti hópur veiddi 75 laxa á
aðeins tveimur dögum. Að sögn
Gunnars Björnssonar kokks í veiði-
húsinu við ána var hópurinn sem
nú veiðir kominn með 30 laxa eftir
einn dag, það hefur því heldur rén-
að veiðin, en er samt frábær. Að
sögn Gunnars hafa menn bæði ver-
ið að draga nýgengna smálaxa og
legna stærri fiskar, þó nokkra
12-15 punda. Alls voru komnir um
650 laxar á land í gærdag.
Gott í Svalbarðsá
Að sögn Þorláks Sigtrygssonar
veiðivarðar við Svalbarðsá voru í
gærdag komnir milli 150 og 160
laxar á land úr ánni og hefðu sum
síðustu holla verið að fá fallega
smálaxa í bland við legna stórfiska.
Eitt holl var með 12 laxa og annað
15 stykki og sagði Þorlákur drjúgan
hluta hafa verið bjartan smálax.
„Svo kom eitt rólegt holl sem fékk
aðeins 5 eða 6 laxa, en sumir þeirra
voru mjög stórir,“ sagði Þorlákur.
Taldi hann veiðina þokkalega góða,
hvorki afburðagóða né heldur slaka.
„Það er talsvert af laxi í ánni, en
skilyrði ekki alltaf upp á það besta.
Áin hefur t.d. verið vatnslítil að
undanförnu og hér hafa verið mikl-
ir hitar.“ Stærstu laxarnir í sumar
hafa verið 19 pund.