Morgunblaðið - 03.01.1997, Blaðsíða 13

MORGUNBLAÐIÐ
FÖSTUDAGUR 3. JANÚAR 1997 13
FRÉTTIR
Lokuð inni í hrað-
banka á nýársmorgnn
KONA lokaðist inni í hraðbanka
Islandsbanka í Lækjargötu á ný-
ársmorgun og þurfti að dvelja þar
fram yfir hádegi á nýársdag. Þá
kom annar viðskiptavinur sem átti
erindi í bankann þar að lokuðum
dyrum, varð var við konuna og
gerði lögreglu viðvart.
Að sögn Sigurveigar Jónsdótt-
ur, upplýsingafulltrúa íslands-
banka, hafði hurðin verið spennt
upp og unnin á henni skemmdar-
verk þannig að læsingin bilaði.
Þannig hafi dyrnar verið opnar
þegar konan kom að bankanum
og gekk inn, en síðan lokast að
baki henni.
Það var um kl. 12.20 á nýárs-
dag að lögreglu var gert viðvart
um að konan væri lokuð inni í
bankanum. Lögreglumenn reyndu
að opna en höfðu ekki erindi sem
erfiði og var þá kallaður til starfs-
maður bankans, sem gat opnað
með lykli og hleypt henni út.
Sigurveig heimsótti konuna í
gær, færði henni konfekt og bað
hana afsökunar á óþægindunum
fyrir hönd bankans. Að sögn hafði
henni ekki orðið meint af vistinni
bak við lokaðar dyrnar. Ekki er
vitað nákvæmlega hvað klukkan
var þegar hún lokaðist inni.
Aðspurð hvort ekki væri ráð að
hafa síma í hraðbönkunum, þannig
að hægt væri að gera viðvart ef
viðskiptavinir lokuðust þar inni,
sagði Sigurveig að reynt hefði
verið að hafa þar síma en þeir
hefðu jafnharðan verið skemmdir.
Morgunblaðið/Golli
*
Aramóta-
golf
ÁHUGAMENN um golfíþróttina
hafa notað veðurblíðuna hér á
landi undanfarið til að iðka íþrótt
sína þann stutta tíma sem dags-
birtunnar nýtur við á daginn, en
golfvellir á láglendi sunnanlands
hafa verið marauðir og margir
því notað tækifærið til að slá
hvíta boltann þegar frístund hef-
ur gefist. Á myndinni sjást þeir
Gunnar Halldórsson og Sigurður
Magnússon sem líkt og fleiri golf-
arar hafa iðkað íþrótt sina und-
anfarið á golfvellinum á Þorláks-
höfn, en þar er nú verið að
byggja upp níu holu völl.
51% eignarhlutur ríkisins og Reykja-
víkurborgar í Skýrr hf.
Kaupþingi
falið að und-
irbúa útboð
RÍKI og Reykjavíkurborg hafa
falið Kaupþingi að undirbúa til-
boðsgerð og óska eftir tilboðum í
51% eignarhlut þessara aðila í
Skýrr hf. Að sögn Steingríms Ara
Arasonar, aðstoðarmanns fjár-
málaráðherra, verður væntanlega
auglýst eftir tilboðum á næstu
dögum. Eins og fram kom í Morg-
unblaðinu á gamlársdag hefur
bandaríska tölvufyrirtækið Comp-
uter Sciences Corporation, CSC,
sýnt áhuga á á að kaupa þennan
hluta.
Steingrímur Ari sagði að ráð
væri fyrir því gert að útboðið yrði
í tveimur áföngum. Fyrst yrði ósk-
að eftir áhugasömum aðilum sem
yrði gert að skila lágmarksverðtil-
boði ásamt hugmyndum um fram-
tíð fyrirtækisins. í seinni áfanga
verði þremur þessara aðila gefinn
kostur á að bjóða endanlega í þau
51% af hlut ríkis og borgar sem
selja á.
CSC skili tilboðum
eins og aðrir
„Það er ekkert um þennan
bandaríska aðila að segja frekar.
Hann verður að leggja inn tilboð
fyrir tilgreindan tímapunkt eins
og aðrir. Án þess að gera upp á
milli aðila sjáum við hins vegar
ekkert annað en eftirsóknarvert
við það að fá tilboð frá erlendum
aðila,íl sagði Steingrímur Ari.
Nafnverð hlutafjár í Skýrr hf.
er rúmar 200 m.kr. og nafnvirði
51% er því 102 m.kr. Steingrímur
Ari vildi ekki gefa upp áætlað
markaðsverð.
Alls er áformað að selja 56%
hlutafjár í Skýrr því auk þeirra
51% sem sett verða á markað
stendur starfsmönnum til boða að
kaupa 5%.
280 milljarða velta
Eins og fram hefur komið var
fulltrúi Computer Sciences
Corporation (CSC) staddur hér á
landi fyrir skömmu til viðræðna
við forráðamenn Skýrr. Athugun
fyrirtækisins beinist m.a. að því
hvaða ávinningur sé mögulegur
af hugsanlegu samstarfi við Skýrr
hf. og hvernig nýta megi reynslu
fyrirtækisins af verkefnum fyrir
opinbera aðila á íslandi á öðrum
sviðum. Innan CSC er í undirbún-
ingi skýrsla um Skýrr og er búist
við að þráðurinn verði tekinn upp
aftur nú snemma í janúar.
CSC var stofnað fyrir 35 árum
og er eitt stærsta sjálfstæða fyrir-
tæki heims á sviði upplýsinga-
tækni þ.á.m. við hönnun, þróun
og rekstur tölvukerfa. Það annast
t.d. fjölmörg verkefni fyrir banda-
rísk stjórnvöld og hefur gert
tæknilega samstarfssaminga og
tölvurekstrarsamninga við ýmsa
aðila mjög víða í heiminum. Hefur
það annast mörg af flóknustu
verkefnum á þessu sviði í heimin-
um, t.d. fyrir flugmálayfirvöld í
Bandaríkjunum, geimferðaáætlun
Bandaríkjanna, skattyfirvöld í
Evrópu og Seðlabanka Bandaríkj-
anna. Nemur árleg velta þess um
4,2 milljörðum bandaríkjadala sem
svarar til 280 milljarða íslenskra
króna.
Styrkur veittur
til tannréttinga
HEILBRIGÐISRAÐHERRA hefur
gefið út reglur um þátttöku í
kostnaði við tannlækningar vegna
alvarlegra afleiðinga af fæðing-
argöllum, sjúkdómum og slysum.
Samkvæmt reglugerðinni veita
sjúkratryggingar styrk vegna
kostnaðar við tannréttingar barna
og ungmenna 20 ára og yngri en
hingað til hafa sjúkratryggingar
aðeins tekið þátt í tannréttingum
þeirra, sem fallið hafa undir alvar-
leg tilvik.
Tryggingaráð mun setja reglur
um hversu hár styrkurinn verður,
sem sjúkratryggingar greiða
vegna alvarlegra afleiðinga af
fæðingargöllum, sjúkdómum og
slysum. Þórir Haraldsson aðstoð-
armaður heilbrigðisráðherra vildi
ekki nefna upphæð en sagði að
verið væri að skoða hvaða aðferð
ætti að beita við greiðslu styrks-
ins. Til greina kæmi að veita
ákveðna krónutölu í styrk eða að
breyta gjaldskrá fyrir tannrétting-
ar, sem Tryggingastofnun miðar
við og greiða þá ákveðinn hluta
af kostnaðinum.
„Hingað til hefur þátttaka al-
mannatrygginga i tannréttingum
verið bundin við alvarlegustu til-
feilin og svo verður áfram,“ sagði
hann. „Kostnaður við tannrétting-
ar er talsvert mismunandi miili
sérfræðinga. Menn beita mismun-
andi vinnubrögðum og nákvæmnin
er mismikil. Þegar búið er að út-
færa styrkinn þá geta allir sem
þurfa á tannréttingum að halda
fengið styrk. Áður var greitt eftir
því hversu alvarleg skekkjan var.“
Útsalan er hafin
Mj ö g m i k i 11 a f s l á t t u r
EeldufeUi 2,
sími SS71730.
TILKYNNING UM ALMENNT SKULDABREFAUTBOÐ
HÚSNÆÐISSTOFNUN RÍKISINS
Byggingarsjóður verkamanna, kt. 460169-2329
Suðurlandsbraut 24,108 Reykjavík
ÚtboðsQárhæð:
1.000.000.000 kr.
Flokkur
Útgáfúdagur 1. janúar 1996
Fyrsti söludagur 3. janúar 1997
Lánstfmi Fyrsti gjalddagi
1. fl. 1996
2. fl. 1996
24 ár
42 ár
01.01.1999
01.01.1999
Upphæð
Óákveðin lokastærð
Óákveðin lokastærð
Skuldabréfin bera fasta vexti 2,7%
Skuldabréfin eru verðtryggð skv. vísitölu neysluverðs.
Grunnvísitala 174,2 stig.
Frekari upplýsingar um útgefanda má nálgast hjá söluaðilum.
Ávöxtun:
1. fl. 1996. Ávöxtunarkrafa verður á hveijum tíma miðuð við
meðaltal kaupávöxtunarkröfú í nýjasta 25 ára húsbréfaflokk inn
í hús hjá öðrum verðbréfafyrirtækjum en Kaupþingi hf. og
Kaupþingi Norðurlands hf., að ffádregnum 0,02%.
2. fl. 1996. Ávöxtunarkrafa verður á hveijum tíma miðuð við
meðaltal kaupávöxtunarkröfú í nýjasta 25 ára húsbréfaflokk inn
í hús hjá öðrum verðbréfafyrirtækjum en Kaupþingi hf. og
Kaupþingi Norðurlands hf., að frádregnum 0,10%.
KAUPÞING HF.
-Löggilt verðbréfafyrirtœki-
ééVCAUPÞING
NORÐURLANDS HF
-LSggilt verSbrifafyrirtaekt-