Morgunblaðið - 18.09.1998, Síða 14
14 FÖSTUDAGUR 18. SEPTEMBER 1998
AKUREYRI
MORGUNBLAÐIÐ
Háskólinn á Akureyri og Hálandaháskólinn í Skotlandi
Samstarfs-
samningur
undirritaður
SAMSTARFSSAMNINGUR milli
Háskólans á Akureyri og Hálanda-
háskólans, University of Highlands
and Islands í Skotlandi var undirrit-
aður í gær. Þorsteinn Gunnarsson
rektor Háskólans á Akureyri ritaði
undir samninginn í húsakynnum há-
skólans við Þingvallastræti en fyrir
hönd Hálandaháskólans skrifaði
Michael Webster undir samninginn
á skrifstofu skólans í Invemess í
Skotlandi. Fjarfundarbúnaður var
notaður til að koma á sambandi
milli staðanna.
Samningurinn skuldbindur þess-
ar tvær stofnanir til samvinnu á
sviðum rannsókna og kennslu sem
þeim báðum er sameiginleg. Gæti
slík samvinna m.a. orðið í nemenda-
og kennaraskiptum, rannsóknum og
þróun á samvinnu á sviði fjar-
kennslu og upplýsingatækni. Nefnt
er að vettvangur samvinnu hvað
varðar kennslu gæti verið byggða-
þróun, sjálfbær þróun, sjávarút-
vegsfræði, heilsugæsla, viðskipta-
fræði og ferðamál. Kappkostað
verður að fjármagna samvinnu há-
skólanna með fjárframlögum úr
ýmsum áætlunum Evrópusam-
bandsins. Þess er vænst að sam-
vinna háskólanna muni skapa aukin
námstækifæri fyrir samfélögin á
báðum stöðum og auka á samvinnu
fólks á eyjum og hálöndum
Skotlands og Islands.
Vænta góðs af
samvinnunni
Fram kom við undirritun sam-
starfssamningsins að tilhlökkun rík-
ir á báðum stöðum að hefja sam-
Morgunblaðið/Kristj án
ÞORSTEINN Gunnarsson rektor Háskólans á Akureyri undirritar
samstarfssamning við Hálandaháskólann í Skotlandi, en við hlið hans
situr James McCulloch sendiherra Bretlands á Islandi.
vinnu og vænta menn góðs af henni.
Tæknibúnaður sem til staðar er
opnar margvíslega möguleika til
samskipta þó langt sé á milli staða.
Hálandaháskólanum er ætlað að
þjóna hinum dreifðu byggðum
Skotlands en Skotar hafa lagt mikla
áherslu á upplýsingatækni og fjar-
vinnslu við uppbyggingu háskóla-
menntunar og atvinnulífs við að-
stæður sem að nokkru svipar til
þess sem við er að fást í dreifbýli
hér á landi. Hálönd og eyjar
Skotlands eru 39 ferkílómetra
svæði og eru íbúar um 370 þúsund
talsins.
Að Hálandaháskólanum standa
13 skólastofnanir og er gert ráð fyr-
ir að auk þeirra verði komið upp 35-
40 námsverum víðsvegar í Hálönd-
um og eyjum út af Skotlandi. Fjár-
mögnunaráætlun Hálandaháskól-
ans er stórhuga en fram til ársins
2001 er gert ráð fyrir að fjárveiting-
ar vegna stofnbúnaðar nemi a.m.k.
10 miiljörðum króna.
Fjölbreytt
dagskrá
Dokkardags
DOKKARDAGUR verður á morg-
un, laugardaginn 19. september og
fer dagskráin að mestu fram við
flotbryggjuna norðan Torfunefs.
Dokkardagurinn er tileinkaður
minningu Guðmundar Sigurbjöms-
sonar hafnarstjóra sem lést í sumar,
en hann var upphafsmaður að því að
farið var að efna til dokkardaga fyr-
ir nokkrum árum.
Meðal þess sem verður á dagskrá
er dorgveiðikeppni á bryggjum
bæjarins og verður leikið á harmon-
ikkur á bryggjum til að auka
veiðistemmninguna. Utimarkaður
verður opnaður kl. 14 þar sem
kenna mun margra grasa auk þess
sem efnt verður til súpukeppni.
Götuleikhús verður á ferðinni til að
auka á markaðsstemmninguna og
þá munu slökkviliðsmenn efna til
sýningar á svæðinu.
Um kvöldið verður einnig mikið
um að vera við flotbryggjuna, veit-
ingahús verður opið þar sem gestir
geta keypt veitingar af ýmsu tagi og
hljómsveitin PKK leikur. Mikil
ljósasýning verður kl. 22 þar sem
heiðruð verður minning Guðmundar
en Örn Ingi Gíslason fjöllistamaður
hefur umsjón með henni. Gert er
ráð fyrir að mikið fjölmenni taki
þátt í þessari dagskrá, m.a. úr
Iþróttafélaginu Þór og Lions-
klúbbnum Hæng. Dokkardögum
lýkur með flugeldasýningu. Tveir
strætisvagnar verða til reiðu fyrir
þá sem vilja fyigjast með ljósadýrð-
inni frá Vaðlaheiðinni.
Morgunblaðið/Kristján
Fiskur til og frá landinu
FLUTNINGASKIPIÐ Erikson Crystal kom til
Akureyrar í gærmorgun með um 160 tonn af
Rússafíski, hausaðan heilfrystan þorsk og steinbít,
sem fór til vinnslu á Dalvík og Vopnafirði. Þá var
skipað um borð í flutningaskipið frystum fiski, frá
Skagaströnd, Neskaupstað og Akureyri, alls um
150-170 tonnum, á markað í Bandaríkjunum.
Skipið hélt frá Akureyri í gærkvöld, áleiðis til
Bandaríkjanna, með viðkomu á ísafirði og í Hafnar-
firði. Eimskip er með skipið á leigu en það er rúm-
lega 5.000 tonn að stærð, í eigu sænskra aðila en
skráð á Bahamaeyjum.
Á myndinni eru tveir starfsmenn Eimskips, þeir
Árni Gíslason og Jón Ingason, innan um fiskpakkn-
ingar sem verið var að skipa út á Togarabryggj-
unni.
Bæjarráð um fjárhagsvanda Leikfélags Akureyrar
Öskað eftir úttekt á fjárhag
BÆJARRÁÐ Akureyrar tók á fundi sínum í
gær undir þá skoðun, sem fram kom í menning-
armálanefnd bæjarins, að leysa yrði fjárhags-
vanda Leikfélags Akureyrar til frambúðar og
tryggja þannig í sessi einn öflugasta kjarna
menningarlífs bæjarins.
Fjárhagsvandi bæjarins hefur verið til um-
fjöllunar í bæjarkerfinu síðustu vikur, en halla-
rekstur síðasta starfsárs nam 10 milljónum
króna. Félagið hefur fengið 8 milljónir króna
fyrirfram af fjárveitingum næsta árs.
Menningarmálanefnd hefur lagt til að leik-
félaginu verði boðin lánafyrirgreiðsla til að
leysa vanda þess. Lagt er til að lánið nemi allt
að 8 milljónum króna á þessu ári og að á næsta
ári komi til framlag að sömu upphæð, sem
myndi skiptast þannig að aukafjárveiting upp
á 6 milljónir króna yrði vegna stofnbúnaðar,
sem aðrar stofnanir í bænum gætu einnig haft
afnot af og 2 milljónir króna kæmu til vegna
rekstrar.
Þá kemur einnig fram í tillögum nefndarínnar
ósk um viðræður við ríkisvaldið um framlag
þess til menningarstarfsemi á Akureyri þar sem
m.a. yrði rætt sérstaklega um stöðu atvinnuleik-
húss í bænum. Samningur um reynslusveitarfé-
lagaverkefni Akureyrarbæjar á sviði menning-
armála rennur út í lok næsta árs.
Bæjarráð hefur óskað eftir að gerð verði fjár-
hagsleg úttekt á rekstri leikfélagsins ásamt ítar-
legri greinargerð um það hvernig stjórnendur
þess hyggist tryggja að endar nái saman í
rekstri miðað við núverandi forsendur.
Bæjarráð frestaði afgreiðslu þessara mála
þar til umrædd úttekt á fjárhag og greinargerð
liggja fyrir.
Þröstur Ásmundsson, formaður menningar-
málanefndar, sagði mikilvægt að leysa vanda
leikfélagsins svo fljótt sem verða mætti, mikil-
vægt væri að nýr leikhússtjóri, sem tæki til
starfa um næstu áramót, kæmi að hreinu
borði.
Kynslóða-
hlaupið
í Kjarna-
skógi
KYNSLÓÐAHLAUPIÐ verð-
ur þreytt á tíu stöðum á land-
inu sunnudaginn 20. septem-
ber kl. 14.00. Á Akureyri fer
hlaupið fram í Kjarnaskógi og
geta þátttakendur valið um
einn eða tvo hringi í skóginum
en hringurinn er 2,2 km.
Halldóra Bjarnadóttir
hjúknmarfræðingur hefur tek-
ið að sér að hefja hlaupið í
Kjarnaskógi. Kynslóðahlaupið
er fjölskylduviðburður en ekki
keppnishlaup og því er upplagt
fyi’ir heilu fjölskyldurnar að
taka þátt í því saman.
Þátttökugjald er 650 krónur
en því fylgir bolur og viður-
kenningarpeningur að hlaupi
loknu. Þá verður þátttakend-
um boðið upp á drykki frá
Mjólkursamlagi KEA eftir
hlaupið. Skráning fer fram í
Kjarnaskógi frá kl. 12.30 á
sunnudag en upphitun fyrir
hlaupið hefst kl. 13.30.
Endurbygging
vegar yfir Lágheiði
Enginn
tilgangur
VEGAGERÐIN óskaði eftir
því í síðustu viku að Akureyi'-
arbær tilnefndi fulltrúa í sam-
ráðshóp um endurbyggingu
vegar um Lágheiði. Á fundi
bæjarráðs í gær kom fram sú
skoðun ráðsins að ekki væri
ástæða til að tilnefna í slíkan
samstarfshóp en Vegagerðin
var hvött til að skipa þess í
stað samráðshóp um jarð-
gangagerð frá Siglufirði til
Öiafsfjarðar.
Kristján Þór Júlíusson bæj-
arstjóri á Akureyri sagði að
mun eðlilegra væri að skipa
samstarfshóp sem fjallaði um
jarðagangagerð. „Við sjáum
engan tilgang í því að skipa
starfshóp um endurbyggingu
vegar yfir Lágheiði, við teljum
miklu eðlilegra að setja af stað
vinnu vegna jarðganga milli
Siglufjarðar og Ólafsfjarðar,"
sagði Kristján.
Aglowfundur
AGLOW, Kristilegt félag
kvenna, heldur fund í félags-
miðstöðinni Víðilundi 22 á
Akureyri næstkomandi mánu-
dagskvöld, 21. september, kl.
20. Ann Merethe Jacobsen tal-
ar, fjölbreyttur söngur er á
dagskránni og fyrirbænaþjón-
usta. Kaffihlaðborð er á
boðstólum en þátttökugjald er
350 krónur. Állar konur eru
velkomnar.
Messa
Möðruvallaprestakall: Kvöld-
guðsþjónusta verður í Bægisár-
kirkju næstkomandi sunnu-
dagskvöld, 20. september kl.
21. Kór Bægisárkirkju syngur,
organisti er Birgir Helgason.
Aðalsafnaðarfundur verður eft-
ir guðsþjónustuna.
Aksjon
Föstudngur 18. september
12.00^Skjáfréttir
18.15^-Kortér Fréttaþáttur í sam-
vinnu við Dag. Endursýndur kl.
18.45,19.15,19.45, 20.15, 20.45.
21 .OOÞ-Bæjarsjónvarp Steingrím-
ur St.Th. Sigurðsson listmálari
spjallar við áhorfendur og snarar
upp portretti.