Morgunblaðið - 09.02.1997, Qupperneq 14

14 SUNNUDAGUR 9. FEBRÚAR 1997
MORGUNBLAÐIÐ
HANDKNATTLEIKUR
Handknattleikur er 5.
vinsælasta íþróttagrein-
in í Þýskalandi og marg-
ir af bestu handknatt-
leiksmönnum heims
leika með þýskum lið-
um, 1. deildin er sögð
sú sterkasta í heimi eins
og Steinþór Guð-
bjartsson fékk að heyra
í spjalli við Róbert Sig-
hvatsson um veruna hjá
Schutterwald.
Róbert, sem verður 25 ára í
haust, hefur ekki lengi verið
í sviðsljósinu. Hann lék með Víkingi
þar til hann var 19 ára en þegar
Guðmundi Guðmundssyni var vikið
úr þjálfarastöðu meistaraflokks fé-
lagsins fór hann með honum til
Aftureldingar í Mosfellsbæ og
þakkar honum árangurinn.
„Við vorum eitt ár í 2. deild en
þegar liðið vann sér sæti í 1. deild
sagði Guðmundur að ég gæti átt
mikla framtíð fyrir mér ef ég legði
hart að mér,“ sagði línumaðurinn,
sem var valinn í landsliðið á ný í
æfingaleikjunum tveimur við Þjóð-
veija í Þýskalandi á dögunum eftir
að hafa misst af leikjunum í undan-
keppni heimsmeistaramótsins fyrir
áramót. „Hann lagði mikla vinnu í
að efla mig og bæta, ég fór að ráð-
um hans og framfarirnar létu ekki
á sér standa."
Landsliðið opnaði dymar
Ekki er hlaupið að því að komast
í atvinnumennsku í íþróttum en
draumurinn rættist hjá línumannin-
um eftir að landsliðið hafði tekið
þátt í æfingamóti í Japan í fyrra
og staðið upp sem meistari í keppn-
inni. Þá fluttist hann til Þýskalands
ásamt eiginkonu sinni, Jóhönnu
Jónsdóttur, íþróttakennara.
„Mér skilst að flest þýsku liðin
hafí fengið leiki mótsins á mynd-
bandi auk þess sem sýnt var frá
keppninni í sjónvarpi. Deildin er
ótrúlega sterk og liðin virðast hafa
öll spjót úti til að reyna að fá leik-
menn. I kjölfar keppninnar í Japan
fékk ég tilboð frá nýliðum Fred-
enbeck og fór þangað með Héðni
Gilssyni en Schutterwald vildi líka
líta á mig og liðið varð fyrir valinu.
Eg gerði samning til þriggja ára
sem er uppsegjanlegur þegar ár
verður eftir en mér líkar þetta vel
og reyni að vera hérna eins lengi
og ég get. En ljóst er að keppnin
í Japan gaf mörgum mönnum tæki-
færi og ég er einn þeirra.“
Gtfurlegur áhugi
Innan íþróttasambands Þýska-
lands eru 57 íþróttasambönd og
samkvæmt nýjustu iðkendatölum
er handboltinn í fímmta sæti með
832.232 iðkendur en samsvarandi
tala var 826.757 í fyrra og um
823.000 fyrir tveimur árum. Knatt-
spyma er vinsælasta greinin með
5.878.41 iðkendur. Síðan koma fím-
leikar (4.646.068), tennis
(2.292.659) og skotfimi (1.558.971)
en frjálsíþróttir eru í sjötta sæti og
næst í röðinni em borðtennis, hesta-
íþróttir, skíði og sund.
Eftir fyrri hluta líðandi tímabils
höfðu 319.472 áhorfendur séð leik-
ina 120 sem er met í 16 liða deild-
inni en áhorfendum hefur fjölgað
jafnt og þétt undanfarin fímm ár
og hafa verið 2.662 að meðaltali á
leik í vetur. Schutterwald er í 10.
sæti hvað þetta varðar með 2.355
áhorfendur að meðaltali á heima-
leik. Kiel hefur mikla yfirburði með
7.162 áhorfendur að meðaltaii, en
síðan koma Grosswallstadt (3.387),
Flensburg-Handewitt (3.271) og
Nettelstedt (3.050). Fæstir hafa
verið hjá Dormagen (1.085) en
meðaltal hjá öðrum liðum er frá
1.762 til 2.514 manns.
Morgunblaðið/Steinþór Guðbjartsson
RÓBERT Sighvatsson kom inn í landsliðið á ný á dögunum og býr sig hér undir átökin í Þýskaiandi.
Hver leikur eins
♦
og landsleikur
„Áhuginn á deildinni er gífurleg-
ur og hún fær góða auglýsingu
enda er uppselt á flesta leiki sem
hefur mjög jákvæð áhrif. Erlendir
leikmenn eru fleiri en áður, stjörn-
urnar glitra og sjónvarpið beinir
kastljósinu að íþróttinni. Schutt-
erwald nýtur þess að vera eina 1.
deildar félagið á suðursvæði lands-
ins. Undanfarin ár hefur liðið rokk-
að á milli deilda en nú virðist vera
komið ákveðið jafnvægi og menn
vona að það haldi sér í deildinni.
Við höfum spilað heimaleikina í
þremur höllum og alltaf er fullt
hús. Metið var þegar við fengum
Grosswallstadt í heimsókn fyrir ára-
mót. Leikurinn fékk góða kynningu,
ekki síst í Frakklandi, og komu
margir Frakkar til að sjá Jackson.
Við lékum í höll sem er gefín upp
fyrir um 5.000 áhorfendur en talan
fór í um 6.000 rnanns."
Engar afsakanir
Róbert sagði að veturinn hefði
verið öðruvísi en hann hafði áður
kynnst, meira álag, meiri spenna,
fleiri verkefni.
„Undirbúningstímabilið var mjög
erfítt en þó almennar æfíngar séu
svipaðar og heima æfum við yfir-
leitt tvisvar á dag í tvo tíma í senn.
Við erum allir atvinnumenn og menn
gefa sig 100% í æfingar, afsakanir
eru ekki teknar til greina. Það er
langt í alla útileiki, minnst fímm
tíma akstur og lengst 13 til 14 tíma
akstur. Liðið hafði alltaf farið daginn
áður í útileik en ekki fagnað sigri á
útivelli fyrr en leikið var í Minden.
Þangað er átta tíma akstur, við fór-
um beint í leikinn og sigruðum.
Sami háttur var hafður á í heimsókn-
inni til Hameln en þangað er níu
tíma akstur. Við gerðum jafntefli
og með úrslitin í huga er eins líklegt
að sami háttur verði hafður á í
næstu útileikjum. Þá fæ ég meiri
tíma í þýskunámið en annars er allt-
af nóg að gera og dagurinn fljótur
að líða. í frítímanum þarf ég að
mæta í ýmis skylduverkefni til að
kynna félagið. Eg er sendur í versl-
anir til að gefa fólki eiginhandarárit-
anir, þarf að mæta í mót og svo
framvegis. Því er ekki tími til að
láta sér leiðast en vissulega hafa
komið tímar sem við höfum viljað
vera heima í faðmi fjölskyldunnar.“
Schutterwald er í 12. sæti með
13 stig eins og Rheinhausen en liðin
mætast um helgina.
„Liðin í deildinni eru geysilega
jöfn og má segja að 10 lið geti fall-
ið en staðan skýrist betur á næst-
unni. Spenna er mikil fyrir hvem
leik og þó ávallt sé mætt með því
hugarfari að sigra er það auðveldara
sagt en gert. Enn ber þó nokkuð á
heimadómgæslu sem hefur lengi við-
gengist í Þýskalandi en umræðan
um hana er þó nokkur. Eftir því
hefur til dæmis verið tekið að ungir
tvíburar dæma oft hjá Minden og
liðið sigrar alltaf þegar þeir dæma.
Mikil harka er leyfð í vöm sem sókn
og til dæmis kemst línumaður upp
með ólöglegar hindranir. Þetta er
allt öðruvísi en á íslandi en íslensku
dómaramir eru betri en þeir þýsku
þó mjög illa sé talað um þá.“
Róbert segir að leikmenn og lið
sitji undir miklu álagi. „Ef vel geng-
ur á móti liði sem er ofar í stigatöfl-
unni em menn hafnir upp til skýj-
anna en rakkaðir niður í kjölfar taps
á móti liði neðar í töflunni. Ég hef
siglt lygnan sjó að þessu leyti og
liðið hefur fengið minni gagnrýni
en önnur lið. Samt má ekkert út af
bregða, baráttan er mikil og hver
leikur er sem landsleikur.“