Morgunblaðið - 23.05.1999, Page 19

MORGUNBLAÐIÐ
LISTIR
SUNNUDAGUR 23. MAÍ 1999 19
Morgunblaðið/Ásdís
SÖNGKVARTETTINN Rúdolf æfir dagskrá
tónleikanna sem verða á þriðjudag.
Söngkvartettinn Rúd-
olf syngur í Salnum
SÖNGKVARTETTINN Rúdolf
heldur tónleika í Salnum, Tón-
listarhúsi Kópavogs, þriðjudag-
inn 25. maí kl. 20:30.
A efnisskrá eru íslensk og er-
lend lög, bæði klassísk og af
léttara taginu. Á fyrri hluta
tónleikanna verður frumflutt
lagið Frændi þegar fiðlan þegir
eftir Atla Heimi Sveinsson við
ljóð Halldórs Kiljan Laxness í
útsetaingu Skarphéðins Hjart-
arsonar. Einnig verða flutt þijú
lög eftir Benjamin Britten úr
lagaflokknum „Five Flower
Songs“ og ástarvalsar eftir
Johannes Brahms. í völsunum
munu feðginin Marteinn H.
Friðriksson og Þóra Marteins-
dóttir leika undir Ijórhent á
píanó. Seinni hluti tónleikanna
verður að mestu helgaður létt-
ari tónlist. Sungin verða lög eft-
ir Sigfús Halldórsson, Jón Múla
Árnason, Stuðmenn, ABBA o.fl.
Rúdolf, sem þekktastur er
fyrir jólatónlist sína, var stofn-
aður árið 1992 og hefur víða
komið fram, bæði á sjálfstæðum
tónleikum og í útvarpi og sjón-
varpi. Kvartettinn syngur oftast
án undirleiks og eru útsetning-
ar margar gerðar sérstaklega
fyrir hópinn. Rúdolf hefur gefið
út tvo geisladiska: Rúdolf -
jólasöngvar (1995) og Jólavaka
(1997).
Kvartettinn Rúdolf skipa:
Sigrún Þorgeirsdóttir, sópran,
Soffía Stefánsdóttir, alt, Skarp-
héðinn Hjartarson, tenór, og
Þór Ásgeirsson, bassi.
Tákn einskis og alls
AF SÝNINGU Kristjáns Davíðssonar í Galleríi
Sævars Karls í Bankastræti.
MYJVPLIST
(iallerf Sævars Karls
MÁLVERK KRISTJÁN
DAVÍÐSSON
Til 27. maí. Opið alla virka daga
á verslunartíma.
KRISTJÁN Davlðsson gerir það
ekki endasleppt. í Galleríi Sævars
Karls sýnir hann sjö ný málverk
sem öll verðskulda nánari athugun.
Undanfarin ár hefur tvennt verið að
gerast í list Kristjáns, sem segja má
að hafi gjörbreytt henni. Litirnir
hafa verið að þoka fýrir dökku línu-
spili á sama tíma og miðja flatarins
hefur verið að tæmast. Það er eins
og öll atburðarásin hafi verið færð
út til jaðranna. Þeir fáeinu litir sem
eftir standa í málverkum Kristjáns
eru bláir litir og folbrúnir.
Reyndar hangir eldra og lit-
fjörugra málverk eftir Kristján hin-
um megin við þilið á Galleríi Sævars
Karls. Það er stórmerkilegt að
skoða þróunina í Ijósi þess. Án efa
eru margir sem sakna litagleðinnar
og finnst þeir sviknir af þessum
nýja, fólleita stíl. En þegar betur er
að gáð hefur ekkert tapast sem
skiptir sköpum um ágæti listar Kri-
stjáns. Hins vegar virðist margt
koma í ljós sem var dulið í fyrri
verkum málarans.
Til að mynda hefur skapast ákveð-
in hrynjandi í nýju myndunum sem
ekki var eins áberandi í þeim eldri.
Þar dró liturinn til sín alla athygli og
kyrrsetti augun svo þau numu við
ákveðið samspil lita án þess að flökta
um flötinn. I nýju verkunum hvarfl-
ar augað frá einni línu til annarrar
án þess að nema staðar. Um leið
verður til sérkennileg sjónræn vídd
líkt og mörg lög af hvítum blæbrigð-
um hvíldu á fletinum en rifur kæmu í
þessi lög svo sjá mætti sem
snöggvast ofan í hyldýpi hér og hvar.
Raunar minna slíkar sjónhverfingar
æði oft á yfirborð íslenskrar náttúru,
en vfða er eins og landslagið sé sett
saman úr mörgum kyrrlátum lögum
sem öðru hvoru rifna eða rofna svo
skín í ólguna undir þeim.
Þannig vísa þessi verk Kristjáns
fremur til eðlis íslenskrar náttúru
en ákveðinna staðhátta. Fremur en
horfa út eftir yfirborði hennar er
eins og málarinn beini sjónum sín-
um beint ofan á fyrirbærin. Þannig
skoðum við til dæmis hverasvæði.
Það ýtir undir breyttan skilning á
fletinum í hinum nýju verkum að
ekki er eftir snefill af þeim sjón-
deildarhring sem stundum lét á sér
kræla í fyrri myndum málarans. Þá
eykur það á sérkennilegt dýptarspil-
ið á fletinum hve línuteikningin er
loðin og margræð. Það er óhætt að
segja að sá vírtúós sem lengi hefur
búið í Kristjáni blómstri nú klárar
en nokkru sinni fyrr. Nýi stíllinn
sem myndirnar hjá Sævari Karli til-
heyra er hápunkturinn á ferli þessa
gifturíka málara.
Halldór Björn Runólfsson
Bíll ársins 1999
ro
*
...sjáðu framtíðina í focus

brimborg