Morgunblaðið - 03.09.1996, Blaðsíða 45
MORGUNBLAÐIÐ
HESTAR
ÞRIÐJUDAGUR 3. SEPTEMBER 1996 45
Fljótandi ræsing
Misjafnar
undirtektir
Fljótandi ræsing var nú reynd í
fyrsta sinn á opinberu móti og
sýnist sitt hverjum um útkomuna
á þessari tilraun. Fljótandi ræsing
fer þannig fram að hestarnir koma
á milliferð, tölti, brokki, stökki eða
skeiði að ráslínu og þegar nef
fyrsta hestsins eða nef hestanna
fer samtímis yfir ráslínu lætur
ræsir flaggið falla og tímataka
hefst.
Kostir aðferðarinnar eru þeir
helstir að framkvæmd keppninnar
verður öll einfaldari og fljótlegri í
framkvæmd og áhorfendur virðast
hafa meiri skemmtan af. Gallarnir
eru aftur þeir að knapar sitja ekki
við sama borð því hestar geta ver-
ið misfljótir að rásmarki. Milliferð
getur verið teygjanlegt hugtak og
þegar kapp er komið í menn getur
keppnin verið hafin áður en komið
er að rásmarki. Sú leikni og kunn-
átta sem knapar hafa þurft að búa
yfir á rásmarki til að ná árangri
yrði ekki lengur nauðsynleg. Telja
margir, sérstaklega úr röðum
skeiðknapa, slíkt óæskilegt. Fljót-
andi ræsing hentar hestum mis-
munandi vel, þeir hestar sem eru
fljótir að skella sér á beislið og
taka skeiðsprettinn standa betur
að vígi en að sjálfsögðu er það svo
með alla keppni að hún hentar
hestum mismunandi vel.
Hinsvegar hefur komið fram sú
hugmynd að bjóða mætti upp á
fljótandi ræsingu fyrir þá sem eru
lítt vanir þátttöku í kappreiða-
skeiði og gæti það verið einn liður
í að koma á styrkleikaskiptingu í
hestamennskunni. En það má ljóst
vera að toppmennirnir í skeiðinu
eru ekki hrifnir af þessu fyrir-
komulagi til frambúðar en sumir
telja í góðu lagi að hafa það með
til skemmtunar. Þarna, eins og oft
vill verða, skarast hagsmunir eða
óskir keppenda og mótsgesta.
-----» ♦ ♦----
Tvö mót
um næstu
helgi
AF NAFNINU Lokasprettur mætti
ætla að þar væri um að ræða síð-
asta mót ársins, en svo var þegar
mót með þessu nafni voru sett á
laggirnar hjá Herði fyrir einum sjö
árum. Síðan hafa kröfur um leng-
ingu keppnistímabilsins náð fram
að ganga. Um næstu helgi verða
haldin tvö mót og þykir það tíðind-
um sæta, en er í góðum takti við
þá þróun sem nú er í fullum gangi,
það er lengingu útreiða og keppnis-
tímabilsins.
Andvaramenn komu á hinu svo-
kallaða Metamóti í fyrra sem tókst
með ágætum þótt ekki væru sett
nein met þá. Nú hyggjast þeir
endurtaka leikinn og bjóða upp á
annað slíkt mót þar sem keppt
verður í A- og B-flokki gæðinga,
150 og 250 metra skeiði og því
sem þeir kalla 100 metra fljúgandi
skeiði. Verðlaun eru vegleg og má
þar nefna utanlandsferðir.
A Gaddstaðaflötum verður hald-
ið Suðurlandsmót í hestaíþróttum
þar sem keppt verður i öllum hefð-
bundnum hestaíþróttagreinum auk
þess sem fram fer hin árlega skeið-
meistarakeppni sem hefur notið
nokkurra vinsælda. Mótið er um
leið meistaramót HSK í hesta-
íþróttum. Ekki er vitað um að fleiri
mót séu á döfinni helgina þar á
eftir og því líklegt að keppnistíma-
bili hestamanna ljúki með þessum
tveimur mótum.
%'&" INNLENT
Námskeið
um sam-
skipti for-
eldra og
barna
Morgunblaðið/Valdimar Kristinsson
TJALDIÐ kom í góðar þarfir eftir að keppni lauk og voru verðlaun afiient þar inni eftir volkið úti.
Hér má sjá verðlaunahafa í 150 metra skeiði. Frá vinstri talið: Hinrik Bragason, sem einnig sigraði
í gæðingaskeiði, Ragnar Ólafsson, Eiríkur Guðmundsson við hlið sigurvegarans, Loga Laxdal. Við
hlið hans stendur einn af ábúendum í Varmadal, Berglind Árnadóttir, og þar næst Hulda Gústafs-
dóttir, sem sigraði í 250 metrunum og upp á borði trónir Björgvin Jónsson mótsstjóri og sambýling-
ur Berglindar. Á myndina vantar Sigurbjörn Bárðarson, sem ekki mætti í verðlaunaafhendingu.
Fljótandi ræsing á
fljótandi velli
í SEPTEMBER hefst tólfta árið í röð
námskeiðið Samskipti foreldra og
barna. Námskeið þessi hafa verið
haldin við góðar undirtektir foreldra
enda er fjallað um mikiivæga þætti
í uppeldi barna á námskeiðinu.
Áðferðirnar sem kynntar eru og
„æfðar“ byggjast á hugmyndum sál-
fræðingsins dr. Thomasar Gordons
en námskeið sem þessi eru haldin í
30 löndum víðsvegar um heim.
Dr. Gordon er höfundur fjöl-
margra bóka um mannleg samskipti
og hefur ein bóka hans, Samskipti
foreldra og barna, að ala upp ábyrga
æsku (AB 1987), verið þýdd á ís-
lensku. Grunnhugmyndir hans eru
að með hlustun, markvísum sam-
skiptum og því sem hann kallar „báð-
ir sigra“ aðferðinni geti foreldrar
haft mótandi áhrif á jákvæðan
þroska barna sinna. Markmiðið er
að foreldrar geti í daglegum sam-
skiptum í fjölskyldunni alið upp og
styrkt jákvæða sjálfsmynd barnsins,
sjálfstæði þess, ábyrgð og tillitssemi.
Leiðbeinendur á námskeiðinu
verða sálfræðingarnir Hugo Þórisson
og Wilhelm Norðfjörð en þeir hafa
báðir margra ára reynslu af starfi
með börnum og foreldrum.
Fyrirlestur um
Kristínu
Lavransdóttur
HESTAR
Varmadalur
Lokasprettur’96
Lokasprettur Harðar var nú haldinn
í þriðja sinn í Varmadal á Kjalarnesi
af fjölskyldunni sem þar býr. Keppt
var í tölti, bama-, unglinga- og opn-
um flokki, gæðingaskeiði og 150
metra og 250 metra skeiði.
ÞRÁTT fyrir afleitt veður tókst
mótið svo vel sem hægt var miðað
við aðstæður, rok og rigningu. I
opnum flokki í tölti sigraði Sigur-
björn Bárðarson, Fáki, á nýjum
hesti, Djákna frá Dunhaga. Mátti
þarna sjá að Sigurbjörn er ekki
aiveg hestlaus þótt hann gefi Oddi
frá Blönduósi frí. Djákni mun að
sögn Sigurbjörns eiga að taka við
af Oddi ef hann stendur undir
væntingum, sem allt virðist stefna
í. Þijátíu og þrír voru skráðir til
leiks í opnum flokki og var boðið
upp á B-úrslit. Þar vann sig upp
Vignir Siggeirsson, Geysi, á Rakel
frá Ey, en hann deildi fjórða sæt-
inu með félaga sínum Guðmundi
Guðmundssyni á Blesa frá Onund-
arholti í A-úrsIitum.
Kvennaveldi í unglingaflokki
Ekki reyndist næg þátttaka í
ungmennaflokki svo næsti flokkur
fyrir neðan opna flokkinn var því
unglingaflokkur þar sem Inga
Karen Traustadóttir, Herði, kom,
sá og sigraði öllum á óvart því hún
hefur ekki verið fyrirferðarmikil á
vettvangi keppninnar. Inga Karen
fékk lánaðan keppnishest föður
síns, Funa frá Hvítárholti, og hafði
hún gott vald á þeim mikla gæð-
ingi. Faðir hennar er sá kunni
hestamaður Trausti Þór Guð-
mundsson. Athygli vakti að
Magnea Rós Axelsdóttir, Herði,
hafnaði í þriðja sæti að þessu sinni
á Vafa frá Mosfellsbæ, en auk
Ingu Karenar tókst Hrafnhildi
Jóhannesdóttur, Herði, á Geysi frá
Garðsá að skjótast upp fyrir hana.
í GÆÐINGASKEIÐI hlutu verðlaun Hulda, Páll Bragi Hólmars-
son, Sigurður V. Matthíassson og Hinrik.
í unglingaflokki voru aðeins sex
keppendur og allt stúlkur, en þær
hafa verið mun meira áberandi á
þessum vettvangi í sumar.
Mun betri þátttaka var í barna-
flokki þar sem tólf krakkar mættu
til leiks. Viðar Ingólfsson, Fáki,
sigraði á Fiðringi frá Ögmundar-
stöðum nokkuð örugglega en fé-
lagi hans úr Fáki Sylvía Sigur-
björnsdóttir kom þar næst eftir
forkeppnina, en þriðji Fáksfélag-
inn í þessum úrslitum, Jóna Mar-
grét Ragnarsdóttir, sem keppti á
Leisti frá Búðarhóli, skaust í ann-
að sætið í úrslitum.
Allt á floti alls staðar...
Fljótandi ræsing var reynd í
kappreiðaskeiðinu en gæðinga-
skeiðið var með hefðbundnum
hætti. Ræddu knapar um að þarna
hefði verið um að ræða fljótandi
ræsingu í tvennum skilningi, í
fyrsta lagi komu hestarnir á ferð
í ræsinguna og í öðru lagi var
skeiðbrautin á floti eftir mikla
úrkomu. Tímarnir sem náðust í
kappreiðaskeiðinu eru að sjálf-
sögðu ekki marktækir í beinum
samanburði en eigi að síður má
ætla að þetta séu góðir tímar og
með ólíkindum hversu góðum tím-
um brautin í Varmadal skilar þrátt
fyrir misjafnar aðstæður.
í gæðingaskeiði hafði sigur Hin-
rik Bragason, Fáki, á Aski frá
Djúpadal með 100,5 stig og Sig-
urður V. Matthíasson, Fáki, kom
fast á hæla hans með hálfu stigi
minna. En skeiðjaxlinn Logi Laxd-
al sigraði í 150 metra skeiði á
nýjum hesti, Gný frá Heiði, á 13,17
sek. í 250 metrunum sigraði Hulda
Gústafsdóttir, Fáki, á Koli frá
Stóra-Hofi á 21,88 sek. Kolur virð-
ist vera í feiknagóðu formi þessa
dagana og ánægjulegt er að sjá
fulltrúa kvenþjóðarinnar færa sig
upp á bekkinn í þessu karlaveldi
sem skeiðgreinarnar hafa verið
gegnum tíðina.
OLAV Solberg, prófessor frá Háskól-
anum á Þelamörk í Noregi, flytur
opinberan fyrirlestur í boði _Heim-
spekideildar Háskóla Islands
fimmtudaginn 5. september kl. 17.15
í stofu 201 í Árnagarði.
Fyrirlesturinn nefnist „Kristin
Lavransdatter som historisk roman".
Fjallað verður um hvernig höfundur
vinnur úr sögulegu og þjóðfræðilegu
efni í þessu mikla skáldverki sem
gerist í Noregi á miðöldum.
Olav Solberg hefur um árabil
kennt Norðurlandabókmenntir við
Háskólann í Bo á Þelamörk. Hann
skrifaði doktorsritgerð um sagna-
dans þar sem hann fjallaði um hvern-
ig hefðbundnum gildum er snúið við
og heimurinn skoðaður í spéspegli í
gamankvæðum. Hann hefur birt
greinar um samband þjóðkvæða og
skáldbókmennta seinni tíma og vinn-
ur nú að því að skrifa bók um Sigrid
Undset.
Fyrirlesturinn verður fluttur á
norsku og er öllum opinn.
Söng- og
skemmtifélagið
Samstilling
SÖNGFÉLAGIÐ Samstilling hefur
vetrarstarfsemi sína mánudags-
kvöldið 9. september næstkomandi.
Markmið Samstillingar er að fólk
komi saman vikulega til að syngja,
en engar kröfur eru gerðar til félags-
manna aðrar en að þeir njóti þess
að syngja í góðra vina hópi. Sungið
er í Hljómskálanum á mánudags-
kvöldum frá klukkan 20.30.-23.
Samstilling hefur starfað í bráðum
áratug og félagar eru á aldrinum sjö
ára_ til sjötugs.
Á söngkvöldum Samstillingar sit-
ur fólk saman í hring og velur lög^
til skiptis úr sérstakri söngmöppu
sem félagsmenn hafa tekið saman.
Samstilling innheimtir engin félags-
gjöld en 200 krónur eru borgaðar
fyrir kvöldið, kaffi eða te innifalið.
Fyrsta kvöldið er þó frítt. Þeir sem
treysta sér til að leika undir sönginn
eru sérstaklega beðnir að taka hljóð-
færi með.