Morgunblaðið - 21.03.1997, Blaðsíða 46

46 FÖSTUDAGUR 21. MARZ 1997
MORGUNBLAÐIÐ
Grettir
Ferdinand
Smáfólk
PO YOU MAVE A PENCIL
I CAN BORROW, MARCIE?
ANP MAVBE 50ME PAPER,
ANP AN ERA5ER, ANP
A RULER,ANP YOUR
MATH BOOK, ANP...
Áttu blýant sem þú getur lánað Og kannski svolítið blað, og svo Magga!
mér, Magga? strokleður og reglustiku og
reikningsbók og...
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
• Netfang:lauga@mbl.is
Er ekki sann-
leikurinn sagna
bestur?
Frá Birgi Hólm Björgvinssyni:
MÉR blöskraði þegar ég las viðtal
við Einar Hermannsson, fram-
kvæmdastjóra Sambands íslenskra
kaupskipaútgerða, í Morgunblaðinu,
fyrir fáum dögum. Þar fullyrðir Ein-
ar að flest skipa Eimskipafélagsins
séu með lokaða björgunarbáta, svo-
kallaða frífallsbáta. Astæðuna segir
Einar vera hversu nýleg flest skip
félagsins séu. Þetta er rangt. Aðeins
eitt skipanna er nýtt, það er Brúar-
foss, og um borð í honum er lokað-
ur björgunarbátur. í öðrum skipum
félagsins, sem öll eru komin vel til
ára sinna, eru slíkir bátar ekki. Því
fer Einar, einhverar ástæðu vegna,
vísvitandi með rangt mál, þegar
hann segir annað. Einar hefur áður
sagt margt til að reyna að fegra
ásýnd hentifánaflotans, enda þiggur
hann laun frá þeim sem gera út
með þeim hætti.
í sömu Morgunblaðsgrein segir
Ólafur Ólafsson, forstjóri Samskipa,
orðrétt: „Við munum fara yfir það
hvort þessir bátar eigi að vera á
öllum skipum félagsins, en við höf-
um hagað björgunarbúnaði og öðr-
um búnaði í skipunum eins og við
teljum_ best vera.“ Einnig er haft
eftir Ólafi að lokaðir bátar séu í
Amarfellinu og systurskipi þess
Heidi, sem hefur siglingar fyrir
Samskip, í næsta mánuði. Um hvað
er Ólafur að tala? Samskip á engin
skip. Hann er að vitna tl skipa sem
dönsk útgerð á og leigir Samskipum.
Þessi danska útgerð hefur metnað
til að hafa góðan björgunarbúnað í
sínum skipum. Samskip á engan
heiður skilið. Mér er til efs að Sam-
skip hafi gert það skilyrði að lokað-
ir björgunarbátar séu á þeim skipum
sem þeir taka á leigu. Ég get ekki
hugsað það til enda, hefði Dísarfell-
ið verið komið í þjónustu Eimskips,
eins og til stóð þegar slysið varð.
Skipinu var ætlað að fara í Ameríku-
siglingar og hefðu þessar hremm-
ingar hent á þeirri siglingu, þar sem
mun erfiðara hefði verið að bjarga
mönnunum, er víst að verr hefði
farið, en þó fór.
Hentifánaskip
í sumarbyrjun 1996 skaut upp
þeim orðrómi að Eimskip væri að
taka nýtt skip í sína þjónustu, það
er Víkartind þar sem áhöfnin átti
að vera skipuð erlendum láglauna-
mönnum. A sama tíma var beðið
eftir nýsmíðuðu skipi, Brúarfossi,
meðan hann væri baðaður sól og
athyglin beindist að honum og ís-
lenskri áhöfn, læddist hitt skipið,
það er Víkartindur, að næturþeli,
enda undir hentifána. Við hjá Sjó-
mannafélagi Reykjavíkur áttum erf-
itt með að trúa þessu, þrátt fyrir
að við séum ýmsu vanir í samskipt-
um við útgerðimar.
Sjómannafélag Reykjavíkur og
Verkamannafélagið Dagsbrún eru
meðal_15 þúsund hluthafa í Eim-
skip. Á aðalfundi félagsins bentum
við á, með ályktun sem borin var
upp á fundinum, að með því að
manna skipin erlendum sjómönnum
missum við dýrmæta þekkingu úr
landi. Hvað kemur í staðinn? Jú,
þekkingarleysi sem sannast hefur í
sjóprófum vegna strands Víkar-
tinds. Allar athafnir skipstjóra
skipsins og útgerðar segja okkur
að fyrst hafi verið hugsað um pen-
inga, annað mætti afgangi, og þar
á meðal mannslíf.
íslenskir farmenn em, eins og
aðrir íslenskir launamenn, langt
undir launum norrænna félaga
sinna. Auk þess eru íslensk kaup-
skip ekki mönnuð tveimur áhöfnum,
eins og tíðkast á Norðurlöndum.
Samt telst það hagstætt hjá Sam-
skipum að leigja dönsk skip mönnuð
Dönum, mönnum sem hafa til muna
hærri laun, en íslenskum farmönn-
um er greitt. Með „hálaunuðum“
dönskum sjómönnum ætla Samskip
að keppa við Eimskip, þar sem sjó-
mennirnir þiggja mun lægri laun.
Er einhver vitglóra í þessu?
Ólafur Ólafsson lýsti því yfir í
sjónvarpsviðtali að stefna hans væri
að hafa erlenda sjómenn á sínum
skipum.
Sjómannafélag Reykjavíkur mun
halda áfram að beijast fyrir tilveru
íslenskrar farmannastéttar og sigl-
ingum undir íslenskum fána. Það
er krafa okkar til stjórnmálamanna
að búa svo að skráningargjöldum
að kaupskipaflotinn komi aftur
heim.
BIRGIR HÓLM BJÖRGVINSSON,
stjórnarformaður Sjómannafélags
Reykjavíkur.
-------♦ ♦ ♦
Athuga-
semd vegna
greinar
Frá Andreu J. ísólfsdóttur:
í TILEFNI af grein Hauks Guðlaugs-
sonar, söngmálastjóra þjóðkirkjunn-
ar, sem er svargrein til Björgvins
Tómassonar orgelsmiðs, vil ég undir-
rituð taka fram að fyrirtækið ísólfur
Pálmarsson hljóðfæraumboð sf. hefur
um árabil haft umboð fyrir Kiss-
elbach orgelverksmiðjuna í Þýska-
landi, en sú verksmiðja framleiðir
hvers konar orgel, jafnt lítil heimilis-
orgel sem kirkjuorgel.
Sóknarnefndum var á sínum tíma
sent bréf þar um -og raunar einnig
Tónskóla þjóðkirkjunnar. Einnig
hefur verslun okkar umboð fyrir
sembala frá J.C. Neupert í Þýska-
landi. Það er því ekki rétt hjá Hauki
Guðlaugssyni að á íslandi þekkist
ekki umboðsmenn fyrir orgel.
ANDREA J. ÍSÓLFSDÓTTIR
framkvæmdastjóri.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.