Morgunblaðið - 31.12.1996, Blaðsíða 32

32 ÞRIÐJUDAGUR 31. DESEMBER 1996
MORGUNBLAÐIÐ
Frétta-
myndir af
innlendum
vettvangi
Morgunblaðið/Ásdís
Morgunblaðið/Sverrir
LANGHOLTSSOKN
MIKLAR hræringar voru innan
þjóðkirkjunnar á þessu ári og
voru deilur í Langholtssókn
áberandi. Lyktir deilunnar urðu
þær að séra Flóki Kristinsson,
sem hér sést í þungum þönkum
á kirkjuþingi, hvarf úr starfi
sóknarprests og var ráðinn til
starfa á meginlandi Evrópu. Þar
tók hann við þjónustu við íslend-
inga, einkum í Lúxemborg og
Brussel og á nærliggjandi svæð-
um, hinn 1. október.
Séra Jón Helgi Þórarinsson,
sóknarprestur á Dalvík, tók við
af séra Flóka. Hann hlaut meira
en helming atkvæða og þar með
bindandi kosningu í fyrstu um-
ferð á kjörfundi í sóknarnefnd
Langholtskirkju 13. nóvember.
ÓLAFUR RAGNAR GRÍMSSON
KJÖRINN FORSETI ÍSLANDS
ÓLAFUR Ragnar Grímsson var kjörinn forseti íslands í kosningum
sem fram fóru 30. júní. Hann hlaut 40,9% atkvæða. Pétur Kr. Haf-
stein fékk 29,2% atkvæða, Guðrún Agnarsdóttir fékk 26% og Ástþór
Magnússon fékk 2,6%. Auð eða ógild atkvæði voru 1,3%. Kjörsókn
var 85,9%.
Ólafur Ragnar tók við embætti forseta íslands 1. ágúst þegar
hann vann drengskaparheit að stjórnarskránni og tók við kjörbréfi.
Daginn eftir að úrslit kosninganna lágu fyrir komu á milli þijú og
fimm þúsund manns saman við heimili Ólafs Ragnars og Guðrúnar
Katrínar Þorbergsdóttur, eiginkonu hans, og fögnuðu nýkjörnum
forseta með klappi og húrrahrópum.
Morgunblaðið/Golli
SKAGAMENN TVOFALDIR MEISTARAR
AKURNESINGAR urðu íslandsmeistarar í knattspyrnu fimmta árið
í röð með því að leggja KR-inga að velli 4-1 í sannkölluðum úrslita-
leik á Akranesi. Hér er Sturlaugi Haraldssyni fagnað af áhangendum
Skagamanna.
Áður höfðu Akurnesingar tryggt sér bikarinn með því að leggja
Vestmannaeyinga að velli 2-1. Nýtt gullaldartímabil virðist vera
runnið upp hjá Akurnesingum. Knattspyrnulið þeirra gekk gjarnan
undir nafninu „Gullaldarliðið“ á árunum 1951 til 1965 þegar liðið
varð sex sinnum íslandsmeistari og sjö sinnum í öðru sæti.
Morgunblaðið/Júlíus
ÞRÁTT fyrir að sjór hafi víða
gengið á land upp í stormi sem
gekk yfir landið 21. febrúar varð
tjónið minna en búist hafði verið
við. Ástæða þess var sú að veður-
hæð náði ekki hámarki fyrr en
nokkru eftir háflæði. Stormur
eða rok var um allt land, 9 til
10 vindstig, ofsaveður á stöku
stað og gekk á með éljum um
allt vestanvert landið. í snörpum
vindhviðum mældust 12 vindstig
í Reykjavík.
BETUR FOR EN A
HORFÐIST
Þótt betur hafi farið en á
horfðist urðu nokkrar skemmdir
á mannvirlyum. Bryggja og
hafnargarður Reykhólahafnar
við Breiðafjörð skemmdust og
mikið tjón varð við höfnina í Flat-
ey, tvær jullur brotnuðu og vegg-
ir reykkofa sömuleiðis. Þakplöt-
ur fuku af fjárhúsi í Skagafirði
og fiskvinnsluhúsi á Hellissandi.
Þá gekk sjór sums staðar yfir
vegi og skemmdi þá.
Sjóvarnargarður við skólp-
hreinsistöðina við Mýrargötu í
Reykjavík brotnaði og var það
eina umtalsverða tjónið í höfuð-
borginni. Hér má sjá þegar
bjarga þurfti skúr undan sjó-
ganginum við skolphreinsistöð-
ina við Mýrargötu í Reykjavík,
en í honum var tækjabúnaður
fyrir 1,5 mil\jónir króna.