Morgunblaðið - 13.08.1996, Blaðsíða 13
MORGUNBLAÐIÐ
AKUREYRI
ÞRIÐJUDAGUR 13. ÁGÚST 1996 13
Sjóferðir ehf. á Dalvík
Nýr farþegabátur
til hvalaskoðunar
tekinn í notkun
FYRIRTÆKIÐ Sjóferðir ehf. á
Dalvík hefur tekið í notkun nýjan
farþegabát og er ætlunin að nýta
hann til hvalaskoðunar á Eyjafirði
en farið verður í daglegar skoðunar-
ferðir frá Dalvík.
Einnig mun báturinn verða not-
aður í grillferðir til Hríseyjar en
Sjóferðir hafa komið sér upp grillað-
stöðu í lokaðri vík á vesturhluta
eyjarinnar. Þá hefur verið mikill
áhugi á að nota bátinn í ýmiss kon-
ar skemmtiferðir fyrir hópa, m.a.
frá Grímsey, Ólafsfírði, Héðinsfirði
og Siglufirði. Þessi nýi bátur er
tæpir 13 metrar að lengd og 4,4
metrar að breidd. Hann er búinn
tveimur 570 hestafla vélum sem
skila 30 mílna ganghraða.
Sjóferðir ehf. hafa orðið viða-
mikla reynslu af hvalaskoðunar- og
sjóstangaveiðiferðum í utanverðum
Eyjafirði, enda hefur fyrirtækið
starfað á þessum vettvangi í 4 ár,
eins og segir í fréttatilkynningu
fyrirtækisins.
Hvalur sést í hverri ferð
í sumar hefur ekki verið farin
sú ferð að ekki sjáist til hvala. Mik-
ið er af hrefnu í Eyjafirði og þá
einnig af höfrungum og hnísum en
því til viðbótar hafa sést hnúfubak-
ar allt inn fyrir Hrísey.
Með tilkomu þessa nýja farartæk-
is, sem útbúið er með útsýnisbúri
sem er eina sex metra yfir þilfari,
verður auðveldara að finna hvar
dýrin halda sig á hveijum tíma og
fylgja þeim eftir. Með þessu móti
er enn líklegra að hvalur sjáist í
hverri ferð.
Víðtæk leit gerð að
þriggja manna fjölskyldu
Fannst heil á húfi
í gangnamannakofa
FÉLAGAR í Hjálparsveit skáta og
Flugbjörgunarsveitinni á Akureyri
voru kallaðir út til leitar að þriggja
manna fjölskyldu skömmu eftir
miðnætti aðfaranótt sunnudags.
Hjón og fullorðin dóttir þeirra ætl-
uðu að ganga úr Eyjafirði yfir í
Bleiksmýrardal í S-Þingeyjarsýslu
í gegnum Gönguskarð í Garðsárdal
en villtust af leið. Þau fundust und-
ir morgun í gangnamannakofa sem
heitir Addi og er um 2 km sunnan
við Gönguskarð og amaði ekkert
að þeim.
Göngufólkið lagði af stað um kl.
11 á laugardagsmorgun og ætlaði
sonur hjónanna að ganga til móts
við þau að austanverðu. Þegar fólk-
ið skilaði sér ekki yfir í Bleiksmýrar-
ardalinn um kvöldið kallaði hann
hjálparsveitarmenn til aðstoðar. Er
göngufólkið gerði sér grein fyrir
því að það hafði villst af leið snéri
það þegar í gangnamannakofann
enda komin svarta þoka og skyggni
lítið, þótt veður væri gott. Fólkið
er vant göngufólk og það var vel
búið og gerði það eina rétta þegar
þokan skall á, að koma sér fyrir í
kofanum.
Myndlistar-
sýning
í skókassa
GALLERÍ Gúlp!, sem er einn
minnsti sýningarstaður á landinu,
en sýningarnar eru í skókassa, efn-
ir til sýningarinnar „Sýnir og veru-
leiki“ á Café Karólínu í Grófargili
miðvikudagskvöldið 14. ágúst kl.
21. Sýningin verður opin eitthvað
fram eftir nóttu.
Hlynur Hallsson skipuleggur sýn-
inguna og hefur hann fengið 24
hollenska, þýska, bandaríska og ís-
lenska myndlistarmenn til liðs við
sig. Hlynur er búsettur í Þýskalandi
og rekur sýningarstaðina „Kunst-
raum Wohnraum" í Hannover og
„galerie hallsson" í Köln, Hamborg
og Berlín auk þess sem hann hefur
gefið út tímaritið „Blatt blað“ í rúm
þijú ár.
Báturinn
þrifinn eftir
mettúrinn
Grímscy. Morgunhlaðið.
VALDIMAR Traustason sem rær
með handfæri á trillunni Trausta
er elsti sjómaðurinn í eynni. Hann
fór fyrst í róður með afa sínum,
árið 1931, þegar hann var 9 ára.
Þá var hann bundinn niður í bát-
inn svo hann félli ekki útbyrðis.
Valdimar hefur stundað sjó-
sókn nær óslitið frá því hann var
12 ára. I síðustu viku var hann
að koma að landi með 650 kíló
sem er mesti afli sem hann hefur
fengið í einum róðri í sumar.
Hann var í óða önn að þrífa bát-
inn sinn eftir þennan mettúr sum-
arsins þegar ljósmyndari átti leið
um bryggjuna í Grímsey.
LANDIÐ
VERSLUNIN Blómsturvellir á Hellissandi. Morgunbiaðið/Heigi Kristjánsson
Blómsturvellir stækka við sig
Ólafsvík - Við verslunina Blómst-
urvelli á Hellissandi, sem hefur verið
starfrækt í 25 ár, var á dögunum
tekin í notkun ný viðbygging við
húsnæði verslunarinnar. Starfar hún
nú á 510 fm gólffleti.
Reksturinn skiptist í fjórar deildir
sem eru: Raftækja- og heimilistækja-
deild, sportvörudeild, vefnaðarvörur
og álnavörur og svo búsáhöld og
gjafavörur. Umsvif verslunarinnar
hafa verið vaxandi með hveiju ári
enda er hún fyllilega samkeppnisfær
við það sem best gerist annars staðar
bæði hvað varðar verð og þjónustu.
Eigendur Blómsturvalla eru hjónin
íris Tryggvadóttir og Óttar Svein-
björnsson.
Færir bændum
pitsur út á tún
Morgunblaðið/Eyjólfur M. Guðmundss.
KARL Guðlaugsson tann-
læknir og Ingibjörg Sva-
varsdóttir aðstoðarkona.
Tannlæknir
kominn til
starfa í
Vogum
Vogum - Tannlæknirinn Karl
Guðlaugsson hefur opnað
tannlæknastofu í húsnæði
Heilsugæslu Suðurnesja í
Vogum.
Undanfarin þijú ár hefur
Karl rekið tannlæknastofu í
Reykjavík og verður tann-
læknastofan í Vogum rekin
samhliða. í samtali við Morg-
unblaðið sagðist Karl vera
bjartsýnn um rekstur stof-
unnar og vonaðist eftir að
eiga. gott samstarf við
Vogabúa.
Hvolsvelli - Það eru ekki aðeins
hvítu heyrúllurnar, sem nú sjást
á flestum túnum iandsins, sem
vitna um breytta búskaparhætti.
A Hvolsvelli var í vor opnaður nýr
veitingastaður, Gallerý-Pitsa, og
hafa eigendurnir þeir Þorsteinn
Jónsson og Ingólfur Ingvarsson
haft í nógu að snúast í sumar.
Eitt af því sem vakið hefur at-
hygli er að nú hringja bændurnir
á pitsustaðinn og panta pitsu í
mannskapinn í stað þess að tefja
sig á því að fara heim í mat.
Hefur þetta mælst vel fyrir að
sögn Þorsteins og verið þó nokkuð
um að þeir hafi veitt bændum
þessa þjónustu enda þurrkurinn
alltaf dýrmætur. Þorsteinn rak
áður veitingastað í Vestmannaeyj-
um og segir hann að mikið sé um
að Eyjamenn skelli sér á Hvol-
svöll og fái sér málsverð á nýja
veitingastaðnum.
„Reksturinn hefur gengið ljóm-
andi vel frá því opnað var, miklu
betur en við þorðum að vona. Við
erum nú sex alls sem störfum hér
og ökum með pitsur um allt hérað
en höfum auk þess innréttað hér
notalegan veitingastað," sagði
Þorsteinn Jónsson veitingamður.
Gallerý-Pitsa starfar á nokkr-
um stöðum á landinu og hefur
að markmiði, auk þess að selja
veitingar, að vera ætíð með
myndlistarsýningar í gangi. Um
þessar mundir sýnir Anna María
Guðnadóttir á Gallerý-Pitsu á
Hvolsvelli.
Morgunblaðiö/Steinunn Ósk Kolbeinsdóttir
ÞORSTEINN Jónsson og Siguijón Sváfnisson,
starfsmaður á Gallerý-Pitsa.
Morgunblaðið/Snorri Aðalsteinsson
ÞORGILS Baldursson, eigandi að Apóteki Hornafjarðar, með
fyrri eigendum, þeim Jóni Sveinssyni og Guðrúnu Óskarsdóttur.
Eigendaskipti
á Apótekinu á
Hornafirði
Hornafirði - Eigendaskipti urðu á
Apótekinu á Hornafirði 1. ágúst sl.
þegar þau Jón Rozinkrans Sveins-
son og Guðrún Óskarsdóttir seldu
fyrirtæki sitt. Eftir rúmlega 19 ára
dygga þjónustu við Hornfirðinga
flytja þau sig til Kópavogs þar sem
þau opna nýtt apótek, Engihjalla-
apótek.
Þorgils Baldursson og Inga Jóns-
dóttir keyptu af þeim og koma frá
Seyðisfirði þar sem þau hafa verið
apótekarar síðan 1992. Þorgils
þekkir vel til hér í sýslu þar sem
hann hafði leyst fyrri eigendur af
í fríum.