Morgunblaðið - 13.12.1996, Blaðsíða 2

Morgunblaðið - 13.12.1996, Blaðsíða 2
2 FÖSTUDAGUR 13. DESEMBER 1996 MORGUNBLAÐIÐ FRETTIR Dæmt í máli bílstjóra rútunnar sem valt í Hrútafirði Vindhviða átti stærstan þátt í að rútan fór út af HERAÐSDÓMUR Norðurlands vestra hefur dæmt rútubílstjóra til að greiða 50 þúsund króna sekt til ríkissjóðs, en jafnframt sýknað hann af kröfu um sviptingu ökuréttinda. Bílstjórinn ók rútu Norðurleiðar, sem fór út af veginum í Hrútafirði þann 22. október í fyrra, og valt með þeim afleiðingum að tveir farþegar létust. Hann var ákærður fyrir að aka of hratt miðað við aðstæður, auk þess sem hjólabúnaði rútunnar hefði verið áfátt. Fjölskipaður dómur dæmdi í mál- inu. Dómsformaður var Halldór Halldórsson héraðsdómari og með- dómendur Guðjón St. Marteinsson héraðsdómari og Jens Bjarnason verkfræðingur. I niðurstöðu þeirra segir, að ekki liggi fyrir hvort öku- riti rútunnar hafí verið settur í hana eins og reglur gerðu ráð fyrir og ekki liggi fyrir hvort hann hafi verið prófaður á réttan hátt, enda ekkert verkstæði komið með löggildingu til þess þegar slysið átti sér stað. Ekki sé því unnt að leggja skráningu ökuritans um hraða rútunnar til grundvallar. Bílstjórinn kvað 80-90 km skráningu ökuritans of háa tölu og sagði að skömmu fyrir slysið hefði hann ekið á 60 km. Dómararn- ir lögðu þá tölu til grundvallar. Dómurinn telur sannað að sterk vindhviða hafí skollið á rútunni með þeim afleiðingum að hún fór út af veginum. Krapi hafi verið á vegin- um, en sést í slitlag í hjólfórum. Því hafi vegurinn ekki verið flugháll, en krapinn valdið því að um leið og bifreiðin fór út úr hjólförunum hafi verið hált undir henni og hún látið mun verr að stjórn en ella. Búnaði hjóla áfátt Dómurinn segir að hjólbarðar rút- unnar hafí verið með snjómynstri, en nokkuð slitnir og afturhjólbarð- arnir meira. Þeir hafi staðist ákvæði reglugerðar hvað lágmarks mynst- urdýpt varði. Hins vegar verði að taka mið af akstursaðstæðum, öku- hraða, árstíma o.fl. og beri að gera meiri kröfur. Dómurinn telur sannað að búnaði hjóla hafí verið áfátt í umrætt skipti. Ef ökuhraði hefði verið minni og hjólbarðar betri við akstursaðstæður í Hrútafirði þennan dag hefði rútan ekki hafnað utan vegar, enda vindur- inn ekki eina orsök slyssins. Bílstjór- inn hafí hlotið að verða var við vind- hviður og þurft að miða ökuhraðann við það. Ljóst sé að hann hafi ekið of hratt miðað við aðstæður, án nægjanlegrar aðgæslu og hjólabún- aði verið áfátt. „Hins vegar telur dómurinn vindhviðuna sem skall á bflnum hafa átt stærstan þátt í því hvernig fór og hefur dómurinn það í huga er gáleysisstig verknaðar ákærða er metið." Niðurstaða dómsins er sú, að bíl- stjórinn skuli greiða 50 þúsund kr. sekt til ríkissjóðs og málskostnað. 2. umræða um fjárlög á Alþingi í dag Breytingartillögur nema 711 milljónum ÖNNUR umræða um fjárlagafrum- varp næsta árs verður á Alþingi í dag og hefur meirihluti fjárlaga- nefndar Alþingis lagt til breytingar á frumvarpinu sem þýða alls 711 milljóna króna útgjaldaauka. Þar er m.a. gert ráð fyrir að hækka framlag til nýframkvæmda í vegamálum um 100 milljónir. Um er að ræða Ián úr ríkissjóði til að flýta viðgerðum á vegamannvirkjum Þrjú börn brotnað við blaðburð BRÖGÐ eru að því að blaðburð- arbörn Morgunblaðsins hafi slasast í hálkunni undanfarna daga. Samkvæmt upplýsingum frá áskriftardeild blaðsins hafa þrjú börn handleggsbrotnað við útburðinn þegar þau hafa hras- að á svellbunkum. Einn dreng- ur hefur verið frá í tvo mánuði. Til mikilla bóta yrði ef hús- eigendur bæru salt á svellið við útidyr sínar og létu jafnframt útidyraljós loga þegar börnin koma með blaðið á morgnana. sem urðu fyrir skemmdum af völdum Skeiðarárhlaupsins og verður lánið endurgreitt af vegafé árið 1999. Þá kemur fram í áliti meirihluta fjárlaganefndar að millifæra á 970 milljónir frá sjúkratryggingum yfir á nýjan fjárlagalið sem nefnist verk- greiðslur til sjúkrahúsa og heilsu- gæslustöðva. Er millifærslan vegna áforma um sparnað í rannsóknum. Af öðrum tillögum má nefna 6 milljóna króna framlag til Hins ís- lenska bókmenntafélags en fyrir- hugað er að gera samning við félag- ið um að Ijúka útgáfu á Sögu Is- lands á næstu árum. Þá fær Borgar- byggð 8 milljóna króna framlag vegna framkvæmda við ¦ næsta landsmót Ungmennafélags íslands. Fyrirhugað er að unglingum í efstu bekkjum grunnskóla verði gefmn kostur á kennslu í ökuhermi og fær Umferðarráð 3 milljóna framlag til að kaupa slíka herma. Einnig eru framlög aukin um 35 milljónir vegna átaks í löggæslu vegna fíkniefnamála og um 25 millj- ónir vegna átaks í tollgæslu vegna fíkniefnasmygls. Nokkrir fjárlagaliðir lækka, þar á meðal framlög til skattstofa lands- ins um samtals rúmar 20 milljónir vegna sparnaðar við að taka upp skönnun á skattframtölum. Loftnets- skermar í brotajárn BYRJAÐ var í gær að fella loft- netsskerma fjarskiptastöðvar Varnarliðsins við Básenda. Gervihnettir hafa nú leyst þessar stöðvar af hólmi og hafa skerm- arnir staðið ónotaðir í fjögur ár. Hringrás hf. sér um að fella turn- ana og vinna þá í brotajárn. Fjórir Kínverjar með fölsuð vegabréf stöðvaðir á Keflavíkurflugvelli Samverkamenn eru yfirheyrðir DÖNSK yfirvöld neituðu að taka við fjórutn ungmennum af kín- versku bergi brotnum sem stöðvuð voru með fölsuð vegabréf í Flugstöð Leifs Eiríkssonar á þriðjudag og sneru þau aftur hingað til lands í gær. Tveir menn sem voru í för með þeim höfðu fullgild skilríki og komust til Kanada, þar sem þeir voru yfirheyrðir vegna gruns um að vera samsekir um þessa tilraun til að komast ólöglega inn í landið. Kínverjarnir, þrír karlmenn og stúlka, sem eru um tvítugt, höfðu haft nokkurra daga viðdvöl hérlend- is og hugðust halda til Halifax í Kanada á þriðjudag. Með japönsk vegabréf Við vegabréfsskoðun vaknaði grunur um að ekki væri allt með felldu, en fólkið bar japönsk vega- bréf að sögn Gottskálks Ólafssonar aðaldeildarstjóra í tollgæslunni á Keflavíkurflugvelli. Eftir nokkra yfirheyrslu var kölluð til japönsku- mælandi kona sem gat staðfest að þarna væru ekki Japanir á ferð og viðurkenndi þá fólkið að vegabréfin væru fölsuð. Ekki er þörf á vega- bréfsáritun fyrir japanska ferða- menn í mörgum yestrænum lönd- um, þar á meðal íslandi. Gottskálk segir fólkið fullyrða að þau hafi átt að fá afhent kín- versk vegabréf sín eftir að þau kæmust inn í Kanada. „Samverka- menn þessa fólks hafa verið til rannsóknar hjá kanadíska útlend- ingaeftirlitinu um skeið uog þeirra mál eru til frekari skoðunar nú, eftir að þeir voru yfirheyrðir," seg- ir hann. Fólkið var sent til Danmerkur í fylgd íslensks lögreglumanns og tollvarðar en Danir neituðu að taka ábyrgð á Kínverjunum, þar sem þeir höfðu aðeins haft skamma við- dvöl á Kaupmannahafnarflugvelli á leið sinni til íslands. Samkvæmt alþjóðalögum bera þau ríki sem hleypa fólki sem svo er ástatt um innfyrir sín landamæri, ábyrgð á því og kveðst Þorgeir Þorsteinsson sýslumaður á Keflavíkurflugvelli gera ráð fyrir að íslenska ríkið þurfi að greiða fyrir flutning fólksins til Hong Kong, næsta brottfararstaðar á undan Danmörku. „Ef fólk kemst til Bandaríkjanna eða Kanada og er snúið við, því það hefur ekki gild skilríki til að kom- ast inn í þau lönd, er flugfélagið sem flutti fólkið sektað. Flugfélagið óskaði því í þessu tilviki eftir að litið yrði nánar á þetta fólk og þá kom hið sanna í ljós," segir Þorgeir. Haganlegar falsanir Þorgeir segir falsanir vegabréf- anna vel úr garði gerðar og hefði verið erfitt að sjá að þau væru ekki í lagi. „Kínverjarnir hefðu þó senni- lega ekki komist inn í Kanada, þannig að við hefðum hvort sem er þurft að glíma við vandann fyrr eða síðar," segir hanp. Fólkið var afhent Útlendingaeft- irlitinu í Reykjavík eftir komuna til landsins í gær. Ijósmynd/Travis Kelly WSSk e Æmt^i ^-™^^^^^^ ff * r § Éks k joladagskeá í miðbargiwtí ,'"',",,¦;-,; .„_ ö<'":' \ ;" V'~ --SiínrAr—• —!§=¦— ¦ . : .. ••-¦ :-:-¦¦,,,.. BLAÐINU í dag fylgir tólf síðna auglýsingablað þar sem ýmsar verslanir og þjónustufyrirtæki í miðborg Reykjavíkur kynna marg- breytilegt vöruúrval og þjónustu sína. Andlát SIGFUS DAÐASON SIGFÚS Daðason, eitt helsta skáld þjóðarinn- ar, lést á Landspítalan- um í Reykjavík í gær, 12. desember, á sex- tugasta og níunda ald- ursári. Sigfús fæddist 20. maí 1928 í Drápu- hlíð í Helgafellssveit, sonur Daða Kristjáns- sonar bónda þar og Önnu Sigfúsdóttur. Sigfús varð stúdent frá Menntaskólanum í Reykjavík 1951 og lauk háskólaprófi, Licence és-Lettres, frá Háskólanum í París 1959. Hann starfaði sem ritstjóri Tímarits Máls og menningar 1960 til 1976, auk starfa við bókaútgáfu forlagsins til sama tíma. Hann sat í stjórn Rithöfundasambands íslands 1961-65 og í stjórn Bókmenntafé- lags Máls og menning- ar 1962 til 1975, þar af formaður um tíma. Fyrsta ljóðabók Sigfúsar var Ljóð 1947-51, útgefin 1951. Þá kom Hendur og ljóð, útgefín 1959, Fáein ljóð, útgefin 1977, Útlínur bak við minnið, útgefin 1987 og Provence í endursýn árið 1992. Hann skrifaði einnig bókina Maður- inn og skáldið um Stein Steinarr sem út kom 1987. Sigfús starfaði einnig að þýðing- um og má í því sambandi nefna skáldsögurnar Jóhann Kristófer eft- ir Romain Rolland og Þögn hafsins eftir Vercors, og Ijóðabókina Útlegð eftir Saint-John Perse. Sigfús bjó einnig til prentunar Einum kennt - öðrum bent og Ritgerðir 1926- 1959 I—II eftir Þórberg Þórðarson og fyrstu ritverk Þórbergs í óbundnu máli undir heitinu Olíkar persónur árið 1976. Þá gaf Sigfús út bækur Málfríðar Einarsdóttur hjá eigin forlagi, Ljóðhúsi. Sigfús kvæntist Ónnu Brynjólfs- dóttur árið 1954, en þau slitu sam- vistir. Eftirlifandi eiginkona hans er Guðný Ýr Jónsdóttir, en þau gengu í hjónaband árið 1983. 82% telja ofbeldi hafa aukist RÚMLEGA 82% þeirra, sem tóku afstöðu í skoðanakönnun Gallup telja að líkamlegt ofbeldi hafí aukist á síðustu mánuðum en 1% telur það hafa minnkað. Yfirgnæfandi meiri- hluti eða 91% aðspurðra telja að þyngja beri refsingu. Könnunin náði til 1.250 einstakl- inga á aldrinum 15 til 75 ára og svöruðu 75,4%. Fram kom að um 89% kvenna telur að líkamlegt of- beldi hafi aukist og um 75% karla. Hlutfall þeirra sem telja að líkam- legt ofbeldi hafi aukist hækkar eftir aldri fólks. Þannig telja rúmlega 73% þeirra sem eru á aldrinum 15-24 ára að ofbeldi hafí aukist en rúmlega 94% 55 ára og eldri. í
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.