Morgunblaðið - 13.09.1996, Page 26

26 FÖSTUDAGUR 13. SEPTEMBER 1996
MORGUNBLAÐIÐ
MORGUNBLAÐIÐ
FÖSTUDAGUR 13. SEPTEMBER 1996 27
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
NÝTING SJÁVAR-
FANGS
FYRIRTÆKIÐ Fiskeyri á Stokkseyri sérhæfir sig í
vinnslu á utankvótategundum. Reksturinn hefur
gengið bærilega, en helzti vandinn er öflun hráefnis, sem
hefur verið skrykkjótt. Þær tegundir, sem Fiskeyri hefur
einkum tekið til vinnslu, eru háfur og tindabikkja, og
fara afurðirnar á markað í Belgíu, Frakklandi og Eng-
landi. Háfur og tindabikkja er eftirsótt matvara í þessum
löndum og löng hefð fyrir því, en hér á landi er tiltölu-
lega stutt síðan farið var að neyta þeirra og þá helzt á
veitingastöðum, sem leggja mikið upp úr fiskréttum.
Fiskeyri er um þessar mundir að hefja vinnslu á svart-
háfi, sem talsvert virðist af í djúpköntunum, en svartháf-
urinn telst til djúpsjávarfiska. Tilraun var gerð hjá fyrir-
tækinu sl. vor með vinnslu svartháfs fyrir Japansmarkað
og tókst hún það vel, að nú á að ráðast í umfangsmeiri
vinnslu.
Það hefur lengi verið augljóst í áralöngum kvótasam-
drætti hefðbundinna tegunda, að nauðsynlegt er fyrir
íslendinga að gera sér mat úr fisktegundum, sem fram
til þessa hafa að mestu farið útbyrðis eða í bræðslu. Oft
er um að ræða tegundir, sem eru eftirsóttar á erlendum
mörkuðum og hátt verð fæst fyrir. Má þar nefna búr-
ann, sem var talsvert til umræðu fyrir fáum árum, en
er nú nýttur þegar hann gefst, enda fæst miklu hærra
verð fyrir hann en t.d. þorsk.
Erfitt er að byggja stöðugan rekstur fiskvinnslufyrir-
tækis eins og Fiskeyrar eingöngu á utankvótategundum
á meðan fiskinum er hent útbyrðis í stórum stíl í stað
þess að koma með hann að landi. Sjómenn hafa ekki
mikinn áhuga þegar verð lækkar, enda ekki of mikið
pláss í bátunum, að sögn Þórðar Guðmundssonar, eins
eiganda Fiskeyrar. Félagi hans, Stefán Muggur Jónsson,
segir, að svartháfurinn hafi allur farið aftur í sjóinn og
nefnir dæmi um, að fjörutíu tonnum hafi verið hent út-
byrðis í einum túr. Nú hafi sjómenn hins vegar áhuga á
að gera tilraun með nýtingu svartháfs og drýgja þannig
tekjurnar.
Það nær ekki nokkurri átt að henda verðmætum svona
og tími til kominn, að sjómenn og útvegsmenn breyti
aldagömlum hugsunarhætti í þessum efnum. íslendingar
mega búast við því, að umhverfisverndarsamtök bendi
fyrr en síðar á þessa umgengni á auðlindum hafsins í
áróðri sínum fyrir takmörkun veiða á hefðbundnari teg-
undum eins og t.d. þorski og loðnu. Að ekki sé talað um
beint tap þjóðarbúsins vegna sóunar sjávarfangs.
KEPPT Á MARKAÐI
SÍLDARÚTVEGSNEFND hefur unnið að því undanfar-
in ár að styrkja markaðsstöðu sína í Rússlandi og
hefur nú keypt helming hlutafjár í fisksölufyrirtækinu
Viking Group í Pétursborg. Fyrirtækið er í eigu íslend-
ingsins Magnúsar Þorsteinssonar og rússnesks félaga
hans. Síldarútvegsnefnd hefur undanfarin tvö ár átt
náið samstarf við fyrirtækið, sem hefur verið stærsti
viðskiptavinur hennar í Rússlandi. Báðir aðilar vonast
til, að með þessari samvinnu styrkist staðan verulega á
Rússlandsmarkaði, sem er í hraðri uppbyggingu. Neyzla
síldar hefur verið mikil í Rússlandi frá gamalli tíð og
íslenzk saltsíld hefur haft orð á sér þar sem gæðavara.
Þá er ætlunin að auka vinnslu síldarinnar með þróun
nýrra afurða.
Þessi tíðindi eru tákn um þær breytingar, sem orðið
hafa síðustu árin í fisksölumálum íslendinga. Fyrirtækin
hafa verið að hasla sér völl á erlendum mörkuðum með
stofnun nýrra sölufyrirtækja eða kaupum á grónum fyrir-
tækjum til að treysta stöðu sína og fá beinan aðgang
að neytendum.
Óhætt er að segja, að hvergi hafi breytingarnar orðið
meiri en á Rússlandsmarkaði. Við hrun Sovétríkjanna
árið 1990 hrundi einnig síldarmarkaðurinn þar, langmik-
ilvægasti markaður íslendinga fyrir saltsíld. Á þeim tíma
var skipt við sovézk ríkisfyrirtæki og íslenzk stjórnvöld
greiddu fyrir sölusamningum þangað. Nú er öldin önnur
og síldarsaltendur þurfa að keppa á Rússlandsmarkaði
eins og annars staðar.
JÓN Sigurbjörnsson, framkvæmdastjóri heilsugæslunnar á Siglufirði segir að erfiðara gæti reynst að fá lækni til starfa þar en áður.
Horfur á að erfitt verði að manna lausar stöður lækna á landsbyggðinni
Ahyg-gjur
beinast að 6
til 7 byggð-
arlögum
Þótt deilu ríkisins og heilsugæslulækna sé
lokið og læknar hafí snúið aftur til starfa
getur skapast ófremdarástand vegna erfíðleika
við að ráða í lausar stöður heilsugæslulækna
í sex til sjö byggðarlögum næstu mánuði.
Anna G. Olafsdóttir spurðist fyrir um ástand-
ið og hvað væri til ráða.
HORFUR eru á að erfiðara
verði að manna lausar
stöður lækna á lands-
byggðinni í vetur en und-
anfarin ár. Kristján Erlendsson,
skrifstofustjóri í heilbrigðisráðu-
neytinu, segir að héraðslæknar hafi
einkum áhyggjur af 6 til 7 byggðar-
lögum. Hann telur að borið hefði á
læknaskorti þó að læknadeilan hefði
ekki komið til. Deilan hafi hins veg-
ar ekki bætt ástandið. Heimamenn
í Bolungarvík og á Flateyri eru
bjartsýnir á að hægt verði að ráða
í lausar læknastöður. Hins vegar
viðurkennir framkvæmdastjóri
heilsugæslunnar á Siglufirði að erf-
iðara gæti reynst að fá lækni til
starfa þar en áður.
Kristján sagðist eiga von á að
flestallir læknar í tímabundnum
störfum erlendis yrðu komnir heim
um næstu mánaðamót. „Við vitum
ekki til að neinn sé alfarinn af landi
brott. Hins vegar er hreyfing á
mönnum eins og alltaf. Eg nefni í
því sambandi að fyrirsjáanlegt er
að læknir fari frá Kirkjubæjar-
klaustri. Síðan er fyrirsjáanleg
fækkun á Patreksfirði, Flateyri,
Isafirði og Bolungarvík fram að
áramótum. Á sama hátt kemur
sennilega til með að vanta á
Hvammstanga og til vandræða
gæti horft á Siglufirði í haust,“
sagði hann.
Þekktar sveiflur
Hann sagði að ekki væri útlit
fyrir einstætt ástand. „Ástandið
hefur ekki litið út fyrir að verða
svona alvarlegt á undanförnum
árum. Hins vegar höfum við rekið
okkur á læknaskort í
gegnum tíðina, ekki síst
á Vestfjörðum, og svona
sveiflur eru þekktar víða
um heim. Við höfum enga
einhlíta skýringu á
þessu,“ sagði hann en játti því að
þensla í þjóðfélaginu gæti haft sín
áhrif. „Eins er farið að segja til sín
að fækkað hefur í útskriftarhóp-
um.“
Hann játti því að iæknum, eins
og kennurum, hefðu verið boðin
ýmis hlunnindi úti á landi. „Allt
hefur verið reynt að gera til að auð-
velda mönnum að velja ýmsa staði
úti á landi. Ýmiss konar hlunnindi
virðast hins vegar ekki duga til,“
sagði hann og tók fram að ljóst
væri að heilbrigðisráðuneytið yrði
að taka á fyrirsjáanlegum vanda
þegar ástandið skýrðist betur.
„Jafnframt er Ijóst að við þurfum
að skoða ýmis mál í kjölfar þessara
samninga, m.a. vaktasvæði úti á
landi. Það getur vel verið að það
komi eitthvað til með að
létta undir með mönnum,"
bætti hann við og játti því
að til greina kæmi að
stækka og jafnvel sam-
eina vaktasvæði.
Kristján sagðist reikna með að
lausar stöður yrðu auglýstar. „Allra
leiða verður leitað til að fá mann-
skap til starfa. Vissulega verður
horft til íslenskra lækna erlendis.
Erfiðara verður að fá erlenda lækna
til starfa enda er víðar skortur á
iæknum," sagði hann og tók fram
að tungumálakunnátta gæti einnig
valdið erfiðleikum.
Góð aðstaða í Bolungarvík
Valdimar Gíslason, stjórnarfor-
maður heilsugæslunnar og sjúkra-
hússins í Bolungarvík, staðfesti að
Ágúst Oddsson, heilsugæslu- og
sjúkrahúslæknir á Bolungarvík,
væri á förum. Hins vegar sagðist
hann ekki hafa áhyggjur af því að
erfitt yrði að ráða annan lækni enda
hefði aldrei gengið illa að
ráða lækna til Bolungar-
víkur og læknarnir hefðu
að jafnaði starfað um 10
til 12 ára skeið. Hann
nefndi í því sambandi að
aðstæður væru góðar, t.d. væri
heilsugæslustöðin nýleg og læknir
hefði afnot af einbýlishúsi gegn
sanngjarnri leigu. Heppileg nálægð
væri við ísafjörð og fram hefði kom-
ið hugmynd um að hægt yrði að
taka upp samstarf í vaktþjónustu.
Almennt væri hátt þjónustustig í
Bolungarvík og gott mannlíf.
Aðspurður sagði Valdimar að
læknisstaðan yrði auglýst um helg-
ina. Um væri að ræða 100% stöðu
við heilsugæsluna og 17% viðbót á
sjúkrahúsinu. Hann tók fram að
atvinnustig væri hátt og því ætti
ekki að vera vandkvæðum bundið
fyrir maka læknis að fá atvinnu.
Betri samgöngur
Ægir Hafberg, stjórnarformaður
heilsugæslunnar á Flateyri, sagði
að Flateyringar hefðu verið svo
heppnir að hafa lækni á meðan á
læknadeilunni stóð. Sá læknir hefði
hins vegar sagt upp störfum og
rynni uppsagnarfrestur út í nóvem-
ber. Fyrir deiluna hefði verið aug-
lýst eftir lækni án árangurs. Þegar
staðan eftir læknadeiluna skýrðist
betur yrði haldið áfram að auglýsa.
Ægir sagðist ekki geta verið annað
en bjartsýnn á að hægt yrði að fá
lækni til starfa við heilsugæsluna.
Hann nefndi í því sambandi að geng-
ið hefði mjög vel að ráða lækna til
Flateyrar síðustu 6 til 8 ár.
Ægir sagði að boðinn hefði verið
staðarsamningur með álagsgreiðslu
og gott leiguhúsnæði væri til stað-
ar. Um væri að ræða 100% starf
við heilsugæsluna. Að lokum tók
hann fram að gott væri að vera á
Flateyri. Ekki mætti heldur gleyma
því að Vestfjarðagöngin léttu íbúun-
um lífið á ýmsan hátt.
Erfiðara að finna lækni
Jón Sigurbjörnsson, fram-
kvæmdastjóri heilsugæslunnar- og
sjúkrahússins á Siglufirði, sagði að
þrjár læknastöður væru í bænurri.
Yfirlæknir væri á sjúkrahúsinu og
gert væri ráð fyrir tveimur læknum
við heilsugæsluna. Önnur staðan
hefði verið laus frá því í sumar.
Auglýst hefði verið án viðbragða
eftir lækni fyrir læknadeiluna og
haldið yrði áfram að leita fast eftir
lækni og hjúkrunarfræð-
ingi eða hjúkrunarfræð-
ingum nú. Mannaðar væru
5,6 stöður hjúkrunarfræð-
inga af 7.
Jón sagði að afleys-
ingalæknir hefði starfað við heilsu-
gæsluna í sumar. Nú væri hins
vegar nauðsynlegt að fá lækni fyr-
ir veturinn. Yfirleitt hefði ekki ver-
ið erfiðleikum bundið að fá lækni
til Siglufjarðar. En nú hefði hann
áhyggjur af því að erfiðara reynd-
ist að fá lækni til starfa. Væntan-
lega yrði því ekki haldið til streitu
að auglýsa eftir sérfræðingi í heim-
ilislækningum enda væri starfandi
læknir á heilsugæslunni sérfræð-
ingur á því sviði. Fram kom að í
boði væri staðarsamningur og
leiguhúsnæði.
Hlunnindi
virðast ekki
duga til
Vaktasvæði
verði m.a.
skoðuð
Aðalframkvæmdastjóri Vestur-Evrópusambandsins í opinberri heimsókn á íslandi
VES mikilvægt í mótun
öryggisstefnu Evrópu
HLUTVERK Vestur-Evr-
ópusambandsins (VES)
hefur verið í deiglunni
undanfarið bæði vegna
yfírlýsingar utanríkisráðherra Atl-
antshafsbandalagsins (NATO) eftir
fund þeirra í Berlín í júní og ríkj-
aráðstefnu Evrópusambandsins.
José Cutileiro, framkvæmdastjóri
Vestur-Evrópusambandsins (VES),
heldur því fram að VES hafí „mikil-
vægu hlutverki að gegna í því fyrir-
komulagi öryggismála, sem nú er
verið að móta í Evrópu, ekki með
því að apa eftir NATO eða ESB,
heldur vera þungamiðjan þar á milli,
sem hjálpar til að beisla kosti beggja
og gera Evrópuríkjum kleift að
leggja allt sitt á vogarskálarnar til
eflingar friði og stöðugleika í heim-
inum“.
Hlutverk íslendinga augljóst
Hann bætti því við að íslendingar
hefðu með aðild að NATO og auka-
aðild að VES augljósu hlutverki að
gegna í þessari þróun og því væri
mikilvægt að almenningur á íslandi
áttaði sig á þætti VES í öryggi
Evrópu.
Cutileiro kom til íslands á þriðju-
dag til að ræða málefni VES við
íslenska ráðamenn og hélt í gær
af landi brott.
Cutileiro flutti einnig fyrirlestur
á miðvikudag undir heitinu „Lykil-
staða VES milli Atlantshafsbanda-
lagsins og Evrópusambandsins" á
vegum Samtaka um vestræna sam-
vinnu og Varðbergs.
„Vestur-Evrópusambandið kem-
ur ekki í stað NATO, því er ekki
ætlað að koma í stað NATO og
þessu gera allar Evrópuþjóðir sér
fulla grein fyrir,“ sagði Cutileiro á
blaðamannafundi á Hótel sögu í
gær. „VES eru samtök Evrópuríkja,
sem er ætlað að bregðast við ör-
yggisvanda hvar sem hann kann
að koma upp og varðar fremur evr-
ópska hagsmuni, en bandaríska. Ef
bregðast á við án þátttöku Banda-
ríkjamanna mun VES vera við
stjórn, sennilega með einhverri póli-
tískri hvatningu frá ESB og notkun
einhverra gagna frá NATO. Megint-
ilgangur þeirrar vinnu, sem nú er
unnin innan VES, er að þróa leiðir
til að taka á öryggisvanda, sem
Evrópuríki kunna að vilja bregðast
við, en Bandaríkjamenn og Kanada-
menn vilja ekki tengjast beint.
Alvarleg ógn við öryggi Evrópu,
sem augljóslega mundi einnig bein-
ast að Bandaríkjunum og Kanada,
mundi ekki falla undir VES. Við
henni þyrfti að bregðast gegnum
NATO, sem áfram verður horn-
steinn varna Evrópu."
Cutileiro lagði áherslu á þátt ís-
lendinga.
„Við erum með stöðug sam-
skipti," sagði Cutileiro. _______
„íslendingar eru aukaað-
ildarríki að VES og njóta
því nánast sömu réttinda
og ríki með fulla aðild.
Því eru íslendingar við-
staddir alla vikulega fundi fastar-
áðsins og leggja sitt af mörkum til
allra ákvarðana, sem til dæmis hafa
verið teknar um þróun þess hvernig
eigi að stjórna aðgerðum, en sú
umræða hefur staðið yfir undanfar-
in tvö eða þijú ár. Allt hefur verið
gert með fullu samþykki Islendinga.
Sem aukaaðildarríki getur ísland
ekki stöðvað ákvarðanir, sem hafa
verið teknar. En til þessa höfum
við ekki komið auga á nein atriði,
sem gætu sett íslendinga í ank-
annalega stöðu vegna þess að þeir
gætu ekki komið í veg fyrir ákvörð-
Umræða um mikilvægi Vestur-Evrópusam-
bandsins hefur færst í aukana undanfarið.
José Cutileiro, aðalframkvæmdastjóri þess,
er í opinberri heimsókn hér á landi og
kynnti Karl Blöndal sér afstöðu hans
til öryggis- og vamarmála í Evrópu og hlut-
verks VES innan Evrópusambandsins og
Atlantshafsbandalagsins.
Morgunblaðið/Golli
JOSÉ Cutileiro, aðalframkvæmdastjóri Vestur-Evrópusambands-
ins, ræðir við blaðamenn á Hótel Sögu í gær. Honum á vinstri
hönd situr Halldór Ásgrímsson utanríkisráðherra.
Óiíklegt að
stórvægileg
ógn komi fram
un. Ég held að íslendingar hafi fús-
ir tekið þátt í starfi okkar.“
Hann sagði að íslendingar tækju
ekki þátt í því starfi, sem varðaði
hernaðarákvarðanir, þótt þeir hefðu
rétt til. Yfirmenn úr norska hernum
tækju þátt í því starfi og ugglaust
væri hægt að koma því þannig fyr-
ir að íslendingar gerðu það einnig
þótt ekki væri her á íslandi.
í fyrirlestri sínum sagði Cutileiro
að ólíklegt væri að stórvægileg ógn
kæmi fram eins og málum væri nú
háttað. Hins vegar blossuðu nú upp
vandamál, sem væru af ýmsum
toga, jafnt milli ríkja, sem innan
ríkis, víða um heim. Stundum vörð-
uðu þessi mál hagsmuni beggja
vegna Atlantshafs, eins og til dæm-
is í Bosníu, en í öðrum væri ýmist
að hagsmunir Norður-Ameríku eða
Evrópu væru einkum í húfi.
í síðasta tilfellinu gæti komið til
kasta VES, hvort sem um yrði að
ræða mannúðarverkefni, björgunar-
starf, friðargæslu eða að stilla til
friðar.
Cutileiro var spurður hvort VES
________ yrði ekki ofaukið ef aðild-
arríkjum NATO yrði fjölg-
að.
„Ef VES verður ofauk-
ið við það, er sambandinu
ofaukið nú,“ svaraði
framkvæmdastjórinn.
Vestur-Evrópusambandið hefur
verið til í núverandi mynd frá árinu
1954. Upprunalega hafði það aðset-
ur í London, en hefur verið í Bruss-
el frá 1993. Nýju lífí var blásið í
VES árið 1984 með það fyrir augum
að „styrkja Evrópustoð NATO“.
VES átti til dæmis þátt í því að
samræma aðgerðir aðildarríkja sam-
bandsins í Persaflóastríðinu 1991.
í júní 1992 komu utanríkis- og
varnarmálaráðherrar VES saman
skammt frá Bonn og gáfu út Peters-
berg-yfirlýsinguna, þar sem mælt
er fyrir um framtíðarskipulag sam-
bandssins með hliðsjón af Maas-
tricht-sáttmála Evrópusambandsins.
í Petersberg-yfirlýsingunni heita
aðildarríki stuðningi við friðargæslu
og aðgerðir til að koma í veg fyrir
átök bæði í samvinnu við Öryggis-
og samvinnustofnun Evrópu og ör-
yggisráð Sameinuðu þjóðanna.
Fulla aðild að VES hafa 10 af
15 aðildarríkjum Evrópubandalags-
ins, sem einnig eru í NATO. Þijú
aðildarríki NATO, sem ekki eru í
ESB, hafa svokallaða aukaaðild.
Það eru ísland, Noregur og Tyrk-
land. Þá eru svokallaðir aukafélag-
ar, tíu Austur-Evrópuríki, sem
hvorki eru aðiljar að NATO né
ESB, en hafa sótt um aðild að Evr-
ópusambandinu. Fimm ríki hafa
áheyrnaraðild og þar á meðal eru
Finnland og Svíþjóð, sem hins vegar
eru ekki í NATÖ. Þannig tengjast
öll aðildarríki ESB annars vegar og
NATO hins vegar VES með ein-
hvejjum hætti.
Á ráðherrafundi VES í Birming-
ham í maí var gefin út yfirlýsing
um að auðvelda ætti þeim _________
ríkjum, sem eiga
áheyrnaraðild að VES,
t.d. Finnum og Svíum, að
taka þátt í aðgerðum á
sambandsins, um
vegum
leið og reyndar var lögð áhersla á
mikilvægi aukaaðildarríkjanna í
starfi sambandsins og sagt að til
greina kæmi að þau tengdust því
nánar.
Rætt hefur verið um VES sem
Evrópustoð NATO og hefur sú
umræða vakið spurningar um það
hvort slíkt geti leitt til þess að
NATO-ríki á borð við íslánd, sem
ekki eigi aðild að ESB, einangrist,
en ríki, sem séu í ESB, en ekki í
NATO, eins og til dæmis Finnar og
Svíar, komist óbeint til áhrifa í
bandalaginu.
Bætt samningsstaða
„Talað er um að VES eigi að
styrkja Evrópustoðina," sagði Cutil-
eiro. „Gert er ráð fyrir náinni sam-
vinnu við NATO í því starfi, sem
framundan er. Þetta er aðeins hægt
með samkomulagi á hveiju stigi
málsins milli þeirra, sem sitja í
fastaráðinu. Hvað þessa hlið máls-
ins varðar held ég að íslendingar
og Norðmenn hafí engu tapað og
ef til vill bætt samningsstöðu sína.“
Á ráðherrafundi NATO í Berlín
sagði Malcolm Rifkind, utanríkisráð-
herra Breta, að samkomulagið, sem
þar hefði verið undirritað sýndi að
áróður Frakka fyrir því að VES yrði
þungamiðja sjálfstæðs framlags
Evrópuríkjanna til vamarsamstarfs-
ins hefði verið til einskis. Hlut VES
yrði í hóf stillt og því bæri að fagna.
Dudley Smith, forseti þing-
mannasamkomu VES, svaraði því .
til að samkomulag Berlínarfundar-
ins sýndi þvert á móti að VES nyti
aukinnar viðurkenningar og gegndi
stærra hlutverki en áður.
Cutileiro kvaðst ekki ætla að
hlutast til um bresk stjórnmál, en
bætti við að VES væri nefnt 29
sinnum í yfirlýsingunni frá Berlín.
„Hlutverk VES var styrkt í Berl-
ín því að það var skilgreint nánar,“
sagði hann. „Og það er skilgreint
þannig að allir geti sætt sig við,
af pólitísku raunsæi.“
Halldór Ásgrímsson sagði að
Cutileiro hefði fengið að heyra sjón-
armið íslendinga í viðræðum sínum
hér.
Áhersla íslands á
sjálfstæði VES
„Við höfum í gegnum tíðina lagt
mikla áherslu á sjálfstæði Vestur-
Evrópusambandsins," sagði Halldór
á blaðamannafundinum í gær. „Við
höfum lagt áherslu á að NATO
væri undirstaða öryggismála í Evr-
ópu, tengslin yfir Atlantshafið.
skiptu höfuðmáli. Við höfum verið
ósammála þeirri skoðun að Vestur-
Evrópusambandið ætti að koma inn
í Evrópusambandið og hlíta fyrir-
skipunum þaðan og talað gegn því
alla tíð. Þess vegna erum við
ánægðir með þá þróun, sem nú
hefur átt sér stað. Það ríkir orðið
miklu meiri samstaða um Vestur-
Evrópusambandið með þeim hætti,
sem við höfum viljað sjá.“
Cutileiro kvaðst sem minnst vilja
segja um viðræður sínar hér, þar
hefði borið hæst umræðan um VES
á yfirstandandi ríkjaráðstefnu Evr-
ópusambandsins og samband VES
við NATO.
Á ríkjaráðstefnunni hafa Finnar
og Svíar látið að sér kveða í umræð-
unni um VES.
„Finnar og Svíar eru aðiljar að
Evrópusambandinu og
þeir eru að ræða þessi mál
á ríkjaráðstefnunni,“
sagði Cutileiro. „Mér skilst
að þeir hafí sérstakan
áhuga á því að innan Evr-
VES í lykilhlut-
verki milli
NATO og ESB
ópusambandsins fái þeir að láta rödd
sína heyrast þegar kalla skal VES
til og það er skiljanleg afstaða."
Cutileiro varð aðalframkvæmda-
stjóri VES í nóvember 1994. Hann
starfaði lengi í portúgölsku utanrík-
isþjónustunni, en hefur einnig kennt
við London School of Economics.
Einnig hefur hann gefið út tvær
ljóðabækur, en þegar hann var innt-
ur eftir því kvaðst hann hafa verið
ungur að árum, auk þess sem allir
Portúgalar ortu ljóð. „Það skiptir
ekki máli,“ sagði Cutileiro. „Ljóðlist
gerir það venjulega ekki.“