Morgunblaðið - 27.05.1999, Blaðsíða 6

6 FIMMTUDAGUR 27. MAÍ 1999
MORGUNBLAÐIÐ
FRÉTTIR
Grunnskólar í V esturbyggð
sameinaðir í einn skóla
Fjórar stöður skólastjóra lagðar niður
BÆJARSTJÓRN Vesturbyggðar
samþykkti á fundi sínum í gær að
sameina alla grunnskólana í Vest-
urbyggð í einn skóla, sem nefnast
mun Grunnskóli Vesturbyggðar.
Skólarnir sem hér um ræðir eru
Bíldudalsskóli, Birkimelsskóli, Pat-
reksskóli og Grunnskólinn í Örlygs-
höfn.
Af þessu leiðir að núverandi stöð-
ur skólastjóra við skólana leggjast
af þar sem þeim verður sagt upp
störfum. í þeirra stað verður ráðið í
nýjar stöður deildarstjóra við skól-
ana og nýja stöðu skólastjóra
Grunnskóla Vesturbyggðar.
Markmiðið með skipulagsbreyt-
ingunni er m.a. að einfalda stjórn-
un skólanna og gera hana mark-
vissari með því að hafa hana á
einni hendi. Stofnuð verður sjálf-
stæð skrifstofa þar sem skóla-
stjóri hefur aðsetur. I framtíðinni
verður stefnt að því að slík skrif-
stofa taki yfir þau störf sem
Skólaskrifstofa Vestfjarða hefur
nú með höndum, auk annars.
Að sögn Hauks Más Sigurðar-
sonar, formanns bæjarráðs Vestur-
byggðar, voru breytingarnar
kynntar fyrir viðkomandi skóla-
stjórum og kennurum í fyrradag.
„Auðvitað kom þetta við skóla-
stjórana eins og gefur að skilja,
þetta snertir þá mest, en í kennara-
liðinu var almenn ánægja,“ sagði
Haukur í samtali við Morgunblaðið.
Þar sem tillagan gengur út á að
skólastjórunum verði ságt upp,
hafa þeir möguleika á að sækja um
stöðu skólastjóra Grunnskóla Vest-
urbyggðar eða um stöðu deildar-
stjóra í þeim skólum sem þeir voru
í, eða öðrum skólum eftir atvikum,
óski þeir eftir að færa sig til.
Erum að reyna að ná
sparnaði í yfirstjórninni
„Við erum með þessum aðgerðum
að reyna að ná spamaði í yfirstjórn-
inni, meiri yfirsýn yfir rekstur skól-
anna og faglegri samvinnu sem hef-
ur ekki verið til staðar. Við erum
með alltof dýran rekstur á skólun-
um, tæplega 50% af tekjum sveitar-
félagsins, eða 95-100 miHjónir á ári.
Þarna má taka virkilega á með sam-
eiginlegum innkaupum, sameigin-
legum ráðningum, frekari hagræð-
ingu í starfsmannahaldi og síðast en
ekki síst að það verði samræmd fag-
leg skólastjórnun í öllu sveitarfélag-
inu. Þai-na er fyrst og fremst um að
ræða varnaraðgerð í þeirri fjár-
hagslegu stöðu sem við erum í, til
þess að geta haldið úti þessum fjór-
um skólum til framtíðar.
Við viljum frekar hagræða með
þessum hætti en standa í flutning-
um á skólabörnum yfir erfiða fjall-
vegi að vetrarlagi, sem var einn
kostur í stöðunni en kom aldrei til
álita af okkar hálfu.“
I Grunnskóla Vesturbyggðar
verða 215 nemendur með um 35
kennara auk annars starfsliðs.
Flóttamenn
frá Kosovo
komnir til
Dalvíkur
TUTTUGU og þrír flóttamenn frá
Kosovo komu síðdegis í gær til
Dalvíkur. Flóttafólkið kom með
rútu frá Eiðum þar sem það hefur
dvalið siðustu tvær vikur.
Ungir sem aldnir Dalvíkingar
söfnuðust saman við Víkurröst þar
sem móttaka flóttamannanna fór
fram. Þar voru einnig bæjarfull-
trúar Dalvíkurbyggðar, bæjar-
stjóri, fulltrúar flóttamannaráðs
og félagsmálaráðuneytis, fulltrúar
úr stjórn Dalvíkurdeildar Rauða
kross Islands og fulltrúi frá Rauða
krossi Islands sem og stuðnings-
fjölskyldur flóttafólksins.
Rögnvaldur Skíði Friðbjörns-
son, bæjarstjóri Dalvíkurbyggðar,
bauð flóttafólkið velkomið. Hann
kvaðst vona að það myndi njóta
þess að dvelja í Dalvíkurbyggð og
eiga þar ánægjustundir. „Við ger-
um okkur vel grein fyrir því að
samfélag okkar er ólíkt ykkar
heimabyggð og við vitum af þeim
erfiðu aðstæðum sem þar eru, en
vonum að hér muni ykkur líða vel.
Við munum leggja okkur fram um
að svo megi verða,“ sagði bæjar-
stjóri.
Árni Gunnarsson, formaður
flóttamannaráðs, færði fyrir hönd
félagsmálaráðuneytis fram þakk-
læti til íbúa bygðarlagsins fyrir að
bregðast skjótt við, en þeir hefðu á
skömmum tíma leyst verkefnið
vegna móttöku flóttamannanna af
hendi. Kvaðst hann sannfærður
Morgunblaðið/Kristj án
HEIMAMENN heilsa flóttafólkinu í Víkurröst á Dalvík, en þar fór móttaka þeirra fram síðdegis í gær.
um að nýbúunum myndi líða vel í
nýjum heimkynnum. Vegna hins
skamma tíma sem var til undir-
búnings komu fólksins hefur mikil
vinna mætt á velviljuðum og óeig-
ingjörnum sjálfboðaliðum úr röð-
um íbúa og voru þeim færðar
þakkir.
Islenskunám í sumar
Eftir málsverð í Víkurröst af-
henti bæjarstjóri nýju íbúunum
lykla að íbúðum sfnum og var að
því búnu haldið heim á Ieið. Næstu
daga er ráðgert að fara í skoðun-
ar- og kynnisferðir um sveitarfé-
lagið, í stofnanir og fyrirtæki, og í
næstu viku verður sumarskóli sem
starfræktur verður við Dalvíkur-
skóla kynntur, en íslenskukennsla
hefst þar 2. júní næstkomandi.
ARDITA Krasniqi, tæplega tveggja ára, er yngst í hópi flóttafólksins
sem kom til Dalvíkurbyggðar í gær, en Andri Viðar tók vel á móti
henni. Bróðir hennar, Gzim, sem er rétt að verða 7 ára, fylgist með.
Borgarstjóri um
kröfur kennara
Er búin að
gera það sem
hægt er
„ÉG LÍT ekki svo á að Reykjavík-
urborg sé í kjarasamningaviðræð-
um við kennara en við erum búin að
sjá til þess að borgin getur með
aukafjárveitingu greitt fyrir
ákveðna aukavinnu kennara," sagði
Ingibjörg Sólrún Gísladóttir borg-
arstjóri er hún var innt álits á þeirri
skoðun kennara sem fram kom í
Morgunblaðinu í gær að þeir væntu
tilboðs frá borginni ef takast ætti að
fá þá til að falla frá uppsögnum.
„Kennarar hafa bent á að til þess
að geta sinnt tilteknum störfum í
skólunum þurfi að greiða fyrir það
aukalega sem verður þá gert í formi
aukavinnu,“ sagði borgarstjóri enn-
fremur. Samþykkt var 170 milljóna
króna aukafjárveiting í borgarráði
síðastliðinn þriðjudag til að mæta
útgjöldum vegna nýrra starfshátta.
,Að því leytinu til hafa kennarar
náð ákveðnum árangri en þetta eru
engar samningaviðræður og við er-
um að gera ráð fyrir því að greiða
fyrir tiltekna vinnu en ekki yfir-
borgun. Ég tel að borgin sé búin að
gera það sem hún getur gert í þess-
ari stöðu og þykir miður ef það dug-
ar ekki til þess að kennarar aftur-
kalli uppsagnir sínar og vil hvetja
þá til að skoða hug sinn vandlega í
þessum efnum.“
----------------
Þjófnaðir á
töskum úr inn-
kaupakerrum
UNDANFARIÐ hefur talsvert bor-
ið á því að töskum hefur verið stolið
úr innkaupakerrum og körfum í
matvöruverslunum á höfuðborgar-
svæðinu.
Af þessu tilefni hefur lögreglan í
Reykjavík sent frá sér áskorun til
fólks að gæta varúðar og skilja ekki
eftir töskur eða veski í innkaupa-
kerrum eða körfum nema að alltaf
sé fylgst með þeim, enda taki ekki
nema fáar sekúndur að grípa veski
úr innkaupakerru.
„Það er mjög algengt að fólk
leggi frá sér töskur sínar eða veski í
innkaupakerrur og það skilur
stundum kerrumar eftir meðan far-
ið er til að sækja einhverja vöru. Þá
gefst óprúttnum mönnum tækifæri
til að grípa veskið eða töskuna úr
kerrunni. Starfsfólk í verslunum
hefur reynt að hafa auga með þessu
en það er mjög takmarkað eftirlit
sem það getur haft, sérstaklega á
annatímum þegar margt fólk er í
verslunum," segir í tilkynningu frá
lögreglunni.
Símvirki hætt kominn í pósthúsinu á Raufarhöfn
Fékk í sig rafstraum
SÍMVIRKI slasaðist þegar hann
fékk mikinn rafstraum í sig þar
sem hann vann að viðgerð á sendi í
pósthúsinu á Raufarhöfn í fyrra-
dag. Þykir mikil mildi að maðurinn
sleit ósjálfrátt í sundur leiðslu um
leið og hann fékk rafhöggið og
varð því fyrir raflosti í skemmri
tíma en ella hefði orðið.
Heyrði hvell
Símvirkinn, sem er frá Húsavík,
vann að viðgerð á sendi í pósthús-
inu á Raufarhöfn. Helga Bjarna-
dóttir, starfsmaður í pósthúsinu,
varð vitni að slysinu. Hún segir að
maðurinn, sem er á miðjum aldri,
hafi verið við vinnu sína milli 16 og
16.30 í fyrradag inn af afgreiðsl-
unni. Hún heyrði hvell og athugaði
hverju sætti. Sá hún þá manninn
falla í gólfíð.
„Það liðu nokkrar mínútur áður
en ég náði sambandi við hann. Ég
hafði rétt fengið hann til að svara
mér þegar hjúkrunarkona og
læknir komu á staðinn. Hann
þekkti mig þó ekki. Það vildi svo
vel til að afleysingalæknir á Rauf-
arhöfn var nýkominn frá Kópa-
skeri, hann skoðaði manninn og
var síðan farið með hann á heilsu-
gæslustöðina þar sem gert var að
sárum hans,“ sagði Helga.
Hálftíma eftir slysið var maður-
inn farinn að muna eftir atvikum
fyrir og eftir það. Helga segir að
maðurinn sé þaulvanur símvirki
sem hafi oft unnið að verkefnum í
pósthúsinu. Ekki er vitað hvað olli
því að maðurinn fékk rafstraum.
Símvii-kjar voru sendir frá Reykja-
vík til að ljúka viðgerðunum.
Sleit vír ósjálfrátt
„Mér skilst að í þessum kassa sé
3.000 volta spenna. Þegar hann
fékk hnykkinn á sig varð honum
svo bilt við að hann sleit einhvei’n
vír og um leið sló út rafmagninu og
hann losnaði strax frá kassanum.
Ég held að það hafi orðið honum
til happs,“ sagði Helga.
Maðurinn fékk brunasár í annan
lófann og á upphandlegg. I gær-
morgun var maðurinn við betri
heilsu, en þó ennþá talsvert eftir sig.