Morgunblaðið - 03.09.1996, Blaðsíða 20

20 ÞRIÐJUDAGUR 3. SEPTEMBER 1996
ERLENT
MORGUNBLAÐIÐ
ÚRVERINU
RÚNAR Sigurðsson, framkvæmdastjóri Tæknivals hf., og Gísli
Erlendsson, forstöðumaður Fiskvinnsluskóians í Hafnarfirði,
handsala samstarfssamninginn í nýstofnuðu útibúi Tæknivals í
Hafnarfirði.
Fiskvínnsluskólinn
og Tæknival hf.
hefja samvinnu
FISKVINNSLUSKÓLINN í Hafn-
arfírði og Tæknival hf. hafa tekið
upp samstarf á sviði tölvu- og
upplýsingamála. Samstarfssamn-
ingur þar um var undirritaður
nýlega.
Samningurinn felur það í sér
að Fiskvinnsluskólinn mun taka
upplýsingakerfíð Hafdísi í notkun
við kennslu og gert er ráð fyrir
að skólinn og Tæknival standi
sameiginlega að námskeiðum á
sviði upplýsingatækni fyrir starfs-
fólk í sjávarútvegi. Jafnframt
verður tölvubúnaður skólans end-
urnýjaður. Settar verða nýjar og
fullkomnar Hyundai Pentium 166
Mhz tölvur í kennslustofur skól-
ans_.
Á undanförnum árum hefur orð-
ið ör þróun í upplýsingatækni í
sjávarútvegi. Samningurinn auð-
veldar Fiskvinnsluskólanum í
Hafnarfirði að bjóða nemendum
upp á kennslu sem er í takt við
það nýjasta sem þekkist meðal
fyrirtækja í sjávarútvegi. Mikil-
vægt er fyrir skólann að geta út-
skrifað nemendur sem eru vel í
stakk búnir að takast á við tækni-
væðingu framtíðarinnar.
Tækniva! hefur um árabil lagt
áherslu á þróun og hönnun hug-
búnaðar fyrir sjávarútveginn.
Hugbúnaður frá Tæknivali er nú
í notkun hjá um 200 fyrirtækjum
í sjávarútvegi. Hafdís er nýjasta
kynslóð þessa hugbúnaðar. Hafdís
er alhliða upplýsingakerfí og held-
ur utan um flesta þætti sem tengj-
ast veiðum og vinnslu, svo sem
gæðamál, aflabrögð, kvóta,
vinnslu hráefnis og framlegð.
Minni hagnaður
hjá Kjell I. Rokke
Endurskodendur gera athugasemd við
uppgjörið hjá Resource Group Int.
RGI, Resource Group Intemation-
al, stórfyrirtæki Norðmannsins
Kjell Inge Rokkes, hefur birt
reikninga fyrir fyrra misseri þessa
árs og kemur þar fram, að hagnað-
ur fyrirtækisins hefur minnkað
verulega. Er samdrátturinn mest-
ur í útgerðarh'.utanum. Endur-
skoðendur hafa auk þess gert at-
hugasemd við uppgjörið eftir
fyrsta ársfjórðung og telja, að
hagnaðurinn sé ofmetinn.
Rokke og félagi hans, Bjorn
Rune Gjelsten, gera lítið úr þessum
tölum og segja, að við mat á fyrir-
tækinu verði menn að horfa til
framtíðar og skoða hver velta þess
er og sú verðmætaaukning, sem
felst í endurskipulagningu ýmissa
deilda þess.
Að loknu fyrsta misseri nú er
hagnaður RGI 1,75 milljarðar ísl.
kr. en 2,6 milljarðar á sama tíma
í fyrra. Á sama tíma hefur velta
fyrirtækisins aukist úr 34 milljörð-
um ísl. kr. í 46 milljarða. Lang-
stærstur hluti hagnaðarins að
þessu sinni kom til á fyrstu þrem-
ur mánuðum ársins og er aðallega
um að ræða söluhagnað.
Lægra afurðaverð
Endurskoðendur hafa gert at-
hugsemd við hagnaðinn á fyrsta
ársfjórðungi og telja þeir, að hann
sé ofmetinn um rúmlega 400 millj.
ísl. kr. Segir Tore Fjell hjá kaup-
höllinni í Osló, að Rokke hafi bor-
ið að kynna þessar athugasemdir
fyrir kauphöllinni og hlutabréfa-
markaðnum en það hafi hann ekki
gert.
Rokke skýrir útkomuna nú með
lægra afurðaverði á mörkuðunum
og segist hafa búist við, að verðið
á surimi yrði stöðugra en raun
varð á.
RGI var hlutafjárúrboð í júní
og var gengið þá 65 nkr. Síðustu
vikur hefur það lækkað nokkuð
og var fyrir skömmu komið í
63,50.
Breski Verkamannaflokkurinn
Leiðtogi í fót-
spor Thatcher
London. The Daily Telegraph.
TONY Blair, leiðtogi Verka-
mannaflokksins í Bretlandi, svar-
aði fyrir helgina af mikilli hörku
gagnrýni sem fram hefur komið
innan flokksins á stjórnstíl hans
sem mörgum þykir einræðis-
kenndur. í gær sagðist Blair
myndu upplýsa hvaða fyrirtæki
hefðu styrkt flokkssjóðina og skor-
aði á íhaldsmenn að gera slíkt hið
sama.
í grein Blairs í hægriblaðinu
The Daily Telegraph sl. föstudag
sagðist hann ekki myndu hvika frá
því takmarki sínu að gera Verka-
mannaflokkinn að nútímalegum
samtökum er höfðað gætu til miðj-
unnar í breskum stjórnmálum.
Hann gagnrýndi John Major
forsætisráðherra fyrir skort á
röggsemi. í reynd hefðu aldrei
verið til nema tvær aðferðir við
að veita forystu. Annars vegar að
reyna að flækja málin, þæfast við
og þóknast öllum, hins vegar tjá
sig skýrt um meginmálin, færa rök
fyrir skoðunum sínum og reyna
að vinna fólk á sitt band.
Blair sagðist hafa lesið ævisögu
Margaret Thatcher, forvera Maj-
ors { embætti, í sumarleyfi á ítal-
íu. Það væri athyglisvert að hún
hefði orðið fyrir sams konar gagn-
rýni úr eigin röðum rétt fyrir kosn-
ingasigurinn árið 1979 og hann
nú af hálfu eigin flokksmanna.
„Þegar upp er staðið verða leið-
togar að veita forystu. Þeir verða
að sjá til þess að markmið og leið-
ir séu ljós, jafnt fyrir flokkinn sem
þjóðina."
Blair hét því í gær að Verka-
mannaflokkurinn myndi ekki
verða háður samtökum er beijast
fyrir réttindum dýra en hópur er
berst gegn hinum hefðbundnu
refaveiðum yfirstéttarinnar gaf
nýlega milljón pund, um 100 millj-
ónir króna, í flokkssjóðinn. Leið-
toginn benti á að íhaldsflokkurinn,
sem fékk um 18 milljónir punda,
1.800 milljónir króna, í sjóði sína
í fyrra, veitti engar upplýsingar
um einstaka gefendur.
Ætlun Verkamannaflokksins
væri að skýra frá nöfnum stjórn-
enda fyrirtækja er gefið hefðu
umtalsvert fé í flokkssjóðinn und-
anfarna fímm mánuði. Yrði þá kjós-
endum einnig ljóst að flokkurinn
nyti í vaxandi mæli stuðnings í
viðskiptalífínu. Enn koma þó um
54% af framlögum frá stéttarfélög-
unum en hlutfallið fer lækkandi.
Sjö
drukkna
á morð-
staðnum
SJÖ manns drukknuðu á laug-
ardag á sama stað og Susan
Smith drekkti börnum sínum,
Michael og Alex, í Suður-Karol-
ínu í Bandaríkjunum fyrir
tveimur árum.
Fólkið hafði farið að John
D. Long-vatni til að skoða stað-
inn, þar sem Smith drekkti
börnum sínum. Bifreið með fjór-
um börnum og föður þriggja
þeirra virðist hafa runnið út í
vatnið og fundust engin merki
þess að reynt hefði verið að
stöðva hana.
Móðirin stakk sér út í vatnið
til að bjarga íjölskyldu sinni,
en virðist hafa drukknað inni í
bifreiðinni. Að auki drukknaði
fjölskylduvinur, sem einnig
hugðist bjarga fólkinu.
Susan Smith hélt því fram í
níu daga að börnum sínum hefði
verið rænt, en játaði svo að
hafa drekkt þeim. Mál þetta
vakti mikinn óhug Bandaríkja-
manna og var fjallað um það
um allan heim.
Allt fór á annan endann í
Union, heimabæ Susan Smith,
fyrir tveimur árum og um helg-
ina fylltist bærinn á ný af fjölm-
iðlafólki.
Talið er að atvikið á laugar-
dag hafi verið slys.
Brussel lifnar við að loknum sumarleyfum
Erfið mál bíða
úrlausnar hjá ESB
Brussel. Reuter.
MÖRG aðkallandi mál, sem liggja
fyrir til úrlausnar hjá stofnunum
Evrópusambandsins (ESB) í Bruss-
el, eiga nú með septemberbyijun
af fá notið þeirrar afgreiðslu sem
ekki var hægt að veita þeim undan-
farinn mánuð. Ágúst er sumarleyfa-
tími embættismanna ESB og liggur
því starfsemi stofnana ESB að
meira eða minna leyti niðri þann
tíma, en lifnar svo við af endurnýj-
uðum krafti í september.
Mest aðkallandi málin, sem emb-
ættismennirnir þurfa nú að takast
á við, eru kúariðumálið, sameigin-
legur gjaldmiðill Evrópu og við-
skiptasamningar við Bandaríkin.
Að auki þessum þremur erfíðu
málum, sem á dagskránni eru, má
nefna ríkjaráðstefnuna um endur-
skoðun grundvallarsáttmála og
stofnanauppbyggingar ESB, sem
hófst fyrr á þessu ári og stendur
til að ljúka fyrir árslok 1997, og
allalvarlega deilu sem fram-
kvæmdastjórn ESB á nú í við
Þýzkaland vegna niðurgreiðslna til
bílaverksmiðja í Saxlandi.
Enn deilt um kúariðu
Kúariðumálið svokallaða var
langmest áberandi á dagskrá ESB
í júní og júlí. Talið var að tekizt
hefði að finna lausn sem málsaðilar
myndu una, en ný skýrsla vísinda-
manna, þar sem líkum er að því
leitt að kúrariða muni hverfa úr
sögunni skömmu eftir aldamót, hef-
ur hleypt af stað nýjum kröfum frá
hendi Breta um að aðgerðirnar
gegn brezkum kúabændum verði
mildaðar. Ósennilegt er að hinar
aðildarþjóðirnar hafi nokkurn hug
á að samþykkja slíkt, svo að enn
má búast við spennu innan sam-
bandsins af þessum sökum.
Á efnahagssviðinu eru tilraunir
aðildarríkjanna til að uppfylla skil-
yrði Maastricht-samningsins fyrir
aðild að efnahags- og myntbanda-
lagi Evrópu (EMU) efst á baugi.
Framkvæmdastjórn ESB mun í
þessum mánuði taka fyrir á fundum
sínum áætlun um jafnvægi í ríkis-
fjármálum aðildarríkjanna, nýtt
gengissamstarf Evrópu (ERM) og
undirbúning lagarammans fyrir
hina sameiginlegu mynt.
Spenna milli Evrópusambands-
ríkjanna og Bandaríkjanna er enn
þónokkur vegna nýrrar bandarískr-
ar löggjafar sem beint er gegn fyrir-
tækjum sem stunda viðskipti við
Kúbu, íran og Líbýu. Háttsettir
embættismenn munu eiga viðræður
um þetta mál í Brussel í vikunni.
Ríkjaráðstefnan er ennfremur
alltaf ofarlega á dagskránni, en
ákveðið hefur verið að hraða samn-
ingaviðræðum henni tengdri á
næstu mánuðum, til þess að takast
megi að leggja uppkast að endur-
skoðuðum grundvallarsáttmála fyr-
ir leiðtogafund ESB í Dublin í des-
ember.
Brussel. Reuter.
FRAMKVÆMDASTJÓRN ESB
tilkynnti í gær, að hún hygðist
rannsaka kvartanir skozkra lax-
eldisbænda þess efnis, að lax sem
fluttur væri inn frá Noregi til
Evrópusambandsins væri greidd-
ur niður og boðinn á undirboðs-
kjörum, sem skaðaði framieið-
endur innan ESB.
í lögbirtingarriti fram-
kvæmdastjórnarinnar kemur
fram, að ákveðið hafi verið að
hefja aðskildar rannsóknir á
undirboði annars vegar og niður-
greiðslum hins vegar, á eldislaxi
frá Noregi.
Norskur eldislax
Undirboðs-
rannsókn
hafin
Hagsmunasamtök laxeldis-
bænda i Skotlandi og á Hjalt-
landseyjum lögðu inn kvartan-
irnar, en samkvæmt eigin upplýs-
ingum framleiddu þeir 70 af
hundraði alls eldislax innan ESB
á síðasta ári. „Kvartanirnar gefa
í skyn og láta í té sönnunargögn
um að innflutningur frá Noregi
hafi aukizt til muna, bæði hvað
varðar magn og markaðshlut-
deild,“ segir í tilkynningu fram-
kvæmdastjórnarinnar.
Gögn þau sem skozku fram-
leiðendurnir lögðu fram eru sögð
sanna, að norskir eldislaxfram-
leiðendur hafi notið ríkisstyrkja
sem næmu milli 450 og 500 sterl-
ingspunda, um 50.000 íslenzkra
króna, á hvert tonn.

»
I
I
>
|
í.
I
I
i
I
l
l
i
t;
t
t
i
a
b
t
!
(:
t.
L