Morgunblaðið - 05.12.1998, Side 78

78 LAUGARDAGUR 5. DESEMBER 1998
MORGUNBLAÐIÐ
Dýraglens
©Associated Newspapers, Ltd. 11..
Dist by Trlbune Meaia Services, Ina All rights reserved.
Ljóska
Smáfólk
U)E 5AW YOU 5TANPIN6 IN FRONT
OF OURl'ANIMAL CLINICl MOM
15 THE VET HERE..5HE SAID,
‘‘THAT P06 D0E5N'T LOOK WELL..
BRIN6 HIM IN HERE.."
IT'S TOO BAP D06S CAN'T
TALK..IF YOU COULD TALK,YOU
COULP TELL ME HOW YOU FEEL,
ANP WHAT YOU'RE THINKIN6..
DIDANYBOPYTAKEMY
° MICKEY M0U5E 5HOE5?
Við sáum þig standa fyrir framan Það er verst að hundar geta ekki tal- Tók einhver Mikka-mús-skóna
Dýraspítalann ... mamma er dýra- að ... ef þú gætir talað gætirðu sagt mína?
Iæknirinn hér ... sagði hún, þessi mér hvernig þér liði, og hvað þú
hundur lítur ekki vel út... komdu með hugsaðir ...
hann hingað inn.
BREF
TIL BLAÐSINS
Kringlan 1 103 Reykjavík • Sfmi 569 1100 • Símbréf 569 1329
Slysagildran
Gullinbrú?
Frá Magnúsi Jónssyni:
MIÐVIKUDAGINN 24. nóvember
síðastliðinn varð 13 ára piltur fyrir
bifreið á Gullinbrú og slasaðist al-
varlega.
Þetta hefði aldrei þurft að gerast
ef rétt hefði verið staðið að fram-
kvæmdum við brúarsmíðina. Þarna
ei-u teknir í sundur tveir göngu-
stígar og ekki boðið uppá neina
aðra leið en það að taka lífið í eigin
hendur og reyna að hlaupa yfir
eina umferðarþyngstu götu á Is-
landi. I gegnum mína vinnu sem
verktaki veit ég að alltaf er dýrt og
erfiðleikum háð að hafa gangandi
umferð um vinnusvæði svo engin
hætta sé á slysum vegna fram-
kvæmda, en sú aðferð sem notuð er
þarna er hreinlega óafsakanleg.
„í - upphafi skildi endirinn
skoða.“ Það liggur í augum uppi að
þegar Grafarvogurinn var brúaður
hefði verið skynsamlegast að brúa
hann með einni fjögurra akreina
brú í staðinn fyrir það klúður sem
nú, nær 15 árum síðar, er verið að
reyna að laga.
Þegar haft er í huga að til hefur
staðið í fleiri mánuði að hefja fram-
kvæmdir hefði mátt byrja á því að
hugsa um þá umferð sem er um
umrætt svæði og hvernig mætti
halda henni að mestu óbreyttri. En
það var einfaldlega ekki gert, eng-
um af þessum sprenglærðu hönn-
uðum datt í hug að fólkið, sem fer
hjólandi eða gangandi til vinnu
sinnar eða í heimsóknir eða sér tO
heilsubótar um þessa göngustíga,
þarf skyndilega að fara yfir eina af
hættulegustu götum heims vegna
þess að engum datt í hug að gera
neitt! Eg fór þarna sjálfur við upp-
haf framkvæmda og spurði verka-
mann þar hvort ég kæmist ekki yf-
ir og svarið var , jú, en það er lok-
að“. Eg sá ekki ástæðu þá til þess
að spyrja hversvegna, en ég gat
með smá tilfæringum gengið með
reiðhjól gegnum vinnusvæðið
þeirra og það án þess að tefla sjálf-
um mér í hættu eða trufla neinn.
Þeim, sem bjóða út verk á veg-
um hins opinbera, ber skylda til að
liðka eins og hægt er fyrir allri um-
ferð um vinnusvæðið. Sú aðferð
sem notuð er, það er að banna alla
gangandi og hjólandi umferð, ber
vott um fádæma lélega verkkunn-
áttu þeirra sem að hönnun standa
og algert skilningsleysi lögregluyf-
irvalda á ábyrgðarhlutverki sínu
gagnvai’t almenningi, að frátöldu
skeytingarleysi verktaka á vinnu-
stað, sem telur að hann geti bara
lokað vinnusvæði sínu án tillits til
þess hvar hann er að vinna.
Eg efast ekki um að ef ætti að
brúa Lækjargötuna fyndist ein-
hver leið til að halda gangbrautum
opnum á meðan á framkvæmdum
stæði, þetta er bara spurning um
vilja.
Með von um að þeir sem málið
varðar láti nú verkin tala og hindri
með því að atburður í líkingu við
þann sem varð 24. nóvember sl.
endurtaki sig.
MAGNÚS JÓNSSON,
verktaki, Logafold 49, Reykjavík.
Fýsilegur
geisladiskur
Frá Braga Benediktssyni:
GEISLAPLATA Jóns Kr. Ólafs-
sonar, Bíldudal, kom fyrir almenn-
ingssjónir 22. ágúst 1997.
Eg keypti hana nýverið og lögin
á henni eru sérlega skemmtileg og
ljóðræn og Jón Kr. og félagar hans
flytja þau einstaklega smekklega.
Undanfarna daga, þegar dag-
skrá sjónvarpsins hefur verið léleg
og ég ekki talið hana þess virði að
fylgjast með henni, þá hef ég sett
geislaplötu hans á fóninn og haft af
því mikla ánægju að hlusta á hana.
Þessi geislaplata er í alla staði
þannig úr garði gerð, að hver sá
sem á hana hlustar, hlýtur að hafa
af því ánægju og sálarbót. Ég hvet
því alla þá, sem hafa yndi af söng
fallegra íslenskra ljóða eftir merka
höfunda að fjárfesta í umræddri
plötu. Flutningstími ljóðanna er
samtals 42:06 mínútur og eru þau
16 talsins.
Meðal efnis á plötunni eru lög
eins og „Haustkvöld í skógi“,
Tóndeleyo, Kvöldkyrrð og Unaðs-
bjarta æskutíð, svo eitthvað sé
nefnt.
JÓN Kr. Ólafsson söngvari.
Ég óska Jóni Kr. Ólafssyni,
söngvara á Bíldudal, innilega til
hamingju með þessa ágætu plötu
og vænti þess, að fleirum þyki hún
fýsileg en mér.
SÉRA BRAGI BENEDIKTSSON,
Reykhólum.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.