Morgunblaðið - 27.11.1997, Síða 31

MORGUNBLAÐIÐ
FIMMTUDAGUR 27. NÓVEMBER 1997 31
LISTIR
Schubert, Schuil og
Rannveig Fríða
TOJVLIST
III j« m d i s k a r
RANNVEIG FRÍÐA
BRAGADÓTTIR
OG GERRIT SCHUIL
Franz Schubert, sönpljóð. Rannveig
Fríða Bragadóttir, mezzo-sopran.
Gerrit Schuil, pianó. Hljóðritað í
Kirkjuhvoli í Garðabæ 27.8.-2.9.
1997. Tæknideild Kíkisútvarpsins
annaðist hljóðvinnslu. Tónmeistari:
Bjarni Rúnar Bjarnason. Upptaka og
úrvinnsla: Hreinn Valdimarsson Mál
og menning 1997.
HLJÓMDISKUR þessi er mikil
gersemi. Hér höfum við tvo frábæra
listamenn flytja nokkur þeirra söng-
ljóða Franz Schuberts sem ekki
heyrast mjög oft nema Ellens Ges-
ang III (Ave Maria) og e.t.v. hin dul-
magnaða og margræða ballaða um
nætursiglingu drottningarinnar með
dverginn sinn, Der Zwerg, eitt
magnaðasta og „geníalasta“ söngljóð
Schuberts - hér í stórkostlegum
flutningi beggja. Allt eru þetta þó
meira eða minna fínar tónsmíðar,
sem margar vitna fagurlega um
snilligáfu höfundarins og þann frum-
leika sem átti eftir að halda nafni
hans á lofti öðru fremur. Ég get
nefnt söngva einsog Thekla: Eine
Geisterstimme; ljóðið sótt í leikrit
Schillers um Wallenstein (Thekla,
dóttir W., hefur upp raustina aftur-
gengin). Tónsmíðin ber vott um and-
ríki hins unga tónskálds og vald á
„óleyfilegum" stílbrögðum, svosem
að skipta milli tóntegunda í þágu
efnisins. Eða Kolmas Klage (Harm-
ljóð Kolmu - þar sem hún stendur
yfir látnum elskhuga og bróður, er
þeir hafa orðið hvor öðrum að bana).
Frábærlega sungið - flott rödd! Eða
Berthas Lied in der Nacht, eða
Fischerweise (Fiskimannavísa), eða
An den Mond. Eða Sei mir Gegrusst
(Ég heilsa þér). Og ekki má gleyma
Ave Maria; mjög fallega sungið.
Það þarf ekki að fara mörgum orð-
um um söng Rannveigar Fríðu
Bragadóttur og píanóleik Gerrits
Schuil, sem bæði eru framúrskar-
andi listamenn. Rannveig Fríða er
búsett í Austurríki. Hún starfaði við
Ríkisóperuna í Vínarborg sem ein-
söngvari (1987-92) og tók m.a. þátt í
fjölda sýninga undir stjórn ekki
minni manna en Karajans, Soltis,
Abbados og Harnoncourts. Hún
starfar nú við óperuna í Frankfurt.
Hún hefur víða komið fram á liðnum
árum, m.a. á tónlistarhátíðum í
Þýskalandi, Frakklandi, Austurríki
(m.a. á Salzburger Festspiele) og í
Bandaríkjunum - þar sem hún söng
vorið 1991 í rómuðum konsertflutn-
ingi á Elektru í Carnegie Hall undir
stjórn Lorins Maazels.
Um Gerrit Schuil hefur mikið ver-
ið fjallað að undanfornu, allt verð-
skuldað.
Tæknivinna til fyrirmyndar eins
og vænta má, og því um kjörgrip að
ræða.
Oddur Björnsson