Morgunblaðið - 09.02.1997, Blaðsíða 40

40 SUNNUDAGUR 9. FEBRÚAR 1997
MORGUNBLAÐIÐ
PI«rr@ainl»W»í®>
s
Dýraglens
( (TiViY* iri po />ETTA ER «6 Ó6N1//ENLM-V § (4SW <3rU»A SBM tG HEF5E&D s / 71j/MOR N yiATAKPALLUR. )
1 nT 1
íLJím m&Æ 1 o * O
^ CNj ° N 0

t ’ t í~k va-— — E j
s
Tommi og Jenni
Ferdinand
Smáfólk
/- //- 97
VOU JU5T DOKl'T
1/NDER5TAND, DO VOU?

Þú skilur bara ekki, er það?
BREF
TIL BLAÐSINS
Kringlan 1103 Reylgavik • Sími 5691100 • Simbréf 569 1329
• Netfang:lauga@mbl.is
Um ruglið í
ráðherranum og
kvótakerfið
Frá Páli Jóhannessyni:
Á UNDANFÖRNUM áram hefur
átt sér stað mikil kvótaskerðing
þ.e.a.s. aflaheimildir fiskiskipa
hafa verið skertar stórkostlega á
hverju ári. Þetta var gert til upp-
byggingar fyrir fiskistofnana hér
heima. Þegar menn sáu hvert
stefndi var farið að stunda veiðar
á karfa á Reykjaneshrygg, hinum
svokallaða úthafskarfa.
Þessar veiðar stunduðu sumar
útgerðir af miklu kappi svona til
að láta enda ná saman, vegna
samdráttar á veiðum heima fyrir.
Þarna fómuðu menn sér og lögðu
mikla vinnu og ijármuni til að ná
tökum á veiðunum. Má segja að
árangurinn sé veralega athyglis-
verður. Ekki stóð á því að hinir
ýmsu fræðingar og stjómmála-
menn þjóðarinnar stæðu upp og
klöppuðu mönnum á bakið og
hvöttu þá til þess að stunda þess-
ar veiðar. Lofuðu þá duglegustu.
Eitt ætti þó öllum að vera ljóst
að ekki geta stjórnvöld þakkað sér
þann árangur sem þama hefur
náðst. Þann árangur eiga sjómenn
og útgerðarmenn allan heiðurinn
af.
Vegna þessa gífurlega afla sem
tekinn er þama bæði af íslending-
um og öðram þjóðum var því ekki
óeðlilegt að kvóti yrði settur á
veiðarnar. Kvótasetning var sett á
svona rétt til þess að hafa stjórn
á hlutunum þ.e.a.s. til verndar
stofninum. Sennilega ættu allir að
vera sammála um að það hafi ver-
ið skynsamlegt, svo ekki illa færi.
Kjaftshögg í andlitið
Nú þegar er búið að úthluta
kvóta á skip samkvæmt veiði-
reynslu. Því þótti það ekki óeðli-
legt að þær útgerðir sem stundað
hafa þessar veiðar hvað mest yrðu
látnar njóta þess við úthlutun. Það
má því segja að það hafi verið
eins og að vera sleginn utanundir
með blautum vettlingi þegar
hæstvirtur sjávarútvegsráðherra
tilkynnti að útgerðir sem fengju
úthlutað aflaheimildum á úthafs-
karfa yrðu að afsala sér 8% af
úthlutuðum þess kvóta, hér á
heimamiðum. Það á sem sé að
refsa mönnum grimmilega fyrir
að hafa lagt sitt af mörkum við
að gefa fiskinum frið hér heima,
meðan á uppbyggingu fiski- stofn-
anna stæði. Refsingin er ekki bara
gegn útgerðarmönnum heldur
langar mig að benda á að sjómenn-
irnir eiga líka hlut að máli. Hags-
munir mörghundrað sjómanna era
ekki síður miklir.
Vegna þessara vafasömu gjörn-
inga ráðherranns get ég ekki var-
ist þeirri hugsun að það gæti orð-
ið hættulegt ef samið yrði um
veiðar í smugunni. Trúlega myndi
ráðherrann kóróna allt raglið með
því að skerða aflaheimildir þeirra
hér heima svona til að vera sjálfum
sér samkvæmur.
Ekki kæmi það heldur á óvart
þótt veiðireynsla sem menn hafa
náð sér í á Flæmingjagranni ætti
eftir að koma enn frekar í bakið
á þeim mönnum. Og sem fyrr
hafa ráðamenn ekkert lagt neitt
af mörkum til eflingar á veiðum
á fjarlægum miðum.
Adam var ekki lengi í Paradís
Þegar yfírstandandi kvótaár
gekk í garð voru aflaheimildir á
þorski auknar í fyrsta sinn síðan
kvótinn var settur á. Árangur
áralangrar friðunar sögðu físki-
fræðingar. En Adam var ekki
lengi í Paradís því ætli auknar
aflaheimildir drukkni ekki í rugl-
inu þegar upp er staðið hjá þeim
sem hafa verið sem duglegastir í
úthafskarfanum. Einhvern veginn
finnst mér vinnubrögð af þessu
tagi bera vott um það að ekki sé
þorandi fyrir sjómenn og útgerð-
armenn að vera of duglegir að
bjarga sér. Þeim er bara refsað í
staðinn.
Er vælið í Arthúri farið að
skila árangri?
Fíflagangur af svona tagi fær
mann til að spyija sig þeirrar
spurninga, hvers vegna verið sé
að refsa mönnum með þessum
hætti? Það skyldi þó ekki vera að
það ætti að færa smábátasjómönn-
um þann kvóta sem þarna á að
sparast til þess eins að hafa þá
góða. Nema kannski það eigi að
verðlauna hina sem ekki höfðu vit
á því að reyna bjarga sér þegar
harðnaði á dalnum?
Maður er farinn að halda að
vælið í Arthúri Boga og Erni Páls
sé farið að skila sér í taugaveikluð-
um ákvörðum ráðherrans. Ekki
ætla ég að gera lítið úr verkum
þess mæta manns Arthúrs Boga-
sonar sem hefur lyft Grettistaki
fyrir smábátasjómenn. Það getur
hins vegar aldrei talist eðlilegt að
skerða aflaheimildir eins til að
færa öðrum. Það sem við íslend-
ingar þurfum er ábyrgt fískistjórn-
unarkerfí stjórnað af ábyrgum
aðilum.
Meðan menn stjórna eins og nú
er gert er ekki von á góðu. Það
er engu líkara en þeir séu með
hendumar bundnar fyrir aftan bak
eða eins og einn vinur minn sagði:
þetta er eins og að vera alltaf með
kúkinn í buxunum.
PÁLL JÓHANNESSON,
togarasjómaður, Bröttuhlíð 8,
603 Akureyri.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskiiur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.