Morgunblaðið - 28.08.1997, Side 18

18 FIMMTUDAGUR 28. ÁGÚST 1997
URVERINU
MORGUNBLAÐIÐ
Bláberin
holl og góð
ÞESSA dagana eru eflaust margar
smáar og stórar hendur að tína blá-
ber hvort heldur sem þau fara í
dollu eða beint í munninn. Berin
eru holl, þau eru til dæmis auðug
af C- og A-vítamínum og nokkuð
mikið af kalíum í þeim líka.
í norska tímaritinu Allers var
fyrir skömmu umfjöllun um bláber
og þar talað um að þurrkuð bláber
gætu reynst vel gegn niðurgangi.
A meðan berin eru fersk innihalda
þau ávaxtasýru sem getur þýtt að
börn fái jafnvel niðurgang. Ef berin
eru þurrkuð geta þau róað magann
og hjálpað börnum sem eru með
niðurgang.
Bláberin eru lögð á smjörpappír
og sett á steikingarplötu í ofninn.
Hitinn á ofninum verður að vera
mjög lágur, má ekki fara yfir 45°C,
og dyrnar á ofninum eiga að vera
opnar. Beijunum er snúið af og til
uns þau eru orðin þurr. Með þessum
hætti mygla berin ekki eins og
gjarnan gerist ef þau eru látin þoma
við herbergishita.
Bláberjate
Búið er til bláberjate úr þurrkuðu
beijunum til að laga magaónotin.
Um ein teskeið af beijum er sett í
sjóðandi vatn og teið látið jafna sig
í 10-15 mínútur. Það er síðan
drukkið af og til allan daginn uns
líðanin verður betri. Ósykruð blá-
beijasaft er sögð hafa svipuð áhrif
og mörg börn kunna betur að meta
saftina en te af þurrkuðum beijum.
Við látum fylgja með uppskrift
að blábeijakökum.
Blóberjakökur
20 kökur
____________2 dlsykur___________
örlítið salt
2 tsk lyftiduft
______________2egg______________
4-5 dl sigtað hveiti
1 Vi dl nýmjólk
100 g brætt smjörlíki
1 bolli fersk bláber (má nota frosin)
'A bolli súkkulaðibitar ef vill
möndluspænir
Þeytið eggin, sykur og salt sam-
an. Blandið síðan hveiti og lyfti-
dufti saman við svo og mjólk.
Smjörlíkið fer út í undir lokin. Ef
súkkulaðibitar eru notaðir í upp-
skriftinni eru þeir settir út í með
sleif og síðan er deigið sett í smurð
pappírsform og þau hálffyllt. Einni
skeið af blábeijum er bætt í hvert
form og þeim varlega blandað sam-
an við deigið. Bakið kökurnar við
175°C í um 16-18 mínútur. ■
Paprikuuppskeran
með minna móti
ÞETTA sumarið hafa papriku-
bændur ekki náð toppi í fram-
leiðslu á papriku. Uppskeran hefur
verið jöfn og selst jafn óðum. Að
sögn Kolbeins Ágústssonar hjá
Sölufélagi garðyrkjumanna er tal-
að um að dimmt og kalt vor eigi
þar hlut að máli. „Garðyrkjubænd-
ur hafa náð að anna eftirspurn en
ekki meira en það. Það hefur því
ekki komið sá kafli í sumar að um
offramboð hafi verið að ræða. Því
hefur paprika ekki lækkað í verði
neitt að ráði þetta sumarið", segir
hann. Þá bendir hann á að for-
senda ræktunar litaðra paprika
þ.e. gulrar, rauðrar og appelsínu-
gulrar sé sólríkt sumar og júlí og
ágúst hafi ekki verið mjög bjartir
mánuðir.
íslenskur blaðlaukur og sellerí
Að undanförnu hefur íslenskur
blaðlaukur verið að bætast við ís-
lenskt gærnmetisúrval á markaðn-
um og ekki er langt síðan sellerí
kom í verslanir. „Við munum anna
markaðinum frá og með þessari
vikum hvað snertir þessar græn-
metistegundir", segir Kolbeinn.
Að sögn hans hefur íslenskt
blómkál verið víða á tilboði að und-
anförnu svo og kínakál og hvítkál.
Semsagt úrvalið af íslensku úti-
ræktuðu grænmeti með mesta móti
um þessar mundir.
„Verðið á leigukvóta
er orðið allt of hátt“
„VERÐ á leigukvóta er einfaldlega
orðið allt of hátt, til þess að hægt
sé að gera út á því. Þegar leigu-
verðið er komið upp í 90 krónur
eða meira hljóta allir að sjá að
dæmið gengur ekki upp. Þess
vegna komum við saman, útgerð-
armenn og fiskverkendur á Suður-
nesjum, í Hafnarfirði og Reykjavík,
sem erum að leigja þorskveiðiheim-
ildir, til að ræða málin. Það er
ekki um nein formleg samtök að
ræða, enda líklega ómögulegt að
gera svo vegna ólíkra hagsmuna
okkar innbyrðis,“ segir Níels Guð-
mundsson, starfsmaður Stakka-
víkur í Grindavík, í samtali við
Morgunblaðið.
Umræddur hópur útgerðar-
manna og fiskverkenda hittist á
fundi í Grindavík fyrr í vikunni,
en verð á leigukvóta, þorski, hefur
að undanförnu verið í kringum 90
krónur á kílóið, en framboð á afla-
heimildum hefur reyndar verið lítið
nú í ágúst. Á sama tíma selst bezti
og stærsti þorskurinn á 110 krónur
eða meira á fiskmörkuðum, en
meðalverð á þroski í öllum viðskipt-
um er rúmlega 70 krónur.
Utgerðarmenn og
fiskverkendur á
leigumarkaðnum
segja mikla verð-
lækkun á „þors-
kleigunni“ óhjá-
kvæmilega
Samkvæmt kjarasamningum
útgerðarmanna og sjómanna og
nýlegum opinberum dómum er
þátttaka sjómanna í kvótakaupum
óheimil, en engu að síður eru að
því einhver brögð að samið sé við
sjómenn um fast, mjög lágt verð
á þorski, allt niður í 35 krónur
kílóið, en aðrar tegundir annað-
hvort seldar á markaði eða keyptar
á markaðsverði.
Níels vill lítið tjá sig um slíka
hluti, enda sé Stakkavík með litla
eigin útgerð og kaupi fisk að mestu
í föstum viðskiptum við aðrar út-
gerðir. Hann segir þó að vegna
slíkra mála og yfirlýsinga sjó-
mannasamtakanna um að koma í
veg fyrir þau, séu viðskipti með
leigukvóta í nokkurri óvissu.
Kvótalitlar útgerðir vilji eðlilega
auka nýtingu þeirrar fjárfestingar
sem sé í bátum og veiðarfærum
og sjómenn vilji gjarnan auka tekj-
ur sínar með því að auknar afla-
heimildir séu færðar á bátinn. Það
sé hins vegar með öllu ómögulegt
meðan verðið sé í kringum 90 krón-
ur. Eigi leigan að ganga upp verði
verðið að vera miklu lægra.
Getum þetta
ekki lengur
„Við höfum verið að taka þátt
í kvótaleigu en getum það hrein-
lega ekki lengur. Það má segja að
hópurinn, sem hittist hérna í vik-
unni, standi á vissan hátt ráðþrota
frammi fyrir þessum vanda. Menn
vilja fá meiri aflaheimildir á bátana
og meiri fisk í vinnsluna, en geta
það ekki nema taka þátt í þessum
skollaleik. Eina lausnin er að leigu-
verðið lækki, en ég held að það
sé erfitt að ætla að bindast um
það einhveijum samtökum," segir
Níels.

I
Morgunblaðið/Ágúst Blöndal
ÞORSTEINN EA iandaði 426 tonnum af kolmunna í bræðslu hjá Síldarvinnslunni hf. i fyrradag og
er það fyrsti kolmunnafarmurinn sem berst að landi í langan tíma.
Kropp á kolmunnanum
á dagimi í Rósagarðinum
„ÞAÐ er eitthvert kropp á daginn,
en ekkert á nóttinni," sagði Stefán
Friðriksson, útgerðarstjóri Vinnslu-
stöðvarinnar hf. í Vestmannaeyjum,
í samtali við Verið í gær, aðspurður
um gengi í kolmunnaveiðum sem
fimm skip stunda nú í Rósagarðin-
um svokallaða. Stefán á von á því
að Sighvatur Bjamason VE, eitt
þessara skipa, komi til hafnar í
Vestmannaeyjum í kvöld og landi
því sem komið er, en í gær var
skipið búið að fá 400 tonn á fjórum
dögum.
„Kolmunninn fer auðvitað í
bræðslu, en svo ætlum við að taka
nokkur kíló og frysta, heilan og í
flökum. Við ætlum að gera nokkrar
tilraunir bara til þess að sjá hvern-
ig fiskur þetta er. Við höfum aldrei
fengið kolmunna í vinnslu áður. Við
bíðum spenntir eftir því að fá kol-
munnann inn á gólf til okkar.“
Stefán segir að verð fyrir kol-
munnann hljóti að ráðast af því
hvernig fiskurinn kemur út í
bræðslunni. „Hann er magur á
þessum árstíma og nánast ekkert
lýsi er í honum. Maður veit svo
ekkert um framhaldið. Hann hlýtur
að fitna á næstunni eins og loðnan.
Það er ágætt að prófa þetta. Við
höfum hins vegar ekkert út úr þessu
nema kostnað við að græja skipið.
Þetta er bara tilraun eins og er.
Reynslan á kannski eftir að skila
okkur hagnaði síðar,“ segir Stefán.
Mjög Iélegur afli
„Við höfum mjög lítið veitt á síð-
ustu árum. Við höfum prófað, en
þegar það hefur verið farið, hafa
aflabrögð verið mjög léleg. Aflinn
nú er því sá besti sem komið hefur
í nokkur ár,“ sagði Siguijón Valdi-
marsson, skipstjóri á Beiti NK, sem
ætlaði að halda í Rósagarðinn í gær
og átti Siguijón von á því að sigling-
in tæki um sjö tíma. Beitir NK er
eina skipið sem á síðari árum hefur
reynt fyrir sér á kolmunnaveiðum.
Þokkalegasta
bræðsluhráefni
Eins og greint var frá í Verinu
í gær, landaði Þorsteinn EA 426 )
tonnum af kolmunna hjá Síldar- ,
vinnslunni hf. í gær. Samkvæmt
mælingum Rannsóknastofnunar I
fískiðnaðarins í Neskaupstað á kol-
munnasýni úr afla Þorsteins, reynd-
ist fitan vera 4,3 og þurrefni 17,0.
„Það segir okkur að þetta er þokka-
legasta bræðsluhráefni í mjölfram-
leiðslu, en það fæst lítið sem ekk-
ert lýsi út úr kolmunnanum. Hann
verður ekkert mikið feitari því hann
er ekki með búkfitu, heldur er það I
lifrin sem gefur þessa fitu, ekki
ósvipað þorski og ýsu,“ sagði Þor- .
steinn Ingvarsson, útibússtjóri RF •
í Neskaupstað.