Morgunblaðið - 30.12.1997, Blaðsíða 9

MORGUNBLAÐIÐ
ÞRIÐJUDAGUR 30. DESEMBER 1997 9
í
FRÉTTIR
Ástþór Magnússon á heimleið frá írak
Flutti sjúka stúlku
til Hollands
ÁSTÞÓR Magnússon, stofn-
andi samtakanna Friðar 2000,
flaug frá Irak á sunnudag og
lenti í Amsterdam snemma í
gærmorgun. Með sér flutti
hann fimm ára gamla íraska
stúlku, sem þjáist af alvarleg-
um sjúkdómi, og hyggjast sam-
tökin Friður 2000 leita henni
lækninga á sjúkrahúsi í Amst-
erdam.
Sagt var frá stúlkunni, sem
heitir Amal Saeed, og veikind-
um hennar í fréttaþætti sjón-
varpsstöðvarinnar CNN á að-
fangadag. Sjúkdómur hennar
veldur lífshættulegum bólgum
í kvið og ekki var hægt að
veita henni læknismeðferð í
Irak. Auk þessa þjáist hún af
næringarskorti.
Saddam bíður betri tíma
Ástþór sagði í símtali við
Morgunblaðið í gærkvöldi að
sérfræðingur á sjúkrahúsinu í
Amsterdam, þar sem stúlkan
er nú til skoðunar, hefði sagt
að hann hefði aldrei á ævinni
séð jafn slæmt tilfelli. „Þetta
er einhver erfðasjúkdómur,
sem á að vera hægt að halda
niðri og spurning hvort hægt
er að lækna hann alveg. Ef hún
hefði ekki komist undir læknis
hendur nú hefði hún væntan-
lega verið látin eftir mjög
skamman tíma,“ sagði Ástþór.
Til stóð að Ástþór hitti Sadd-
am Hussein en af því varð ekki.
„Það verður að bíða betri tíma.
Við fórum fyrr en við ætluðum
frá Irak vegna þess að litla
stúlkan varð að ganga fyrir.
Við vildum reyna að bjarga
henni og vonandi tekst það,“
sagði hann.
Viðskiptabannið kemur niður
á almenningi en ekki Saddam
Ástþór dvaldi í írak í þrjá
daga ásamt aðstoðarmönnum
sínum og vakti koma þeirra
mikla athygli erlendra fjöl-
miðla. Með í för var jólasveinn
sem dreifði gjöfum og lyfjum
til barna. Ástþór gagnrýndi í
ferðinni harðlega viðskipta-
bannið gegn írak.
„Viðskiptabannið kemur
ekki niður á Saddam, heldur
almenningi í landinu, og al-
menningur hefur ósköp lítil
áhrif á það hvað Saddam gerir
eða gerir ekki. Þess vegna
beini ég orðum mínum til hins
vestræna samfélags um það að
létta þessu viðskiptabanni
vegna þess að það þjónar ekki
þeim tilgangi sem ætlunin var.
Því var ætlað að fá fólkið í
Irak til þess að rísa upp gegn
Saddam og koma honum af
stóli, en í raun er þetta að
skapa mikla reiði meðal fólks
og það má segja að þetta sé
orðinn ræktunargarður fyrir
hryðjuverkamenn og hernað-
arlegar aðgerðir. Það getur
vel verið að viðskiptabannið
hafi átt rétt á sér þegar það
var sett á í fyrstu, en það hef-
ur bara komið í ljós að það
virkar ekki og er farið að hafa
þveröfug áhrif,“ segir Ástþór,
sem er væntanlegur aftur til
Islands í dag en fulltrúar Frið-
ar 2000 í Amsterdam munu
fylgjast áfram með litlu stúlk-
unni á sjúkrahúsinu.
Ofriður á heimilum
LÖGREGLAN í Reykjavík átti
nokkuð annríkt um helgina í kjöl-
far jólahátíðarinnar og var víða
kölluð til að stilla til friðar á heim-
ilum. Sagði Ómar Smári Ármans-
son aðstoðaryfirlögregluþjónn að
svo virtist sem ekki hefðu allir
náð að tileinka sér boðskap jól-
anna um frið og náungakærleika.
Mörg útköll lögreglu þessa
hátíðardaga voru vegna bágbor-
ins ástands á heimilum. Oft hafði
komið upp ósætti milli heimilis-
fólks eða jafnvel komið til átaka.
í sumum tilvikum hafa nágrann-
ar þurft að hlusta á langvarandi
rifrildi milli einstaklinga áður en
ákveðið er að fá lögreglu til að
grípa inní atburðarásina.
Áðfaranótt sunnudags kærði
maður konu fyrir að hafa stung-
ið sig með hnífi í bakið. Höfðu
þau bæði verið í samkvæmi í
Kópavogi þegar konan réðst að
manninum en hann kærði ekki
atburðinn fyrr en klukkustund
síðar þegar hann var kominn til
síns heima.
Þá var mun meira um ölvunar-
akstur nú um jólin en t.d. í fyrra.
Voru 15 teknir grunaðir um ölv-
un við akstur en yfir hátíðsdag-
ana á síðasta ári voru þrír grun-
aðir um ölvunarakstur.
Suðurnesjamenn
Hættir að reykja?
I dag
20% afsláttur af nikótínlyfjum
frá Nicorette®
NICORETTE
Við stöndum meðþér
P JAPÓTEK
X, ÍSUÐURNESJA
^ HRINGBRAUT 99 - SÍMI 421 6565
Reuters
FAÐIR fimm ára gömlu stúlkunnar, Amal Saeed, ber hana úr flug-
vél Friðar 2000 í sjúkrabö á Schipholflugvelli í Hollandi í gærmorgun.
Festujeppa
í Stein-
holtsá
LÖGREGLAN á Hvolsvelli dró
jeppa tveggja Þjóðveija úr Stein-
holtsá við Þórsmörk í fyrrinótt.
Hafði jeppinn fest í ánni og voru
ferðamennimir á gangi í eina fimm
tíma áður en þeim barst hjálp.
Veður var gott og ekkert amaði
að mönnunum, en samkvæmt upp-
lýsingum lögreglunnar hafði orðið
misskilningur milli Þjóðverjanna
og annarra ferðalanga sem þeir
hittu varðandi kall eftir hjálp. Þeg-
ar jeppinn festist í ánni yfirgáfu
Þjóðverjarnir hann og héldu gang-
andi til að leita hjálpar. Hittu þeir
fyrir ferðafólk sem þeir ætluðu að
koma myndi boðum til lögreglu um
aðstoð. Það hafði hins vegar ekki
orðið og því höfðu þeir sjálfir sam-
band alllöngu seinna. Fór lögregl-
an inneftir og dró bíl þeirra upp.
BALLETTSKOLI

Skúlatúni 4
Kennsla hefst á ný laugardaginn 10. janúar
Endurnýjun skírteina föstudaginn 9. janúar
frá kl. 17.00 - 19.00.
Getur bætt við sig nýjum nemendum.
Nánari upplýsingar í síma 553 8360.
Félag íslenskra listdansara
Póst- og fjarskiptastofnun
auglýsir eftir umsóknum um
rekstrarleyfi til að starfrækja
DCS-1800 farsímanet og þjónustu.
Tilboðsgögn verða afhent á skrifstofu
stofnunarinnar Smiðjuvegi 68-70
í Kópavogi gegn skilatryggingu að
upphæð kr. 10.000.
Skrifstofan verður opin daglega frá kl. 8.30 til 16.30.
Frestur til að leggja inn umsóknir er til 13. Febrúar 1998.