Morgunblaðið - 05.12.1996, Side 12

12 FIMMTUDAGUR 5. DESEMBER 1996
MORGUNBLAÐIÐ
FRÉTTIR
Norðurlandamót í dansi á Islandi um næstu helgi
Morgunb!aðið/J6n Svavarsson
ÍSLENSKU keppendurnir sem þátt taka í Norðurlandamóti í dansi 1996.
Heimsþekkt pör
dansa í Hafnarfirði
NORÐURLANDAMÓTIÐ í dansi fer fram laug-
ardaginn 7. desember nk. í Iþróttahúsinu við
Strandgötu í Hafnarfirði. Skipulagi keppninnar
er lokið og hefur gengið vel að koma hlutunum
heim og saman að sögn framkvæmdanefndar-
innar. Mörg af allra sterkustu danspörum í
heiminum eru frá Norðurlöndunum og ætla þau
að koma til íslands að taka þátt í þessari
keppni.
Þessi keppni er án efa langsterkasta dan-
skeppni sem hefur verið haldin hér á landi og
er þetta einstakt tækifæri fyrir áhugafólk um
dans að koma og sjá þessi sterku pör með eig-
in augum. Má nefna pör eins og Sten Lund
og Mie Bach, Holger Nitche og Charlotte Eg-
strand, svo einhver séu nefnd. Sunnudaginn
8. desember fer fram opin keppni og keppa
þar flest pörin sem taka þátt í Norðurlandamót-
inu og er vonast til að þessi keppni fari fram
árlega, fyrstu helgina í desember.
Nýliðið haust hefur verið ákaflega árangurs-
ríkt í dansíþróttinni hér á landi. íslenzkir
dansarar hafa gert það mjög gott á erlendri
grundu og hefur árangurinn aldrei verið betri.
Er ætlunin að rekja hér í stuttu máli þær keppn-
ir sem íslendingar hafa tekið þátt í og þær
keppnir sem íslenzk pör eiga hugsanlega eftir
að taka þátt í í vetur.
Opna Árósakeppnin
í Árósum í Danmörku var haldin hin árlega
Aarhus Open 14. og 15. september, sem er
mjög sterk_ alþjóðleg danskeppni og þar kepptu
systkinin Árni Þór og Erla Sóley Eyþórsböm
og náðu þeim frækilega árangri að komast i
6. sæti og er það bezti árangur sem íslenzkt
par hefur nokkurntímann náð i flokki áhuga-
manna.
Dagana 12.-17. okt. sl. tóku sextán íslenzk
dansgör þátt í nokkrum alþjóðlegum danskeppn-
um. Árangurinn varð betri en nokkur hafði lát-
ið sig dreyma um að ná.
Opna Lundúnakeppnin
Fyrsta keppnin var London Open. Davíð Gill
Jónsson og Halldóra Sif Halldórsdóttir unnu þar
til bronsverðlauna í flokki 11 ára og yngri í
suður-amerískum dönsum og til silfurverðlauna
í standard-dönsum, svo sannarlega glæsilegur
árangur það. í flokki 12-15 ára sigruðu Bene-
dikt Einarsson og Berglind Ingvarsdóttir í suð-
ur-amerísku dönsunum og komust alla leið í
undanúrslit í standard-dönsunum. í flokki
Night of 100 stars er eingöngu boðskeppni
og er einungis sex pörum í tveimur aldursflokk-
um boðið til leiks. I ár var keppt í flokki 11 ára
og yngri í standard-dönsum og í flokki 16-21
árs, í suður-amerískum dönsum. Einu íslenzku
pari var boðið til Ieiks, þeim Davíð Gill Jóns-
syni og Halldóru Sif Halldórsdóttur. Er þetta í
annað sinn sem íslenzku pari er boðið að taka
þátt í þessari keppni og er mikill heiður fyrir
dansinn á íslandi að eiga pör í þessari keppni.
Imperial-keppnin
Imperial-keppnin var þriðja keppnin í þessari
mótaröð. Benedikt Einarsson og Berglind Ing-
varsdóttir héldu áfram að gera það gott og
gerðu sér lítið fyrir og sigruðu í suður-amer-
ísku dönsunum í flokki 12-15 ára. Einnig tóku
íslenzkir dansarar þátt í liðakeppni, þar sem
fjögur danspör áttu að taka þátt, tvö sem dansa
suður-amerísku dansana og tvö sem dansa
standard-dansa. Hafnaði íslenzka liðið í 4. sæti.
í flokki áhugamanna, 16 ára og eldri, komust
tvö íslensk pör í 24 para úrslit. Það voru systkin-
in Árni og Erla og Víðir Stefánsson og Magda
Pozarska, sem nú nýlega eru farin að keppa
fyrir hönd íslands.
Internatlonal-keppnin
Síðasta keppnin og jafnframt sú stærsta og
sterkasta í þessari röð, var International-keppn-
in. Keppnin fer fram á þremur dögum og er
keppt í öllum flokkum. Fyrsta daginn keppa allir
i suður-amerískum dönsum, annan daginn keppa
allir í standard-dönsum og þriðja daginn keppa
48 efstu pörin frá fyrstu tveimur dögunum í flokki
áhuga- og atvinnumanna til úrslita og fer sú
keppni fram í Royal Albert Hall. í flokki 11 ára
og yngri náðu Davíð Gill Jónsson og Halldóra
Sif Halldórsdóttir þeim glæsilega árangri að sigra
í suður-amerískum dönsum og unnu til fimmtu
verðlauna í standard-dönsum.
í flokki 12-15 ára fullkomnuðu Benedikt og
Berglind „þrennuna" sína í suður-amerísku
dönsunum og er það svo sannarlega framúrskar-
andi góður árangur. í flokki 16-21 árs komust
Árni og Erla í undanúrslit og í flokki 16 ára og
eldri náðu þau að skipa sér sess meðal 24 beztu
danspara í heiminum í dag í flokki áhuga-
manna. Eru þau fyrstu íslendingamir sem dans-
að hafa í Royal Albert Hall á Intemational keppn-
inni.
Árangur íslenzku paranna í þessum keppnum
vakti mikla athygli. Fyrrum unglingameistarar
á íslandi; pörin Brynjar Öm Þorleifsson og Ses-
selja Sigurðardóttir og Sigursteinn Stefánsson
og Elísabet Sif Haraldsdóttir vöktu einnig at-
hygli, í þessum keppnum, fyrir góðan dans, en
þau vom að keppa í flokki áhugamanna í fyrsta
skipti.
Heimsmeistaramót í Þýzkalandi
Árni Þór og Erla Sóley tóku þátt í heims-
meistaramótinu í flokki áhugamanna, sem fram
fór í Kasel í Þýzkalandi 11. nóvember. Þau
náðu góðum árangri og enduðu í 25. sæti og
eru alltaf að fikra sig ofar á heimslistann. Síð-
ast þegar listinn kom voru þau í 22. sæti, sem
er frábær árangur.
Alþjóðleg keppni 1997
UK-keppnin í Bournemouth á Englandi
21.-23. janúar.
14.-16. febrúar Copenhagen Open í Kaup-
mannahöfn í Danmörku.
15. mars, heimsmeistaramót fyrir 35 ára og eldri,
í Wolfsburg í Þýzkalandi.
31. mars - 5. apríl, Blackpool Junior Dance
Festival í Blackpool á Englandi.
11. apn'l, heimsmeistarakeppni í standard-
dönsum í flokki 16-18 ára, í Maribor í Slóveníu.
12. apríl, heimsmeistarakeppni í suður-amer-
ískum dönsum í flokki 16-18 ára, í Ljubljana í
Slóveníu.
19. apríl, Evrópumeistarakeppni í 10 dönsum
í flokki áhugamanna, í Graz í Áusturríki.
26. apríl, heimsmeistarakeppni í 10 dönsum í
flokki áhugamanna í Nice í Frakklandi.
23.-30. maí Blackpool Dance Festival, í
Blackpool á Englandi.
21. júní, Evrópumeistarakeppni í suður-amer-
ískum dönsum í Saarbruchen í Þýzkalandi.
20. -22. ágúst, Opna Þýzkalandskeppnin í
Þýzkalandi.
12. -13. september, Opna Árósakeppnin í Aar-
hus í Danmörku.
13. september, Evrópumeistarakeppni í stand-
ard-dönsum í flokki áhugamanna, í Aarhus í
Danmörku.
4. október, heimsmeistarakeppni í suður—
amerískum dönsum í Gautaborg í Svíþjóð.
4. október, opna Lundúnakeppnin, á Englandi.
5. október, Imperial-keppnin í London á Eng-
landi.
7. -9. október, International-keppnin í London
á Englandi.
8. nóvember, heimsmeistaramót í standard-
dönsum í flokki áhugamanna, í Karlsruhe í
Þýzkalandi.
9. nóvember, Dutsch Open í Slagharen í Hol-
landi.
Auðvitað er þessi listi ekki tæmandi, en þetta
eru helztu keppnimar á næsta ári og verður án
efa gaman að fylgjast með íslenzku pörunum
og árangri þeirra á komandi ári.
Jóhann Gunnar Arnarsson
Vesturbyggð
Fagna
afsögn
bæjar-
stjóra
BÆJARFULLTRÚAR Al-
þýðuflokksins í Vesturbyggð
hafa sent frá sér yfirlýsingu
þar sem afsögn Gísla Ólafs-
sonar bæjarstjóra er fagnað,
enda sé vanhæfni hans sem
bæjarstjóra ein meginástæðan
fyrir versnandi fjárhagsstöðu
bæjarins.
Þar er jafnframt lýst furðu
á því að í kjölfar afsagnarinn-
ar hafi sjálfstæðismenn sagt
upp meirihlutasamstarfi við
Alþýðuflokkinn. Afsögn Gísla
var af hálfu Alþýðuflokksins
skilyrði fyrir áframhaldandi
samstarfí, og telja bæjarfull-
trúar flokksins að samkomu-
lag hafi legið fyrir um þau efni.
Reyna að skjóta sér undan
ábyrgð
„Mér fínnst það hálfbroslegt
þegar fyrrum samheijar mínir
eru að reyna að skjóta sér
undan allri ábyrgð og ýta
henni yfír á mig og Sjálfstæð-
isflokkinn," segir Gísli. „Þeir
útgjaldaliðir sem farið hafa
fram úr áætlun hafa verið
ræddir í bæjarráði. Bæjarfull-
trúar Alþýðuflokksins voru
meðvitaðir um hvað hefði mátt
betur fara. Þetta er ekki eina
sveitarfélagið á íslandi þar
sem áætlanir um einstakar
stofnanir standast ekki. Það
eru margvíslegar ástæður fyr-
ir því að slitnaði upp úr sam-
starfinu og þær eru ekki bein-
línis viðkomandi fjárhagsáætl-
uninni, en ég vil ekki fara
nánar út í þær.“
Gísli segir að farið hafí ver-
ið 7-8 prósent fram úr fjár-
hagsáætlun, og er það minna
en verið hefur á síðustu árum.
„Meðal liða sem farið hafa
fram úr áætlun eru áhaldahús-
ið, yfirstjórnin og leikskólarn-
ir. Það sjá samt allir sem skoða
ársreikninga 1995 og 1994 að
staða sveitarfélagsins hefur
batnað þegar á heildina er lit-
ið, en þetta er erfíður rekstur
og erfið skuldastaða."
Salmonellan á
Landspítalanum
Nokkrir
fengxi bætur
NOKKRIR einstaklingar sem
smituðust af salmonellu á
Landspítalanum í febrúar síð-
astliðnum hafa fengið greiddar
bætur m.a. vegna vinnutaps
sem þeir urðu fyrir vegna sýk-
ingarinnar. Á annað hundrað
manns smituðust af salmon-
ellu sem rakin var til ijóma-
bolla frá Samsölubakaríinu.
Að sögn Karls Kristinsson-
ar, sérfræðings á sýkladeild
Landspítalans, hafa rannsókn-
ir á þeim sem smituðust leitt
i ljós að enginn þeirra er leng-
ur með salmonellu í saur, en
síðastliðið vor voru nokkrir
ennþá með salmonellu í saurn-
um. Þeir voru þá frá störfum,
en Karl sagðist ekki vita til
þess að neinn þeirra sem smit-
uðust væri enn frá störfum.
Hann sagði að einhveijir
þeirra kynnu að vera með ein-
hver liðeinkenni ennþá, en
salmonellusýking getur valdið
liðverkjum og liðbólgum.