Morgunblaðið - 19.04.1998, Blaðsíða 48

SUNNUDAGUR 19. APRÍL 1998
MORGUNBLAÐIÐ
Dýraglens
Já, kennari... ég vil gjarnan hitta Mig langar að sýna honum þessa Tekur hann ekki á móti óbreyttum
skólastjórann ... mynd sem ég litaði... hermönnum?
BREF
TIL BLAÐSINS
Kringlan 1 103 Reykjavik • Sími 569 1100 • Símbréf 569 1329
LÁTUM aldrei undan freistingunni. Áfengi og akstur mega aldrei fara
saman. (Sviðsett mynd.)
Hefur þú ekið
undir áhrifum
áfengis?
Frá Hópum 53 og 54:
VIÐ erum tveir hópar sem sóttu
námskeið ungra ökumanna hjá
Sjóvá-Almennum í febrúar. Við
fjölluðum sérstaklega um bílbelta-
notkun og ölvunarakstur. Við vilj-
um deilda nokkrum punktum með
þér.
Ölvunarakstur
í könnun sem Sjóvá-Almennar
gerðu meðal ungra ökumanna má
reikna með að annar hver ungur
ökumaður á aldrinum 17-20 ára
hafi ekið ölvaður. Hugsum fyrir:
fram áður en slys eiga sér stað. í
ljósi þess hve alvarlegt það er vilj-
um við benda ykkur á að sé fólk að
fara að skemmta sér og ætli það að
fá sér í glas er best að skilja
bíllyklana eftir heima. Þá er minni
hætta á að það fari af stað undir
áhrifum. Ætli einhver vinur að
fara af stað, er gott að ná af hon-
um lyklunum. Hann mun þakka
ykkur fyrir það seinna. Góð regla
er að sjá um að einn í hópnum hafi
ekki neytt áfengis, hann getur þá
keyrt. Ef ekki þá er um að gera að
drekka kók í staðinn fyrir bjór og
vera alltaf með nógu mikinn pen-
ing fyrir leigubíl. Ekki hafa upp-
takara á lyklakippunni, þá er
freistingin minni að opna einn í
akstri. Dagurinn eftir getur verið
varasamur. Það getur tekið langan
tíma að renna af okkur, því verð-
um við að gæta þess að keyra ekki
af stað of snemma daginn eftir. En
umfram allt: Eftir einn ei aki
neinn.
Bilbeltanotkun
Við skoðuðum bílbeltanotkun
hjá ungu ökumönnunum sem sóttu
námskeiðið hjá Sjóvá-Almennum.
Fyrir námskeið voru aðeins 58%
sem notuðu alltaf bílbelti. Á nám-
skeiðinu var rætt ítarlega hversu
nauðsynlegt það er að nota bílbelti
og flest okkar hafa farið að nota
beltin eftir námskeið eða 94%. Við
höfum komist að raun um að beltin
geta bjargað mannslífum. Fleiri en
einn í hópnum telja að þau hafi
bjargað lífi sínu í óhöppum. Það á
alltaf að nota beltin, ekki síður
þegar ekið er hægt og rólega og
jafnvel þótt farnar séu stuttar
vegalengdir. Stór hluti slysa og
óhappa verður í næsta nágrenni
við heimili fólks. Allir sem eru í
bílum eiga að vera í beltum. Börn
eiga að vera í barnabílstól og at-
huga þarf að hann og barnið séu
rétt fest í samræmi við leiðbein-
ingar. Fullorðið fólk á að vera
börnunum fyrirmynd og takist það
er það að minnka verulega líkur á
að bömin verði fyrir alvarlegum
slysum.
Bílaframleiðendur myndu ekki
setja bílbelti í öll sæti í öllum bíl-
um, nema af því að þeir eru þess
fullvissir að þau hafi jákvæð áhrif
og komi í veg fyrir slys. Umferðar-
lögin gera ráð fyrir að allir sem í
bílnum sitja hafi beltin spennt.
Sektir eru við því ef sú regla er
ekki virt. Algeng orsök banaslysa
er að fólk kastast út úr bíl og lend-
ir jafnvel undir honum. Litlar líkur
eru á að það gerist noti fólk bíl-
beltin. Munum að aftursætisfar-
þegar sem lausir eru, geta
stórslasað eða drepið framsætis-
farþega lendi bíllinn í hörðum
árekstri því 75 kg manneskja
myndi kastast á framsætið með 4
tonna þunga við árekstur á 70 km
hraða. Munum því að beltin
bjarga.
EINAR GUÐMUNDSSON,
forvarnarfulltrúi Sjóvá-Almennra.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.