Morgunblaðið - 13.08.1996, Blaðsíða 32

32 ÞRIÐJUDAGUR 13. ÁGÚST 1996
MORGUNBLAÐIÐ
MINIMINGAR
ELÍSABET
KARLSDÓTTIR
+ Elísabet Karlsdóttir fædd-
ist á Knútsstöðum í Aðaldal
í Suður-Þingeyjarsýslu 1. júní
1918. Hún lést á Sjúkrahúsi
Reykjavíkur föstudaginn 2.
ágúst síðastliðinn og fór útför
hennar fram frá Fossvogs-
kirkju 9. ágúst.
Komið er að kveðjustund og
minningarnar líða gegnum hug-
ann. Fyrstu kynnin voru á Skóla-
dagheimilinu Langholti (áður
Skipasundi 80). Síðar var ég stúlk-
an á loftinu, þegar ég leigði hjá
Betu og Sigtryggi og kynntist ég
þá þeim hjónum mjög vel. Ætíð
síðan hefur verið gott að sækja
þau heim, hvort sem var í Skipa-
sundið eða í sveitasæluna þeirra í
Aðaldal, sem er sannkölluð para-
dís. Einnig áttum við fjölskyldan
með þeim hjónum alveg einstakan
dag á Húsavík, fyrir nokkrum
árum. Þar voru þau á heimaslóðum
og nutu þess vel að rifja upp bú-
skaparár sín þar. Þá verður mér
ávallt minnisstæð hvínandi norð-
Ipnskan hennar Betu, glaðværð
hennar og hlátur.
Bömunum mínum var hún góð
sem amma og þökkum við fyrir
það. Mig langar að lokum að kveðja
Betu mína með fallegu ljóði eftir
skáldið frá Fagraskógi.
Þó að margt hafí breyst, síðan byggð var
reist
geta bömin þó treyst sinni íslensku móður.
Hennar auðmjúka dyggð, hennar eilífa
tryggð
eru íslensku byggðanna helgasti gróður.
Hennar fóm, hennar ást, hennar afl til að
þjást
skal í annálum sjást, verða kynstofnins
hróður.
Oft mælir hún fátt, talar friðandi og lágt.
Hinn fórnandi máttur er hljóður.
(Davíð Stefánsson.)
Elsku Sigtryggur og fjölskylda,
við sendum okkar innilegustu sam-
úðarkveðjur.
Blessuð veri minning Betu okk-
ar.
Svanhildur og fjölskylda.
Okkur langar með fáum orðum
að minnast ömmu og langömmu
okkar.
Heima hjá ömmu og afa var
alltaf tekið á móti okkur af gest-
risni og mikilli ást. Við eigum einn-
ig ljúfar minningar frá heimsókn-
um okkar í bústað þeirra, norður
í Aðaldal, það var svo gaman að
fara út í hraun að tína grös og
bara ganga með þeim og njóta
náttúrunnar. Einnig eiga Sig-
tryggur Björn og Ásta Rós ljúfar
minningar frá ferðalaginu með
ömmu, afa og Njalla um Aust-
firði. Fyrir þetta og svo margt
annað ber að þakka.
Það er komið að kveðjustund og
okkar missir er mikill.
Hin langa þraut er liðin
nú loksins hlaustu friðinn,
og allt er orðið rótt,
nú sæll er sigur unninn
og sólin björt upprunnin
á bak við dimma dauðans nótt.
Fyrst sipr sá er fenginn
fyrst sorgar þraut er gengin,
hvað getur grætt oss þá?
Oss þykir þungt að skilja
en það er Guðs að vilja,
og gott er allt, sem Guði er frá.
(V. Briem)
Elsku amma og langamma, við
þökkum þér fyrir þau ár sem við
fengum með þér og allt sem þú
hefur gefið okkur.
Við munum ávallt minnast þín.
Elsku afi, að lokum sendum við
þér okkar dýpstu samúðarkveðjur
og biðjum Guð að styrkja þig á
erfiðri skilnaðarstund.
Sigtryggur Björn, Birgitta,
Asta Rós og Sigiryggur
Bjarki.
Ab læra meira
Sunnudagsblaði Morgunblaðsins, 25. ágúst nk.,fylgir
blaðauki sem heitir Að læra meira. í þessu blaði verður m.a. fjallað
um fjölbreytta námsmöguleika, hvort sem um er að ræða
tómstundaiðju, endurmenntun, símenntun eða starfstengt nám.
Rætt verður við ráðgjafa, nemendur og kennara um nám fyrir alla
aldurshópa og aðrar leiðir til að auðga andann.
Þeim, sem hafa áhuga á ab auglýsa í þessum
blabauka, er bent á ab tekib er vib auglýsingapöntunum
til kl. 12 mánudaginn 19. ágúst.
Anna Elínborg Gunnarsdóttir og Arnar Ottesen,
sölufulltrúar í auglýsingadeild, veita allar nánari
upplýsingar í síma 569 1171 eba meb símbréfi 569 1110.
pliírrgtwMíiliið
- kjarni málsins!
FRIÐRIKKA
PÁLSDÓTTIR
+ Friðrikka Páls-
dóttir fæddist í
Sandgerði 8. mars
1918. Hún lést á
Hrafnistu í Hafnar-
firði 20. júní síðast-
liðinn og fór útför
hennar fram frá
Hvalsneskirkju 28.
júní.
Frissa, elskulegasta
amma okkar, er farin
úr þessum heimi. Það
huggar mig að vita af
henni hjá ástvinum
sínum sem á undan
fóru.
Alltaf var hún amma Frissa svo
blíð og góð og svo mikill vinur,
þvílík manneskja, það eru ekki til
orð yfir persónutöfra hennar.
Það var svo fínt hjá ömmu og
afa, svo hlýlegt, þar fann ég frið,
og alltaf get ég dáðst að handa-
vinnunni hennar.
Það passaði ömmu svo vel að
vera fangavörður í Hverfisteini, þar
kom hennar innra eðli í ljós, hún
skyldi svo vel þá sem urðu undir í
lífsbaráttunni, hún var vinur þeirra
allra.
Svo fékk hún nöfnu, mikið var
hún glöð.
Allir voru í uppáhaldi hjá henni,
það var góð tilfínning.
Elskulegasta amma okkar, mikið
er erfitt að kveðja þig, en við hitt-
umst seinna. Góðar minningar lifa
að eilífu.
Helga, Erlendur og Tinna.
Okkur langar til að minnast í
nokkrum orðum Frissu eða ömmu
Frissu eins og hún hefur alltaf ver-
ið kölluð á okkar heimili.
Hún kom inn í líf okkar þegar
hún giftist stjúpa mínum fyrir um
það bil 30 árum, og síðan hefur hún
átt stóran hlut í hjarta okkar alh-a.
Hún var óþreytandi
við að gleðja, gefa og
umveija okkur ást og
kærleika, stundum
skammaði hún krakk-
ana mína en þeim þótti
bara vænna um hana.
Ef langt var heim í
mat, þá var bara farið
til ömmu Frissu og
afa, þar var alltaf nóg
handa öllum. Frissa
fæddist í Sandgerði,
en það var fyrir okkar
tíma saman. Hún vann
hjá Miðnesi sem ráðs-
kona en eftir að hún
fluttist til Reykjavíkur vann hún í
verslunum og síðan sem fangavörð-
ur meðan kraftar entust.
Síðasta árið var henni mjög erf-
itt, ekki aldeilis hennar vani að
láta aðra hafa fyrir sér, og ekki
góðgerðir á borðum.
A sjúkradeild Hrafnistu hafði
hún það eins gott og hægt var,
þar er þolinmæði og nærgætni í
fyrirrúmi. Nú er Frissa komin til
þeirra sem hún er búin að sakna
sárt, Gerðu dóttur sinnar og móð-
ur sinnar, sem létust af slysförum,
þær hafa tekið henni opnum örm-
um.
Kveðjur og þakklæti frá börnum
mínum í Ósló, Halla, Sigrúnu og
Gumma ásamt Geirnýju og Frið-
rikku litlu Guðmundsdóttur og svo
okkur öllum hérna sem höfðum tök
á að fylgja henni síðasta spölinn.
Getur það verið: Þú vakir?
Það vildi ég gjarna.
Hitt er mér sorg, ef þú sefur
í svartnætti grafar.
Hvarvetna hreyfir sig lífið
hitinn og ljósið,
hvarvetna á himni og jörðu
þú hlýtur að vaka.
(G.F.)
Takk fyrir allt.
Brynja og Bjarni.
Birting afmælis- og
minningargreina
MORGUNBLAÐIÐ tekur afmælis- og minningargreinar til birtingar
endurgjaldslaust. Greinunum er veitt viðtaka á ritstjórn blaðsins í
Kringlunni 1, Reykjavík, og á skrifstofu blaðsins í Kaupvangsstræti
1, Akureyri. Þá er enn fremur unnt að senda greinarnar í símbréfi
í númer 5691181.
Framvegis verður við það miðað, að um látinn einstakling birtist
ein uppistöðugrein af hæfilegri lengd en lengd annarra greina um
sama einstakling er miðuð við 2.200 tölvuslög eða um 25 dálksenti-
metra í blaðinu. Tilvitnanir í sálma eða ljóð takmarkast við eitt til
þrjú erindi. Greinarhöfundar eru beðnir að hafa skírnarnöfn sín en
ekki stuttnefni undir greinunum.
Við birtingu afmælisgreina gildir sú regla, að aðeins eru birtar
greinar um fólk sem er 70 ára og eldra. Hins vegar eru birtar afmæl-
isfréttir ásamt mynd í Dagbók um fólk sem er 50 ára eða eldra.
Mikil áhersla er lögð á, að handrit séu vel frá gengin, vélrituð eða
tölvusett. Sé handrit tölvusett er æskilegt, að disklingur fylgi útprent-
uninni. Það eykur öryggi í textameðferð og kemur i veg fyrir tví-
verknað.
Auðveldust er móttaka svokallaðra ASCII-skráa sem í daglegu
tali eru nefndar DOS-textaskrár. Þá eru ritvinnslukerfin Word og
Wordperfect einnig auðveld í úrvinnslu.
IslensUur efniviður
íslenskar steintegundir henta margar
afar vel í legsteina og hverskonar
minnismerki. Eigum jafnan til fyrir-
liggjandi margskonar íslenskt efni:
Grástein, Blágrýti, Líparít og Gabbró.
KAIUN
OUtutv
Áralöng reynsla.
fi S. HELGAS0N HF
STEINSMIÐJA
SKEMMUVEGI 48 • SÍMI 557 6677
Leitið
upplýsinga.
ifi