Morgunblaðið - 28.08.1997, Blaðsíða 12
12 FIMMTUDAGUR 28. ÁGÚST 1997
MORGUNBLAÐIÐ
FRÉTTIR
Morgunblaðið/Golli
VEL miðar byggingu nýja Verslunarháskólans við hlið Verslun-
arskóla íslands við Ofanleiti.
„Fiallarefurinn“
Sterkur og rúmgóður
skólabakpoki
Nýi Versl-
unarhá-
skólinn
aðrísa
FRAMKVÆMDUM miðar vel við
fyrsta áfanga nýja Verslunarhá-
skólans sem er að rísa við Ofan-
leiti og gerir Þorvarður Elíasson,
skólastjóri Verslunarskóla Is-
iands, ráð fyrir að húsið verði
risið fyrir áramót.
„Eins og sjá má er húsið kom-
ið upp úr jörðinni. Jarðvinnu-
framkvæmdir gengu erfiðlega
framan af þar sem jarðlögin voru
erfið og menn þurftu að sprengja
sig niður en nú er jarðvinnu lok-
ið og búið að leggja þá vegi sem
á að leggja,“ segir Þorvarður.
Þá er kominn góður gangur í
steypuvinnuna og brátt verður
farið að huga að því að bjóða út
innréttingu hússins sem verður
tekið i notkun næsta haust.
Taka upp arlega kynn-
ingu á refsidómum
ÁKVEÐIÐ hefur verið að skattrann-
sóknarstjóri standi áriega fyrir
kynningu á þeim dómum sem varða
skattsvik og er gert ráð fyrir að síð-
ar á þessu ári verði opinber kynning
á refsidómum í skattsvikamálum frá
síðasta ári. Þetta kemur fram í
skýrslu ríkisskattstjóra til svokall-
aðrar jaðarskattanefndar þar sem
fjallað er um aðgerðir gegn skatt-
svikum.
í skýrslunni er farið yfir þær að-
gerðir sem unnið hefur verið að til
að draga úr umfangi skattsvika frá
því að sérstök nefnd, sem íjallaði
um umfang skattsvika, skilaði íjár-
málaráðherra skýrslu árið 1993.
Fram kemur í skýrslunni að í dag
eru 15 starfsmenn hjá skattrann-
sóknarstjóra og hefur þeim fjölgað
á seinustu árum. Þá starfa 46 starfs-
menn við skatteftirlit.
Stór hluti þjóðarinnar þurfi
ekki að skila framtali 1999
Ríkisskattstjóri upplýsir í skýrsl-
unni að hafinn sé undirbúningur að
einfaldari framtalsskilum einstakl-
inga þar sem miðað er að því að
allt að helmingur framteljenda þurfi
ekki að skila hefðbundnu skattfram-
tali, auk þess sem framtalsgerðin
verði mun auðveldari fyrir allan
þorra framteljenda. Er stefnt að því
að þetta fyrirkomulag verði tekið
upp á árinu 1999 vegna tekjuársins
1998..
Þá er í skýrslunni fjallað um tillög-
ur nefndarinnar frá árinu 1993 um
breytingar á lagaákvæðum varðandi
reiknað endurgjald atvinnurekenda
þar sem nefndin taldi ótækt að við-
miðunarlaun þeirra væru mun lægri
en meðallaun launþega í sömu
starfsgrein. Ríkisskattstjóri greinir
frá því í skýrslu sinni til jaðarskatta-
nefndar að nú þegar sé hafin vinna
við athugun á reglum um reiknað
endurgjald og að tillögur þar að Iút-
andi muni væntanlega liggja fyrir
síðar á þessu ári.
Einnig kemur fram að sérstök
nefnd er að störfum til að fjalla um
breytingar á reglum sem kveða á
um hvað heimilt sé að telja fram sem
frádráttarbæran rekstrarkostnað
skv. skattalögum. Er þegar lokið
endurskoðun hluta af reglugerð um
það efni. Mun verkefni nefndarinnar
væntanlega ljúka síðar á þessu ári.
Kvótaviðskipti fan
um uppboðsmarkað
TILLAGA um að takmarka frelsi
mjólkurframleiðenda til að versla
með mjólkurkvóta var naumlega
samþykkt á aðalfundi Landssam-
bands kúabænda, sem lauk á Hvann-
eyri á þriðjudag. Tillagan gerir ráð
fyrir að öll viðskipti með kvóta fari
gegnum einn opinn uppboðsmarkað.
Þeir sem mæltu fyrir tillögunni
sögðu að illa væri staðið að viðskipt-
um með mjólkurkvóta í dag. Menn
væru að braska með kvótann og
væru dæmi um að búnaðarsambönd
hefðu tekið þátt í því. Með uppboðs-
markaði væri líklegt að verð á kvóta
þokaðist niður á við.
Veruleg andstaða kom fram á
fundinum við hugmyndir um að setja
hömlur á frjálsa sölu kvóta. Kristján
Finnsson, bóndi á Gijóteyri í Kjós,
sagði að þessi viðskipti ættu að fá
að þróast án afskipta opinberra að-
ila. Hann sagði að mjólkurframleið-
endur þyrftu allra síst á því að halda
að athafnafrelsi þeirra yrði skert.
Hann sagðist auk þess efast um að
uppboðsmarkaður stuðlaði að því að
verð á kvóta lækkaði.
Guðmundur Lárusson, formaður
LK, hefur áætlað að kúabændur
greiði árlega um 500 milljónir fyrir
mjólkurkvóta. Hann sagði á fund-
inum að bændur yrðu að gera sér
grein fyrir að þegar menn væru að
kaupa kvóta væru þeir um leið að
kaupa sér hlutdeild í beingreiðslum
sem ríkið greiðir. Það hefði komið
fram í viðræðum forystumanna
bænda við ríkið að ríkisvaldið væn
óánægt með hvað mikiir fjármunir
færu í kvótakaup. Bændur yrðu að
taka tillit til þess í viðræðum við
ríkið um gerð nýs búvörusamnings.
Aðalfundur LK samþykkti að heim-
ila stjórn félagsins að vinna að niður-
fellingu á opinberri verðlagningu
nautgripakjöts enda fáist heimild til
útgáfu viðmiðunarverðs á einstökum
gæðaflokkum.
Jafnframt samþykkti fundurinn
ályktun þar sem lýst er áhuga á að
auka fijálsræði í verðlagningu á
mjólkurafurðum. Nú er verðið
ákveðið af tveimur opinberum nefnd-
um sem í sitja fulltrúar framleið-
enda, neytenda og mjólkuriðnaðar-
ins.
v«ð Umferðarmiðstöðina
BoaNtísnn
Véislana
innráttíngar
Panelplötur
Ómálaðar • Málaðar
Viðarlitir • Speglar
Úrval fylgihluta
Hagstætt verð
ISOÍCf ehf.
Umboðs- & h**ktversJun
FaxafenI 10 • 108 Reykjavik
Sími 581 1091 • Fax B53 0170
fttiorötmMíifoíifc
-kjarni málsins!
Foreldrafundir Vímulausrar æsku
Mikilvægt að
ræða við aðra í
sömu sporum
Vímulaus æska er að koma á fót foreldra-
hópum o g eiga foreldrar á landsbyggðinni
nú einnig kost á að leita til samtakanna
eftir stuðningi. Ragnhildur Sverrisdóttir
hitti Sigrúnu Hv. Magnúsdóttur félagsráð-
gjafa, Sæmund Hafsteinsson formann sam-
takanna og Elísu Wíum framkvæmdastjóra.
FORELDRASAMTÖKIN Vímulaus
æska hafa áður boðið upp á foreldra-
hópa, en sú starfsemi lá niðri um
hríð. Nú hefst hún að nýju af fullum
krafti, í umsjón Sigrúnar og verða
skipulagðir fundir á landsbyggðinni,
hinir fyrstu á Akureyri. Innan hóp-
anna geta foreldrar barna sem eru,
eða hafa verið, í vímuefnaneyslu
talað saman um reynslu sína og
notið stuðnings annarra til að leita
hjálpar. Vímulaus æska fékk styrk
frá Forvarnasjóði til verkefnisins.
Sigrún segir að mikil þörf sé á
þjónustu sem þessari, enda líði ekki
dagur án þess að áhyggjufullir for-
eldrar hringi í samtökin og leiti upp-
lýsinga og hjálpar. „Foreldrar eru
oft þjakaðir af vanmætti og sektar-
kennd vegna neyslu barnanna og
þeim er mjög mikilvægt að geta
rætt við aðra sem eru í sömu spor-
um. Fólk er oft niðurbrotið og hefur
reynt ýmislegt og það er mjög áber-
andi að foreldrar einangra sig við
þessar aðstæður," sagði Sigrún.
Hún sagði að í hveijum hópi væru
8-15 foreldrar og einnig væru stærri
fundir, sem börnin kæmu á með
foreldrunum, enda reyndist oft miklu
auðveldara að fá þau til að mæta
en foreldrarnir héldu. „Ég reyni líka
að fá foreldra til að hafa samband
við foreldra kunningja barnanna og
fá þá til að koma á fundi. Þar með
eiga foreldrar auðveldara með að
átta sig á hveija börnin þeirra um-
gangast. Þeir veigra sér líka oft við
að skipta sér af börnum annarra,
en ef fólk þekkist er það auðveld-
ara.“
Engin aldurstakmörk
Sæmundur sagði að bömin, sem
málið snerist um, væru allt frá 14
ára og upp í 24 ára og dæmi væru
Morgunblaðið/Golli
SÆMUNDUR Hafsteinsson, formaður Vímulausrar æsku, Elísa
Wíum framkvæmdastjóri og Sigrún Hv. Magnúsdóttir félagsráðgjafi.
um foreldra enn eldra fólks. „Styrk-
ur okkar er að við förum ekki eftir
einhverri stífri reglugerð. Við vísum
til dæmis ekki frá fólki eldra en 18
ára,“ sagði hann.
Foreldrasími samtakanna er opinn
allan sólarhringinn allan ársins hring
og þangað hringdu þúsundir árlega,
að sögn Elísu. „Fólk er lengi að
manna sig upp í að hringja og ótt-
ast gjarnan fordæmingu annarra
foreldra. Þess vegna er þeim mikil-
vægj. að hitta fólk í sömu sporum.“
Hún kvaðst reikna með að fyrstu
fundir utan höfuðborgarsvæðisins
yrðu skipulagðir á Akureyri í sept-
ember.
Sæmundur sagði að ætlunin væri
að þjálfa upp fólk, sem gæti leitt
hópana á landsbyggðinni í starfí
þótt félagsráðgjafí væri ekki á
staðnum. Þá væri fólki einnig vísað
áfram, til dæmis á fundi Alanon, þar
sem aðstandendur alkóhólista hitt-
ast.
Sigrún sagði að þörfín fyrir starf
með foreldrum væri sífellt að auk-
ast, í samræmi við neyslu barna
þeirra og þar væri ekki eingöngu
við áfengi að sakast. „Það er aug-
ljóst að hassið verður algengara með
hveijum deginum og sífellt yngri
börn neyta amfetamíns. Svo bætist
við LSD og e-pilla. Ég er sannfærð
um að með því að virkja foreldra í
forvörnum spörum við miklar fjár-
hæðir.“
Elísa bendir á að slagorð Vímu-
lausrar æsku sé að forvarnir byiji
heima. „Þetta starf er í samræmi
við það. Ef tekið er nógu snemma
á vandanum er jafnvel hægt að koma
í veg fyrir að barnið þurfi að fara í
meðferð."
Börn eru líka fólk
Nýr þáttur í starfsemi Vímulausr-
ar æsku í vetur er unninn undir kjör-
orðinu „Börn eru líka fólk“. Þetta
eru námskeið, sem ætluð eru 6 til
10 ára börnum, sem hafa búið við
alkóhólisma eða aðra fíknsjúkdóma.
Stefán Jóhannsson ráðgjafí sér um
námskeiðin, en þau voru áður á veg-
um Barnaverndarstofu. Markmiðið
er að hjálpa börnunum að byggja
upp sjálfstraust og sjálfsöryggi og
þau læra að tjá sig um tilfinningar
sínar. Til að ná þessum árangri
starfa ýmsir sérfræðingar með börn-
unum, s.s. þroskaþjálfar og listþjálf-
ar.