Morgunblaðið - 06.01.1998, Síða 43

MORGUNBLAÐIÐ
ÞRIÐJUDAGUR 6. JANÚAR 1998 43
(
í
<
(
<
(
<
<
i
4
I
4
4
4
i
4
i
4
4
4
4
4
4
4
FRÉTTIR
Námskeið
í notkun
áttavita og
GPS tækja
BJÖRGUNARSKÓLI Landsbjargar
og Slysavarnafélag íslands stendur
fyrir námskeiði í notkun áttavita
og GPS gervihnattastaðsetningar-
tækja fyrir almenning á Selfossi
dagana 14., 15. og 20. janúar nk.
Námskeiðið verður haldið i húsi
Björgunarsveitar SVFÍ á Selfossi
að Austurvegi 54.
Námskeiðið samanstendur af
grunnfræðslu í notkun áttavita og
GPS-tækja sem hafa notið aukinna
vinsælda við ferðalög um óbyggðir
og er því tilvalið fyrir alla sem ferð-
ast utan alfaraleiða að sumri og
vetri til.
Námskeiðsgjald er 3.000 kr. og
eru námskeiðsgögn innifalin. Vænt-
anlegir þátttakendur tilkynni þátt-
töku í síma 587-4044 sem allra
fyrst og eigi síðar en fyrir hádegi
þriðjudaginn 13. janúar.
-----♦ ♦ ♦----
LEIÐRÉTT
Skíðaganga á Grænlandi
Morgunblaðið/Árni Sæberg
VALSMENN fögnuðu nýju ári með nýársbrennu að Hlíðarenda í Reykjavík á sunnudag. Eftir blysför frá Perlunni í Oskjuhlíð var kveikt
í Valsbrennunni og ungir og aldnir sungu og skemmtu sér með stjörnuljós á lofti.
Þrettándabrennur
víða í dag
í FRÉTT í ferðablaði á sunnudag
um skíðagöngukeppni á Grænlandi
vantaði aftan á netslóð hjá aðstand-
endum keppninnar. Rétt slóð er
http://www.greenland-guide. dk.
Beðist er velvirðingar á þessum
mistökum.
Jólakötturinn í Gerðubergi
í FRÉTT af síðustu jólasýningu
Sögusvuntunnar á hótel Esju gætti
misskilnings þar sem sagt var að
sýningin kæmi hingað til lands frá
Slóveníu. Hið rétta er að leikbrúðu-
sýningin Jólakötturinn er 3 ára
gamalt íslenskt leikverk eftir Hall-
veigu Thorlacius sem brúðuleikhús-
ið í Ljubljana, höfuðborg Slóveníu,
keypti sýningarrétt á og setti upp
á síðasta ári. Beðist er velvirðingar
á þessum mistökum. Síðasta jóla-
sýningin verður í Gerðubergi í dag
kl. 17.
Erlendir ferðamenn
í FRÉTT í Morgunblaðinu 31. des-
ember var rangt farið með fjölda
erlendra gesta um áramót á Hótel
Loftleiðum og Hótel Esju. Hið rétta
er að á Hótel Loftleiðum voru 270
eriendir gestir og á Hótel Esju 215.
Beðist er velvirðingar á mistökun-
um.
Sýningin „Verð ég þá gleymd
- og búin saga“
SÝNINGIN „Verð ég þá gleymd -
og búin saga“, sem Kvennasögu-
safn íslands heldur í Þjóðarbókhlöð-
unni, stendur til 31. janúar 1998,
en dagsetningin misritaðist nýlega
í blaðinu. Sýningin byggist á mun-
um og handritum úr fórum látinna
skáldkvenna.
JÓLIN verða kvödd með tilheyr-
andi hátíð víða um land í dag á
þrettándanum. Farnar verða
blysfarir og haldnar brennur.
Þrettándaskemmtun Fjölnis
í Grafarvogi
Þrettándaskemmtun Ung-
mennafélagsins Fjölnis verður í
dag ef veður leyfir.
Klukkan 19 hefst blysför frá
íþróttahúsi Fjölnis við Dalhús 2
að brennunni við Gylfaflöt. Með
í för verða Grýla, Leppalúði, jóla-
sveinar og aðrar furðuverur.
Skemmtuninni lýkur með flug-
eldasýningu i boði Olís.
Blys, kyndlar og stjörnuijós
verða seld við íþróttahús Fjöinis.
Álfabrenna í Garði
Nú er 90. afmælisár Gerða-
hrepps framundan og hefstþað á
þrettándagleði í dag, þriðjudag.
Frá kl. 18 verður boðið upp á
málun barna og búningar lánaðir
í Sæborgu, meðan birgðir endast.
Blysför leggur af stað frá Sæ-
borgu kl. 20 að Víðisvelli þar sem
skemmtidagskrá fer fram. I til-
efni afmælisins verður vegleg
flugeldasýning.
Þrettándagleði HK
í Fossvogsdal
Handknattleiksfélag Kópavogs
stendur fyrir blysför frá Fagra-
lundi ki. 19 um Fossvogsdalinn að
þrettándabrennu HK sem staðsett
er á sparkvelli Snælandsskóla.
Kór Kársnesskóla, harmoniku-
ieikari frá Harmonikufélagi
Reykjavíkur og álfar og púkar
verða á staðnum.
Ganga og blysför í Öskjuhlíð
Ferðafélag íslands mun að
venju fagna nýja árinu með þrett-
ándagöngu um álfabyggðir í
Öskjuhlið. Brottför er kl. 20 frá
Perlunni að kvöldi þrettándans
6. janúar og verður farin fjöl-
skylduganga um skógarstíga
Öskjuhlíðar sem siðan lýkur um
kl. 21 við Perluna. Að gögnu lok-
inni mun Perlan bjóða upp á veit-
ingar á góðum kjörum.
Þrettándabrenna
í Seljahverfi
Skátafélagið Segull í Selja-
hverfi heldur sína árlegu þrett-
ándabrennu miðvikudaginn 6.
janúar á auðu svæði niður af Öld-
uselsskóla við Öldusel.
Athöfnin hefst með blysför kl.
19.45 frá Skátaheimilinu, Tinda-
seli 3. Kveikt verður á bálkestin-
um kl. 20.
í tilkynningu segir að íbúar
hverfisins, skátar og aðrir séu
hvattir til þátttöku í undirbún-
ingi/söfnun og að mæta í viðeig-
andi búningum við athöfnina.
Ur dagbók lögregiunnar
27 teknir vegna hraðaksturs
2. til 4. janúar
TALSVERT annríki hefur verið hjá
lögreglu um þessa helgi og síðan
um áramót. Sumir borgarbúar hafa
tekið sér góðan tíma til að fagna
nýju ári og hefur nokkuð verið um
átök milli einstaklinga bæði á veit-
ingastöðum og eins í heimahúsum.
Unglingar hafa unnið skemmdar-
verk með sprengingum meðal annars
á póstkössum og rúðum.
Umferðin
Tuttugu og sjö ökumenn voru
stöðvaðir um helgina vegna hrað-
aksturs og sex aðrir vegna gruns
um akstur undir áhrifum áfengis. Á
síðasta ári voru rúmlega þijú þúsund
ökumenn kærðir vegna hraðaksturs
eða um tíu daglega.
Bifreið var ekið á karlmann á
reiðhjóli á Hverfisgötu um miðjan
síðasta laugardag. Hjólreiðamaður-
inn sem hafði öryggishjálm datt af
hjólinu og skall með höfuðið í göt-
una. Hann var fluttur á slysadeild
með vægan heilahristing og mar á
líkama. Arekstur varð milli tveggja
ökutækja á Hringbraut við Njarðar-
götu kl. 21 á laugardag. Öðru öku-
tækinu var ekið austur Hringbraut
og beygt áleiðis norður Njarðargötu
í veg fyrir bifreið sem ekið var vest-
ur Hringbraut. Báðir ökumenn slös-
uðust og annar hlaut alvarleg höf-
uðmeiðsli. Fjarlægja varð bæði öku-
tækin af vettvangi með kranabifreið.
Árekstur varð milli tveggja öku-
tækja um hádegisbil á sunnudag í
Borgartúni við Kringlumýrarbraut.
Ökutæki sem ekið var suður
Kringiumýrarbraut yfir gatnamótin
við Borgartún var ekið móti rauðu
ljósi og lenti á ökutæki sem ekið var
austur Borgartún. Fjarlægja varð
bæði ökutækin af vettvangi með
kranabifreið og kvartaði annar öku-
maðurinn undan eymslum í hálsi og
ætiaði sjálfur á slysadeild.
Líkamsmeiðingar
Ráðist var að tvítugum karlmanni
í Austurstræti og honum veittir
nokkrir áverkar meðal annars í and-
liti. Unglingahópur er talinn hafa
staðið að baki árásinni.
Yfirlýsing um
rafmagnsöryggi
MORGUNBLAÐINU hefur borist
eftirfarandi yfirlýsing vegna um-
ræðu um rafmagnsöryggismál:
„Félag raftækjaheildsala vill
koma á framfæri eftirfarandi yfirlýs-
ingu vegna fullyrðinga þingmanna
og frétta um að ástand rafmagnsör-
yggismála sem tengjast rafbúnaði
hafí versnað eftir að nýtt fyrirkomu-
lag gekk í gildi á síðasta ári.
Við gildistöku nýrra laga í upp-
hafí síðasta árs varð mikil breyting
til batnaðar í rafmagnsöryggismál-
um á íslandi. Rafmagnseftirlit ríkis-
ins var lagt niður og yfirstjórn þess-
ara mála færð til Löggildingarstofu.
Félag raftækjaheildsala átti fulltrúa
í þeim vinnuhópi sem vann að samn-
ingu nýrra laga og reglugerða
vegna breytinganna. Staðhæfingar
um að kastað hafi verið til höndun-
um við þá vinnu lýsa einungis
ábyrgðarleysi þeirra sem því halda
fram.
Meðal þess sem Félag raftækja-
heildsala fór fram á að ynnist með
nýju fyrirkomulagi rafmagnsörygg-
ismála var betra og skilvirkara
markaðseftirlit með rafföngum.
Fyrir breytingar var innflytjendum
skylt að fá öll raföng samþykkt af
Rafmagnseftirliti ríkisins áður en
þau voru sett á markað hérlendis.
Raffangaprófun Rafmagnseftirlits-
ins annaði hins vegar engan veginn
beiðnum um prófun og viðurkenn-
ingu raffanga. Til að bæta úr því
var stefnt að stofnun afkastamikill-
ar en fjárfrekrar ríkisrekinnar við-
urkenningarstofu. Sú stefna náði
að mati Félags raftækjaheildsala
engri átt þar sem þau rafföng sem
flutt eru hingað til lands hafa ávallt
verið prófuð af viðurkenningarstof-
um í öðrum löndum.
Með nýjum lögum um rafmagns-
öryggi verða innflytjendur raffanga
að geta framvísað vottorðum um
uppruna og eiginleika þeirrar vöru
sem þeir flytja inn. Löggildingar-
stofa lætur síðan óháðar og faggilt-
ar skoðunarstofur framkvæma úr-
taksskoðanir á þeim rafföngum sem
eru á markaði hveiju sinni. Oftar
en ekki eru vörur einnig skoðaðar
vegna ábendinga frá almenningi
eða samkeppnisaðilum. Ábyrgð inn-
flytjenda hefur því aukist til muna.
Þeir verða að geta sýnt fram á að
sú vara sem þeir flytja inn standist
evrópska staðla og settar reglur um
rafmagnsöryggi.
Að mati Félags raftækjaheildsala
hefur markaðseftirlit með rafföng-
um aldrei verið virkara og betra en
nú. Breyttar markaðsaðstæður köll-
uðu á breytt fyrirkomulag. Fram-
leiðendur og innflytjendur bera nú
ábyrgð á sinni vöru og sæta refs-
ingu gerist þeir brotlegir við settar
reglur um öryggi raffanga. Slík
ábyrgð er mun árangursríkari og
hagkvæmari leið til að stuðla að
auknu rafmagnsöryggi en opinbert
eftirlit og prófun á hveiju því raf-
fangi sem flutt er til landsins.“
Kaupmaðurinn á horninu
kveður sendiherrahjónin
EFTIR nokkra daga halda Bryndís
Schram og Jón Baldvin Hannibals-
son af landi brott þegar Jón Bald-
vin tekur við stöðu sendiherra ís-
lands í Washington. Af því tilefni
verður efnt til kveðjuveislu fyrir þau
hjónin hjá kaupmanninum á horn-
inu, Pétursbúð, á horni Ránargötu
og Ægisgötu í dag, þriðjudaginn
6. janúar, milli kl. 17 og 19.
„Pétursbúð er meira en bara
verslun því hún hefur því hlutverki
að gegna í gamla Vesturbænum að
vera nokkurs konar samkomustað-
ur hverfisbúa sem þar hittast og
ræða um lífið og tilveruna. I þess- ' ;
ari verslun hafa myndast náin og
góð kynni meðal íbúa hverfisins og
því þykir eigendum verslunarinnar,
Sigrúnu Eddu og Pétri Emilssyni,
tilvalið að gefa viðskiptavinum sín-
um færi á að kveðja þau Bryndísi
og Jón Baldvin, segir í fréttatil-
kynningu frá Pétursbúð.