Morgunblaðið - 13.08.1996, Blaðsíða 40

40 ÞRIÐJUDAGUR 13. ÁGÖST 1996
MORGUNBLAÐIÐ
Ferdinand
6UE55 UJHAT, 5PIKE..
I UJROTE T0 M0M,AND
SME'5 C0MIN6 OVER
MERE ON A TR00P5HIP
tn vnn
Gettu hvað, Sámur. Ég skrifaði
mömmu og hún er á leiðinni hing-
að í herskipi til að heimsækja
þig...
JltargimMafeife
BREF
TBL BLAÐSINS
Kringlan 1103 Reykjavik • Sími 5691100 • Símbréf 5691329
• Netfang: lauga@mbl.is
Internet
Frá fjarskiptasviði Pósts og síma:
VEGNA þeirrar umræðu sem átt
hefur sér stað undanfarna daga
um aðstöðumun á milli Sam-
keppnissviðs Pósts og síma annars
vegar og annarra aðila sem selja
þjónustu á Internetinu hins vegar,
vill Fjarskiptasvið Pósts og síma
vekja athygli á eftirtöldum atriðum.
Fjarskiptasvið sér um að leigja
línur og veitir jafnframt aðgang
að öðrum grunnþjónustum kerfís-
ins og gildir þá einu hvort við-
skiptavinurinn er Gagnaflutnings-
deild Pósts og síma eða einhver
annar aðili, kjörin og aðgengið er
það sama.
Það sem mest hefur verið rætt
um er á hvem hátt notendum verði
gert kleift að hringja inn í Intemet-
ið í gegnum almenna símakerfið.
Þetta er hægt að gera á nokkra
mismunandi vegu samkvæmt
gjaldskrá og reglum Fjarskipta-
sviðs Pósts og síma.
Einn möguleikinn er að allar
innhringingar komi inn á einn stað
og notendur sem hringja inn greiða
þá ýmist staðartaxta eða langlínu-
taxta fyrir innhringingar eftir því
hvort þeir eru á sama svæði og
þjónustuaðilinn eða ekki. Til þess
að jafna þennan mun á milli not-
enda er einnig mögulegt að fá
grænt númer, en þá greiðir sá
ekkert sem hringir inn en þjón-
ustuaðilinn greiðir hinsvegar
kostnað við langlínusímtalið.
Annar möguleiki fyrir þjónustu-
aðila er að opna fyrir möguleika
á innhringingum á hveiju einstöku
gjaldsvæði landsins en þau eru
átta. Þá fengi þjónustuaðilinn eitt
númer á hveiju gjaldsvæði og
geta þá notendur hvar sem er á
landinu hringt í eitt númer á stað-
artexta.
Alnúmer
Þriðji möguleikinn er Alnúmer
en sú þjónusta er í undirbúningi
hjá Pósti og síma og er hún í próf-
un hjá einum viðskiptavini fyrirtæk-
isins. Alnúmer gæti hentað fyrir
internetþjónustuna en þá fengi
þjónustuaðilinn eitt símanúmer sem
notað yrði um allt land en innhring-
ingum yrði vísað á þjónustustaði á
hveiju gjaldsvæði fyrir sig. Sá sem
hringdi inn myndi þá alltaf greiða
staðargjald en þjónustuaðilinn yrði
hins vegar að greiða annan kostnað
vegna þjónustunnar.
Þjónustuaðilar internetsins
ákveða algerlega sjálfir hveija þess-
ara aðferða þeir nota með þeirri
undantekningu að Alnúmerið er
ekki fullprófuð þjónusta og því
hvorki hægt að leyfa ótakmarkaðan
aðgang að henni né tryggja að ekki
geti orðið einhver breyting á skil-
málum áður en þjónustan verður
markaðsfærð.
Til greina kom að Gagnaflutn-
ingsdeild notaði Alnúmer til inn-
hringinga í sína internetþjónustu,
en þar sem skilmálar fyrir þá þjón-
ustu eru ekki tilbúnir svo hægt sé
að veita að henni ótakmarkaðan
aðgang var ákveðið að opna heldur
sérstakt númer á hveiju gjaldsvæði.
Til að leggja áherslu á jafnan
aðgang hefur verið ákveðið að opna
sérstaka númeraröð á hveiju gjald-
svæði fyrir fyrirtæki sem reka þjón-
ustu af þessari tegund, þannig að
hvert fyrirtæki fái númer sem eru
með fjóra síðustu stafina eins á öll-
um stöðum.
FJARSKIPTASVIÐ
PÓSTS OG SÍMA.
Fótaaðgerðafræðingar
og Reykjavíkurmaraþon
Frá Margréti Jónsdóttur:
SUMARIÐ er sá tími, sem göngu-
fólk og skokkarar eru hvað mest á
ferðinni, uppi um fjöll og firnindi
og á götum borga og bæja. Stórir
og smáir hópar taka þátt í göngu-
ferðum og skipulögð eru maraþon-
hlaup víðsvegar um landið. Það fer
ekki hjá því að þessu fylgi mikið
álag á fætur iðkenda og koma
margir fótsárir heim. Einhveijir
hafa þó haft þá fyrirhyggju að ann-
ast fætur sína vel og fyrirbyggja,
með ýmsum ráðum, að þeir verði
fyrir álagsmeiðslum. Þeir eru þó
fleiri sem fyrst hyggja að aðhlynn-
ingu fóta sinna eftir að skaðinn er
skeður og eru þá oft svo aumir í
fótum að frekari iðkun íþrótta ligg-
ur niðri um skeið eða þar til þeir
eru grónir sára sinna.
Fótaaðgerðafræðingur veita
fræðslu og leiðbeina um hlífðarmeð-
ferð fóta auk þess að veita meðferð
við hinum ýmsu fótameinum, svo
sem niðurgrónum nöglum, líkþorn-
um og siggi, svo eitthvað sé nefnt.
Þeir, sem hlúa vilja að fótum sínum
og gera ráðstafanir til að fæturnir
komi heilir heim, ættu að leita eftir
meðferð á fótum sínum hjá fótaað-
gerðafræðingi einni til tveimur vik-
um áður en lagt er upp í langa
göngu eða hlaupið maraþonhlaup.
Síðan þegar nær dregur göngu eða
hlaupi eru fæturnir búnir undir
væntanlegt álag með viðeigandi
hlífðarmeðferð að ráði fótaaðgerða-
fræðings.
Til þjónustu
Nú fer í hönd fjölmennasta lang-
hlaup sem hlaupið er á íslandi ár
hvert, Reykjavíkur maraþon. Fóta-
aðgerðafræðingar hafa unnið sér
fastan sess meðal annarra heil-
brigðisstétta, sem hlúa að hlaupur-
um. Sjálfboðaliðar úr röðum fótaað-
gerðafræðinga verða til þjónustu
reiðubúnir föstudaginn 17. ágúst
nk. í kjallara Ráðhúss Reykjavíkur,
þar sem gögn hlaupara verða af-
hent. Þar munu þeir aðstoða hlaup-
ara við hlífðarmeðferð o.fl. er við
kemur fótaaðgerð og gefa góð ráð.
Einnig munu þeir aðstoða hlaupara
fyrir og eftir hlaupið sunnudaginn
18. ágúst í bækistöó Reykjavíkur-
maraþons í Miðbæjarskólanum.
Hvetjum við hlaupara eindregið
til að líta við hjá fótaaðgerðafræð-
ingum og leita eftir aðstoð þeirra.
Betri fætur - beint í mark.
MARGRÉTJÓNSDÓTTIR
fótaaðgerðafræðingur, Lindarbraut 3,
Seltjarnarnesi.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.