Morgunblaðið - 12.01.1997, Blaðsíða 16

Morgunblaðið - 12.01.1997, Blaðsíða 16
16 SUNNUDAGUR 12. JANÚAR 1997 MORGUNBLAÐIÐ LISTIR Kvikmyndaleik- stjórargagn- rýna Reykjavík AÐALFUNDUR Samtaka kvik- myndaleikstjóra, sem haldinn var á dögunum, samþykkti einróma að vekja athygli á því að „kvikmynda- listin er nánast alveg útundan þegar litið er til menningarstarfsemi Reykjavíkurborgar," svo sem það er qrðað. „í borginni starfa leikhús og sýn- ingarsalir, sem Reykjavíkurborg ýmist rekur eða tekur þátt í að reka, en á sviði kvikmynda er ekkert kvik- myndahús sem leggur metnað sinn í að kynna og sýna kvikmyndir sem list, eða þjónar því hlutverki sem „cinematek" gera meðal nágranna- landanna .. . Og þegar kemur að kvikmyndaframleiðslunni sjálfri, hefur borgin ekki svarað kalli nýs tíma og tækni því kvikmyndagerð er hvergi nefnd á nafn þegar menn- ingarstarfsemi borgarinnar ber á góma," segir ennfremnur í sam- þykktinni. Vísar fundurinn í plagg sem sam- tökin sendu frá sér á liðnu hausti, þar sem lagt var til að Reykjavíkur- borg tæki þátt í kvikmyndasköpun í landinu með árlegum framlögum í sérstakan sjóð, Kvikmyndasjóð Reykjavíkur, sem hefði það hlutverk helst að styrkja nýsköpun í kvik- myndagerð og verk þeirra sem eru að ýta úr vör, auk þess sem hluti af tekjum sjóðsins yrði látinn renna til reksturs sérstaks sýningarhúss, sem hefði það hlutverk að auka á fjölbreytni þeirra kvikmynda sem í boði eru og sýna myndir íslenskra höfunda. í framhaldi af þessari tillögu gekk stjórn Samtaka kvikmyndaleikstjóra á fund borgarstjóra, að því er segir í samþykkt aðalfundarins. Var at- hygli borgarstjóra vakin á að kvik- myndalist væri „ein listgreina al- gjörlega hornreka hvað viðkemur framlögum borgarinnar til lista". í samþykkt aðalfundarins kemur fram að borgarstjóri hafí tekið vel í erindið en engu að síður „kennir þess engin merki að þessi fundur hafi átt sér stað, þegar nýsamþykkt fjárhagsáætlun Reykjavíkur, fyrir árið 1997, er skoðuð." Of djúpt í árinni tekið Ingibjörg Sólrún Gísladóttir borg- arstjóri segir of djúpt í árinni tekið að kvikmyndalistin sé nánast alveg útundan þegar litið sé til menningar- starfsemi Reykjavíkurborgar. „Við höfum styrkt meðal annars árlega stuttmyndahátíð í borginni og lagt til verðlaunin sem þar eru veitt. Það má hins vegar segja að miðað við margar aðrar listgreinar þá verji borgin minna fé til kvikmyndagerð- ar enda miðast styrkir til listastarf- semi við að verið sé að standa fyrir viðburðum beinlínis fyrir borgarbúa. Eina undantekningin frá því er Sin- fóníuhljómsveitin en það er sam- kvæmt lagaskyldu." Ingibjörg Sólrún segir að það sé meira en að segja það að koma á fót sérstökum kvikmyndasjóði. Sam- tök kvikmyndaleikstjóra hafi lagt til að stofnað yrði til Kvikmyndasjóðs Reykjavíkur í áföngum á fjórum árum með árlegri viðbót sem næmi 30 milljónum króna. í fullri stærð rynnu þannig til sjóðsins 120 milljón- ir á ári. „Það má auðvitað spyrja sig hvort slík sjóðsstofnun sé hlutverk borgarinnar og sveitarfélaganna, sem einbeita sér að staðbundinni listastarfsemi, eða ríkisins, sem ein- beitir sér að listastarfsemi á lands- vísu? Það er hins vegar sjálfsagt að skoða þetta mál enda hafnar maður aldrei hugmyndum alfarið." Um fund sinn með stjórn Samtaka kvikmyndaleikstjóra segir borgar- stjóri, að það sé síður en svo sjálfgef- ið að fjárframlög komi út úr slíkum fundum. „Þeir komu til að kynna sinn málstað og ég tók þeim auðvit- að vel, einsog ég tek öllum sem til mín koma. Ég sagði þeim hins vegar að á okkur stæðu ýmis spjót í menn- ingarmálum, nefni ég þar Leikfélag Reykjavíkur og Listaháskóla, og þessa hluti yrði að skoða í sam- hengi. Reykjavíkurborg getur ekki hrist fram fé eins og ekkert sé." Háa C-ið sem bræðir ís KRISTJÁN Jóhannsson óperu- söngvari fékk lofsamlega umsögn í blaðinu Berliner Kuríer fyrir söng sinn í óperunni II Trovatore eftir Giuseppi Verdi á sviði Deutsche Oper í Berlín. í blaðinu sagði að ekki væri „vottur af íslenskum kulda í rödd" hans. Uppfærsla hins alræmda Hans Neuenfels frá árinu 1996 hefði litla hrifningu vakið, en öðru máli gegndi um sönginn: „Það var fyrst og fremst að þakka Kristjáni Jóhannssyni, sem söng aðalhlut- verk hetjunnar Manricos." Kristján sneri aftur til Berlínar nú um áramótin og söng í tveimur sýningum. Sagði í Berliner Kuríer að „tenórnum af heimskautaslóð- um tækist með fögrum söngtónum sínum að bræða klakaböndin af uppfærslunni: „Sjaldan hefur háa C-ið heyrst ljóma jafn skært og í lágu köflunum hinn bræðandi máttur þessarar dýrlegu raddar jafn vel og hjá Kristjáni Jóhanns- syni." Sagði að Kristján hefði greini- lega haft gott af að búa í ítalíu og læra list hins hvatvísa söngs. í lok umsagnarinnar er tekið fram að Kristján, sem á næstunni tekur við af Luciano Pavarotti í Grímudansleiknum eftir Verdi í Metropolitan-óperunni í New York, hafi einsett sér eitt: „Að syngja betur en Luciano!" Dýrgripir fyrir alla SAFNVÖRDUR í Fitzwilliam- safninu í Cambrigde tekur utan af verki impressjónistans Renoirs, „La Place Clichy" (Clichy-torg) í salarkynnum Christie's uppboðs- haldaranna í London. Þeir fengu myndina og 150 önnur verk að láni á á sýningu sem nef nist „Dýr- gripir fyrir alla" en þar getur að líta verk eftir marga helstu meist- ara málaralistarinnar. Niflungahringur Wagners í Norræna húsinu RICHARD Wagner félagið á ís- landi mun hefja sýningar á Nifl- ungahring Richards Wagners í Norræna húsinnu sunnudaginn 12. janúar kl. 15. Við samningu Niflungahringsins leitaði Ric- hard Wagner mjög fanga í ís- lenskum fornbókmenntum svo sem Eddukvæðum,_Snorra-Eddu og Völsungasögu. Útkoman varð lengsta verk óperusögunnar, sem í raun er fjórar óperur: Rín- argullið, Valkyrjan, Sigurður Fáfnisbani og Ragnarök og taka þær samanlagt um 16 tíma í flutningi. Sýnd verður ein ópera í einu með mánaðar millibili og verða sýningarnar annan sunnudag hvers mánaðar frá janúar fram í apríl og hefjast alltaf á sama tíma. Á undan hverri sýningu munu þau Anna M. Magnúsdótt-* ir og Reynir Axelsson halda stuttan fyrirlestur með tóndæm- um þar sem leiðsögustef óp- eranna eru kynnt. Á undan sýn- ingunni á Rínargullinu á sunnu- daginn kemur munu þau auk þess rekja í stuttu máli ferilinn við samningu verksins. Sýnt verður af geisladiski á stórum sjónvarpsskermi og verð- ur enskur skjátexti. Uppfærslan sem sýnd verður gekk í Bayre- uth á árunum 1988-1992 undir stjórn Daniels Barenboims og Harrys Kupfers. í helstu hlut- verkum í Rínargullinu eru John Tomlinson, Gunter von Kannen, Graham Clark, Helmut Pampuch, Linda Finnie og Eva Johannsson. •HART er nú deilt í Danmörku um staðsetningu Konunglega leikhússins. Það stendur við Kóngsins Nýjatorg og fyrír rúm- um tveimur árum var samþykkt að byggja við húsið. Deilurnar risu í fyrra er Norðmaðurinn Sverre Fehn bar sigur úr býtum í samkeppni um viðbyggingu hússins en í tillögunni var gert ráð fyrir því að reist yrði bygg- ing úr gleri og steypu utan um gamla leikhúsið og að byggt yrði yfir Tordenskjoldsgötu. Um 4.500 manns sendu inn formleg mótmæli og hefur ekki enn ver- ið tekin endanleg afstaða til þess hvort bygging Fohns muni rísa. Stjórnmálaflokkarnir eru klofnir í afstöðu sinni og því hefur verið lagt til að reist verði nýtt leikhús og hafa ýmsar lóðir við höfnina verið nefndar. •ÞAÐ hefur vakið athygli margra leikhúsunnenda að Kon- unglega þjóðleikhusið í Bret- landi hefur aldrei sett upp verk eftir hið umdeilda breska leik- skáld Howard Barker. Hins veg- ar keppast leikhús víðs vegar um heim við að setja upp verk hans. Hefur nokkrum leikhús- mönnum ofboðið sinnuleysið og fyrir nokkrum árum var stofhað leikhús með það að markmiði að sýna verk Barkers en þau eru alls á fjórða tug. Danir eru á meðal helstu aðdáenda hans og hafa allnokkur verk Barkers verið sýnd þar í landi. Fyrir nokkrum dögum var frumsýnt á litla sviði Konunglega leik- hússins nýjasta verk hans, „Hated Nightfall", en það fjallar um morðið á rússnesku keisara- fjölskyldunni árið 1918.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.