Morgunblaðið - 19.04.1998, Side 17

MORGUNBLAÐIÐ
SUNNUDAGUR 19. APRÍL 1998 17
LISTIR
Vortónleik-
ar Karla-
kórsins
Stefnis
KARLAKÓRINN Stefnir
heldur fyrstu vortónleika sína
á þessu ári í Hafnarborg í
Hafnarfirði í kvöld, sunnu-
dagskvöld 19. apríl kl. 20:30.
Að venju er kórinn með
blandaða og fjölbreytta söng-
skrá. Þar eru bæði hefðbundin
karlakórslög eftir innlenda og
erlenda höfunda, innlend og
erlend lög af léttara tagi, nýj-
ar útsetningar á þekktum lög-
um og stundum nýir textar,
lög sem ekki hafa áður verið
flutt hérlendis svo vitað sé,
o.s.frv.
Einsöngvarar eru að þessu
sinni allir úr röðum kórmanna,
alls sjö og hafa líklega aldrei
verið fleiri.
Stjórnandi kórsins er Lárus
Sveinsson og undirleikari Sig-
urður Marteinsson.
Tónleikarnir verða endur-
teknir í Varmárskóla í Mos-
fellsbæ þriðjudaginn 21. apríl
kl. 20:30.
Fyrirlestur
o g japönsk
pappírsgerð
MYNDLISTARMENNIRNIR
Elsa Stansfield og Madelon
Hooykaas frá Hollandi verða
með fyrirlestur í Málstofu í
Laugarnesi mánudaginn 20.
apríl kl. 12.30. Þær eru þekkt-
ar fyrir myndbandsinnsetn-
ingar og í fyrirlestrinum munu
þær fjalla um eigin verk og
sýna myndbönd og skyggnur.
Japönsk pappírsgerð
Á námskeiðinu í japanskri
pappírsgerð verður unnið með
Koszo sem er trefjaefni úr
japönskum runna. Kenndar
verða hefðbundnar japanskar
vinnuaðferðir, gerð pappírs í
yfírstærðum, litun o.fl.
Kennari er Hrafnhildur Sig-
urðardóttir myndlistarmaður.
Kennt verður í MHI í Laugar-
nesi föstudaginn 24. apríl kl.
19-22 og helgina 25.-26. apríl
kl. 10-16.
Vortónleikar
Stúlknakórs
Húsavíkur
VORTÓNLEIKAR Stúlkna-
kórs Húsavíkur verða í kvöld,
sunnudagskvöld 19. apríl, kl.
20.30 í sal Borgarhólsskóla.
Píanóleikari með kórnum er
Aðalheiður Þorsteinsdóttir.
Stjórnandi Hólmfríður Bene-
diktsdóttir.
Efnisskráin er fjölbreytt.
Aðgangseyrir 500 kr. og frítt
fyrir nemendur Tónlistarskóla
Húsavíkur.
Tónleikar í
Digranes-
kirkju
LAUFEY Sigurðardóttir,
fiðluleikari, og Krystyna
Cortes, píanóleikari, verða
með tónleika í Digraneskirkju
í Kópavogi mánudaginn 20.
apn'l 1998 kl. 20.30.
Á efnisskránni eru sónötur
fyrir fiðlu og píanó eftir Vi-
valdi, Respighi, Janácek og
Bartók.
Verð aðgöngumiða á tón-
leikana er kr. 1.000 -. Miðar
verða seldir við innganginn.
Ungir myndlist-
armenn ‘98 í
Hveragerði
Hveragerði. Morgunblaðið
SÝNINGIN Ungir myndlistarmenn ‘98 var
opnuð í Listaskálanum í Hveragerði laugardag-
inn 11. apríl. Sýningin er samstarfsverkefni
Listaskálans og menningarmálanefndar Hvera-
gerðis. Auglýst var eftir verkum eftir unga
myndlistarmenn og sá þriggja manna dóm-
nefnd, skipuð þeim Daða Guðbjömssyni, Helga
Þorgils Friðjónssyni og Önnu Jórunni Stefáns-
dóttur, um að velja verk á sýninguna. Dóm-
nefndin valdi síðan einn listamann sem verð-
launahafa samkeppninnar og varð Birgir Snæ-
bjöm Birgisson fyrir valinu. Fjórar myndir eftir
Birgi em á sýningunni og vekur yfirbragð
þeirra athygli því þær em afar fínlegar og ljósar
Morgunblaðið/Aldís Hafsteinsdóttir
GÍSLI Páll Pálsson, forseti bæjarsljórnar,
Birgir Snæbjörn Birgisson, sigurvegari sam-
keppninnar, og Einar Hákonarson, eigandi
Listaskálans, við opnun sýningarinnar Ungir
myndlistarmenn ‘98.
á að líta. Aðspurður sagði Birgir þessa viður-
kenningu vera mjög skemmtilega fyrir sig þar
sem hann hefði frekar þótt synda mót straumi
með þessari tegund mynda. „Margir hafa spurt
mig hvers vegna ég máli svo ljósar myndir, ég
hef sagt að myndirnar mína hvísli boðskap sín-
um á meðan myndir málaðar í sterkari litum
hrópi á áhorfandann. Fólk þarf að einbeita sér
að myndunum mínum til að skynja þær til hlít-
ar.“ Birgir sagði ljósa liti henta myndefni sínu
vel. „Myndimar mínar eru sakleysislegar en
minna jafnframt á það hve sakleysið getur verið
brothætt.“ I verðlaun hlaut Birgir fimmtíu þús-
und krónur, mánaðardvöl í listamannaíbúð
Hvergerðisbæjar ásamt matarúttekt fyrir
fimmtán þúsund krónur í Listaskálanum.
Fjöldi gesta var viðstaddur opnun sýningar-
innar en þar fluttu ávörp Gísli Páll Pálsson, for-
seti bæjarstjórnar, og Einar Hákonarson, eig-
andi Listaskálans í Hveragerði. í máli Einars
kom fram að tilgangurinn með sýningu sem
þessari væri að örva ungt myndlistarfólk til
dáða og aðstoða það við að koma sér á framfæri.
Á sýningunni eru 48 verk eftir 17 unga mynd-
listarmenn. Sýningin er opin alla daga en henni
lýkur 3. maí.
Ert þú að
tapa réttindum?
Eftiríaldir lifeyrissjóðir hafa sent sjóðfélögum yfirlit um iðgjaldagreiðslur á árinu 1997:
Lífeyrissjóður Austurlands
Lífeyrissjóðurinn Framsýn
Lífeyrissjóður Norðurlands
Lífeyrissjóður sjómanna
Lífeyrissj. verkafólks í Grindavík
Lífeyrissjóður Vestmannaeyja
Sameinaði lífeyrissjóðurinn
Lífeyrissjóður Bolungarvíkur
Lífeyrissjóðurinn Hlíf
Lífeyrissjóður Rangœinga
Lífeyrissjóður Suðurnesja
Lsj. verkalýðsfélaga á Suðurlandi
Lífeyrissjóður Vesturlands
FÁIR ÞÚ EKKI YFIRLIT
en dregið hefur verið af launum þínum í einn eða fleiri af ofangreindum
lífeyrissjóðum, eða ef launaseðlum ber ekki saman við yfirlitið, skalt þú hafa
samband við viðkomandi lífeyrissjóð hið allra fyrsta og eigi síðar en I. maí nk.
Við vanskil á greiðslum iðgjalda i lífeyrissjóð
er hætta á að dýrmæt réttindi tapist.
Þar á meðal má nefna:
ELLILÍFEYRI MAKALÍFEYFU BARNALÍFEYRI ÖRORKULÍFEYRI
Gættu réttar þíns
í lögum um ábyrgðarsjóð launa seglr meðal annars:
Til þess að iðgjöld launþega njóti ábyrgðar ábyrgðasjóðs launa vegna gjaldþrota, skulu
launþegar innan 60 daga frá dagsetningu yfirlits ganga úr skugga um skil vinnuveitenda til
viðkomandi lífeyrissjóðs. Séu vanskil á iðgjöldum skal launþegi innan sömu tímamarka leggja
lífeyrissjóði til afrit launaseðla fyrir það tímabil, sem er í vanskilum. Komi athugasemd ekki fram
frá launþega er viðkomandi lífeyrissjóður einungis ábyrgur fyrir réttindum á grundvelli iðgjalda
þessara að því marki sem þau fást greidd, enda hafi lífeyrissjóðnum ekki verið kunnugt um
iðgjaldakröfuna.