Morgunblaðið - 27.03.1999, Blaðsíða 28

28 LAUGARDAGUR 27. MARZ 1999
VIÐSKIPTI
MORGUNBLAÐIÐ
Tengsl Viag og
Algroup i óvissu
Frankfurt. Reuters.
HÆTTA leikur á því að ekkert verði
úr 34 milljarða dollara samruna
þýzku fyrirtækjasamsteypunnai- Viag
og Algroup — sem áður hét Alusuisse
— vegna ági'einings um virði fyrir-
tækjanna samkvæmt blaðafréttum.
Aðalframkvæmdastjóri Viag, Wil-
helm Simson, og starfsbróðir hans
hjá Algroup. Sergio Marchionne,
munu koma saman til skyndifundar
til að ræða ástandið samkvæmt netút-
gáfu þýzka viðskiptablaðsins
Wirtschaftswoche,
Fyrirtækin eiga að skiptast á
hlutabréfum og aðallega er deilt um í
hvaða hlutfóllum það skuli gert.
Einnig er hermt að di'egið hafi verið í
efa að iðnaðareignir Viag og Algroup,
sem er bæði málm- og lyfjafyrirtæki,
hæfi hvort öðru.
Gert hefur verið ráð fyrir að Sim-
son verði forstjóri hins sameinaða
fyrirtækis. Fyrirtækin sóttu um sam-
þykki eftirlitsyfírvalda ESB fyrir
viku og í ráði hefur verið að ganga frá
samningi fyrir október.
Bréf í Viag hækkuðu um 20 evrur í
511 evrur í Frankfurt og í Zurich
hækkuðu bréf í Algroup um 16 sviss-
neska franka í 1658 franka.
AUGLÝSING ÞESSI ER EINGÖNGU BIRT ( UPPLÝSINGASKYNI
Vaki fiskeidiskerfi hf.
Hlutafjárútboð og skráning
á Vaxtarlista Verðbréfaþings íslands
Útgefandi
Vaki fiskeldiskerfi hf., kt. 500288-2059, Ármúla 44,108 Reykjavík.
Starfsemi
Tilgangur félagsins, samkvæmt 3. gr. samþykkta, er þróun, framleiðsla
og markaðssetning á tæknibúnaði m.a. fyrir fiskeldi, fiskveiðar, kjúkl-
ingarækt og skyldar greinar sem og tæknibúnaði fyrir umhverfisvöktun
o.fl.
Nafnverð hlutafjár
Heildarhlutafé Vaka fiskeldiskerfa hf. fyrir hlutafjárútboðið er kr.
35.000.000 að nafnverði og er það allt greitt.
Fjárhæð útboðs
Fjárhæð útboðsins er kr. 10.000.000 að nafnverði og er um að ræða
nýtt hlutafé.
Útboðsgengi
Gengi bréfanna verður 4,5 á forkaupsréttartímabili og I almennri
sölu.
Sölutímabil
Sölutímabil er tvískipt:
Forkaupsréttartímabil er frá 31. mars til 14. apríl 1999. Hluthafar
hafa forkaupsrétt í samræmi við hlutafjáreign sína. Félagið sendir
upplýsingar um forkaupsrétt til þeirra hluthafa sem skráðir voru hjá
hluthafaskrá félagsins þann 19. mars 1999. Þeir hluthafar sem ekki
nýta forkaupsréttinn geta framselt hann að hluta eða öllu leyti.
Áskriftareyðublöðum skal skilað til viðskiptastofu íslandsbanka eða
á skrifstofu Vaka fiskeldiskerfa fyrir kl. 16.00 þann 14. apríl.
Almennt sölutímabil er frá 16. apríl til 30. apríl 1999. Þau hlutabréf
sem óseld kunna að verða að loknu forkaupsréttartímabilinu verða
seld á þessu tfmabíli. íslandsbanki hf. mun (upphafi almennrar sölu
tilkynna opinberlega nýtingu forkaupsréttar. í almennri sölu er
lágmarksfjárhæð kr. 10.000 að nafnvirði eða kr. 45.000 að markaðsvirði
á hverja kennitölu. Hlutabréf í almennu útboði skulu staðgreidd við
kaup.
Söluaðilar
Bréfin verða til sölu hjá viðskiptastofu íslandsbanka og VÍB, Kirkjusandi,
155 Reykjavík og í öllum útibúum íslandsbanka hf.
Skráning
Verðbréfaþing (slands hefur samþykkt að skrá öll hlutabréf félagsins
á Vaxtarlista þingsins eftir hlutafjárútboð félagsins. Skráning mun
væntanlega verða í byrjun maí 1999. Niðurstöður hlutafjárútboðs
verða tilkynntar i viðskiptakerfi VÞÍ ásamt upplýsingum um endanlega
skráningardagsetningu.
Útboðs- og skráningarlýsingu og önnur gögn er hægt að nálgast hjá
viðskiptastofu íslandsbanka hf., Kirkjusandi, 155 Reykjavík og öllum
útibúum hans eða hjá Vaka fiskeldiskerfum hf., Ármúla 44, 108
Reykjavik.
JÓN G. Tómasson, formaður stjórnar SPRON, gerir grein fyrir starfsemi sparisjóðsins á aðalfundinum.
Aðalfundur SPRON haldinn í gær
Stofnfé verður
mikið um helming
AUKIN UMSVIF einkenndu síð-
asta ár SPRON að því er kom fram
á aðalfundi, sem haldinn var í gær,
en þrátt fyrir það var afkoman öllu
lakari en árið á undan. A fundinum
var samþykkt að auka stofnfé
sparisjóðsins um helming og rædd-
ar hugsanlegar breytingar á formi
SPRON til að styrkja eiginfjár-
stöðuna enn frekar. Þá urðu þær
breytingar á stjóminni að Ami
Sigfússon var kosinn í stjómina af
Reykjavíkurborg í stað Hildar Pet-
ersen.
12% arður
Fyrir fundinum lá tillaga um
aukningu stofnfjár úr 150 milljón-
um í 300 milljónir og einnig að
hverjum eiganda væri heimiit að
eiga 20 stofnfjárhluti í stað 10 eins
og verið hefur. Þessar tillögur vom
samþykktar samhljóða. Einnig
samþykkti fundurinn að greiða 12%
arð af stofnfjárbréfum sem er það
hámark sem nú er heimilt að greiða.
Guðmundur Hauksson spari-
sjóðsstjóri gerði að umtalsefni
breytt umhverfí fjármálastofnana
á síðustu ámm sem þurfa í auknum
mæli að byggja afkomu sína á öðm
en hefðbundinni bankastarfsemi
svo sem verðbréfaviðskiptum og
afkomu dótturfyrirtækja, en af-
koma dótturfyrirtækja SPRON
var góð á síðasta ári. Þá ræddi
Guðmundur möguleika á að treysta
eiginfjárstöðuna eins og með því að
gefa út B-deildar skírteini, með
sameiningu sparisjóða, eða breyt-
ingu SPRON í hlutafélag, en unnið
hefur verið að sérstakri athugun á
því hvort hlutafélagsformið myndi
henta SPRON.
Breyting á stjóm
Á fundinum var kosin ný stjórn.
Reykjavíkurborg tilnefnir tvo full-
trúa í stjóm, Árna Þór Sigurðsson
og Áma Sigfússon. Sá síðarnefndi
tekur við af Hildi Petersen í stjóm-
inni, en hún hefur setið í stjórninni
í meira en tíu ár. Aðrir í stjórninni,
eða fulltrúar stofnfjárhluta, vom
nánast einróma endurkjörnir en
það em þeir Jón G. Tómasson, sem
verið hefur formaður stjómar,
Hjalti Geir Kristjánsson og Þor-
geir Baldursson. Fundarstjóri á
aðalfundi SPRON var Björn
Bjarnason menntamálaráðherra.
Aukin umsvif
í ræðum sparisjóðsstjóra Guð-
mundar Haukssonar og formanns
stjómar, Jóns G. Tómassonar, kom
fram að SPRON hefur aukið hlut-
deild sína í innlánum um 33,1% en
meðalaukning annarrar banka-
starfsemi var 15,3 %. Þrátt fyrir
aukin umsvif var rekstrarafkoman
lakari á síðasta ári en undanfarin
ár eða 50,6 milljónir eftir skatta. Á
fundinum kom fram að ástæður
lakari útkomu ársins voru sérstak-
lega taldar aukið framlag á af-
skriftarreikning en hann var í árs-
lok tæplega 318 milljónir.
Til marks um aukin umsvif
Sparisjóðsins hefur hann tryggt
sér rétt til byggingar á lóðinni Kr-
inglunni 9. Ekki er þó gert ráð fyr-
ir að hefja byggingarframkvæmdir
fyrr en eftir nokkur ár.
SAMHERJI HF
AÐALFUNDUR1999
Aðalfundur SAMHERJA HF verður haldinn mánudaginn
12. apríl 1999 í NÝJA BÍÓ á Akureyri og hefst kl. 16:00.
Dagskrá:
1. Venjuleg aðalfundarstörf skv. grein 4.04 í
samþykktum félagsins.
2. Tillögur um breytingar á samþykktum félagsins.
3. Tillaga um heimild félagsstjórnar til kaupa
á eigin hlutum skv. 55. gr. laga nr. 2/1995.
4. Önnur mál, löglega upp borin.
Tillögur frá hluthöfum, sem bera á fram á aðalfundi, skulu
vera komnar skriflega í hendur stjórnar eigi síðar en sjö
dögum fyrir aðalfund.
Dagskrá, endanlegar tillögur og reikningar félagsins fyrir
árið 1998 munu liggja frammi á skrifstofu félagsins,
hluthöfum til sýnis, sjö dögum fyrir aðalfund.
Aðgöngumiðar, atkvæðaseðlar og fundargögn ver>a afhent
á skrifstofu félagsins að Glerárgötu 30, Akureyri, 7. - 9.
apríl kl. 10:00 - 12:00 og fundardag til kl. 12:00.
Stjórn Samherja hf.

mbl.is
i
\
I
I
: