Morgunblaðið - 18.09.1998, Síða 10

10 FÖSTUDAGUR 18. SEPTEMBER 1998
MORGUNBLAÐIÐ
FRÉTTIR
Tillögur um gjaldskrárhækkun
Dagvistar barna
Tekjurnar
aukast um 50
milljónir kr.
TEKJUR Dagvistar bama munu
aukast um nálega 50 milljónir
króna verði tillaga um gjaldskrár-
hækkun frá áramótum, sem rædd
var á fundi stjómar Dagvistar
barna á miðvikudag, samþykkt, en
afgreiðslu málsins var þá frestað til
næsta fundar stjórnar Dagvistar
bama í byrjun október. Þetta jafn-
gildir 7% tekjuaukningu vegna
dagvistargjaldanna, eins og skýrt
var frá í Morgunblaðinu í gær, en
ólíkir , þættir gjaldskrárinnar
hækka með mismunandi hætti.
Þannig hækkar fullt gjald fyrir
átta tíma vistun úr 18.750 kr. í
19.400 kr. í byrjun næsta árs eða
um 3,35% samkvæmt tillögunni, en
forgangsgjald vegna níu tíma vist-
unar um 13,64% eða úr 9.500 kr. í
11 þúsund kr.
Rekstrargjöld Dagvistar bama
vegna leikskóla em áætluð 2.143
milljónir króna í ár og þar af er
gert ráð fyrir að tekjur af gjald-
töku vegna vistunar barna á leik-
skólum nemi 685 milljónum kr.
Þær tekjur munu aukast um tæpar
50 milljónir króna á næsta ári verði
tillagan samþykkt, en hún þarf
einnig að fá staðfestingu borgar-
ráðs. Tæpar 1.500 milljónir króna
koma því úr borgarsjóði í ár vegna
rekstrargjalda leikskóla.
Þrenns konar gjaldskrá er í gildi
vegna dagvistunar í Reykjavík,
fullt gjald, forgangsgjald, sem
einkum er fyrir einstæða foreldra,
og námsmannagjald. Samkvæmt
tillögunni er gert ráð fyrir að tíma-
gjald hækki úr 1.900 kr. í 2.100 kr.
Fullt gjald vegna fjögurra tíma
vistunar barns á leikskóla í
Reykjavík í einn mánuð hækkar úr
7.600 kr. í 8.400 kr. eða um 9,52%.
Samsvarandi forgangsgjald hækk-
ar úr 6.700 kr. í 7 þúsund kr. eða
um 4,29% og námsmannagjald fyr-
ir fjögurra tíma vistun hækkar úr
6.800 kr. í 7.200 kr. verði tillagan
samþykkt eða um 5,56%.
Gjöld fyrir sex og átta tíma vist-
un breytast einnig með nokkuð
mismunandi hætti svo dæmi séu
tekin. Þannig hækkar fullt gjald
fyrir sex tíma vistun úr 14 þúsund
kr. í 15.200 kr. eða um 7,89%, for-
gangsgjald úr 8 þúsund í 8.600 kr.
eða um 6,98% og námsmannagjald
úr 8.800 kr. í 9.200 kr. eða um
4,35%. Fullt gjald fyrir átta tíma
vistun hækkar minnst eins og fyrr
sagði eða úr 18.750 kr. í 19.400 kr.,
um 3,35%, forgangsgjald úr 9.500
kr. í 10 þúsund kr. eða um 5% og
námsmannagjald úr 13.500 kr. í
14.700 kr. eða um 8,16%.
Systkinaafsláttur
hækkar úr 25% í 33%
Þá gerir tillagan einnig ráð fyrir
því að systkinaafsláttur aukist úr
25% í 33% sem þýðir tekjuminnkun
vegna galdtökunnar sem nemur 4,5
milljónum kr.
Gjöld vegna níu tíma vistunar
hækka mest eða um 12,34% upp í
13,64% eftir gjaldflokkum. Bergur
Felixson, framkvæmdastjóri Dag-
vistar barna, segir að til þessa hafi
ekki verið greint á milli átta og níu
tíma vistunar hvað gjaldtöku snerti
í Reykjavík, en tillagan geri ráð
fyrir að það verði gert, eins og al-
mennt sé reglan í nágrannasveitar-
félögunum. Ekki sé hins vegar vit-
að hve mikil þörf sé fyrir níu tíma
vistun og því séu tekjur vegna
þessarar breytingar óvissar.
Bergur sagði einnig að gjaldskrá
Dagvistar barna í Reykjavík hefði
verið lægri en í nágrannasveitarfé-
lögunum. Fyrirhugaðar breytingar
þýddu að fullt gjald í Reykjavík
hækkaði í ætt við það sem gerðist í
nágrannasveitarfélögunum, en sér-
gjaldflokkamir yrðu ennþá lægri
en annars staðar.
®IS
.TF-UF
Stefán Tómasson
varaþingmaður í
prófkjör á Reykjanesi
Stefnir á
þriðja til
fjórða sæti
STEFÁN Tómasson, varaþingmað-
ur Sjálfstæðisflokksins í Reykjanes-
kjördæmi, hefur ákveðið að gefa
kost á sér í prófkjöri flokksins í kjör-
dæminu sem fyrirhugað er í haust.
Stefnir hann á þriðja til fjórða sæti.
„Núverandi þingmenn flokksins
sem ætla í prófkjörið hafa ákveðið að
stefna á fyrstu tvö sætin og ég kem
því svona í humátt á eftir þeim,“
sagði Stefán í samtali við Morgun-
blaðið. Hann bjó til skamms tíma í
Grindavík þar sem hann tók þátt í
bæjarmálum og hefur hann tekið
þátt í starfi Sjálfstæðisflokksins í
Reykjaneskjördæmi. Hann segist
sem varaþingmaður hafa fengið
ágætt inngrip í störf Alþingis. „Eg
hef á þessum fjórum árum átt gott
samstarf við þingmennina, kynnst
mjög vel bæði þingstörfum og starfs-
umhverfi þingmanna og tel að ég
hafi eftir reynslu mína í núverandi
starfi kynnst vel atvinnulífi svæðis-
ins. Ég tel mig því hafa reynslu til að
taka þátt í þessu og sinna þing-
mannsstarfi vel,“ segir Stefán enn
fremur og vísar þar til starfs síns
fyrir Útvegsmannafélag Suðumesja
og Vinnuveitendafélag Suðurnesja
sem hefur skrifstofu í Keflavík í
Reykjanesbæ.
--------------
Nýr vatns-
tankur í Land-
mannalaugar
ÁHÖFNIN á TF-LÍF, björgunar-
þyrlu Landhelgisgæslunnar, að-
stoðaði umsjónarmenn í Land-
mannalaugum við að koma nýjum
vatnstanki fyrir í vikunni. Nýi
tankurinn rúmar ti'u þúsund lítra
og vegur 1,5 tonn. Þyrlan flutti
hann frá skálanum í Landmanna-
laugum og um 250 metra leið upp í
hraunið þar fyrir ofan, en þar var
honum komið fyrir í sex metra
djúpri gjótu. Flutningur tanksins
var mikið nákvæmnisverk að sögn
áhafnar þyrlunnar en tókst með
eindæmum vel og átti gott veður
nokkurn þátt í því.
Forstjóri Vinnumálastofnunar gagnrýnir vanstillt skrif, dylgijur og aðdróttanir
Athug’un á launamál-
um Technopromex-
port ekki lokið
ATHUGUN á launamálum hjá rússneska fyr-
irtækinu Technopromexport, sem vinnur nú að
uppsetningu staura fyrir Búifellslínu 3A fyrir
Landsvirkjun, stendur enn yfir hjá Vinnmála-
stofnun og sagði Gissur Pétursson, forstjóri
hennar, í gær að farið hefði verið fram á það að
rússneska fyrirtækið sendi afrit af launaseðl-
um fyiir mánudag. Vinnumálastofnun hefur
sent frá sér skýrslu um málið, sem í gær var
gagnrýnd af Félagi jámiðnaðarmanna.
Fullnægjandi gögn að
mati Vinnumálastofnunar
Vinnumálastofnun sendi Páli Péturssyni fé-
lagsmálaráðherra skýrslu um málið, sem er
dagsett 15. september. Þar segir að sama dag
hafi Technopromexport sent stofnuninni „full-
nægjandi gögn að mati Vinnumálastofnunar"
og eftir yfirferð þeirra væri það „skoðun stofn-
unarinnar að fyrirtækið [greiddi] laun í sam-
ræmi við íslensk lög og kjarasamninga". í nið-
urlagi skýrslunnar segir að eftir rannsókn
þein-a þátta, sem félagsmálaráðuneytið hafi
farið fram á að yrðu kannaðir 2. september,
telji Vinnumálastofnun að fyrirtækið uppfylli
ákvæði laga um atvinnuréttindi útlendinga og
„því sé ekki ástæða til frekari aðgerða að svo
stöddu“.
í beiðni félagsmálaráðuneytis var farið fram
á að rannsakað yrði hvort erlendir starfsmenn
Technopromexport hefðu í reynd fengið laun
og kjör, sem kjarasamningar kvæðu á um, um
leið og athugað yrði hvort önnur atriði starf-
seminnar brytu í bága við lög. Beiðnin væri
sett fram vegna óska Rafiðnaðarsambands Is-
lands og Félags jámiðnaðarmanna frá 17.
ágúst um að atvinnuleyfi Technopromexport
yrðu afturkölluð vegna gruns áðumefndra fé-
laga um að lög um atvinnuréttindi útlendinga
hefðu verið brotin.
Gagnrýna ákvörðun um
að afturkalla ekki leyfi
Rafiðnaðarsamband íslands sendi á mið-
vikudag út fréttatilkynningu þar sem ákvörðun
félagsmálaráðuneytis um að afturkalla ekki at-
vinnuleyfi starfsmanna Technopromexport í
kjölfar skýrslu Vinnumálastofnunar er gagn-
rýnd. í fréttatilkynningunni segir meðal ann-
ars að við hefði legið að rússneskir starfsmenn
Technopromexport hæfu vinnustöðvun að
morgni miðvikudags þegar þeir fengu á rúss-
nesku þann kjarasamning, sem fyrirtækið
hefði gert við íslensk stéttarfélög og kvæði á
um lágmarkskjör Rússanna hér á landi sam-
kvæmt lögum um starfskjör og launakjör.
„Samkvæmt þessum kjarasamningi eiga
þeir að fá rúmlega 400 þús kr. á mánuði fyrir
þann mikla vinnutíma sem þeir vinna en hafa í
þess stað 73 þús. kr.,“ segir í fréttatilkynning-
unni, sem Guðmundur Gunnarsson, formaður
Rafiðnaðarsambands íslands undin-itar.
„Vinnutími Rússanna er 40 dagvinnutímar á
viku auk 35 yfirvinnutíma.“
Afrit af skýrslu vinnumálastofnunar barst í
hendur fréttastofu Ríkisútvarpsins og þaðan til
Félags járniðnaðarmanna, sem í gær sendi fé-
lagsmálaráðherra bréf undirritað af Erni Frið-
rikssyni, formanni félagsins.
Alvarlegar athugasemdir
Félags járniðnaðarmanna
í bréfinu lýsir Félag járniðnaðarmanna yfir
undrun á skýrslu vinnumálastofnunar „um
„rannsókn" stofnunarinnar og telur óhjá-
kvæmilegt að gera alvarlegar athugasemdir
við efni skýrslunnar og niðurstöður“.
„Meginniðurstaða vinnumálastofnunar er að
launakjör erlendra starfsmanna Techno-
promexport á Islandi séu í samræmi við ís-
lensk lög og kjarasamninga," segir í bréfi Fé-
lags járniðnaðarmanna. „Þessi niðurstaða er
sett fram sem skoðun stofnunarinnar án þess
að í skýrslunni sé vísað til neinna gagna, sem
geta talist grundvöllm- að slíkri niðurstöðu ...
Beri Félagi járniðnaðarmanna að líta á skýrslu
Vinnumálastofnunai- sem svar við kröfu félags-
ins um rannsókn á því hvort laun og starfskjör
erlendra starfsmanna Technopromexport séu í
samræmi við gildandi lög og kjarasamning
verður félagið að lýsa því yfir að rannsóknin og
svörin eru með öllu ófullnægjandi."
Gissur Pétursson kvaðst í gær hafa séð þetta
bréf Félags járniðnaðarmanna og vilja segja
það að Vinnumálastofnun hefði í samvinnu við
félagsmálaráðuneyti unnið að þessu máli frá
því það hefði komið upp 17. ágúst.
„Við höfum ekki tíma til að eltast við van-
stillt skrif af þessu tagi, sem eru uppfull af
dylgjum og aðdróttunum í garð stofnunarinnar
og vinnubragða hennar," sagði Gissur um bréf-
ið. „Við verðum bara að gefa okkur tíma til að
svara svona ásökunum í fyllingu tímans. Þetta
er ekki Félagi jái'niðnaðarmanna til sóma.“
Gissur kvaðst enn líta svo á sem skilagreinar
Techonpromexport, sem fjallað væri um í
skýrslu Vinnumálastofnunar frá 15. septem-
ber, væru fullnægjandi.
„Málið er ekki búið“
„En málið er ekki búið,“ sagði hann. „Þær
ályktanir, sem við drógum af þeim gögnum,
sem við fengum frá fyrirtækinu, eru alveg rök-
réttar. Það er annað mál hvort annað komi í
ljós eða nýjar upplýsingar, sem breyta afstöðu
okkar."
Hann sagði að rússneska fyrirtækið væri
ásakað um að greiða ekki laun í samræmi við
kjarasamninga. Það væru alvarlegar ásakan-
ir sem stofnunin hefði rannsakað fram til
þessa.
„Nú höfum við beðið um afrit af launaseðlum
til starfsmanna," sagði hann. „Þeh- hafa frest
fram á mánudag til að láta okkur fá þau.“
Deila þessi leiddi til þriggja daga vinnu-
stöðvunar i síðustu viku, en eftir að vinna hófst
á ný við Búrfellslínu hefur verkið sóst vel að
sögn verktakans, Landsvirkjunar.