Morgunblaðið - 03.09.1996, Blaðsíða 1

100 SÍÐUR B/C/D
199. TBL. 84. ÁRG.
ÞRIÐJUDAGUR 3. SEPTEMBER 1996
PRENTSMIÐJA MORGUNBLAÐSINS
Irakar flytja hersveitir sínar frá höfuðstað Kúrda
Sagðir hafa öflugt
herlið nálægt Arbil
De Pere. Reuter.
BANDARÍSKIR embættismenn
sögðu í gær að fréttir um að írask-
ar hersveitir hefðu verið kallaðar
frá Arbil, höfuðstað Kúrda í norður-
hluta íraks, hefðp ekki mikla þýð-
ingu, þar sem írakar hefðu enn
öflugt herlið utan við borgina.
Mike McCurry, talsmaður Bills
Clintons Bandaríkjaforseta, sagði
að fregnir um að hersveitir íraka
hefðu farið frá Arbil væru „ekki
mjög mikilvægar". Hann sagði að
forsetinn þyrfti að grípa til „af-
markaðra aðgerða" gegn Saddam
Hussein, leiðtoga íraks, til að refsa
honum fyrir að bijóta samkomulag
um að ráðast ekki á Kúrda, sem
hafa klofnað í tvær stríðandi fylk-
ingar.
McCurry sagði að Tony Lake,
þjóðaröryggisráðgjafi forsetans,
hefði veitt Clinton nýjustu upplýs-
ingar um þróunina í norðurhluta
Íraks á sunnudagskvöld. Emb-
ættismaður í bandaríska utanrík-
isráðuneytinu sagði að Lake hefði
sýnt forsetanum „skýringarmynd-
ir, kort og fleira af því tagi“.
Embættismaðurinn neitaði að tjá
sig um til hvaða aðgerða forsetinn
kynni að grípa eða hvenær hann
myndi láta til skarar skríða.
Clinton minntist ekkert á írak
í ræðu sem hann flutti á kosninga-
fundi í gær. Eftir ræðuna hringdi
hann í Jacques Chirac, forseta
Frakklands, til að ræða hvernig
bregðast ætti við hernaðaraðgerð-
um_ Iraka.
Aður hafði forsetinn rætt við
John Major, forsætisráðherra Bret-
lands, og ráðgert var að hann
Reuter
SKÆRULIÐAR kúrdísku samtakanna KDP, sem njóta fulltingis
stjórnar Saddams Husseins íraksforseta, sigurreifir í Arbil í gær.
ræddi við Helmut Kohl, kanslara
Þýskalands, og leiðtoga arabaríkja.
Sprengjuvélar á loft
McCurry sagði að áætlað væri
að allt að 40.000 íraskir hermenn
væru norðan við 36. breiddarbaug-
inn í írak, en íröskum flugvélum
hefur verið bannað að fljúga norður
fyrir hann. Ekkert benti til þess að
hersveitimar væru að fara af þessu
svæði þótt þær hefðu farið frá Arbil.
A miðnætti sl. skýrði CNN-sjón-
varpsstöðin frá því að nokkrum
stundum áður hefðu B-52 sprengju-
flugvélar með stýriflaugar innan-
borðs lagt upp frá herstöð Banda-
ríkjamanna á Guam í Kyrrahafí en
ekki var ljóst hvort þær væru á
leið til íraks. Heimildarmaður í
varnarmálaráðuneytinu skýrði frá
þessu en tilgangur ferðarinnar
fékkst ekki staðfestur. Hann sagði
að sveitir íraka, sem tóku Arbil,
virtust stefna enn dýpra inn á
griðarsvæði SÞ norðan 36. gráðu.
■ íraksher sagður taka/22
Tsjemomýrdín efins
um sáttmála Lebeds
Óveður á
óveður
ofan
EIGENDUR skútu, sem rak á
land undan fellibylnum Eð-
varð við Catham í Massachu-
setts í gær, kanna skemmdir.
Þær urðu ekki miklar, enda
farið að sljákka í veðrinu er
það skall á norðausturríkjum
Bandaríkjanna. Lognið á eftir
storminum verður skammt,
því mun öflugri bylur, Fran,
sótti mjög í sig veðrið á Atl-
antshafinu í gær um eittþús-
und kílómetra frá Bahamaeyj-
um. Þangað stefndi veðrið og
var búist við að bylurinn skylli
á eyjunum seint í dag og á
suðausturströnd Bandaríkj-
anna á fimmtudag, líklega
Flórída, Georgíu, og Suður-
Karólínu.
Moskvu. Reuter.
BORIS Jeltsín, forseti Rússlands, og
Víktor Tsjernomýrdín forsætisráð-
herra héldu í gær fund um friðarsátt-
málann, sem Alexander Lebed, sér-
legur friðarerindreki Jeltsíns, gerði
við tsjetsjenska aðskilnaðarsinna, að
því er fréttastofan Itar-Tass greindi
frá. Sagt var að Tsjernomýrdín hefði
ákveðnar efasemdir um sáttmálann.
Síðar í gær átti Jeltsín, að sögn
Anatolís Tsjúbajs, starfsmanna-
stjóra Rússlandsforseta, að ræða við
Lebed í síma um hið nýja samkomu-
tag. Það hefur ekki verið auðsótt
fyrir Lebed að fá samband við forset-
ann undanfarið.
Jeltsín sagður „röggsamur"
Tsjúbajs kvaðst á blaðamanna-
fundi hafa rætt við Jeltsín í tvígang
í síma, á föstudag og aftur í gær.
Tsjúbajs sagði að Jeltsín hefði
virst „röggsamur" í síma. Tsjúbajs
hefði borið undir hann nokkrar til-
lögur og hefði sumum verið hafnað,
en aðrar samþykktar.
„Ég held að það sé engin ástæða
til að hafa áhyggjur," sagði Tsjúbajs
þegar hann var spurður um vanga-
veltur í fíölmiðlum um að hinn 65
ára gamli Jeltsín gæti verið veikur,
eða væri að missa stjórnartaumana
úr höndum sér.
Lebed sagði í viðtali við rússneska
ríkissjónvarpið að hann hefði gert
„enn eina“ tilraun til að ná í Jeltsín
í síma, en verið sagt að hann mundi
geta rætt við forsetann síðar. „Ég
er bjartsýnismaður," sagði Lebed og
var ekki skemmt.
Haft var eftir fulltrúa í upplýsinga-
skrifstofu forsetans að fundur Jelts-
íns og Tsjernomýrdíns hefði verið
haldinn skammt fyrir utan Moskvu,
í veiðihúsi, þar sem Jeltsín hefur
dvalið í fríi, sem hann fór í fyrir viku.
Lebed lýsti á laugardag yfir því
að átökunum í Tsjetsjníju væri lokið
og hann og Aslan Maskhadov, helsti
hernaðarleiðtogi aðskilnaðarsinna
Tsjetsjena, hefðu undirritað friðar-
samkomulag.
Afstaða Tsjernomýrdíns óljós
Frá skrifstofu Lebeds bárust í gær
þær upplýsingar að Tsjernomýrdín
styddi samkomulagið, sem kveður á
um að ákvörðun um pólitíska stöðu
Tsjetsjníju verði frestað um fimm ár.
Blaðafuiltrúi Tsjernomýrdíns
sagði hins vegar að forsætisráðherr-
ann væri með ákveðna fyrirvara
varðandi samkomulagið, ekki mætti
hagga landamærum Rússlands og
eftir ætti að ræða „pólitísk áhrif“
samkomulagsins.
Reuter
Carnaby Street í
London til sölu
London. The Daily Telegraph.
CARNABY Street, Mekka tískunn-
ar á sjöunda áratugnum, er til sölu
og hefur hollenska fasteignasam-
steypan Wereldhave boðið rúmlega
sjö milljarða ísl. kr. fyrir götuna
eða húseignir við hana.
Talið er, að meira en 10 milljón-
ir ferðamanna komi í Carnaby
Street á hveiju ári en á sjöunda
áratugnum höfðu verslanir við göt-
una mikil áhrif á fatatískuna með-
al ungs fólks víða um heim.
Áður hafði það verið talið næst-
um óviðeigandi, að karlmenn létu
sig tísku miklu varða en Carnaby
breytti því og hafði einnig veruleg
áhrif á sjálfa verslunarhættina.
Á árinu 1971 var Carnaby Stre-
et gerð að göngugötu og það var
eins og við manninn mælt, að um
leið hvarf henni allur kraftur og
frumkvæði.
Húseignirnar 93, sem við götuna
standa, hafa þó gengið vel í leigu
og skila af sér um 600 millj. kr.
árlega.
Arafat tek-
ur aukna
áhættu
Jerúsalem. Reuter.
YASSER Arafat, forseti heima-
stjórnar Palestínumanna, jók í
gær þrýsting á ísraela að taka
að nýju upp þráðinn í friðarferl-
inu á herteknu svæðunum með
því að segjast myndu leitast
eftir því að deilur þeirra yrðu
settar í alþjóðlegan gerðardóm,
ef tilraunir til að koma friðar-
viðræðum af stað á ný mistækj-
ust.
ísraelskir og palestínskir
embættismenn freista þess að
finna ásættanlega lausn fyrir
báða aðila til þess að biása
nýju lífi í friðarsamningana.
Ágreiningur er um dagskrá
og fyrirkomulag slíkra við-
ræðna en um leið og hann leys-
ist yrði væntanlega boðað til
leiðtogafundar Arafats og
Benjamins Netanyahus, for-
sætisráðherra ísraels.
Bar-Illan, talsmaður Net-
anyahus, vísaði hugmynd Ara-
fats um gerðardóm á bug.
Egyptar hótuðu í gær, að
aflýsa efnahagsráðstefnu Mið-
austurlanda, sem ráðgerð er í
Kaíró í nóvember næstkom-
andi, hrintu Israelar ekki í
framkvæmd innan þriggja
vikna áður gefnum fyrirheitum
gagnvart PLO. Varðaði það
m.a. brottflutning hersveita frá
Hebron og frekari brottflutn-
ing frá Vesturbakkanum, opn-
un sérstakra samgönguleiða
tnilli Vesturbakkans og Gaza-
svæðisins og lausn allra kven-
fanga.
Bar-Illan sagði, að yfírlýsing
Egypta væri óheppileg ögrun
sem einungis væri til þess fall-
in að auka á spennu fyrir botni
Miðjarðarhafs.