Morgunblaðið - 09.02.1997, Síða 56

MORGUNBLAÐIÐ, KRINGLAN 1, 103 REYKJAVÍK, SlMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.1S / AKUREYRI: KA UPVANGSSTRÆTl 1
SUNNUDAGUR 9. FEBRÚAR1997
VERÐ í LAUSASÖLU 125 KR. MEÐ VSK

Varðskipið Ægir tekur þátt í veðurmælingum langt suður í hafi
Áhöfn varð
ekki svefnsamt
vegna „barsmíða“
SH opnar
skrifstofu
í Moskvu
SÖLUMIÐSTÖÐ hraðfrystihús-
anna hyggst opna söluskrifstofu í
Moskvu. Starfsmenn þar verða til
að byija með eingöngu rússneskir.
Að sögn Friðriks Pálssonar, for-
stjóra SH, eru tveir menn nú á veg-
um SH í Moskvu, en að ferð þeirra
lokinni skýrist hvenær af opnun
skrifstofunnar getur orðið.
SH var í áratugi með mikil við-
skipti við gömlu Sovétríkin, sem að
sögn Friðriks duttu að mestu niður
frá 1990-91, þótt þau hafí aukist á
nýjan leik upp á síðkastið.
VARÐSKIPIÐ Ægir er nú á leið-
inni frá Cork á írlandi að hafsvæð-
inu 900-1.000 sjómílur suður af
Islandi. Þar tekur skipið þátt í
veðurathugunarmælingum á veg-
um alþjóðlegrar stofnunar á sviði
veðurathugana. Helgi Hallvarðs-
son, yfirmaður gæslufram-
kvæmda hjá Landhelgisgæslunni,
segir að verkefnið hafi gengið vel
þrátt fyrir mikið óveður mestan
hluta tímans. Ymislegt smálegt
gekk úr skorðum um borð vegna
veltingsins og nefnir Helgi sem
dæmi, að lappirnar undir eldavél
skipsins hafi verið orðnar lúnar
þegar skipið kom til Cork. Þar var
lappað upp á vélina.
Helgi segir að mest hafi komið
á óvart hve öldurnar eru krappar
á þessum árstíma. „Við töldum að
langt væri á milli aldna vegna
þess hve djúpt úti í hafi svæðið
er en þær eru í raun mjög krapp-
ar. Það hefur farið alveg upp i
fárviðri. Þarna hefur verið allt
upp í 13 gráða lofthita og sjórinn
er 11-12 gráða heitur. Það hefur
verið mikill veltingur og högg
þegar sjórinn er svo brattur og
lítið um svefn hjá áhöfninni þegar
þær barsmíðar stóðu sem hæst.
Þó lætur skipið miklu betur í sjó
eftir að ný slingubretti voru sett
á það,“ sagði Helgi.
Landkröbbum til upplýsingar
skal tekið fram, að slingubretti
eru eins konar armar út úr skips-
skrokknum fyrir neðan sjólínu og
hafa það hlutverk að draga úr
veltingi.
Hlutverk skipverja er m.a. að
koma á loft veðurbelgjum og seg-
ir Helgi að það hafi gengið dálítið
brösuglega. Reyndar sé gert ráð
fyrir 10% afföllum af belgjum við
veðurathuganir á þessu svæði.
Helgi sagði að þrátt fyrir að
slæmt hefði verið í sjóinn hefði
sjóveikin greinilega ekki lagst
þungft á menn. „Það varð að
minnsta kosti enginn eftir í Cork.
Þeir geta ekki verið illa haldnir
ef þeir láta sig hafa það að fara
aftur á þessar slóðir.
Halldór Nellett, skipherra á
Ægi, sagði mér reyndar að hann
hefði búist við að menn gætu
vart staðið í lappirnar vegna
sjóriðu þegar þeir komu til
Irlands, en þeir fóru víst létt með
að fóta sig þar.“
ÞESSI sjón blasti oft við skipverjum á varðskipinu
Ægi þegar skipið var við veðurathuganir um 1.000
Siglt inn í ölduvegg
Morgunblaðið/Halldór Nellett
sjómílur suður af Islandi. Hár ölduveggurinn reis
ógnandi fyrir framan skipið, sem kastaðist til og frá.

Ríkisfangslaus íslensk-dóminísk stúlka kemst ekki heim til Islands aftur
Óheimil dvöl í þriðja
landi á leiðinni
ÍSLENSKUR faðir, dóminísk móðir
og fjögurra mánaða gömul dóttir
þeirra, sem fædd er hér á landi, eru
strandaglópar í Santiago í Dóminíska
lýðveldinu, þar sem þau hafa verið
í heimsókn hjá fjölskyldu konunnar,
og komast ekki til baka til íslands.
Utanríkisráðuneytið vinnur í málinu
og kveðst Bjami Sigtryggsson sendi-
ráðsritari bjartsýnn á að fjölskyldan
komist heim fljótlega.
Barnið hefur hvorki íslenskan né
dóminískan ríkisborgararétt, sökum
þess að lög um ríkisborgararétt í
heimalöndum foreidranna stangast
á og foreldrarnir eru ekki giftir.
ítarlega var greint frá þessu mis-
ræmi í lögunum í Morgunblaðinu í
nóvember sl.
Þar sem barnið er ríkisfangslaust
fékk það ekki vegabréf og því gaf
Útlendingaeftirlitið út handa því svo-
kölluð ferðaskilríki áður en fjölskyld-
an fór út. Að sögn Bjarna heimila
ferðaskilríkin ferð milli_ tveggja
landa, í þessu tilviki milli íslands og
Dóminíska lýðveldisins með endur-
komurétti til íslands. Hins vegar
heimila þau ekki dvöl í þriðja landinu
á leiðinni og er yfirleitt ekki hægt
að fá áritun til þriðja lands í þess
háttar ferðaskilríki.
Þar sem ekki er beint flug frá
íslandi til Santiago þurfti fjölskyldan
fýrst að fljúga til Fort Lauderdale,
þar sem hún gisti eina nótt áður en
flogið var áfram til Santiago. Þá kom
í ljós að litla stúlkan hafði ekki heim-
ild til að hafa viðdvöl í Bandaríkjun-
um þar sem hún hafði ekki vega-
bréfsáritun. Þau fengu þó að halda
áfram til Santiago gegn því að greiða
sekt en nú þegar þau hyggja á heim-
ferð komast þau ekki úr landi, sökum
þess að þau þurfa að fara sömu leið
til baka, þ.e. með viðkomu í Banda-
ríkjunum.
Bjarni Sigtryggsson kveðst hafa
haft samband við sendiráð Islands í
Washington og falið því að hafa sam-
band við Þóri Gröndal, ræðismann
íslands á Miami. Hann hafi verið
beðinn um að vera fjölskyldunni inn-
an handar með því að ræða við út-
lendingaeftirlitið þar þegar ferða-
dagur hennar til Islands hafi verið
ákveðinn. „Þegar þar að kemur eiga
þau að geta farið að morgni frá
Santiago til Fort Lauderdale og náð
kvöldflugi þaðan til íslands. Þannig
að ef ræðismaður gengur í ábyrgð
fyrir þau gagnvart útlendingaeftirlit-
inu um að þau fari um borð í vélina,
þó er ástæða til að ætla að þetta
gangi upp.“
Þar með er málinu þó ekki lokið,
því að eftir sem áður er litla stúlkan
ríkisfangslaus. „Það mál er enn ekki
leyst, það er nokkuð sem dómsmála-
ráðuneytið þarf að gera,“ segir Bjami.