Morgunblaðið - 12.03.1998, Blaðsíða 10
10 FIMMTUDAGUR 12. MARZ 1998
MORGUNBLAÐIÐ
FRÉTTIR
Dómsmálaráðherra um rannsóknir í ávana- og fíkniefnamálum
Fjölg’un lögreglumanna
hefur gefið góða raun
MEÐ nýju skipulagi í rannsókn-
um í ávana- og fíkniefnamálum og
fjölgun rannsóknarlögreglumanna
í þessum málaflokki víða um land
á síðasta ári hefur verið unnt að
vinna stór fíkniefnamál sem upp
hafa komið á mjög skömmum
tíma, jafnframt því að vinna upp
gömul mál. Samkvæmt upplýsing-
um frá lögreglunni í Reykjavík
stefnir allt í að hinn 1. apríl næst-
komandi verði í fyrsta sinn um
árabil engin mál í rannsókn hjá
fíkniefnadeildinni eldri en 60
daga.
Þetta kom m.a. fram í svari Þor-
steins Pálssonar dómsmálaráð-
herra við fyrirspum Guðmundar
Arna Stefánssonar, þingmanns
þingflokks jafnaðarmanna, á Al-
þingi í gær, um ráðningu nýrra
fíkniefnalögreglumanna. I máli
ráðherra kom fram að í samræmi
við áætlun ríkisstjórnarinnar hefði
verið skipað í nýjar stöður rann-
sóknarlögreglumanna í fíkniefna-
málum á síðasta ári í Reykjavík,
ísafirði, Eskifirði og Akureyri.
Ráðuneytið hefði einnig beint því
til sýslumannsins á Sauðárkróki að
skipa rannsóknarlögreglumann í
fíkniefnamálum við embætti sitt
frá og með 1. janúar 1998 og hefði
það verið gert.
Fíkniefnadeildin
orðin styrkari
„Af hálfu ráðuneytisins hefur
verið lögð á það rík áhersla að hin-
um nýju stöðugildum sé eingöngu
varið í þágu fíkniefnamála, en þar
er jafnt átt við rannsóknir fíkni-
efnamála, svo og forvamir og
fræðslumál. Starfssvið þessara
lögreglumanna er ekki bundið við
eitt lögregluumdæmi eins og með
venjulega lögreglumenn sam-
kvæmt lögreglulögum heldur er
þeim ætlað ákveðið samræmingar-
Morgunblaðið/Ásdis
ÞINGMENN blaða í pappírum og ræða málin milli þess sem þeir fylgjast með umræðum. Fremst eru Sigríður
Anna Þórðardóttir og Vilhjálmur Egilsson. í miðröð ísólfur Gylfi Pálmason, Einar K. Guðfinnsson og Guðjón
Guðmundsson. Aftast þeir Egill Jónsson, Lúðvík Bergvinsson og Tómas Ingi Olrich.
hlutverk í fíkniefnamálum á
stæiTa landsvæði," sagði ráðherra.
Hann sagði jafnframt að þeim
tíma sem liðinn væri frá skipun
lögreglumannanna hefði að mestu
leyti verið varið til að skrá og afla
upplýsinga um fíkniefnavanda á
hverju þessara svæða, koma á
tengslum sem nýttust við rann-
sóknir, fræðslu og forvarnarstörf
og skipuleggja þá vinnu sem fara
ætti fram á komandi árum. „Þá
hafa lögreglumenn þessir unnið að
rannsóknum á fíkniefnamálum
sem upp hafa komið á landsbyggð-
i .i:i j: S
.: : ' : :i
ALÞINGI
inni og hefur árangur af því verið
allnokkur," sagði ráðherra.
Ráðherra vitnaði ennfremur í álit
yfirlögregluþjónsins í Reykjavík
þar sem segir m.a. að frá 1. júlí sl.
hefði verið gerð ítarleg úttekt á
ýmsum þáttum ávana- og fíkni-
efnadeildarinnar, sem nú hefði
skilað sér m.a. í hraðai’i og örugg-
ari meðferð mála innan deildarinn-
ar. „Lagabreytingin á síðasta ári,
fjárveiting til fjölgunar starfs-
manna og stuðningur dóms- og
kirkjumálaráðuneytisins hefur því
komið fíkniefnarannsóknum til
góða og eflt ávana- og fíkniefna-
deildina," að því er fram kemur í
áliti yfirlögregluþjóns.
Notkun
staðsetn-
ingartækja
verði aukin
ÓLAFUR Örn Haraldsson þing-
maður Framsóknarflokks hefur lagt
fram þingsályktunartillögu um að
ríkisstjórnin finni leiðir til þess að
auka og auðvelda notkun staðsetn-
ingartækja meðal þeirra sem ferð-
ast um hálendi Islands.
Aukið öryggi og auðveldari leit
Aukið öi’yggi ferðamanna og auð-
veldari og kostnaðarminni leit að
týndu ferðafólki á hálendi Islands
eru kostir sem notkun Argos stað-
setningartækisins hefur í fór með
sér, segir í gi’einargerð sem fylgir
tillögu Ölafs Arnar.
Hægt er að fylgjast nákvæmlega
með ferðum þess sem ber Argos
staðsetningartækið. Það sendir
stöðugt út merki, sem fer um gervi-
hnött og þaðan til alþjóðlegs kerfis
móttökustöðvar Flugbjörgunar-
sveitar Islands, um hvar það er stað-
sett. Þannig er hægt að sjá ná-
kvæmlega hvar sá sem óskar eftir
aðstoð er staddur.
Alþingi
ÞINGFUNDUR Alþingis hefst kl.
10.30 í dag. Eftirfarandi mál eru á
dagskrá:
1. Örnefnastofnun íslands. 3. umr.
2. Sameining Kjalarneshrepps og
Reykjavíkurborgar. 2. umr.
3. Takmörkun á hrossabeit og
fjölda hrossa. Síðari umr.
4. Meðferð, vinnsla og dreifíng
sjávarafurða. 1. umr.
5. Afnám greiðslu þungaskatts á
umhverfísvæn ökutæki. Frh. 1. umr.
6. Þjónustu- og endurhæfingar-
stöð sjónskertra. 1. umr.
7. Atak til að draga úr reykingum
kvenna. Fyiri umr.
8. Málefni aldraðra. 1. umr.
9. Félagsleg aðstoð. 1. umr.
10. Aðgerðir til að draga úr þung-
lyndi kvenna. Fyrri umr.
11. Abyrgðarmenn. 1. umr.
12. Endurgreiðsla oftekinna
skatta og gjalda.
13. Einkahlutafélög. 1. umr.
14. Slit á Eignarhaldsfélaginu
Brunabótafélag Islands. 1. umr.
Listasafn íslands
Tólf millj.
á ári til
listaverka-
kaupa
FJÁRVEITING Listasafns
íslands til listaverkakaupa síð-
astliðin fimm ár hefur árlega
verið 12 milljónir króna, að því
er fram kom í máli Björns
Bjarnasonar menntamálaráð-
herra við fyrirspurn ísólfs
Gylfa Pálmasonar, þingmanns
Framsóknarflokks, á Alþingi í
gær. Aðspurður sagði ráð-
herra ennfremur að teikning
sem talin er vera eftir Jóhann-
es Kjarval og safnið keypti á
uppboði árið 1994 væri meðal
þeirra verka sem kærð hefðu
verið af Ólafi Jónssyni forverði
vegna gruns um fölsun. Lista-
verk í eigu safnsins eru tæp 8
þúsund.
ísólfur Gylfi sagði eftir svar
ráðherra að það væri gott að
ekki væru fleiri en eitt verk í
eigu Listasafni íslands grunuð
um að vera fölsuð. Kvaðst
hann hafa heimildir fyrir því
að á Kjarvalsstöðum væru „ef
til vill tíu folsuð verk“. Sagði
hann að listaverkafolsun væri
grafalvarlegt mál og taldi
brýnt að komið yrði á eigenda-
sögu hverrar myndar þegai’
um dýr listaverk væri að ræða.
Deilt um hvort hvalveiðar
samrýmist heimkomu Keikós
ÞORSTEINN Pálsson sjávarút-
vegsráðherra kvaðst á Alþingi
í gær enn vera þeirrar skoðun-
ar að heimkoma háhyrningsins
Keikós hljóti að ráðast af mati
íslenskra vísindamanna á því
hvort um sjúkdómahættu verði
að ræða eða ekki. Verði sjúk-
dómahætta ekki fyrir hendi
sjái hann enga fyrirstöðu að
taka við Keikó.
Málið ekki rekið á fjörur
sjávarútvegsráðuneytis
„Umrætt mál hefur hins veg-
ar ekki rekið á fjörur sjávarút-
vegsráðuneytisins og því hefur
það ekki verið skoðað þar sér-
staklega," sagði ráðherra m.a.
við fyrirspurn Sivjar Friðleifs-
dóttur, þingmanns Framsókn-
arflokks, um heimkoinu há-
hyrningsins Keikós.
Á eftir svari ráðherra
spunnust umræður um það
m.a. hvort hvalaskoðun og
hugsanleg heimkoma Keikós
samrýmdist áætlunum íslend-
inga um hvalveiðar. Skiptar
skoðanir voru um það á meðal
þingmanna, en ráðherra
kvaðst telja að hvalaskoðun
þyrfti ekki að trufla áform ís-
lendinga um hvalveiðar. Sam-
kvæmt sínum skoðunum og til-
fínningum væri mjög auðvelt
að sameina þetta hvort
tveggja.
I umræðunum sagði Isólfur
Gylfí Pálmason, þingmaður
Framsóknarflokks, að ef tekið
yrði á móti Keikó gætu Islend-
ingar gleymt því að hefja hval-
veiðar að nýju. Jón Krisfjáns-
son, þingmaður Framsóknar-
flokks, lagði hins vegar
áherslu á að íslensk stjórnvöld
ættu að líta á óskir um heim-
komu Keikós með jákvæðum
hætti.
Guðjón Guðmundsson, þing-
maður Sjálfstæðisflokks, sagði
að málefni Keikós væri eitt af
þessum furðulegu málum sem
stundum ræki á fjörur Islend-
inga. „Málið snýst auðvitað um
peninga. Keiko er búinn að
færa eigendum sínum stórar
fjárhæðir. Nú mun aðsóknin að
honum hafa minnkað og þá
fínna menn upp á þessu snjall-
ræði að fara að flytja hann
með brambolti til íslands á vit
fjölskyldu sinnar. Sjálfsagt
verður sett á fót öflug fjáröfl-
un í þeim tilgangi í Bandaríkj-
unum því það er jú reynslan að
þegar ímynd og velferð hvala
er annars vegar eru Banda-
ríkjamenn fljótir að opna
budduna," sagði hann og taldi
að íslendingar ættu ekki að
koma í veg fyrir þessa flutn-
inga svo framarlega sem ekki
væri um sjúkdómahættu að
ræða.
Leikrit í
kringum Keikó
Einar K. Guðfínnsson,
þingmaður Sjálfstæðisflokks,
fullyrti að öfgasinnuð samtök
um hvalavernd væru að setja
á svið leikrit í kringum
Keikó vegna þess að þau
sæju sér fjárhagslegan hag
af því. Af þeim sökum væri
fráleitt að tengja málefni
Keikós þeirri spurningu hvort
hér væru veiddir livalir eða
ekki.
Svanfríður Jónasdóttir, þing-
maður þingflokks jafnaðar-
manna, kvaðst ósammála Ein-
ari. „Afhveiju erum við ekki
farin að veiða hval? Einfald-
lega vegna þess að það hefur
ekki verið sjálfstætt mál. Við
höfum þurft að taka tilllit til
ýmissa hagsmuna annarra en
okkar eigin í því máli,“ sagði
hún.
Svanfríður sagði að menn
hlytu að velta því fyrir sér
hvort „Keikó-skoðun“ og hval-
veiðar færu saman. Sagði hún
að ef til þess kæmi að Keikó
yrði fluttur til íslands yrði
erfítt fyrir íslensk stjórnvöld
að sannfæra umheiminn um
réttmæti þess að veiða hvali.
„Hvað er auðveldara en að
segja þá: heyrðu, þeir ætla að
fara að veiða Keikó,“ spurði
Svanfríður og velti því upp
hvernig Islendingar ætluðu að
svara því.
Siv Friðleifsdóttir, þingmað-
ur Framsóknarflokks, benti í
lokin á að það væru mjög
skiptar skoðanir um það hvort
Bandaríkjamenn og alþjóð-
aumhverfið myndu tengja há-
hyrninginn Keikó við til dæmis
hrefnuveiðar. „Sjá Bandaríkja-
menn mikinn mun á háhyrn-
ingi og hrefnu? Ég sjálf efast
um það,“ sagði hún m.a.